Instagram story viewer> @books_aytaj> Posts

books & wanderlust

@books_aytaj

974

followers

561

following

📌 Azərbaycan, Şirvan şəhəri 🇦🇿
🇬🇪 🇹🇷 🇮🇷 🇨🇾 🇷🇺
Лучше, чтобы нос был в книге, чем в чужих делах. 📚

POSTS STORIES REELS

@dartanyanlar_ ilə bu ilin sonuncu yerli yazar marafonu üçün seçilmiş @strauss.az tərəfindən nəşr olunan @fuad.isayev -in "Ölüdaşıyanlar üçün təlimat kitabı"nı müzakirə etdik, yazıçı suallarımızı cavablandırdı. 💙💜

1992-ci ilin payızı, Bakı şəhəri...

Atası Qaranın doğum günündə çıxıb gedir. O itkin düşmüş atasının axtarışı üçün Sadiq ilə sövdələşmə edir. Gizlincə anasının qiymətli əşyasını sataraq pul qarşılığında atasının tapılmağını istəyir. Lakin bir müddət sonra Sadiqin niyyətindən şübhələnməyə başlayır. Qaranın cavabını tapa bilmədiyi suallar və müəmmalı şəxsin gerçək kimliyi onu çıxılmaz yolunu daha da çətinləşdirir. Bu ərəfədə Qaranın ətrafında itən və həqiqi sahibi bilinməyən əşyalar işin içində başqa işin olması barədə onu narahat edən düşüncələr. Qara sonda istəyinə nail ola bilcəkmi?

🖇 Bizimki niyə belə gətirdi? Niyə ilə başlayan sualların cavablarının kimisə qane elədiyini görməmişəm. (səh.172)

#fuadisayev
#ölüdaşıyanlarüçüntəlimatkitabı
#straussnəşriyyatı
#dartanyanlarkitabklubu
#yerliyazarlar by @books_aytaj

#əzizəcəfərzadə #gülüstandanöncə

🪶 Xalq yazıçısı Əzizə Cəfərzadənin 1992-1993-cü illərdə qələmə aldığı və 1996-cı ildə işıq üzü görən “Gülüstan”dan öncə tarixi romanı, Azərbaycanın Rusiya imperiyası tərəfindən işğalının başlanğıc mərhələsini, xüsusilə Şirvan xanlığının süqutunu bədii şəkildə əks etdirən fundamental əsərlərdən biridir. Yazıçı bu əsəri ilə tarixi yaddaşımızdakı mühüm bir məqama – işğalın əslində 1813-cü il Gülüstan müqaviləsindən çox-çox əvvəl, xanlıqların tək-tək istila edilməsi və Kürəkçay müqaviləsi (1805) ilə başladığı gerçəkliyinə işıq tutur.

⏳ Əzizə ana bu əsərdə Azərbaycan xanlıqlarının vahid bir güc ətrafında birləşə bilməməsini, daxili parçalanmanı və bunun nəticəsində yadelli qəsbkarların qarşısında növbə ilə zəifləyərək oyuncağa çevrilmələrini acı bir dillə tənqid edir. Roman, tarixdən dərs çıxarmaq və milli istiqlalın, birliyin nə qədər önəmli olduğunu anlamaq baxımından böyük ideoloji əhəmiyyət daşıyır. Həmçinin əsər əsasında zəngin aktyor heyəti ilə 16 şəkilli radiotamaşa da hazırlanmışdır.

#xannəşriyyatı #bakı1501 #birsəsinfaciəsi by @books_aytaj

@yunisorujov #boraltanazadlığıntələsi

📌 6 avqust 1945-ci il...

* * * Görəsən, həmin gecə yataqlarında dərin yuxuya dalan xainlərin vicdanı sızladımı? Görəsən, vəhşi qaniçənlərin bəşəriyyətin xilası naminə törətdiyi cinayətlər bitdimi? Deyəsən, yox!.. Həmin gün Amerika da Xirosimaya atom bombası atmışdı...

