Instagram story viewer> @aboujaoudehoda> Posts

Hoda Abou Jaoude

@aboujaoudehoda

6.3K

followers

8922

following

Twitter: AbouJaoudeHoda
Facebook:
حيل الست هدى سفرة الست هدى
Instagram: @aboujaoudehoda
@soufritelsithoda
You tube : Hoda Abou Jaoude

POSTS STORIES REELS

أحد مبارك.. اليوم عيد جميع القديسين لازم نرفع صلاتنا إلى الربّ والقديسين جميعاً ... طالبين منه عجيبة تُطفئ نار الغضب والحقد بين البشر وتُبعد الأذى عن الشعوب...
تعطي العافية لكل مريض...
وتُليّن قلوب المسؤولين في العالم
يا رب...
ازرع المحبّة والضمير حيث الكراهية...
والرحمة والرجاء حيث القسوة...
وأشرق بنور سلامك على العالم أجمع.... آمين....🙏🕊️
#ترحم_أمواتنا by @aboujaoudehoda

نهار الثلثاء 27 تشرين الأول ...
نهار إستثنائي مليء بالإنسانية والمحبة والتعلّم ذكرنّا إنو إنقاذ الحياة رسالة بتجمعنا كلنا
بدعوة كريمة وتنظيم وإشراف مميز من السيدة المعطائة روزي بولس
في مركز التدريب التابع للصليب الأحمر اللبناني في جونية ...كان اللقاء بحضور السيدة جانيت هيكل عقيلة قائد الجيش اللبناني....
الى جانب عدد كبير من السيدات
الراقيات...
تخلّل النهار استقبال وضيافة...وغداء قبل الانتقال إلى قاعة المحاضرات حيث كان كلمة مسجلّة للأمين العام للصليب الأحمر اللبناني... السيد جورج كتّانة ... كلمة عبّرت عن روح المؤسسة ورسالتها الإنسانية ...
وبكلمات من القلب شكرت السيدة روزي بولس الأمين العام للصليب الأحمر جورج كتانة لعطاءاته وتفانيه في خدمة الإنسانية
ثم انتقلنا جميعاً الى البدء بدورة الإسعافات الأولية التي قدّمها فريق من المدرّبين والمدرّبات في الصليب الأحمر اللبناني...والذين شاركونا معلومات أساسية حول كيفية تقديم الإسعافات الأولية
كان تدريباً غنيّاً بالمعرفة والخبرات
إن الإسعافات الأولية ليست مجرّد معلومة بل مسؤولية إنسانية قد تكون يوماً سبباً في إنقاذ حياة إنسان...
كل الشكر والتقدير من القلب للمدرّبين والمدرّبات في الصليب الأحمر اللبناني والسيدة روزي بولس على وقتهم وجهودهم وصبرهم وعلى كل ما قدّموه لنا بكل محبّة وإخلاص...
وأختُتم النهار بتوزيع شهادات الإسعافات الأولية والهدايا التذكارية في أجواء جميلة تركت في نفوسنا الكثير من المحبة
ما تنسوا دعم الصليب الأحمر اللبناني والتبرّع المستمر لهالمؤسسة الإنسانية التي تستحقّ كل الدعم والحب لأنّها تحمل رسالة عظيمة عنوانها خدمة الإنسان دون تمييز... وتضع كرامة الإنسان وسلامته في صلب عملها....
تطوّع وتعلّم ...تدرّب... وتبرّع بالدم…
لأنّ الإنسانية فعل... والعطاء مسؤولية
📞 للاستفسار عن الدورات التدريبية: 05/955992
بدعي الجميع إلى التسجيل والمشاركة في دورات الصليب الأحمر اللبناني... لأنّ هالخطوة بتفيدنا....وبتفيد عائلاتنا ومجتمعنا وبتدعم كمان رسالة المدرّبين والمؤسسة في نشر الوعي وثقافة الإنقاذ
#الصليب_الأحمر_اللبناني
#الإنسانية_بتجمعنا
#رسالة_إنسانية
#العطاء_بلا_حدود
#الإسعافات_الأولية
معًا_لإنقاذ_الحياة
التطوع_مسؤولية_ومحبة
يد_واحدة_لخدمة_الإنسان
إنسانيتنا_بتجمعنا by @aboujaoudehoda

بيبقى الأمل والإيمان بلبنان وببكرا أحلى وأحلى...
بقلب منطقة فرن الشباك/التحويطة
Urbansquare....food court
تجمّع لمطاعم بعدة نكهات
شكراً لإيمانكم بلبنان الغد بلبنان الأفضل
#لبنان🇱🇧❤️
#urbansquare by @aboujaoudehoda

