ആകർഷ് വട്ടക്കയം

കണ്ണൂരിന്റെ മലയോര മണ്ണിലേക്ക് ഭക്തിയുടെ രാപ്പകലുകൾ സമ്മാനിച്ച് കൊട്ടിയൂർ വൈശാഖ മഹോത്സവത്തിന് തുടക്കമാവുന്നു. ദക്ഷയാഗ ഭൂമിയാണ് കൊട്ടിയൂർ എന്നാണ് വിശ്വാസം. ഭഗവാൻ പരമശിവനെ അപമാനിക്കാനായി സതിയുടെ പിതാവായ ദക്ഷൻ ഇവിടെ ഒരു വലിയ യാഗം നടത്തി. ഇതിൽ മനംനൊന്ത് സതീദേവി യാഗാഗ്നിയിൽ ആത്മാഹുതി ചെയ്തു. കോപാകുലനായ ശിവൻ തന്റെ ജട പറിച്ചെറിഞ്ഞ് വീരഭദ്രനെ സൃഷ്ടിക്കുകയും ദക്ഷന്റെ ശിരസ്സറുത്ത് യാഗം മുടക്കുകയും ചെയ്തു. പിന്നീട് ശാന്തനായ ഭഗവാൻ സ്വയംഭൂവായി ലിംഗരൂപത്തിൽ ഇവിടെ കുടികൊണ്ടു എന്നാണ് ഐതീഹ്യംബാവലിപ്പുഴയുടെ ഇരുരകരകളിലുമായി ‘ഇക്കരെ കൊട്ടിയൂരും’ ‘അക്കരെ കൊട്ടിയൂരും’ സ്ഥിതി ചെയ്യുന്നു. വൈശാഖ ഉത്സവത്തിന്റെ 28 ദിവസങ്ങളിൽ മാത്രമാണ് കാട്ടിലെ അക്കരെ കൊട്ടിയൂർ ക്ഷേത്രം തുറക്കുക. ബാക്കി ദിവസങ്ങളിൽ അവിടെ മനുഷ്യർക്ക് പ്രവേശനമില്ല, ദേവന്മാരാണ് പൂജ നടത്തുന്നത് എന്നാണ് വിശ്വാസം.🌿🌾♥️

#kottiyoor_temple🕉️ #kannur #karnataka #dakshinakashi #mahadev