____

Boraltan bir körpü aşar keçer Arazı,
Yusan Araz suyu ile çıxmaz üzün qarası.
Düşmen gözler qarşıda önüne qatdı meni,
Can alınan bazarda qardaşım satdı meni.
Dönüb seslendim geri merhemetsiz birine,
Meni siz vursaydınız bu kafirin yerine.
____

* * * Bəzi faciənin təsiri heç də atom bombasından geri qalmır. "Qardaşım satdı məni!" adlanır əsərin ən dərin, ən təsirli, ən qorxuducu hissəsi. Bəlkə bu hadisə tariximizin ən ziddiyyətli hadisəsidir. Oxuduqca il 2026 - biz hal-hazırda başqa və il 1945 - İkinci Dünya müharibəsindən qalib çıxmış SSRİ-nin sifarişinə əsasən yaranmış vəziyyəti başqa tərəfdən müzakirə olunacaq. Bu faciədən zaman olaraq uzaqlaşsaq da onun yaratdığı təsir, soydaşlarımız SSRİ-yə təhvil verilərək qətlə yetirilmələri canlı şahidlərin və hal-hazırda da bu tarixi hadisəni oxuyanların qəlbində dərin iz qoyur. 😓

Yunis Orucovun "Boraltan azadlığın tələsi" tarixi romanını oxuyun, oxutdurun! 📚

#boraltan #boraltanköprüsükatliamı #boraltanköprüsü #boraltanfaciası by @books_aytaj

@dartanyanlar_ -ın yerli yazar @maryefendi -nin iştirakı ilə möhtəşəm kitab müzakirəsi. 💐💛📚

* * *
Mehriban Efendinin "Qürbətdə" romanı Məryəm adlı gənc qızın ailəsi ilə birlikdə ABŞ-a mühacirət etməsi ilə bağlıdır. Okeanın digər tərəfinə köçən Məryəmin fərqli dünyalar arasında olan müqayisəsi, iki fərqli mədəniyyət arasında saysız-hesabsız detallar, insanların ayrı dünyagörüşü və nəhayətdə onun özünün onların arasında özünü kəşf etməsi hekayəsi ilə oxucunu sadə dillə romana bağlayır. İsti yay günlərində sanki köhnə tanış ilə söhbət kimi belə əsərlər insana xoş təəssürat buraxır.

#qürbətdə
#isatalonebythegate
#dartanyanlarkitabklubu
@teaspress.az by @books_aytaj

💛 @parlaqoxucular ilə "Modern Azərbaycan Klassikləri" seriyası müzakirəsindən

#Elçin #Ölümhökmü

*** Əsər nə zaman bizə təsir edir? Ya orada hansısa hadisə ilə öz həyatımız arasında, ya personajlar ilə öz xasiyyətimiz arasında oxşarlıq, ya da bizim deyə bilmədiyimiz, göstərə bilmədiyimiz reaksiyalar personajlar tərəfindən canlananda bizə həmin əsər daha çox təsir edir və onun haqqında danışmaq sanki, doğma insanla danışmaqdan daha effektiv olur. Bəlkə də, dilimizə gətirməsək də daxili dünyamızda o bizə daha doğmalaşır və ya artıq onu təkar oxumaqdan qorxuruq. Çünki, bəzən insan özü-özünə etiraf edə bilmədiyi nələrisə təkrar üzləşmək çətinliyindən qaçır.

*** Xalq yazıçısı Elçinin yazanda çap olunmayacağından əmin olduğu "Ölüm hökmü" romanı, müəllifin bədii yaradıcılığının, eləcə də Azərbaycan ədəbiyyatının zirvəsi, öz dövrünün və deyərdim ki, müasir dövrdə də ədəbiyyatımızın ən parlaq, dərin, intelektual siyasi romanıdır. Roman vasitəsi ilə yazıçı dövrün bədii düşüncəsinin izahını verir, cəmiyyətin düyünlərini açır. Yazıçı "Ölüm hökmü" ilə bədii sənətkarlıq, yüksək dil mədəniyyəti, təsvir etdiyi obrazların daxili, psixoloji aləmini incəliyinə qədər əks etdirmişdir.

*** Hadisələr həm 1930-cu, həm də 1980-ci illəri əhata edərək müxtəlif zaman paralellərində cərayanedir. Xosrov müəllimin timsalında həyatın və sistemin ağırlığı altında əzilən, Əbdül Qafarzadənin timsalında cəmiyyətdəki rüşvətxorluğu və yaltaqlığı göstərməklə, müxtəlif obrazların yaratdığı müxtəlif xarakterlər vasitəsi ilə yazıçı romanın ruhunu rəngli çalarlarla zənginləşdirmişdir.