🎬 دعوة من القلب لحضور فيلم مار شربل 🙏
لأنّ مار شربل مش بس قدّيس... هو رمز للإيمان والرجاء والبركة .... ندعوكم لتحضروا هالفيلم... وتعيشوا لحظات بتلامس القلب وبتجدّد الإيمان.....
شكر كبير لكل من شارك أو رح يشارك by @aboujaoudehoda

تحية الى وليد غلمية
خمسة عشر سنة... وما زالت ألحانك تقيم في الوجدان... وصوتك يعبر الزمن واسمك يختصر حكاية وطن....
غبتَ جسداً وبقيت موسيقى لا يغيب صداها خمسة عشر سنة مرقت... وما زال حضورك أكبر من الغياب... وما زالت ألحانك تعبر الزمن لتوقظ فينا ذاكرة وطن... ونبض إنسان...وحلماً بلبنان الذي أحببناه....
دكتور غلمية لم تكن موسيقياً فحسب... بل كنت صوتاً للهوية... وذاكرةً للوجدان.... وقامةً ثقافية آمنت بأن الموسيقى لغة الروح والأوطان.....
بعد خمسة عشر سنة ما منقول وداعاً... منقول كلنا : شكراً لأنك تركتلنا من الجمال ما لا يغيب... ومن الألحان ما يبقى شاهداً على أن الكبار لا يرحلون … ما دامت أعمالهم تسكن القلوب....
شكر كبير للصديق المايسترو
أندريه الحاج❤️
للدكتورة هبة القواس
للأوركيسترا الوطنية وللكورال الرائع
شكرا لأنكن جلبتوا ضوء ونور في ظل هذه العتمة الواسعة
ليلة من العمر ستبقى في الذاكرة
#لبنان #وليد_غلمية
#الكونسيرفتوار_الوطني #أندريه_الحاج
#هبة_قواس by @aboujaoudehoda

كتير بحزن بس أكتب من الواقع قصص سلبية لأن صاروا أكتر من الإيجابيات
الله يرحم أيام كان فيها للأدب قيمة وللأخلاق هيبة...وللناس أصول…
أوقات منكون عم نتراجع عن أبسط شي بيخلينا بشر... "الأخلاق والإحترام"
بس بأكتر المواقف والحياة اليومية صار قلة الأخلاق واجب متل السواقة حدّث بلا حرج.. ..التدافع للشراء الحاجيات أو التسّوق... التدافع لدخول المصعد التدافع لقعدة مطعم..وبالسوبرماركت وحتى بركن السيارة.... حسد وغيرة ومزايدات والجيرة صارت بلا معنى
حقد ونجاسة وقلوب صارت متحجرّة
ومتصنعّة....المظاهر عامية القلوب
تراجعت الأخلاق والإنسانية للأسف
عم نصير أكتر وحوش.... حتى مسابقات الجمال والتنافس الفني بكل الأصعدة ...تنافس رياضي شي بيوجع القلب
بعض الإعلام ....بعض الإعلاميين والإعلاميات..... كارثة بحد ذاتها
التربية شو بدك تحكي تتحكي
بالمدرسة و بالبيوت كارثة لا تربية
دولتك غايبة عن السمع...
المشكلة الأكبر ... حتى بكل الكون
بس....
ما بقى حدا بيتصرف على طبيعته....
حتى.....
كان للموت هيبة...وللتعازي حرمة وللحزن احترامه
كان الكبير يحترم الصغير...
والصغير يعرف قيمة الكبير...
وكان في أصول وتربية بتمنع الإنسان يتجاوز حدوده... حتى بأصعب اللحظات...للأسف اليوم صارت قلّة الأدب والوقاحة اسمها جرأة وقلّة الأخلاق ترند...
حتى بالتعازي ...بدل ما يكون في احترام لحرمة الموت ووجع أهل الفقيد.. صرنا نشوف تصرّفات غريبة عجيبة .... لا الشاب بيوقف وبقعّد الكبير بالسن...بيتسابقوا تيعزّوا ويفلّوا (يلا واجب وخلص) والأحلى بفوتوا على التعازي بعوينات باللون الأسود على عيونهن بتكون التعازي مرات طابق تحت الأرض والله عيب.....
بصيروا يقوتبوا عنك وحتى عن الواقفين عم يتقبلوا التعازي
مش كل تصرّف بينعمل... واذا ما بتساع الكنيسة بيوقفوا برا الكنيسة ضجة أحاديثهن ما بتخليك تسمع الأبونا
يا عمي في حرمة وهيبة للموت عيب
احترموا المحزونين...غير الحكي على صوت عالي...
بدل الموت ما يعلمّنا قديش الحياة قصيرة وعلمنّا أكتر كيف نحترم بعضنا... ونحفظ حرمة الغايب... ونراعي وجع الحاضر....
على كل حال....
منشكرالله إنو بعد في جزء لا يستهان به
من الناس مُحبّة ومحترمة وحقيقية ما بتخلى.... حتى ربنا يطلّع فينا by @aboujaoudehoda

