Instagram story viewer> @drinkdrinkeateat.guide> Posts
𝔻𝕣𝕚𝕟𝕜𝔻𝕣𝕚𝕟𝕜𝔼𝕒𝕥𝔼𝕒𝕥𝔾𝕦𝕪®(@drinkdrinkeateat.guide)'s profile avatar HD Profile

𝔻𝕣𝕚𝕟𝕜𝔻𝕣𝕚𝕟𝕜𝔼𝕒𝕥𝔼𝕒𝕥𝔾𝕦𝕪®

@drinkdrinkeateat.guide

14.8K
followers
2570
following
𝗢𝗽𝗲𝗻𝗿𝗶𝗰𝗲 | 𝗚𝗼𝗼𝗴𝗹𝗲 | 𝗧𝗿𝗶𝗽 𝗮𝗱𝘃𝗶𝘀𝗼𝗿 | 𝗫𝗛𝗦 | 𝗗𝗣
📷 𝗦𝗼𝗻𝘆 α𝟳 🇭🇰
📩 DM for Collaboration
#DE港島篇 #DE九龍篇 #DE新界篇 #DE海外篇 #DE中國篇 #DE_cation
POSTS STORIES REELS
Chasing moments through every season. #explorealberta #canada🇨🇦 #travelgram #travelholic #instatravel by @drinkdrinkeateat.guide
🔥薑媽 Catering｜中西日韓美食一次過滿足| 6–8人到會套餐推介🔥 平時屋企聚會, 朋友開Party又或者公司活動, 想搵到會美食又想有多啲款式選擇？今次留意到位於牛頭角工廈樓上鋪嘅薑媽. 餐廳主打日式定食, 同時提供中西日韓風格嘅到會套餐, 啱哂成班人一齊分享✨ 🍱 和風綜合拼盤 Washoku Platter｜$1,388 呢個拼盤適合6–8人享用, 主打日韓風味🇯🇵🇰🇷 🔸 和風綜合拼盤 Washoku Platter 🔸 韓式牛肉紫菜飯卷 Beef Bulgogi Kimbap 🔸 牛油果蟹柳沙律 Avocado Crab Stick Salad 🔸 韓式雙味炸雞 Korean Style Fried Chicken 🔸 日本飛驒和牛粒炒飯 Wagyu Beef Fried Rice 🔸 日式豚肉炒烏冬 Yaki Udon with Pork 🔸 雜果賓治 Fresh Fruit Punch（2L） 由紫菜飯卷, 韓式炸雞到和牛粒炒飯同豚肉炒烏冬, 主食, 小食同沙律都有, 配埋2公升雜果賓治, 啱哂一大班朋友聚會又或者公司party到會 🍔 洋風雜錦小食盒 Yoshoku Platter｜$1,368 同樣適合6–8人享用, 適合鍾意西式美食嘅朋友🇺🇸🇪🇺 🔸 洋風雜錦小食盒 Yoshoku Platter 🔸 美式雙味炸雞 American Style Fried Chicken 🔸 煙鴨胸南瓜腰果沙律 Smoked Duck Salad 🔸 BBQ豬仔骨 BBQ Pork Riblets 🔸 白汁芝士雞皇焗飯 Creamy Chicken Rice 🔸 滑蛋拿破崙意大利粉 Omnapo Spaghetti 🔸 雜果賓治 Fresh Fruit Punch（2L） 呢款就比較偏向西式派對美食, 有炸雞, 煙鴨胸沙律, BBQ豬仔骨, 仲有焗飯同意粉 如果你有十五六個friends, 其實叫哂兩款就得, 諗都唔使諗, 可以試哂佢哋全部嘢食, 食完唔夠飽再上佢樓上鋪食日式定食😍😍 💛個人推介: 牛油果蟹柳沙律, 日本飛驒和牛粒炒飯, 白汁芝士雞皇焗飯 返食指數: 🥑🥑🥑🥑🥑 (5🥑滿分) 和風綜合拼盤 Washoku Platter ($1388) 洋風雜錦小食盒 Yoshoku Platter ($1368) _____________________________________________________________ 📍 薑媽（牛頭角） 牛頭角大業街29號海洋工業中心1樓A室 @grandma.by.wom 📞 查詢及預訂：可向店舖(27772332)查詢到會安排及供應詳情 #instafood #instafoodie #牛頭角美食 #drinkdrinkeateatguide #DE九龍篇 by @drinkdrinkeateat.guide
