Instagram story viewer> @drmayabouzaid> Posts

Dr.May Abouzaid

@drmayabouzaid

39.5K

followers

7731

following

🧠 ICF certified Positive Psychology COACH
🤍 Codependency & Addiction Recovery
🩺 Autoimmune illness emotional support
👇 Start your healing journey here

POSTS STORIES REELS

في أمراض
الناس بتشوفها بالتحاليل…
وفي وجع تاني
بيفضل مستخبي جوا الشخص
كل مرة يسمع فيها:
“انتي بس كسلانة”
أو
“أكيد الموضوع نفسي.”

الأمراض المناعية مش مجرد تعب عادي.
دي معركة يومية مع جسم
مفروض أصلًا يحمي صاحبه.

فقبل ما تحكم على حد شكله “كويس”…
افتكر إن في ناس
بتبذل مجهود رهيب
عشان بس تعدّي اليوم بشكل طبيعي.

الكلمة فعلًا ممكن تخفف…
وممكن تزود الوجع أكتر.

ولو عندك حد عنده مرض مناعي،
أحيانًا أكتر حاجة محتاجها
إنك تصدّق تعبه
مش تقلل منه 💔💔💔 by @drmayabouzaid

مش كل وجع بيتشاف.

ممكن تكوني بتضحكي، بتخرجي، وبتتكلمي طبيعي…
وفي نفس الوقت بتكوني بتحاربي حاجة محدش شايفها.

المرض المناعي مش لازم يبان على شكلك،
بس ده مش معناه إنك مش بتتعبي.

فلو في حياتك حد عنده مرض مناعي:
افهم قبل ما تحكم،
واسأل قبل ما تنصح،
واتعلم قبل ما تقول كلمة توجع.

لأن اللي مش باين للعين…
ممكن يكون أتقل وجع بيتعاش. 🤍

#الأمراض_المناعية #المرض_المناعي #التوعية #التعاطف #AutoimmuneDisease by @drmayabouzaid

إحنا أوقات بنفتكر إن القوة معناها:
نكمل
نسكت
ونعمل نفسنا كويسين

بس الجهاز العصبي والجسم
مش بيفرقوا بين “الخطر الحقيقي"
و بين المشاعر اللي بنكتمها طول الوقت

التوتر المزمن
الخوف
الضغط النفسي
وكتمان المشاعر لفترات طويلة
ممكن يخلّوا الجسم يفضل في حالة استنفار دائم

وده مع الوقت بيأثر على المناعة
والالتهابات
والهرمونات
وأحيانًا بيكون عامل من العوامل المرتبطة بأمراض مناعية
زي الهاشيموتو، الذئبة الحمراء، وغيرها

وده مش معناه إن السبب “نفسي بس”
لكن الصحة النفسية والجسدية مرتبطين بشكل أعمق بكتير مما الناس متخيلة.

عشان كده التعب النفسي مش دلع
والمشاعر اللي بنتجاهلها
مش بتختفي…
الجسم أوقات بيشيلها بدل مننا

حاسة ان فيه ناس كتير محتاجة تسمع الكلام ده 🤍🤍🤍 by @drmayabouzaid

⁨ في ناس… مش بتأذينا بشكل واضح
بس بتخلّينا نحتار مع نفسنا كل يوم

نسكت؟ فنوجع…
ولا نتكلم؟ فنبقى مش شبهنا

وأسوأ إحساس…
إنك تبقى مش مرتاح في الحالتين

الحقيقة اللي بتوجع؟
مش كل اللي بنحبهم ينفع نكمّل معاهم

أوقات… البُعد مش قسوة
البُعد نجاة 🤍⁩ by @drmayabouzaid

هل فعلاً زعلـك ونفسيتك ممكن يسببوا لك مرض مناعي؟ 🧠🧬
العلاقة بين المخ والجهاز المناعي أقوى مما نتخيل. التوتر المستمر والضغط النفسي مش مجرد شعور مؤقت، ده بياثر بشكل مباشر على تنظيم جهازك المناعي وطريقة استجابة جسمك للالتهابات.
الأبحاث أثبتت ارتباط اضطرابات التوتر بزيادة خطر الإصابة بأمراض المناعة الذاتية، بس ده مش معناه إن التوتر لوحده بيسبب المرض!
العلاقة دايماً في كزا اتجاه:
1️⃣ الألم والإرهاق المستمر بيرهق نفسيتك.
2️⃣ الخوف من نشاط المرض بيزود توترك.
3️⃣ تأثير الأعراض المباشر على تفاصيل حياتك اليومية.
علشان كده، علاج المناعة الصح محتاج “الصورة كاملة
اهتمامك بصحتك النفسية، النوم، وإدارة التوتر لازم يمشوا إيد بيد مع العلاج والمتابعة الطبية
جسمك ونفسيتك مش جزءين منفصلين.الاهتمام بصحتك النفسية مش بديل للعلاج، ده جزء أساسي من جودة حياتك وعلاجك💙
💬 شاركنا: هل حسيت قبل كده إن التوتر انعكس على جسمك؟ by @drmayabouzaid