@parlaqimzalar 💛 by @books_aytaj

🖇️ 05.05.2026

Bir az kitab
Bir az jurnal
Bir az güllər
Bir az da festival

Bu dəfə fərqli post olsun 😌

#aranatabəyləri #əkbərnəcəf #mimtayayımları
#işıqjurnalı #beynəlxalqxalçafestivalı by @books_aytaj

🥀 #tarixdəbugün #qanyaddaşımız

31 Mart - Azərbaycanlıların Soyqırımı Günüdür...
Qanlı hadisədən 108 il ötür...

1918-ci ilin mart soyqırımı öz amansızlığına və miqyasına görə təkcə Azərbaycan tarixində deyil, bəşər tarixində də ən qanlı faciələrdən biridir. Mart ayının 31-dən aprelin 3-ə qədər erməni silahlı dəstələri Bakıda və Azərbaycanın müxtəlif bölgələrində uşaq, qoca, qadın demədən minlərlə insanı qılıncdan, süngüdən keçirdilər, diri-diri yandırdılar, qocaların, qadınların gözlərini çıxarıb divarlara mıxladılar, qundaqdakı körpələri itlərə atmışlar. Milli memarlıq incilərini, məktəbləri, xəstəxanaları, məscid və digər abidələri dağıtmış, Bakının böyük bir hissəsini xarabalığa çevirmiş və minlərlə tarixi sənədləri, dəyərli maddi-mənəvi sərvətləri daşıyıb aparmışlar...

Mart soyqırımından bir necə il əvvəl də sonra da dəfələrlə erməni silahlı birləşmələrinin azərbaycanlılara qarşı soyqırımı baş vermişdir...

Məmməd Səid Ordubadinin "Qanlı Sənələr" (Qanlı İllər) əsəri 1905-1906-cı illərdə Cənubi Qafqazda erməni daşnak dəstələrinin müsəlman (azərbaycanlı) əhaliyə qarşı törətdiyi qanlı toqquşmalar və kütləvi qırğınların bədii təsviridir. Bakıdan başlayan və Qarabağ, İrəvan, Gəncəyə yayılan qarşıdurmada mülki şəxslər hədəf alınıb, çoxsaylı kəndlər isə dağıdılmışdır...

@qanunpublishing

#qanlıillər #qanlısənələr #məmmədsəidordubadi by @books_aytaj

✒️ #maqsudibrahimbəyov
#qarapaltarlıqadın 🖤

🖇 ...əgər çox sevirsənsə, uzun illər ərzində həyat yoldaşın sənin bir parçana çevrilir, səninlə həmfikir olur, sənin bütün hisslərini, arzularını bilir, sən bunun necə baş verdiyini hiss eləmirsən, amma zaman keçdikcə o sənin valideynlərindən, övladlarından, bütün qohumlarından, dostlarından üstün olur, onu itirəndə isə bu dərd insanı bütünlüklə öz ağuşuna alır, ona yuxuda, gerçəkdə əzab verir və bundan qurtuluş yoxdur, belə də ölüm adamı özünə cəlb edir, bircə şeyi arzulayırsan, ölüm tez gəlsin və sən bu dözülməz əzablardan qurtulasan, ikinci ölmək böyük faciədir, mənim bəxtim gətirmədi... (səh.156)

@teaspress.az
@libraff.az

#максудибрагимбеков
#приходилаженщинавчерном
#sheworeblack by @books_aytaj

📚 #taysırğa #məhbubəhacıyeva
#məhbubəhacıyevataysırğa

* Bir namə yazım, badi-səba yarə yetirsin,
Şərhi-qəmimi ol büti-xunxarə yetirsin. *

🔻Əsər Azərbaycan xanlıqları (Bakı, Gəncə, Qarabağ, Şamaxı, İrəvan, Lənkəran, Ərdəbil, Təbriz, Xoy, Maku, Marağa, Sərab) haqqında qısa - yaranması və faciəvi sonluqları haqqında məlumat verilir. Lakin yazıçı daha çox diqqətini Naxçıvan torpağında yönəldir. Ümumiyyətlə kitabda tarixi hadisələr, tarixi faktlar daha üstünlük təşkil edir ki, bu da tarixi roman sevənlər üçün dəyərli əsər olacağına əminəm.