🎃 九龍城新開西餐廳！$458二人晚市套餐有75折，仲有免費生日畫碟體驗🍽️✨ 住九龍城附近，成日行過侯王道都見到呢間cafe裝修，呢幾日終於開咗！一直見住佢裝修，今次終於可以入去試下啦😆 行過門口老闆話提前訂位晚市套餐有 75 折，見有折就訂位試下，順便同朋友食餐飯、享受下新店嘅氣氛。 🍲 晚市二人套餐 ($458) 有兩碗開胃西湯，法式龍蝦湯幾濃，龍蝦味幾突出；白蘆筍忌廉湯就滑身啲，口感細緻順滑，兩款各有特色。小食揀咗水牛城雞翼，酸酸辣辣幾開胃，食完更加期待主菜！ 主菜慢煮牛肋骨幾好食，炆得好腍，肉質軟嫩，配紅酒汁同薯蓉好夾，紅酒汁嘅濃郁同牛肉幾搭，整體味道唔錯。 🍕 墨魚汁芝士薄餅配士多啤梨炸雞炸蓮藕條 ($128) 額外叫多個 pizza，呢個幾有創意！用士多啤梨醬配炸雞，再擺喺墨魚汁芝士餅底上面，聽落好似九唔搭八，但食落鹹甜夾埋又幾過癮。面頭仲有啲脆口嘅炸蓮藕條，增加咗口感層次，幾特別，鍾意試新配搭嘅朋友可以試下。 🧇 雜果窩夫配雪糕＋熱鮮奶伯爵紅茶 甜品、飲品加 $38 有雜果窩夫配雪糕，味道不過不失啦，食完主菜當飯後甜品都幾適合。 飲品叫咗少甜嘅熱鮮奶伯爵紅茶，茶香配奶香幾舒服。最驚喜係老闆畫咗個萬聖節拉花俾我，真係幾有心思，好驚喜！(⁎⁍̴̛ᴗ⁍̴̛⁎) 🎃 🎨 免費畫碟體驗｜慶祝生日好有紀念價值！ 今次提早 book 咗免費畫碟，師傅畫得好靚好精緻，真係幾有驚喜！除咗食餐飯之外，仲可以有一份特別嘅小回憶，好啱同朋友慶祝生日，或者同另一半慶祝特別日子。記得要提早預約，唔好去到先問呀！ ✨ 總結 Holiday 終於開幕，今次試咗晚市二人套餐，湯、小食同主菜都有，額外加點嘅墨魚汁芝士薄餅配士多啤梨炸雞亦幾有創意。最令人印象深刻嘅就係免費畫碟體驗，師傅畫得精緻，配埋萬聖節拉花，成餐飯多咗幾分節日氣氛。 如果住九龍城附近，想搵間西餐廳同朋友食飯、慶祝生日，不妨留意下呢間新店！而家提前訂位食晚市套餐仲有 75 折，想試嘅朋友可以把握下優惠～🍽️💕 🎉 優惠及預約資訊 * 訂位食晚市套餐有 75 折 * 提早最少 2 日 WhatsApp 預約有免費畫碟體驗 💛個人推介: 慢煮牛肋骨、墨魚汁芝士薄餅配士多啤梨炸雞炸蓮藕條、法式龍蝦湯 返食指數: 🥑🥑🥑🥑🥑 (5🥑滿分) 🍲 晚市二人套餐 ($458) 🍕 墨魚汁芝士薄餅配士多啤梨炸雞炸蓮藕條 ($128) 🧇 雜果窩夫配雪糕 (+$38) ☕ 熱鮮奶伯爵紅茶 @holiday_hkcafe 📍 Holiday 九龍城侯王道 22 號地舖 #instafood #九龍城西餐 #生日畫碟 #慶祝好去處 #DE九龍篇 by @drinkdrinkeateat.guide
🔥 【慶生聚會必去！無敵性價比「馬祖無限時養生涮涮鍋」極致體驗】 🔥 今次同好朋友慶生，想搵個地方可以坐得舒服、傾得盡興，最緊要係完全唔限時！行到入去「馬祖無限時養生涮涮鍋」，現場真係人氣爆燈，座無虛席。好彩餐廳地方夠晒寬敞，環境企理衛生，而且冷氣夠凍，坐得極之舒服，絕對係慶生同聚會嘅首選天堂！✨ 🍻 驚喜升級：Stella 無限時暢飲爽到盡頭！ 原本我哋已經揀咗 umai mugi 啤酒準備乾杯，點知好細心嘅經理即刻走過嚟推介無限時暢飲嘅 Stella 啤酒！即刻轉呔揀 Stella，麥香濃郁又夠凍，真係由頭爽到尾，配埋火鍋簡直係絕配！🍻 🍲 養生之選：姬松茸 x 花膠雙重滋補鴛鴦鍋 因為我哋唔太食得辣，今次就決定走養生路線，叫咗「藥膳姬松茸雞肉涮涮鍋」同「藥膳花膠雞涮涮鍋」做鴛鴦鍋。 * 湯底用料真係極有誠意，藥膳香氣撲鼻，飲落順喉又滋補。 * 姬松茸索晒濃郁雞湯味，爽口又惹味；花膠煮到軟糯煙韌，骨膠原滿瀉！唔食辣嘅朋友揀呢款藥膳真係冇得輸，暖胃又養顏。 