مش كل كلام يتقال، ومش كل خلاف محتاج تدخلك.. 🤐
نقاوة قلبك بتبان في الكلام اللي بتختاري ما تقولهوش، وفي كل مرة بتختاري تصلّحي بدل ما تفرّقي. ❤️
#اقفلي_بؤك #وعي #علاقات_صحية by @drmayabouzaid

Meet our SHE CAN Ambassadors for SHE CAN Tech & AI Edition ✨

Dr. Lina Rageh — Medical Student & Content Creator
Dr. May Abouzaid — Certified Positive Psychology & Codependency, Addiction Recovery Coach
Zeina Elsharkawy — Founder of ZenZ Social Media Agency & Content Creator

Three inspiring women, three unique journeys, and one shared vision: empowering women through technology, AI, and opportunity. 💜 by @drmayabouzaid

فيه حاجات ما بنعرفش قيمتها غير لما تبقى مش مضمونة.

الصحة، الطاقة، اليوم العادي، القدرة إنك تصحي وتعملي اللي وراكي من غير ما تفكري هتدفعي تمنه من صحتك إزاي.

رحلتي مع المرض المناعي غيرت نظرتي لحاجات كتير.

مش هقول إن المرض كان هدية، ولا إن كل وجع وراه حكمة… لأن فيه أيام صعبة فعلًا، ومفيش كلام إيجابي يقدر يلغي صعوبتها.

لكن اتعلمت أبص لنفسي وللناس وللحياة بشكل مختلف.

اتعلمت إن مش لازم أكون قوية طول الوقت، وإن قيمتي مش مرتبطة بقدرتي على الإنجاز، وإن وجود شخص واحد حقيقي بيسندك ممكن يفرق أكتر من وجود ناس كتير حواليك.

ولو إنتِ كمان بتعيشي مع مرض مزمن أو مناعي، عايزة أسألك:

إيه أكتر حاجة المرض غيّر نظرتك ليها؟

يمكن اعترافك يكون هو الكلام اللي حد تاني محتاج يسمعه النهارده. ❤️ by @drmayabouzaid

انتظرونا غداً في برنامج Simply Healthy!!
و ضيفتي في الحلقة أ/ مي أبوزيد - كوتش علم النفس الإيجابي و التعافي.. يوم السبت الساعة 10:30 صباحاً علي قناة هي.
هنتكلم عن كيفية التعامل مع المرض المناعي و تحسين الحالة النفسية أثناء رحلة العلاج.

برنامج Simply Healthy
حوارات طبية.. نصايح غذائية.. و وصفات هنقدر نطبقها بكل سهولة..

#simplyhealthy
#قناة_هي | #hya_tv by @drmayabouzaid

⁨ ⁨ 🚀 جاهزة تطوري من نفسك وتستعدي لفرص جديدة؟

سواء عايزة تطوري الـ Career بتاعك أو تكبّري الـ Business بتاعك، تعلُّم استخدام الـ AI بقى خطوة مهمة جدًا!

📅 مستنياكم يوم 13 نوفمبر في SHE CAN Tech & AI، يوم مليان أفكار ومهارات عملية تساعدك تواكبي التغيير وتستخدمي التكنولوجيا لصالحك.

🔗 لينك التسجيل في البايو.. متفوتيش الفرصة! 💗

#SHECAN #TechAndAI #AIForBusiness #careerdevelopment⁩⁩ by @drmayabouzaid

هي مش محتاجة منك تعالجها … هي محتاجة تحس إنها مش لوحدها في رحلتها. ❤️

مراتك مش مطالبة تثبتلك كل يوم إنها تعبانة، ولا تبررلك ليه مبقتش قادرة تعمل كل حاجة زي الأول.

صدّق وجعها، خفّف عنها، ومتخليش أقرب شخص ليها يبقى أصعب جزء في رحلتها.

لكل زوج عايز يفهم أكتر… الفيديو ده ليك. 🤍

#الأمراض_المناعية #الدعم_النفسي #الصحة_النفسية #العلاقات_الزوجية by @drmayabouzaid

مش كل الناس هتشوفك زي ما إنتِ، ومش كل الناس هتفهم نيتك صح.. وده مش معناه إن فيكي حاجة غلط. ❤️
ركّزي إنك تكوني راضية عن نفسك، عن أخلاقك، وعن الطريقة اللي بتعاملي بيها الناس.. وسيبي لكل واحد انطباعه.
مش مطلوب منك تثبتي إنك كويسة لكل الناس.. كفاية تكوني حقيقية مع نفسك. ✨ by @drmayabouzaid