Institut für niederdeutsche Sprache e.V.

Vör en paar Weken hebb ik mit @benita_brunnert snackt. Dor hebbt wi denn faststellt, dat wi beide ja ok in Hamborg bi de Bökermess sünd (ji kriggt bald noch mehr Infos dorto). Un dorüm stellt wi hüüt vör: "Hanna un de Hummel" 🥳

In dat Book lehrt Hanna Hamborg kennen. Se draapt bannig veel Lüüd ut Hamborg soas de Hummel un de Zitroonjette, aver kiekt sik denn ok to'n Bispeel dat Komponistenquarteer an (dat seht ji in'n Achtergrund). Wenn ji dat nich allens lesen wüllt, kien Probleem 😉 In dat Book gifft dat de Tour ok as Höörspeel, achtern is de CD dorbi).

Un nu dat Beste: an'n 7. un 8. November finnt ja de Plattdüütsche Bökermess in Hamborg statt. Üm 13.30, 14.30 un 15.30 (an beide Daag) maakt Benita en lütten Spazeergang mit us, soas in Hanna un de Hummel. Natürlich op Platt 😄 Dat duert so bummelig en halve Stünn, köst nix un ji mööt blots op Tiet bi de Carl-Toepfer-Stiften sien.

Wi freut us op jo! 😊

För all Lüüd de sik dat Book mal ankieken wüllt: dat Book is bi de @amiguitosverlag rutkamen un köst 19.90€. De ISBN is: 978-3-943079-95-1. De Lenk dorto finnt ji in de Story un later denn in't Highlight "Schmökern" 📚