🥩 極品肉類盛宴：「豬扮牛」嘅驚艷體驗！ 肉類方面我哋主力叫咗安格斯牛頸脊同西班牙伊比利亞黑毛豬，質素真係高到超出預期： * 安格斯牛頸脊：油脂分佈均勻得好似藝術品咁！落鍋輕輕一灼，肉質鮮嫩juicy、牛味濃郁，啖啖肉汁喺口裏面爆開，真係會忍唔住一盤接一盤咁叫！牛肉控絕對大滿足！ * 西班牙伊比利亞黑毛豬：呢個真係全場驚艷！油脂同肉嘅比例靚到不得了，因為紋理太吸引，第一次食嘅我哋一開始仲誤以為係牛肉！好彩經理好細心咁逐一介紹，話畀我哋知呢款係頂級嘅伊比利亞黑毛豬，真係可以叫做「豬扮牛」！肉質爽彈、油脂甘香而不膩，完全刷新咗對豬肉嘅想像！ 🥢 澎湃配菜與海鮮盛宴：大推「凍豆腐」與超過90款選擇！ 呢度嘅配菜同海鮮選擇多到誇張，套餐選單上寫明有超過90款火鍋配菜，仲有超過10款台灣小食、炸物同滷味任意食！ * 真心大推「凍豆腐」：呢個凍豆腐真係靈魂所在！蜂巢狀嘅結構完美吸滿晒藥膳雞湯嘅精華，一咬落去，熱辣辣嘅湯汁喺口腔爆開，口感軟綿又極之入味，邪惡得嚟令人停唔到口！ * 海鮮狂熱者天堂：除咗大量蔬菜、丸類同小食之外，套餐仲包含咗超多高質海鮮，好似廣島蠔、黑虎蝦、游水海蝦、黑魚片、鮑魚、沙白蝦同白鱔片等等！海鮮全部新鮮甜美，滾落藥膳湯底更加鮮上加鮮，任點任食真係性價比極高！ 🍨 甜品飲品無限歎：Movenpick 雲呢拿雪糕完美作結 食完豐富嘅火鍋，當然要試吓佢哋嘅甜品同飲品區！選擇真係多到令人眼花繚亂。雪糕方面有齊 Dreyers 同埋 Movenpick 等超過10款雪糕任君選擇，身為 Movenpick 擁躉嘅我，毫不猶豫就揀咗 Movenpick 雲呢拿雪糕（Vanilla Dream），雲呢拿籽粒粒看得見，口感極致香滑濃郁，為呢餐生日飯畫上一個完美嘅句號！🍦 馬祖無論係環境、食物質素、定係經理同店員嘅貼心服務都無懈可擊！最重要係無限時呢一點真係大加分，可以同朋友慢慢食、慢慢傾到夠。慶生或者聚會想搵個食得開心又盡興嘅地方，呢度絕對係不二之選！💯 💛個人推介：西班牙伊比利亞黑毛豬、凍豆腐、藥膳姬松茸雞湯 返食指數: 🥑🥑🥑🥑🥑 (5🥑滿分) 藥膳姬松茸雞肉涮涮鍋+藥膳花膠雞涮涮鍋 $308 @mazunlimitime ______________________________________________________ 📍 馬祖 (旺角) 旺角彌敦道628號瓊華中心11樓 #foodie #instafood #drinkdrinkeateatguide #hotpot #DE九龍篇 by @drinkdrinkeateat.guide
🚗 Lotus Car Rental Iceland｜冰島自駕好幫手 🇮🇸 今次冰島之旅最後揀咗喺Lotus Car Rental 租車！Lotus 係一間本地租車公司，車款選擇都幾豐富😍由經濟型小車、SUV、4x4，到Campervan 都有，可以按自己嘅行程同需要選擇 對於計劃冰島自駕嘅朋友，Lotus最方便嘅地方就係佢哋提供 Keflavík International Airport 免費 Shuttle，由機場前往租車辦公室5分鐘就到。落機之後攞車再直接開始 Road Trip，成個流程非常方便🫶🏻 今次只係打算沿住Ring Road環島一圈，唔需要點off road，但又想部車高身少少，又要慳油同all wheel drive，年份又唔好太舊，咁就揀咗Toyota Yaris Cross喇。車身唔算大，但空間同實用性比一般細車好，兩個人加兩個大型行李放後面啱啱好。冰島大部分景點之間距離都遠，除咗自駕真係無其他更加好嘅環島辦法，又方便又唔使就住巴士時間，想幾點出發就幾點出發，隨時停低影相都得🫶🏻 今次租車亦包括 Unlimited Mileage 無限里程、24/7 Roadside Assistance 道路救援，同埋最緊要全程免費 Wi-Fi😍 全程接收都好好，data card都慳番唔使買。