ليش صارت الناس تشبه بعض لهالدرجة؟
نفس الأماكن،
نفس الماركات،
نفس وجهات السفر،
نفس الصور،
نفس لستة المطاعم
حتى نفس الأحلام أحيانًا !!
وكأننا نعيش حياة جاهزة…قالب
اختاره لنا الآخرين ( مشاهير السوشيال وغيرهم )
للأسف صار شئ محزن ومفروض على الناس
وين الفردية وين الانتقاء وين الذوق الشخصي؟
أنا شخصياً ما أحب الشيء لأنه معروف او مشهور..
أنا اقدره واحبه لأنه يشبهني 😌
هل فكرت مرّة بهذة الطريقة؟
أعتقد أن أجمل شيء ممكن توصل له مع العمر…
إنك ما تعود تسأل:
«شنو يحبون؟»
تسأل نفسك:
«أنا شنو أحب؟» 🤍
للتنويه ترى انا من صغري وأنا عندي مشكلة مع الإجماع، وسياسة القطيع
إذا الكل يحب ماركة مشهورة…
ابتعد عنها …
إذا مكان صار «لازم تروحين له»…
أشيله من لستة السفر فورًا
إذا الكل يمدح نفس الشي…
أبدأ أسأل نفسي:
شنو اللي شافوه في هالشي ؟
مو لأني أحب أكون مختلفة لمجرد الاختلاف…
لكن لأني دائمًا أحب أكتشف ذوقي أنا، مو ذوق العموم
القى راحتي الحقيقيه فيه ، مو علشانهم.
يمكن لهذا السبب اليوم أستغرب!
لأن بدا الموضوع يزيد عن حدة
واقول "للمختلفين "
لأننا صرنا قلٌة للأسف…
اموركم طيبة، لا تتضايقون ، استمروا بالاستمتاع ولا تهزكم سياسة السوشيال ميديا المخيفة
وانتو شنو نظرتكم لهذا الموضوع؟
لأن السالفة صارت توو متش والجيل الجديد اعتقد راح يعاني ويفقد التفرد بالذوق او يمكن يفقد الثقة بالنفس !
رأيكم؟
#هدى_المدلج
a month agothe.meem.70
دايما كنت فردية في اختياراتي لأنه ابي راحة نفسي وذوقي وللاسف تييني وحدة تقولي وييه وينج انتي عن العالم هابين بالديرة الفلانية وانتي رايحه للديرة هذي ماتدرين عن الناس شنو هابين فيه وطبعا انا ادري لأنه عايشه معاهم ،، ونفس الشي ونفس الكلام والاسلوب عن للملابس والجناط وعن كل شي ببساطة انا لي اختياراتي وذوقي والناس ينتقدوني بس بالمقابل انا طبيعتي اتقبل الرأي الآخر واحترمهم وابدا ما اعاملهم بنفس طريقتهم وما اقولهم شئ افضل اسكت ولكن مازلت مع اختياراتي وذوقي لأنه هالشي ألقى راحتي فيه
2 months agonoalbannay
أتفق معاج جدًا 🤍 السوشيال ميديا عرّفتنا على أشياء وايد، بس بنفس الوقت خلت الناس تنسى تسال نفسها : أنا فعلًا شنو أحب؟ مو كل مشهور لازم يعجبني، ومو كل ترند لازم أمشي وراه… الأجمل إن اختياراتي تشبهني أنا
2 months agozainab1970
سبحان الله. الكل يسالني سافرتي بالصبف ما كان عندي رغبه للسفر. الحين عرفت ليش ما كنت ابي اسافر 😩 الكلام اللي قلتيه اهو الخلفيه اللي كنت مو عارفه سببها. كل كلمه كتبتيها وكل احساس وصفتيه بالفعل حطيتي النقط على الحروف. شكرا انج ترجمتي شي في نفسي ما كنت عارفه ترجمته ❤️❤️ وكالعاده مميزه بطرحج
2 months agoabrar_alsayedhashem
أحسنت الطرح أستاذة هدى وأتفق معاج فعلا الانسان في هذا الزمن فقد الذائقة الشخصية اللي تميزة وتعبر عنه وتبع سياسة القطيع حتى دون أن يشعر واللي يكافح هالأمر كأنه يسبح عكس التيار يلقى مقاومة وصعوبة لكن النتيجة اللي يحصل عليها تسوى ويلقى نفسه الحقيقية بالنهاية. شكرااا لفكرج الراقي🌷
More posts
