P Jayarajan

ബിജെപിയെയും സംഘപരിവാറിനെയും ആശയപരമായും രാഷ്ട്രീയമായും എതിർക്കുന്ന പ്രതിപക്ഷ നേതാക്കളെ നേർക്കുനേർ രാഷ്ട്രീയമായി നേരിടാൻ ത്രാണിയില്ലാത്തവർ, അധികാരത്തിന്റെ ആയുധങ്ങളുയോഗിച്ച് അന്വേഷണ ഏജൻസികളെ വേട്ട നായ്ക്കളെപ്പോലെ അഴിച്ചുവിടുന്ന കാഴ്ച രാജ്യം മുഴുവൻ കാണുന്നുണ്ട്.
സുപ്രീം കോടതി തന്നെ പലപ്പോഴായി കേന്ദ്ര ഏജൻസികളുടെ രാഷ്ട്രീയ പക്ഷപാതത്തെയും അനാവശ്യ തിടുക്കത്തെയും നിശിതമായി വിമർശിച്ചിട്ടുള്ളതാണ്. "കൂട്ടിലടച്ച തത്ത" എന്ന പഴയ പരമോന്നത കോടതി പരാമർശം മുതൽ, അന്വേഷണ ഏജൻസികൾ രാഷ്ട്രീയ യജമാനന്മാരുടെ ചരടുവലികൾക്ക് അനുസരിച്ച് പ്രതിപക്ഷത്തെ മാത്രം ലക്ഷ്യമിട്ട് പ്രവർത്തിക്കരുതെന്നതടക്കമുള്ള വിധിന്യായങ്ങൾ സുപ്രീം കോടതിയുടെ ചരിത്രത്തിലുണ്ട്. എന്നിട്ടും ഭരണകൂട ഭീകരതയുടെ ആയുധമായി ഇ.ഡിയും മറ്റ് ഏജൻസികളും പ്രതിപക്ഷ നേതാക്കൾക്ക് നേരെ തിരിയുന്നത് ജനാധിപത്യത്തോടുള്ള വെല്ലുവിളിയാണ്.
ഇതിന്റെ തുടർച്ച തന്നെയാണ് കേരളത്തിലും കാണുന്നത്.
ഹൈക്കോടതിയിൽ നിന്ന് വന്നിട്ടുള്ള ഒരു ഉത്തരവിന്റെ പേരിൽ വിദ്വേഷത്തിന്റെ ഉറഞ്ഞുതുള്ളൽ നടത്തുന്നവർ ഈ ഗൂഢപദ്ധതിക്ക് പിന്നിൽ ചരടുവലിക്കുന്ന മുഖങ്ങളെ കേരളീയ പൊതുസമൂഹത്തിന് നന്നായി അറിയാം എന്നോർക്കണം.
അത്തരത്തിൽ ഒരു മുഖമാണ് കോടതിയിൽ ഹർജിയുമായി എത്തിയ കെ.എം. ഷാജഹാൻ. മഹാഭാരത യുദ്ധത്തിലെ കുപ്രസിദ്ധമായ ആ ഗൂഢതന്ത്രമുണ്ട്; ഭീഷ്മരെ നേർക്കുനേർ നേരിട്ട് വീഴ്ത്താൻ കഴിയില്ലെന്ന് തിരിച്ചറിഞ്ഞപ്പോൾ ശിഖണ്ഡിയെ മുന്നിൽ നിർത്തി, ആ മറവിൽ നിന്ന് അർജുനൻ അമ്പെയ്തു വീഴ്ത്തിയ കുടില തന്ത്രം! ഇവിടെയും അത്തരമൊരു രാഷ്ട്രീയ 'ശിഖണ്ഡി' മാത്രമാണ് ഷാജഹാൻ. പിന്നിലിരിക്കുന്ന രാഷ്ട്രീയ യജമാനന്മാർക്ക് നേരെ നിന്ന് പൊരുതാൻ ഭയമായതുകൊണ്ട് മുന്നിൽ നിർത്തിയിരിക്കുന്ന ഒരു കവചം മാത്രം. പക്ഷേ ഒടുവിൽ ആ ശിഖണ്ഡിക്ക് എന്താണ് സംഭവിച്ചതെന്ന് പുരാണം ഓർമ്മിപ്പിക്കുന്നുണ്ട്; യുദ്ധം കഴിഞ്ഞപ്പോൾ കൂടെ നിൽക്കാൻ ആരും ഉണ്ടായിരുന്നില്ല, തങ്ങളെ ജയിപ്പിക്കാൻ ശിഖണ്ഡിയെ ഒരു ആയുധമായി ഉപയോഗിച്ച പാണ്ഡവർ പോലും പിന്നീട് തിരിഞ്ഞു നോക്കിയില്ല എന്നതാണത്! കഴിഞ്ഞ കാൽനൂറ്റാണ്ടിലേറെയായി, സഖാവ് പിണറായി വിജയനെ തകർക്കുക എന്ന ഒരൊറ്റ അജണ്ടയുമായി ലാവലിൻ കേസും ചുമന്ന് നടന്ന ഈ വ്യക്തിയുടേത് അഴിമതിവിരുദ്ധ പോരാട്ടമല്ല, മറിച്ച് അന്ധമായ സിപിഐ(എം) വിരോധത്തിൻ്റെ ഹിസ്‌റ്റീരയയാണ്. ഷാജഹാന്റെ സഞ്ചാരവഴികളും അദ്ദേഹത്തിന് ഊർജ്ജവും രേഖകളും നൽകുന്ന തിരശ്ശീലയ്ക്ക് പിന്നിലെ രാഷ്ട്രീയ കേന്ദ്രങ്ങളും ഏതാണെന്ന് ആർക്കാണ് അറിയാത്തത്? മാധ്യമങ്ങൾ ആ വഴികളിലേക്ക് ക്യാമറ തിരിച്ചാൽ വലിയൊരു രാഷ്ട്രീയ നെറികേടിൻ്റെയും അരുതായ്മകളുടെയും തിരക്കഥയാണ് തെളിയുക.
ബാക്കി കമന്റിൽ 👇