Lotus官方亦標示冇隱藏費用，對於一個需要長途自駕，每日跑唔少景點嘅冰島行程嚟講，呢個package都幾實用🫶🏻 如果想挑戰冰島比較崎嶇嘅F roads，Lotus 亦有唔同 4x4 車款，例如 Toyota RAV4, Land Cruiser, Subaru Forester. Land Rover Defender 等等。雖然職員話Yaris Cross都可以行F Road，但係我今次就唔冒呢個險喇，爆肽真係好煩😛 同埋冰島天氣變幻莫測，隨時一日之內可以遇上四季天氣，再加上本地物價偏高，整車人工貴，買保險最好買最貴嗰個plan保障番自己🫶🏻 📍 Lotus Car Rental Iceland Flugvellir 10, 230 Keflavík, Iceland Highlights: ✈️ 免費機場 Shuttle 🚗 多款小型車，SUV，4x4，Campervan可供選擇 🛣️ Unlimited Mileage 🆘 24/7 Roadside Assistance 📶 免費 Wi-Fi @lotuscarrental #Iceland #foodiesofinstagram #YarisCross #RoadTrip #DE海外篇 by @drinkdrinkeateat.guide
📍鮨定山｜Lunch おまかせ $588 日本癮發作🇯🇵又未有時間飛東京？最近就去咗鮨定山 食 Lunch Omakase，坐低嗰刻已經有種瞬間返咗日本嘅感覺🍣✨ 今次午餐廚師發辦由前菜一路食到壽司，食材同處理手法都幾有水準，當中仲有幾件令我特別印象深刻！ 🐟鱈魚乾 鱈魚乾配上蛋黃醬，一入口鹹香十足，作為前菜非常開胃，未正式開始已經令人充滿期待。 🥚松葉蟹蒸蛋 蒸蛋口感滑嫩細緻，暖笠笠入口幾乎即溶，再配上鮮甜松葉蟹肉，淡淡蟹香慢慢滲出嚟，層次感十足。 🐠日本備長炭烤日本馬友配洋蔥汁 用日本備長炭燒製，魚皮燒得金黃香脆，帶住淡淡炭香，再配微酸洋蔥汁，剛好平衡魚肉油脂，食落特別清爽。 🐡秋刀魚（さんま）刺身 秋刀魚醃製得恰到好處，鮮味突出，配上細嫩蔥花一齊食更加有層次，秋刀魚愛好者應該會幾鍾意。 🐙墨魚（すみいか）壽司 墨魚口感煙韌中帶柔軟，鮮甜味慢慢滲出，加上壽司飯嘅酸香，整體非常平衡。 🐟火炙鯖魚（さば）壽司 火炙後鯖魚嘅油脂香氣更加突出，魚皮帶微微焦香，配上醬油後魚香更加濃郁，入口相當滿足😍 🦪帆立貝（ほたて）壽司 帆立貝鮮甜飽滿，口感厚實，海洋鮮味非常突出，簡單點上少許醬油已經好食。 🐟醬油漬赤身（あかみ）壽司 赤身經過醬油醃漬後，鮮味更加集中，魚味突出之餘又保留赤身本身嘅清爽感，味道幾平衡。 🐟中拖羅（じゅうとろ）壽司 油脂分佈平均，入口柔滑，油香慢慢喺口中化開，又唔會過分油膩，係食 Omakase 時其中一件令人期待嘅壽司😍 🐟鮫碟魚（さめがれい）壽司 肉質比一般白身魚更有咬口，煙韌得嚟帶住鮮甜，慢慢咀嚼可以食到魚本身嘅鮮味。 🦐車海老（花竹蝦）壽司 九月開始正值花竹蝦當造季節，蝦肉爽脆彈牙，鮮甜味相當突出，每一啖都食到蝦本身嘅鮮味。 🥘麵豉湯 食到中後段飲返碗熱辣辣麵豉湯特別舒服，味道唔會過鹹，啱啱好將前面食過嘅鮮味重新整理一下。 🦪北海道白海膽壽司 ✨ 全場焦點之一！海膽鮮甜濃郁，入口冇明顯腥味，滿滿海洋香氣慢慢散開，海膽控一定會食得好滿足🫶🏻 🍙太卷 用料相當豐富，包括蛋、蟹柳、蔥、海鰻、干瓢等，一口食到多重口感同味道，為成個 Omakase 劃上完美句號。 🍵 茶冰呢個細節真係幾加分！ 一開始坐低叫咗杯凍茶，食到差唔多尾聲時發現杯茶竟然仲係好有茶味，原來餐廳特登用茶冰代替普通冰粒，冰融化之後亦唔會將茶味稀釋。 呢啲細節可能唔講真係未必會留意，但正正反映到餐廳對食客體驗嘅用心。 ✨ 總結 鮨定山最令我欣賞嘅，除咗食材質素同出品穩定之外，仲有佢對細節嘅重視。