Mahat Torali

Бүгін @sk.sattarkhanov спорт кешенімізге Қазақстан Республикасының Президенті Қасым-Жомарт Тоқаев жұмыс сапарымен келіп, нысан қызметімен танысты.
Мемлекет басшысы кешеннің заманауи деңгейін жоғары бағалап, бұл спорт инфрақұрылымын дамыту жолындағы маңызды қадам екенін атап өтті.
Қазіргі таңда кешенімізде 1200 адам тұрақты түрде спортпен шұғылданады. Барлық стандарттарға сай жабдықталған нысанымызда түрлі спорттық үйірмелер бар.
Президентіміздің бұл сапары мен еңбегімізге берген жоғары бағасы - біз үшін зор мәртебе, әрі үлкен жауапкершілік. Спорт, білім және рухани тәрбиеге салынған әр инвестиция - ел болашағына салынған берік іргетас деп білемін.
@beles.holding-тің негізгі құндылықтары еңбекқорлық және сапамен ғана шектелмейді. Еліміздің әлеуметтік дамуына үлес қосуды мақсат еткен біздің ортақ міндетіміз - жас қазақстандықтардың бойына дұрыс құндылықтарды сіңіру, білім мен салауатты өмір салтын дәріптеу.
Ұлт мақтанышы, ер Бекзаттың есімі берілген кешен - болашақ чемпиондарға жол ашатын, салауатты ұрпақ тәрбиелеуге арналған жоба.
Осы жобаны жүзеге асыруға атсалысқан құрылысшыларға, серіктестер мен жаттықтырушыларға және барша жанашыр жандарға алғыс айтамын.
Бірге үлкен іс атқаруды жалғастырамыз, алда - жаңа белестер тұр.