𝓚𝓾𝓷𝓷𝓮𝔂

*_Кырдалга сибэкки, от-мас ыһыаҕа,_*
*_Кыталык түөһүнэн туолбут матаҕа,_*
*_Кыргыттарга кэрэ, сүүмэх ытарҕа,_*
*_Кырдьык да, сиппит аар айылҕа_.*
Ыһыах сарсыҥҥы күнүгэр Анфиса Петровна Кривошапкина арыалдьыттаах бачча кэлэн баран, "уонна хаһан" диэн санаанан салайтаран, Индигир эбэни, очуос таас хайалары илэ харахпытынан көрөн, мэктиэтигэр тылбыттан матан ылбытым, дьикти турукка куустарбытым. Ол сырыттахпытына эмискэ Төрүт олохтооҕо Виталий Семёнович Атласов бэлэх курдук тиийэн кэлэн, биһигини Индигир эбэ устун мотуорканан хатааһылатан, умнуллубат күннэрбитин өссө төгүл киэргэппитэ. Сахабыт сирэ хайдах курдук кэрэ айылҕалааҕын бу түгэн толору туоһулуур, биһиэхэ үйэ-саас тухары кэрэ өйдөбүл буолан, сүрэхпитигэр сөҥө сылдьыаҕа. Аар айылҕалыын толору дуоһуйа алтыһан, көрбөтөхпүтүн көрөн, билбэтэхпитин билэн, бу күн киэһэ Тарас Аркадьевич Десяткин сылаас олбохтоох массыынатынан Дьоллоох Дьокуускай куораппытыгар айаннаан, этэҥҥэ дойдубутун булбуппут.