Expedition Archive

'напачатку было жаданне'
экспедыцыя №1
дата: панядзелак 9 сакавіка 2026
удзельнікі: Віялета / Лёша

За дзень да першай экспедыцыі я і Лёша сядзелі на лаўцы. Перад намі плот, потым ров, у ім жалезная дарога, потым плот, потым таямнічая тэрыторыя.
Там стаялі: печка мангал, драўляная альтанка, кілька лавак, пчаліныя вульі і дрэўцы. Людзей мы ніколі там і не бачылі.
І з'явілася жаданне туды патрапіць. Я абвесціла Лёшы, што заўтра мы пойдзем у экспедыцыю! Каб даведацца, што там і ці даступна гэта нам.
Гэта сэнс экспедыцыі для мяне: пайсці ў невядомае, каб праверыць.
Мы выправіліся.
Гэта прыўкраснае месца, яшчэ і з полем для гульні в петанг, але! на тэрыторыі бізнэс парку, што??
Тут спакойна і ціха. Толькі цягнікі час ад часу носяцца. А людзі з таго боку глядзяць і дзівяцца: як гэта яны туды забраліся?

Прайшоўшы ў бок,
убачыш праход
зялены калідор
ціха проідзеш па ім
з адчуваннем
што можа нельга?
тут быць і хадзіць
і выйдзеш да плота
а ў плоце праход!
нейкі сілач пруты
раздвінуў
мы не прайшлі далей
я была на ровары

Я тады забыла тэлефон. А ўвогуле вырашыла зрабіць гэтае месца сакрэтам, пра які ведаюць выключна ўдзельнікі экспедыцыі №1.