Instagram story viewer> @foodie_waa> Posts

Foodie_waa

@foodie_waa

5.9K

followers

6414

following

Foodie_waa🦦
🇭🇰ʜᴋ ғᴏᴏᴅɪᴇ🥢
🥂🍤🍡🍧🍱🌮🥐🍕🥩🫕
夢想愈食愈瘦的女孩👧🏻💕
😋𝕆𝕡𝕖𝕟ℝ𝕚𝕔𝕖 -𝑳𝒗4- 🍚
📩ᴅᴍ ғᴏʀ ᴄᴏʟʟᴀʙ

POSTS STORIES REELS

韓式燒肉萬聖節主題氣氛一流🎃

喺門口已經感覺到濃濃嘅萬聖節氣氛
南瓜燈、蜘蛛網、骷髏裝飾佈滿成間餐廳，連天花板都掛住幽靈吊飾，加上大部分員工都係韓國人，不時傳來韓語，真係有種瞬間飛到首爾嘅錯覺🤣今晚約咗朋友嚟提早慶祝萬聖節，順便試吓呢間人氣韓式烤肉店😍
-
坐低無耐，店員先送上幾款韓式前菜，泡菜、醃蘿蔔青瓜款式，新鮮開胃，泡菜辣度啱啱好
我哋叫咗杯萬聖節限定嘅怪獸特飲，造型搞鬼，杯邊掛住隻眼珠糖勁搞笑，而且仲可以揀不含酒精版本，啱晒唔飲酒嘅朋友👍🏻
飲落係酸甜果味，清新解膩，打卡一流📸
-
烤肉方面，我哋叫咗韓牛橫隔膜肉同醃牛肉韓式烤肉，橫隔膜肉油花分佈均勻，燒到表面微焦、內裡粉嫩，一咬落去肉汁爆晒出嚟💕牛味濃郁得嚟帶少少咬口，點少少鹽已經好好食
醃牛肉韓式烤肉則係另一種風味，醬汁甜中帶鹹，肉質軟腍入味，加片蒜頭一齊食，層次感十足
-
食到一半，大醬鍋熱辣辣上枱，跟埋一碗白飯
鍋入面有豆腐、青椒、洋蔥同蜆肉，湯底辣辣地帶濃郁大醬香，青椒嘅微辣同豆腐嘅滑嫩好夾，飲一啖湯成個胃都暖晒，尤其係食完烤肉之後嚟一碗，真係舒服到不得了🫶🏻
-
朋友叫咗杯優酪乳燒酒，甜甜地有啲似益力多，酒味唔算突出，好易入口，啱晒女仔飲
我就叫咗百事檸檬生可樂，食完濃味嘢飲一啖即刻清爽返晒

📍 三岔路口 (尖沙咀)
尖沙咀寶勒巷3-7號萬事昌廣場1樓101號舖 by @foodie_waa

聚會首選！牛站麻辣火鍋
收工同班 fd 去咗銅鑼灣嗰間牛站麻辣火鍋放題開餐😋😋
平時食放題最怕漏單或者食物質素一般，但呢間真係唔錯喎，食物質素高、種類多👍🏻
-
肉類方面，我哋瘋狂叫咗「澳洲M5和牛」同「特上牛小排」
啲和牛一上枱睇個紋路就知正，油花分佈得好靚
淥幾下就食得，入口嫩滑到好似識化開咁，牛味極濃！
-
不過最令我驚喜嘅，竟然係佢哋任食嘅招牌乳鴿！出面單點一隻都幾廿蚊，呢度竟然可以無限任叫
乳鴿炸到外皮金黃脆皮，一咬落去入面啲肉汁即刻爆出嚟，肉嫩滑又夠入味，爽到震！🤣
海鮮方面同樣無令人失望，海鮮控必點嘅鮑魚，生蠔，帆立貝，象拔蚌，大頭蝦，海中蝦，沙白，海螺片，青口全部都係無限追加，鮑魚上枱嗰陣仲好厚肉，淥熟之後食落口爽口彈牙，非常新鮮
生蠔粒粒都好肥美，滑溜得嚟有海水既鮮甜
出面熟食區既蒸生蠔千祈唔好錯過
-
食到尾聲，無論幾飽都一定要留個肚俾甜品，因為呢度連 Häagen-Dazs 雪糕都係任食！平時去超市買一盒都三十幾蚊，呢度有幾款口味任你揀，食夠三、四杯都已經即刻回本😋
-
牛站銅鑼灣店無論係湯底、M5和牛、海鮮，定係爆汁乳鴿同雪糕，全部都非常有誠意☺️
限時之內瘋狂追加都完全無漏單，上菜速度極快👍🏻

