Instagram story viewer> @aliabboud009> Posts

Ali Abboud

@aliabboud009

1.1K

followers

333

following

🏆 Football Player
🎯 Football Coach
📍 Lebanon 🇱🇧
⚽ Developing Players • Building Champions
@alansarfc.academy
@ics_alsafa_academy

POSTS STORIES REELS

الملعب مش للبيع… والفرصة مش واسطة.

مش لأن أهلك دفعوا أكتر لازم تلعب.
مش لأن بيّك حاضر لازم تنزل أساسي.
مش لأنك بتسافر مع الفريق لازم تضمن مكانك.
ومش لأن في مصلحة مع أهلك… لازم تكون إنت الأول.

اللاعب لازم يلعب لأنه استحق.
لأنه تعب. لأنه تطوّر. لأنه جاهز.

لما المصالح تصير أهم من تطوير الطفل…
نكون عم نبني زبون، مش لاعب.

كرة القدم بدها عدل… قبل ما بدها بطولات. ⚽. اشتغل على حالك… اشتغل على لاعيبتك… واشتغل بما يرضي الله.
ساعتها النجاح بيجي لعندك. 🎯⚽ by @aliabboud009

رح اشتقلك يا عبود💔 by @aliabboud009

⁨ أقسى شي مش إنك تخسر شغلك… أقسى شي تكتشف إنو سنين وفاك ما كان إلها قيمة! 💔

في ناس عطت من عمرها سنين… تعبت، سهرت، ضحّت، ووقفت حدّ شغلها بأصعب الظروف.

كانوا يسمّوها «من العيلة»… بس أول ما تغيّرت المصالح وولعت الحرب،صارت مجرّد رقم فيهن يشطبوه!

يا صاحب الشغل…
الموظّف اللي استغنيت عنّو مش بس اسم عالورق.
هيدا وراه بيت، وولاد، ومسؤوليات، وأحلام، وسنين من عمره ما بترجع!

مش غلط إنو الظروف تتغيّر… الغلط إنك تنسى العِشرة، وتاكل الحقوق، وتكسر خاطر إنسان كان وفيّ إلك.

الله لا يسامح كل مين ظلم موظّف، وأكل حقّه، واستسهل قطع رزق إنسان بعد سنين من التعب والوفا.

وتذكّر شغلة وحدة…

الدنيا دوّارة، والظلم ما بيموت، ودعوة المظلوم ما بينها وبين الله حجاب فــيــك تـضـحـك عـالـنـاس… بـس عـلـى ربّ الـنـاس مـا فـيـك تـضـحـك!

والإيد اللي رفعتها بالدعاء، هي نفسها اللي قطعت فيها رزقة إنسان… وربّك شايف الاتنين.

حقوق الناس ما بتمحيها صلاة. حسبي الله ونعم الوكيل بكل ظالم.⁩ by @aliabboud009

🚀 بدك تبني لاعبين… أو بدك تجمع اشتراكات؟ 💣🔥

⚽ تقسيم اللاعبين حسب المستوى مش تمييز… التقسيم هو أساس التطوير الحقيقي!

مش كل الولاد عندن نفس القدرات، نفس السرعة، أو نفس الجهوزية الفنية والبدنية. وهون بيجي دور الأكاديمية الصح!

🔥 ليش التقسيم ضروري؟

✅ اللاعب المبتدئ بيلعب مع ولاد قريبين من مستواه، بياخد فرصته، بيلمس الطابة أكتر، وبيبني ثقتو بنفسو.

✅ اللاعب المتقدّم بيلعب مع لاعبين بيتحدّوه، فبيطوّر سرعة قراره، مهاراته، وقدرته على المنافسة.

✅ المدرّب بيقدر يعطي تمارين مناسبة لكل مجموعة، بدل ما يكون التمرين سهل على نص اللاعبين وصعب على النص التاني.

✅ كل لاعب بياخد فرصة حقيقية ليتعلّم ويتطوّر، بدل ما يضيع بين فروقات كبيرة بالمستوى.

💣 والأهم: التقسيم مش حكم نهائي على موهبة الولد!
اللاعب اللي اليوم بمستوى أقل، بكرا ممكن يصير من الأفضل، إذا أخد التدريب المناسب والفرصة الصح.

🚨 بس إذا الأكاديمية خايفة تقسّم اللاعبين كرمال ما يزعل الأهل ويوقفوا الاشتراكات… هون المشكلة!

لأن الأكاديمية اللي بتحط الاشتراك قبل مصلحة اللاعب، عم تجمع زباين… مش عم تصنع لاعبين! 💸

🔥 التقسيم مش إهانة للاعب… الإهانة إنك تحرمو من البيئة اللي بتساعدو يتطوّر!

👇 برأيكن، تقسيم اللاعبين حسب المستوى ضرورة للتطوير، أو تمييز بين الولاد؟ ⁨ by @aliabboud009

Lead with purpose. Train with intensity. Leave a mark. 💪 by @aliabboud009

by @aliabboud009

by @aliabboud009

♥️⚽️ by @aliabboud009

⚽️❤️ by @aliabboud009

New challenge, New mission 💪🏻
#ASA ♥️ by @aliabboud009

by @aliabboud009

by @aliabboud009