الأحبة على غفلة بروحوا🥲
ضيعانك جورج فرحات الأخ والصديق
المحامي المثقف والمحب والآدمي والخدوم...
رح نشتقلك كتير....🥲🙏
المسيح قام حقاً قام🕯 by @aboujaoudehoda

Memories❤️❤️ by @aboujaoudehoda

قبل ما تبيع أرضك… تروّى
الأرض مش مبلغ بتحطه بالجيبة اليوم وبيضل معك لبكرا
الأرض أصل ... وممكن تكون أمان إلك ولأولادك ولأحفادك
بهالظروف الصعبة.. إذا حدا عرض عليك تبيع أرضك بسرعة اسأل حالك هالأسئلة قبل ما تتسرّع :
ليش هلّق؟
مين عم يشتري؟
شو الهدف من الشراء؟
وهل في بدائل عن بيع أرضي؟
شو المصلحة انو هالمجهول يشتري أرض على عجل ما بتفيده بشي بالوضع الراهن الا لحسابات شريرة وشيطانية
لأن المصاري... مهما كان المبلغ كبير.. ممكن تروح على مصاريف... ديون.. علاج... أو حاجات متراكمة…
وبعد فترة تكتشف إنك خسرت الأرض وما بقي من ثمنها إلا القليل
أما الأرض...إذا ما في ضرورة حقيقية للبيع...تضل أرض
والأهم من هيك ما تاخد قرار تحت ضغط...ولا لأن غيرك باع... ولا لأن حدا خوّفك إنو هيدي فرصتك الأخيرة
قبل التوقيع... اعرف المشتري...اعرف سبب الشراء... قيّم أرضك من أكثر من جهة...واستشير محامياً وخبيراً عقارياً مستقلّاً....
خصوصاً اليوم... بيع الأرض قرار ما لازم ينعمل على عجقة...
الشيطان ناطر على الأبواب لإعادة عدة سيناريوهات
تروّى… لأنك مش عم تبيع قطعة أرض وبس
يمكن عم تبيع جزء من أمانك وأمان ولادك.... حتى لو هلق الظروف كتير صعبة بتندم....
الأرض وطن ...وعَرْض و صورة أهلك وأجدادك وأصلك وفصلك وهويتك وتاريخك....
الأفضل التروّي ...!!!!!
الوضع ما ممكن يبقى صعب الا ما يجي علينا السلام ....
#لبنان
#أرض #هوية #وطن
#تاريخ🇱🇧🇱🇧🇱🇧🇱🇧 by @aboujaoudehoda

بتمنّى نهار مبارك للجميع....
الحياة مع الذكاء الإصطناعي أكيد سهلّت شغل كتير من المؤسسات على كتير من الأصعدة....
ولكن.....🙄
ما لازم نفهم هالتطور بشكل خاطئ لأن بضّر ما بفيد.... على صعيد الصور بغيّر بكل الملامح...
وفي أجمل إنو تبقى ملامحك متل ماهي وتفتخر فيها لو قد ما حولهّا الزمن....
اذا رح يحبوك رح يحبوك لأنك إنت مش مشان لا البوتوكس ولا الفيلر ولا عمليات التجميل ولا الذكاء الإصطناعي ...إنت شو ؟؟؟ بالمطلق شاب او سيدة ...إنت مين؟؟ما تفقد هويتك الطبيعية.... أفتخر فيها
ثاني شي وقت بتبعت تعزية لحدا
بردّوا عليك جواب عامله الذكاء الإصطناعي..... أكترية المقالات والتحليلات صارت على الذكاء الإصطناعي ...وين روحك إنت وين
هالشي يلي بينبع من القلب بصدق
ما تخلوا التطور يجذبكن بشكل خاطئ .... في شغل أكيد في مساعدة من الذكاء الإصطناعي .....
بس شي إنساني ليش بدنا نعمله بالذكاء الإصطناعي...
#بس_هيك
#خليكن_على_طبيعتكن🤨 by @aboujaoudehoda

رح يبقى أملنا كبير بلبنان
سيّد حرّ مستقّل
نظيف من الفساد والفاسدين
درب معقّد ويمكن طويل
مليان أشواك
بس بعدها العزيمة قوية
لنبقى بهالأرض رافعين راسنا بالعالي

#لبنان #ديمقراطية #حرية🇱🇧❤️ by @aboujaoudehoda

حيل الست هدى
كيفية التخلّص من بقع الزيت عن الثياب والمفروشات والسجاد؟؟؟
نفرك البقعة بمسحوق الجلي جيدا بدون ماء
ونترك القطعة منقوعة حوالي ١٢ ساعة من ثم نغسلها لتختفي بقعة الزيت
وكذلك على المفروشات نتركها منقوعة ثم نمسح الصابون بقماشة نظيفة
حيل الست هدى by @aboujaoudehoda