📍牛駅麻辣火鍋放題 (銅鑼灣)
銅鑼灣駱克道463-483號銅鑼灣廣場二期11樓

#香港美食 #香港必食 #香港探店 #香港打卡 #香港好去处 by @foodie_waa

有任食榴槤真係超正🤩

今日收工又去咗食放題😍識食梗係食8:30pm $288+10%嘅時段去啦🤣
去到梗係要出去夾吓啲涼拌小菜先啦，最愛當然係青口、中華沙律、海蜇、涼拌魚皮絲麻辣汁勁正！
通常我都鍾意飲暖湯暖一暖胃先，今日係蟲草花雞湯❤️旁邊仲有啲炸雞同章魚燒～
一樣都係收碟快上菜快👍🏻一嚟我已經有明確嘅目標，今日我要實現榴槤自由🥰勁好食啲榴槤食咗超多轉！同埋不得不提鵝肝都非常好食，入口即溶😋
過咗暑假依家小人啲，啲刺身一樣咁新鮮夠凍～
三文魚油甘魚超級肥美，赤海蝦甜蝦夠黏口，希靈魚啲粒粒卜卜脆勁爽！赤貝帶子都勁鮮甜😍
熟食燒蠔同蟶子必叫🥰一碟勁多蟶子超吸引🥹
飲品一樣咁多選擇！最後都一定要食甜品同Häagen-Dazs雪糕作結😋

📍 極尚大瀛喜日本料理 (旺角)
旺角彌敦道655號5樓

#香港旅游 #香港必喝 #香港放題探店 #香港放題店 #香港好去处 by @foodie_waa

環境靚，嘢食仲正！

前排同朋友去旺角行街，行到The Forest，見到呢間餐廳環境幾靚，入面好開揚，座位與座位間好寬闊，見到佢跟上潮流門口有放爆旋陀螺嘅盤有挑戰賽，間中都見到有啲小朋友拎住成set陀螺喺度玩，幾歡樂😆我記得我細細個都有玩過😍
-
講返食物
首先係路邊炭火蒜炒豬腩肉
佢炒到好夠鑊氣，豬腩肉邊邊有少少焦香好惹味！用埋生菜包住嚟食，咁就冇咁膩，一啖咬落去，又惹味又香，真係忍唔住食完一塊又一塊
-
醉鬼惹火炒粿條
啲粿條煙煙韌韌，條條都索晒啲醬汁
小小麻椒味食到停唔到口
-
蔗蝦同泰式蝦餅
蔗蝦外面炸到金黃色，咬到中間仲有條清甜嘅甘蔗，點埋個酸甜醬，好夾
至於蝦餅，同樣外脆內軟，蝦味好出又彈砂足料，又唔會油淋淋👍🏻
-
甜品就梗係要芒果糯米飯啦！
紫藍色嘅糯米飯暖暖地，口感煙韌，配埋超甜嘅芒果，再加埋啲鹹鹹甜甜嘅椰漿，面頭仲有啲椰子脆片，食落口感好豐富🥰
-
最後飲品叫咗杯龍鬚三色冰，淨係睇樣已經贏晒！面頭鋪滿三色龍鬚糖，入口即溶好似雪咁，而底下嘅椰奶又好香滑，飲落清清涼涼，解渴之餘仲可以打卡，冇得輸！同埋依家泰國成日都話要試彩色龍鬚，而家唔使去泰國都試到了☺️
-
啲菜式特別得黎又有水準，最重要
環境舒服，又多唔同款試😉

📍 青花 (THE FOREST) (旺角)
旺角奶路臣街17號THE FOREST 1樓107-108號舖 by @foodie_waa

我唔係第一次嚟銅鑼灣呢間㗎喇，不過因為我成日都周圍食放題，所以好有比較💛今次再嚟，我覺得佢依然keep到水準，係值得回頭嘅一間👍🏻
-
成間鋪夠晒開揚，又多座位唔逼，窗口有自然光，成個場望落好乾淨好舒服，最緊要係冷氣夠哂，就算我狂食熱嘢炸嘢，都完全唔會覺得熱，呢樣對於我呢啲放題常客嚟講真係好重要，唔使食到成身汗🤓
-
我行出去熟食區行個圈，點心、炸物、小龍蝦樣樣齊，我即刻夾咗幾粒蝦餃燒賣，皮薄餡靚，勁多小龍蝦見到好多人夾，凍食區都唔輸蝕，蜆肉、青口、熟蝦全部新鮮乾淨，仲有好多款涼拌，青瓜海蜇、麻辣豬耳嗰啲，酸酸辣辣，夏天食勁開胃🤤
-
甜品櫃先係我嘅最愛，款式多到眼花繚亂，除咗平時見到嘅蛋糕布甸，仲有啲好得意嘅款，例如提子形狀嘅奶凍、柿子款式既甜品，我見到都開心，覺得呃Like都抵😆飲品區都係應有盡有，汽水、果汁、茶、冷泡茶等，我揀咗好耐先決定到飲邊款😆
-
我哋嗌咗A餐，我最期待就係佢個燒榴槤，上枱已經聞到陣香味，燒到金黃色，我一啖入口，綿綿密密，榴槤味濃得嚟又唔會太搶，連我個Friend平時唔多好榴槤都話呢個ok喎，不過講真，如果想食新鮮即開嗰種，就要嗌B餐先有，我下次一定要試！
總括嚟講，我覺得呢度環境正、嘢食多、質素又穩定，熟食凍食甜品飲品都冇咩伏位，不過A餐冇即開新鮮榴槤，但燒榴槤都已經好滿足，同朋友聚會又好，家庭飯局又好，坐得舒服又可以慢慢嘆兩個鐘，我下次再嚟一定會升級B餐，試埋即開榴槤，到時再同大家講🤣

