JOQ Albania

Agron Jemini, i njohur ndryshe si “Agroni i Flamurit”, është larguar mbrëmjen e sotme nga disa persona civilë pranë Piramidës së Tiranës, në një episod që ngre pikëpyetje për arsyen e ndërhyrjes ndaj tij.

Në pamjet e mbërritura në redaksinë e JOQ Albania, Agroni shihet pranë mbajtëseve të biçikletave, kur disa civilë i afrohen, e marrin me vete dhe largohen së bashku me të, duke marrë edhe flamurin kuqezi që ai mban vazhdimisht në protestat kundër qeverisë.

Por çfarë ka bërë Agroni? Për muaj të tërë, ai është shfaqur në protestat në kryeqytet me flamurin shqiptar në duar, duke u kthyer në një nga figurat më të dallueshme të tubimeve. Prania e tij e vazhdueshme dhe këmbëngulja për të qëndruar në shesh e kanë bërë të njohur për publikun.

Tashmë, pamjet e kësaj mbrëmjeje shtrojnë një pyetje të thjeshtë: përse po largohet Agroni dhe mbi ç'bazë po veprojnë këta civilë?