𝓚𝓾𝓷𝓷𝓮𝔂

Үлэттэн быыс булан, Еланкабыт кэрэ-мааны айылҕатыгар сынньанан, Элиэнэ эбэбитигэр сөтүөлээн, кутаа тула олорон онно буспут минньигэс аһы аһаан, ыллаан-туойан, ирэ-хоро кэпсэтэн, оннооҕор аһаҕас халлаан анныгар үҥкүүлээн, бары даҕаны күүс-уох бөҕө эбиннибит, куттуун-сүрдүүн ырааһырдыбыт, дууһалыын чэпчээтибит, бэйэ-бэйэбитин ыкса билистибит, бу сайын биир умнуллубат кэрэ түгэнин бэлэх оҥоһуннубут.

Түгэнинэн туһанан, бу дьиэ хаһаайыныгар Егор Гаврильевичка, бука бары доҕотторбор, тэҥҥэ үлэлэспит дьоҥҥо, суоппарбытыгар Николай Фёдоровичка, төрөөбүт күммүн санаан соһуччу бэлэх оҥорбут доҕотторбор ис сүрэхпиттэн махталым маанытын, баһыыбам бастыҥын тиэрдэбин.
Аар Айылҕалыын алтыһыаҕыҥ, киэҥ куйаардыын кэпсэтиэҕиҥ, үрүҥ күнтэн күүстэ-уохта ыла туруоҕуҥ, улуу эбэлэрбититтэн сайҕаныаҕыҥ, ытык хайаҕа дабайыаҕыҥ, айыыларбытыттан көрдөһүөҕүҥ, бэйэ-бэйэҕэ үтүө сыһыанынан дьайсыаҕыҥ, этэҥҥэ сылдьыаҕыҥ, доруобай, дьоллоох буолуоҕуҥ!

*Күннүүн сырдыы мичилийэ тыгаммыт,*
*Күндү-мааны доҕоттордуун тылламмыт,*
*Күүстээх үлэни сынньалаҥныын тыыраммыт,*
*Кустук өҥнөөх Еланкабытын таптыыбыт.*

*_Махталы кытта Саргын кыыһа Уран Күннэй_*