由食材處理、壽司溫度，到連凍茶都用茶冰呢啲小細節，都感受到師傅同團隊嘅認真。 全店約 10個座位，環境寧靜舒服，私隱度高，幾適合同伴侶慶祝紀念日、同好友聚會，又或者純粹想靜靜地享受一餐高質 Omakase。 如果最近同我一樣有啲「日本癮」發作🇯🇵，但又未有時間飛日本，#鮨定山 確實係一個幾唔錯嘅選擇。食完之後，真係會令人開始諗：下一次幾時再訂位返嚟食？ 🍣✨ 💛個人推介: 中拖羅壽司, 北海道白海膽壽司, 松葉蟹蒸蛋, 火炙鯖魚壽司 返食指數: 🥑🥑🥑🥑🥑 (5🥑滿分) 🍣Lunch おまかせ $588 ________________________________________________ 📍鮨定山 香港上環永樂街50號昌盛大廈1樓 @sushi_sadayama #foodie #omakase #DE港島篇 by @drinkdrinkeateat.guide
📍Iceland 🇮🇸｜冰島自駕 Day 1 🚗❄️ 終於踏上期待已久嘅冰島之旅🇮🇸✨第一日落機之後就直接開始自駕行程，今次租車揀咗 Lotus Car Rental 🚗 取車流程都幾順利，啲staff都解釋得好清楚同埋態度認真，大部分車都幾新同埋洗得都乾淨✨之後就正式開始我哋嘅冰島Road Trip！冰島景點之間距離比較遠而且好多自然景觀都唔係喺市中心，所以自駕真係方便好多，可以自己控制時間，見到靚景又可以隨時停低影相📸 第一站就去咗超人氣嘅 藍湖溫泉 Blue Lagoon ♨️ 經過一輪飛行之後浸落暖笠笠嘅藍湖溫泉，望住周圍嘅火山地貌，成個人即刻relax落嚟🤍🩵呢種浸住溫泉望冰島獨有自然景色嘅體驗真係幾難忘！ 浸咗半日之後就繼續揸車向南岸方向進發🚗💨 中途去咗 Eldstó Art Cafe 食晚餐。餐廳本身環境幾有藝術感，亦都真係有賣自己啲藝術品。 補充完體力就繼續去到冰島其中一個非常經典嘅瀑布 - 塞里雅蘭瀑布 Seljalandsfoss 🌊 瀑布由高處直落，現場睇比相片震撼好多！而且呢度最特別係可以行到瀑布後面，從另一個角度欣賞瀑布🌊 雖然當日只停留咗大約一個鐘，但都已經覺得非常值得。 ✨ Day 1 行程總結: 🚗 Lotus Car Rental 攞車 ♨️ Blue Lagoon 藍湖溫泉 ☕️ Eldstó Art Cafe 🌊 Seljalandsfoss 塞里雅蘭瀑布 第一日已經由溫泉、cafe到瀑布咁樣一次過體驗晒冰島幾種截然不同嘅一面，正式開啟我哋今次嘅 Iceland Road Trip 🇮🇸🚗💨 後面仲有更多冰島自然景色，繼續睇落去啦✨ 💛個人推介: 冰島真係好適合自駕，景點之間一路揸一路都係風景，隨時停低都可能有驚喜🫶🏻 震撼指數: 💢💢💢💢💢 (5💢滿分) #icelandexplored #travelgram #drinkdrinkeateatguide #DE海外篇 by @drinkdrinkeateat.guide
📍銅鑼灣Akoya 之前喺尖沙嘴食過一次Akoya，印象幾好，啱啱放工經過銅鑼灣，見到原來SOGO側邊都有分店，即刻心思思想再去食返餐😆 今次叫咗幾款人氣菜式，全部都冇令我失望！而且整體環境幾舒服，好有日本居酒屋嗰種輕鬆chill嘅感覺，放工過嚟食飯飲返杯酒就最啱。 🔸 肉厚活3年帆立貝 🐚 一上枱已經忍唔住拎手機影相📸，即場火燒效果超有氣氛，賣相吸睛之餘味道仲好有驚喜！帆立貝夠厚身，口感鮮甜彈牙，加埋牛油同蔥一齊入口，鮮味即刻提升幾個層次，真係食完一隻會想再追加🤤 🔸 明太子煎蛋卷 🥚 如果本身係明太子控，呢個真係必點！煎蛋卷做得好嫩滑，蛋香濃郁，一切開即刻見到滿滿明太子流晒出嚟😍 鹹香同蛋香非常夾，每啖都好滿足，完全係居酒屋必食水準！ 🔸 鹽燒牛舌 🐮 原本以為得一串，點知上到枱原來係成碟，份量比想像中多👍🏻 牛舌燒得啱啱好，外層帶少少焦香，咬落爽脆得嚟又夠嫩，入面仲保留到肉汁，越食越香。