📎 - Darıxma. Hamısı keçib gedər. Vaxt gələr üstü qaysaqlanar. Sən də unudarsan olanları.
- Elə yaralar var ki, nə sağalır, nə dilə gətirmək olur, nə də unudulur... (səh.85)

🔻Eh! Sirli, sehrli Naxçıvan torpağı. Məhbubə xanım Naxçıvanı, oranın tarixi yerlərini - məqbərələri qalaları, dağları, məzarlıqları görür, xan sarayında xan qızı, şairə Heyran xanımın portreti onun diqqəti cəlb edir. Belə başlayır Heyran xanım haqqında tarixi roman...

🔻Heyran xanım Kəngərli xanları ailəsində doğulmuşdur. Naxçıvanda təhsil almış, ərəb və fars dillərini, klassik Azərbaycan və fars ədəbiyyatını öyrənmişdir. XIX əsrin əvvəllərində Rusiya-İran toqquşmaları dövründə onun da ailəsi Naxçıvandan İrana köçürülmüşdür. Füzuli ədəbi məktəbinin davamçılarından, klassik Azərbaycan poeziyasının tanınmış nümayəndələrindəndir.

🔻"Tay sırğa" sevgi dastanıdır, vətən həsrətli, gözü yolda, ürəyinin bir hissəsi vətənin o tayında qalan, sevgilisindən ayrı düşmüş, göz yaşı qurumayan şairənin həyat yoludur. Sırğa simvolik məna daşıyır. İki qəlbin, torpağın, sevginin bir birindən ayrı düşməsidir.

📎 Yox, ana. Mən onu elə bu cür taxacağam. Doğmalarından ayrı düşən, elimin-yurdumun taleyinə yaraşmayan güzəranı qəbul edirsən, amma bir cüt sırğanın ayrı qalmağını istəmirsən. Biz geri dönməyincə mən bu tək tay sırğa ilə dolaşacağam. (səh.77)

@teaspress.az
@libraff.az by @books_aytaj

✒️ #seymuroruc
#nikolyabonenişərqəaparanhekayə 🇲🇫 ✈️

🖇 Dediyim kimi, təbiət adildir, təbiət düzdür, təbiət sadədir və mən buna görə hüquqa yox, amma ədalətə inanıram. Çünki hüquq insandan sonra, ədalət isə ondan əvvəl yaranıb... (səh.101)

* * * Nə idi Nikolya Boneni şərqə aparan hekayə? Fransada yaşayan, fransız ailəsində böyüyən Nikolya jurnalistdir. Atası bir gün onun ögey övlad olduğu etirafını edir. Bəs Nikolya təəccüblənirmi? Qətiyyən. Hətta şübhələrinin cavabını tapır. Ancaq onun bu ailəyə necə düşməsi onu daha çox təəccübləndirir. İllərdir qərbdə - bir xristian ailəsində böyüyən Nikolyanın əslində şərqli - müsəlman qanı daşıdığı, hətta azərbaycanlı olması onun bütün həyatını dəyişir.

* * * Nikolya ailəsi tərəfindən satılıb... Şərqə nifrət bəsləyən, hər fürsətdə, yazılarında neqativ düşüncələrini açıq etiraf edən jurnalist bir gün Azərbaycana dəvət alır. Əslində bu onun planı idi, lakin düyünlərin açılması üçün əvvəl Ermənistana gedir. Əsərdə Nikolya qatil olduğu qeyd olunur. Məndən soruşsalar Nikolya qatil deyil, ümumiyyətlə o kaş ki, bu yola baş vurmazdı. Qoy elə hər şey olduğu kimi qalardı. İnsan niyə bəzən olduğu mühitin yalnış olduğu qərarına gəlir? Bir tərəfdən də düşünürəm ki, yaxşı ki, o bu qədər ağır səfərə çıxdı. Öz həqiqətlərini tapdı. Tapdı, amma... Bilmirəm, çox ağır vəziyyətdir. Təsəvvür edin, nə qədər Nikolya ilə bu taleyi yaşaya bilən insan ola bilər. Əsər nə qədər müəllifin təxəyyülünün məhsulu olsa da, insanı çox qarışıqlığa salır, düşündürür, fikirlər haçalanır, çarpazlaşır yenə dolaşır...

