Shop Point

轉眼仲有兩個月又到新嘅一年，今年嘅轉變，比想像中要大。

好感恩見到多咗新面孔幫襯我哋，客量增長比往年多，感激大家嘅支持同信任。
對我地黎講，經營呢間小小嘅隱世雜貨鋪，除咗要做好本分、提供更好嘅服務同購物體驗之外，我地一直都好希望可以利用小店呢個微薄嘅平台，帶多一點關心同溫暖比身邊嘅人、社區，甚至係小動物。

呢一年入面，好幸運可以同唔同有心人合作：
✨ 年頭有幸派發 Gulu Illustration 同草止合作嘅年曆卡同揮春
🐾 收到有心人提供關注小動物嘅書籤同貼紙
📖 擺放社區年青人用心製作嘅《後浪》雜誌
💌 到最近再收到一啲鼓勵人心嘅小卡仔…

每一次將呢啲小物遞到大家手上，都希望可以藉着呢啲小小嘅行動，令大家喺忙碌嘅日常入面，感受到一點點被關心嘅溫暖，亦可以對社區同身邊嘅人事物多一份關注。

未來我地會繼續做好呢間可以令大家買得滿足、便利，又覺得溫暖嘅小店。多謝大家一路以黎嘅陪伴。❤️

#小店日常 #隱世雜貨店 #社區關懷 #後浪 #溫暖小店 #香港小店 #香港人加油