鍾意食牛嘅朋友應該會一食愛上！ 🔸 豚肉香蔥卷 🐷 豚肉同香蔥真係經典組合😍 燒得香噴噴嘅豚肉包住清甜爽脆嘅香蔥，一啖咬落去即刻平衡咗豚肉嘅油脂感，食落完全唔會覺得好膩。肉香同蔥香互相襯托，簡單但好食。 🔸 雞湯卡邦尼烏冬 🍜 呢個真係有驚喜！一食入口即刻勾起之前去東京旅行嘅回憶🥹，好似返返去當時喺東京食烏冬嘅感覺。濃郁嘅卡邦尼醬汁混合雞湯鮮味，每條烏冬都好掛汁，口感煙韌又順滑，加上煎香咗嘅煙肉同芝士，令人忍唔住一啖接一啖食晒成碗！ 🔸 間八刺身 🐟 餐廳會因應時令海鮮不定期更新Seasonal Menu，當日就啱啱有間八魚。第一次試呢款魚肉，魚肉鮮甜細嫩，油脂分佈均衡，入口帶少少甘香，完全食得出新鮮度。配埋一杯冰涼日本清酒更加係絕配！ 🔸 日本清酒｜越後櫻大吟釀 🍶 平時唔算太常飲酒，但呢支越後櫻大吟釀真係幾易入口。酒體清爽順滑，唔會有太重酒精感，就算平時少飲酒或者女仔飲都唔會覺得難接受。食刺身或者串燒嗰陣慢慢飲，特別有居酒屋氣氛。餐廳而家仲有唔少日本清酒做緊優惠，部份仲做到五折！ 🔸 銀鱈魚西京燒 🐟 呢個絕對係居酒屋必點之一！銀鱈魚表面煎得微微金黃香脆，而魚肉內裡依然保持超級嫩滑，一夾開已經見到魚肉鬆軟細緻😍 西京燒獨有嘅微甜味道令魚鮮更加突出，再蘸少少醬汁食，層次更加豐富，食完令人回味。 另外仲叫咗幾款串燒： 🔸 豚五花肉 🐷 油脂香氣十足，燒得啱啱好，入口充滿肉香。 🔸 手羽先（雞翼） 🍗 外皮香脆，肉質嫩滑，係好容易食到停唔到口嗰款😋 🔸 燒玉米 🌽 粒粒飽滿香甜，加上燒過後嘅焦香味，好適合中途轉換下口味。 🔸 自家製免治雞肉串 🍢 雞肉打得細緻扎實又帶肉汁，食得出同一般現成貨有分別。 ✨ 總結 整體嚟講，食物質素一流，賣相夠吸引，氣氛又舒服，好適合同朋友放工飲兩杯、食下串燒傾下計。難怪之前食完尖沙嘴店之後，今次經過銅鑼灣都忍唔住再訪。 最加分嘅係店員服務態度親切又細心，由入座到埋單都感受到佢哋嘅熱情招待。無論想食串燒、刺身，定係單純想感受下日本居酒屋氣氛，呢間都值得一試！🇯🇵✨ 返食指數：🥑🥑🥑🥑🥑（5🥑滿分） ________________________________________________________________________ 🐚 肉厚活3年帆立貝 $148 🥚 明太子煎蛋卷 $88 🐮 鹽燒牛舌 $78 🐷 豚肉香蔥卷 $36 🍜 雞湯卡邦尼烏冬 $98 🐟 間八刺身 $180 🍶 越後櫻大吟釀 $780 🐟 銀鱈魚西京燒 $138 🍗 手羽先 $36 🌽 燒玉米 $28 🍢 自家製免治雞肉串 $36 @akoya_cwb @akoya_prat10 #instafood #instafoodie #foodiegram #DE港島篇 #akoyacwb by @drinkdrinkeateat.guide
📍抹茶控必食！Kyo Matcha 新店試食🍵💚 啱啱行完 Airside，本身打算周圍逛下，先發現隔離新開既天璽天商場。行到一半，突然見到一間近期新開嘅抹茶甜品店，身為一個抹茶控🍵，真係完全冇抵抗力，即刻拉埋另一半入去試下！ 今次叫咗幾款一睇到就已經心郁郁想食嘅甜品，結果全部都冇令我失望😍 🔸雪糕（抹茶3號、開心果） Kyo Matcha 嘅招牌之一就係唔同濃度嘅抹茶雪糕，可以按自己口味揀濃淡。我今次揀咗抹茶3號，抹茶味夠突出但又唔會過苦，入口帶少少回甘，好適合平時鍾意抹茶但未必接受到超濃茶味嘅朋友🍵 另外個開心果味都好有驚喜，堅果香夠濃郁，兩款雪糕甜度都控制得幾好，唔會甜到搶晒味，食完成個人好舒服🥰 🔸抹茶雪糕大福 呢個真係有種拆禮物嘅感覺🎁！店員拎出嚟嘅時候，表面睇好似係一個普通大福配雪糕筒，本身仲冇乜特別期待。點知一咬開個大福，即刻發現入面竟然包住冰凍抹茶雪糕🤩！