. . . ardı rəydə ⤵️

@symr_rc @strauss.az
#straussnəşriyyatı
#nikolyabonenişerqeaparanhekaye
#nikolyabonenişerqeaparanhekaye by @books_aytaj

💐 #əzizəcəfərzadə

* * * 2006-cı il idi mən Şirvan kitabxanasından "Eldən-elə" tarixi romanını götürüb oxuyanda. Bilmirəm adımı məni cəlb etmişdi, yoxsa... Oxudum, lakin mən əvvəlki mən olmadım. Həm Əzizə Cəfərzadə qələmi ilə dərindən tanış olmağa, həm də səyyahımız Zeynalabdin Şirvaninin həyatı ilə maraqlanmağa başladım və o vaxtdan tarixi roman janrına xüsusi sevgim yarandı. Daha sonra "Aləmdə səsim var mənim", "Bakı-1501" və s. əsərlərini oxudum, oxuduqca ona daha çox heyrətləndim.

* * * Bu gün isə mənim üçün əziz olan Əzizə ananın doğum günüdür. 2023-cü il idi onun Hacıqabul rayonu Tağılı kəndində məzarını ziyarət etməyim. Bu il isə onun əsərlərinin, əl yazmalarının, kolleksiyasının, dəyərli əşyalarının, yazı makinasının (sevgilim), milli geyimlərinin, şəxsi əşyalarının və s. saxlandığı otağı ziyarət etdim. Onun əşyalarına toxunmaq, əsərlərinin ilk əlyazmalarını görmək mənim üçün bu il həyata keçirdiyim son və ən böyük məqsədim idi.

* * * Mənim bu istəyimi həyata keçirməkdə vəsilə olduğu üçün, qapılarını üzümə xoş münasibətlə açdığı üçün, ananın dəyərli əşyalarını mənə göstərib, geniş məlumatlar verdiyi üçün, hədiyyələri üçün, kitablarımı imzaladığı üçün, dəyərli vaxtını ayırdığı üçün Turan bəyə (@turan.ibrahimov.395) sonsuz təşəkkürlərimi bildirirəm. Dəyərli yazıçımızın dəyərli varisi. Hələ bu otaqda belə qiymətli əşyaların ətrafında ətirli, pürrəngi çayına, dadlı təamlarına, isti münasibətinə görə Səadət xanıma sevgilərimi göndərirəm. Nə yaxşı ki, varsınız.❤️

__________ by @books_aytaj

🍂☔ #yağışınaltında #reyhanyusifqızı 💜

* * * Budurmu həyat? İstənilən vaxt insana verilir və istənilən vaxt alınır! Bizim iradəmiz xaricindədir, o bizim seçimimiz deyil. Bizdən soruşmurlar sən dünyaya gəlmək istəyirsən, ya yox? Sadəcə, günlərin birində doğuluruq. Həyatın mənası elə həyatın özüdür. Onu biz yaşayaraq dərk edirik. Kiməsə görə sevgi, kiməsə görə pul, əyləncə, kiməsə görə Allaha yaxın olmaqdır həyatın mənası. İstənilən halda bir gün həyat bizdən alınr. Bəzən heç gözləmədiyimiz an.

Sükut idi. Əvvəl özlərini itirdikləri üçün susmuşdular. Sonra isə hər kəs ürəyində fikirləşdiklərini başqalarına bildirməmək üçün danışmadı, ehtiyat etdi, əlverişli zaman gözləməyə başladı.
(@reyhan.yusif _ "Yağışın altında")
_______________________

@teaspress.az
@libraff.az

#yağışınaltındakitabı #kitab #kitabdansözler #kitabklubu #sitatlar #kitabsevərlər #kitabınıgöstər #kitabseç #müzakirə #xoşmütaliələr #kitabstagram #kitabdansözler #tozlusitatlar #kitabmüzakirəsi #oxudumbitti #halhazırdaoxuyuram #yenikitab #yenikitabım #kitaboxu #kitabsifarişi #ədəbiyyat #müasirədəbiyyat #kitabçı #kitabqoxusu #hamikitaboxusun #kitabsərgisi #kitabfestivalı by @books_aytaj