Nello Napolano

“Me vulesse addurmi’ pe’ duje mise
dint’e bbraccia ‘e n’ammore perduto
ce scetasse ll’addore de’ rrose
quanne tutt’o sperpetuo è fernuto.
E sunna’ ca’ stu munno è cagnato
e nun contano sule ‘e denari
‘ns’acciressero chiù frate e frate
ns’agghiuttesse nennille stu mare.
Me vulesse addurmi’ all’intrasatte
comme quanne aspettavo ‘a befana
core allero ‘e criaturo ca’ sbatte
chiagne ‘e gioia pensanne a dimane
e dimane sarrà comme allora
ce scetamme e truvammo ‘e pazzielle
turnarra’ doce ‘o munno lla’ fore
turnarranno ‘e parole chiù belle”

#photo #photography #napolidavivere #picoftheday #pic