煙韌軟糯嘅大福皮加埋幼滑雪糕，口感層次好豐富，而且抹茶香好突出，絕對係會令人忍唔住影相打卡嘅甜品。 🔸抹茶豆腐 本身未食過抹茶豆腐，都有少少好奇。估唔到抹茶同豆腐原來咁夾！ 豆腐口感滑溜細緻，而抹茶嘅微甘同茶香就剛好平衡咗甜味。成個甜品甜度非常克制，唔會食兩啖就覺得膩，非常符合而家香港人鍾意「少甜但有層次」嘅口味💚 ✨總結 最近天氣熱到日日都想搵地方避暑，而抹茶甜品絕對係好選擇🌞。 Kyo Matcha 除咗賣相吸引之外，最欣賞佢甜度控制得好好，可以真真正正食到抹茶應有嘅茶香同回甘。 如果你本身係抹茶控，或者行完 Airside 想搵個地方坐低休息下、食個甜品降下溫，呢間絕對值得放入收藏名單🍵✨。食完之後，仲會令人想下次再返嚟挑戰更高濃度嘅抹茶雪糕！ 💛個人推介: 抹茶雪糕大福、抹茶3號雪糕 返食指數: 🥑🥑🥑🥑🥑 (5🥑滿分) 抹茶豆腐 ($80) 抹茶雪糕大福 ($38) 兩球雪糕 ($58) @kyomatcha.hk ____________________________________________________________________________ 📍Kyo Matcha (九龍城) 啟德協調道10號天璽天商場B1樓B113號舖 #instafood #ınstafoodıe #foodiesofinstagram #啟德美食 #DE九龍篇 by @drinkdrinkeateat.guide
📍鹽港夜市｜深圳市數一數二嘅海景夜市🌃🍢 近排北上除咗食飯同行商場之外, 都發掘到一個幾特別嘅地方, 就係深圳鹽港夜市🤩 同一般夜市最大分別係, 鹽港夜市唔單止有美食, 仲坐落半山位置, 可以一邊吹海風一邊欣賞鹽田港夜景, 日落之後上嚟拍拖一流✨ 夜市以車尾箱市集形式營運, 集合咗唔同特色小食, 飲品, 文創手作同特色攤位. 一到夜晚就燈火通明, 加上山景海景同港口景色同時出現, 成個山頭都係打卡位📸 最吸引我嘅一定係三樓觀景台🌃, 企喺高處望落去, 成個鹽田港貨櫃碼頭燈海盡收眼底🫢 平時去開深圳商場食飯未必有機會睇到呢啲景色, 所以小編覺得係值得間唔中嚟吓嘅 夜市入面有唔少燒烤🍢炸物🍗甜品🍰特色飲品🥤同小食檔, 價錢唔算特別平但勝在選擇多✅買完嘢食之後仲可以搵個位置坐低慢慢食, 睇住夜景同朋友吹水, 完全係放鬆 mode🙆🏻‍♂️ 交通都幾方便, 搭深圳地鐵8號線去到鹽田路站再轉乘夜市專線巴士 T117 就直達夜市入口, 車費只係¥3🚌 如果平時北上已經去慣商場Cafe 同餐廳, 想試下唔同類型嘅深圳夜生活, 鹽港夜市真係值得一去👍🏻 💛個人推介: 三樓觀景台, 港口夜景, 燒烤小食 返食指數: 🥑🥑🥑🥑🥑 (5🥑滿分) ____________________________________________________________ 📍鹽港夜市 (鹽田區) 深圳市鹽田區空翠台附近 #hkfoodie #foodiesofinstagram #drinkdrinkeateatguide #de中國篇 by @drinkdrinkeateat.guide
觀塘Fusion Steakhouse🇮🇳🥩 異國風情西式印度菜 今日下晝公司喺觀塘有活動, 放工後順便喺附近食埋 dinner, 行過見到 Corner 90, 見到門口展示嘅菜式即刻被吸引入去試下🤩 餐廳裝修走異國風路線, 暖黃色燈光配上竹製吊燈, 氣氛舒服又有格調, 成間餐廳充滿 exotic vibes, 無論約會, 朋友聚餐定慶祝 occasion 都幾適合✨ 今次叫咗幾款餐廳招牌菜式😋 🐓 奶油咖喱雞配蒜香烤餅 (Naan) 雞肉煮得非常嫩滑, 奶油番茄咖喱醬香濃順滑, 帶少少辣香但唔會太刺激, 奶油味完全滲入雞肉入面。配埋新鮮即焗 Naan 一齊食, 吸滿咖喱醬汁, 真係幾 得🤤 🐮🍟 阿根廷 Ribeye 牛扒薯條套餐 套餐可以揀阿根廷 Ribeye 或美國西冷牛扒, 今次揀咗阿根廷 Ribeye。牛扒肉質鮮嫩, 牛味濃郁, 配搭薯條非常滿足。套餐仲包一杯紅酒🍷, 最吸引係薯條可以無限 refill, 性價比幾高。 🥟 香料薯仔咖喱角 (Samosa) 每次食印度菜都一定會叫 Samosa, 呢度做得幾有水準。外皮炸得香脆, 薯仔餡料鬆軟, 香料味平衡得幾好, 就算平時唔太食印度菜都容易接受👍🏻 臨走前見到佢哋 Weekend Brunch Menu 同樣幾吸引, 每位只需 $178, 性價比唔錯, 下次經過觀塘都想再試下🍳 Corner 90 將西餐同印度風味融合得幾有特色, 食材有質素, 環境舒服, 店員服務亦細心有禮, 想喺觀塘搵一間同平時西餐有少少唔同嘅 Fusion 餐廳, 呢間值得一試🤍 💛個人推介: 奶油咖喱雞配蒜香烤餅, 阿根廷 Ribeye 牛扒套餐, 香料薯仔咖喱角 返食指數: 🥑🥑🥑🥑🥑 (5🥑滿分) 🐓 奶油咖喱雞配蒜香烤餅 $174 🐮 阿根廷Ribeye牛扒薯條套餐 $208 🥟 Samosa $58 ____________________________________________________________ 📍Corner 90 (觀塘) 觀塘鴻圖道90號地舖 @corner90kwuntong #instafood #instafoodie #foodiegramfoodie #觀塘美食 #DE九龍篇 by @drinkdrinkeateat.guide
港式餐廳代表！中環翠華高水準回歸🍜✨ 因為世界盃⚽️嘅關係，行過經過翠華加咗唔少世界盃嘅裝飾，所以吸引咗入去食晚飯😆 之前喺舊鋪時都去過，新鋪裝修好靚，空間闊落，亦因為世界盃關係，餐廳仲設有電視直播賽事, 一邊食飯一邊睇波, 氣氛非常熱鬧⚽！ 今次叫咗幾款招牌菜式🤤 🍜 喇沙海鮮湯麵, 湯底神還原新加坡喇沙風味, 椰香非常濃郁, 帶少少辛香但唔會太辣, 就算平時唔太食辣都好容易接受。海鮮份量充足又新鮮, 配埋濃郁喇沙湯底非常夾, 每啖都充滿鮮味。 🐟 香煎海鱸魚柳配文也牛油汁, 魚柳外層煎得香脆, 肉質嫩滑, 配上香濃嘅文也牛油汁更加提升鮮味, 整體配搭幾有驚喜。 🧀 原味巴斯克流心芝士餅, 中間保持流心口感, 芝士味濃郁但甜度唔高, 幾切合香港人口味, 食完成餐飯作為甜品啱啱好。 今次用餐感覺到餐廳上菜速度好快, 店員亦都好有禮貌, 整個用餐過程幾舒服。食材質素亦保持到水準, 睇得出用料幾有誠意, 食得出真材實料。 整體嚟講, 翠華依然保持到港式餐廳代表嘅水準, 無論想食經典港式美食, 定係試下新推出嘅特色菜式都幾值得一試。位置方便, 環境舒服, 放工食飯、朋友聚餐或者一家人食晚飯都好適合。 💛個人推介: 喇沙海鮮湯麵, 香煎海鱸魚柳配文也牛油汁, 原味巴斯克流心芝士餅 返食指數: 🥑🥑🥑🥑🥑 (5🥑滿分) 🍜 喇沙海鮮湯麵 $98 🐟 香煎海鱸魚柳配文也牛油汁 $108 🧀 原味巴斯克流心芝士餅 $48 🥬 芥蘭 $32 ____________________________________________________________ 📍翠華餐廳 (中環) 中環威靈頓街1號荊威廣場高層地舖 @tsui_wah_hk #instafood #instafoodie #foodiegram #中環美食 #DE港島篇 by @drinkdrinkeateat.guide

Download All

Save the photos and videos currently loaded on this page.

0Photos
0Videos
Ready to download 0 / 0

Keep this tab open until your download is ready.
back to up