📍 極尚大喜屋 (銅鑼灣廣場一期) (銅鑼灣)
銅鑼灣軒尼詩道489號銅鑼灣廣場一期9樓

#香港美食 #香港必食 #香港探店 #香港打卡 by @foodie_waa

性價比真係冇得輸！抵食到我朋友每個月都要食🤣

我每個月都一定會陪個friend去食一次，因為佢真係超鍾意😂最近都係食旺角嘅極尚大瀛喜，因為呢間分店出名全線最平，仲有即開榴槤任食，聽到都覺得勁吸引☺️
-
環境舒服，上菜收碟超快手勁有效率😆
-
餐廳位置超方便，旺角站E1出口一出就係
最緊要係上菜速度極快，啲嘢食轉頭就到，完全唔使等！收碟嘅阿姐阿哥手腳都好爽手，食到成枱都係嘢都好快幫你清走😎全場爆滿但服務依然高效，呢點真係抵讚！
-
刺身、熱食、甜品，咩都有齊
講返啲食物，刺身係必食㗎！藍鰭吞拿魚油脂超香，入口即溶
帶子鮮甜爽滑，赤蝦彈牙
仲有松葉蟹腳同甜蝦，全部厚切新鮮
我個friend次次都喪叫幾輪先收手🤣
-
熱食方面更加驚喜
金銀蒜粉絲蒸蟶子任食，蟶子厚肉爽口，加埋蒜蓉粉絲，我哋每次都叫好多隻
仲有西京燒比目魚同燒菠蘿，用嚟解膩一流
避風塘炒蟹香口惹味，芝麻雞翼脆嫩爆汁，基本上熱食全部都有水準
-
重頭戲梗係即開榴槤任食！
講到最正嘅，一定係即開新鮮榴槤！佢嘅榴槤唔係雪到硬晒嗰種，而係新鮮即叫即開，果肉綿密軟滑，超甜！
榴槤控真係會食到癲，大家都瘋狂叫瘋狂食超正超爽🤣
-
甜品方面，Häagen-Dazs雪糕任食，仲有Movenpick，一次過滿足兩個願望
飲品櫃超多選擇，清酒、梅酒、啤酒都係任飲！
-
8:30入座二小時埋單人均$288加一，可以食到咁多高質食材，最重要仲有即開榴槤任食，真係抵🤣

📍 極尚大瀛喜日本料理 (旺角)
旺角彌敦道655號5樓

#香港必食 #香港探店 #香港打卡 #香港旅游 #香港放題店 by @foodie_waa

真係抵！既韓國菜🇰🇷

Hancham 由 2014 年開業至今，一直堅持只用新鮮原塊肉、每日手工切割、從不冷凍，牛同豬都嚟自濟州島，確實難得🥹
所以我就約咗朋友一齊去尖沙咀食～
-
我哋兩個揀咗 Feed My Seoul 套餐 $880、加咗個 Honey Comb Makgeolli $128，呢個套餐真係超值!
-
一坐低，先上咗啲小菜開胃
凍冰冰好正👍🏻又醃到好夠味
-
馬格利有真蜂巢，飲落甜酸啱啱好，配燒肉一流☺️
我簡咗三款肉：
雪花牛肉、特級調味牛肋骨、伊比利亞豬肋條
.
雪花牛肉油花靚，外脆內嫩，牛油勁香，入口溶化既感覺～😍
牛肋骨調味入味，烤到焦香軟腍
伊比利亞豬肋條肥瘦分明，彈牙又香，烤到外層脆口又juicy
三款肉質同味道各有特色，夾埋杏鮑菇、洋蔥一齊仲正☺️
-
最尾上咗鐵板魚籽泡菜炒飯，用錫紙包住放喺炭火上焗，揭開一刻熱氣同煙燻香出哂黎，飯粒吸滿泡菜味，魚子一咬就爆開，上面有融化芝士拉絲🤤我同朋友兩個即刻搶住食，幾分鐘就掃晒！
呢個絕對係全晚嘅 Highlight，太邪惡了！
整體嚟講，Hancham 環境舒服，有炭火香～
肉質新鮮度真係有水準，十年堅持嘅功夫有得睇，兩個人食完超飽🥰

📍 韓珍 (寶勒巷) (尖沙咀)
尖沙咀寶勒巷6-8A號盈豐商業大廈1樓 by @foodie_waa

尋晚同朋友去咗銅鑼灣間Dan Ryan‘s，餐廳裝修充滿美式復古風格，木枱同柔和燈光好有氣氛，最得意係頭頂有小火車軌道，真係有架小火車慢慢行緊🤣一邊食住野一邊望住火車轉圈，感覺又chill又歡樂，絕對係影相打卡位😊
我地叫咗個二人套餐，每樣嘢都高質到要俾滿分！
首先有唔同嘅餐包同鬆餅，暖笠笠好好食😋
-
🥣 周打蜆肉湯
濃厚creamy，蜆肉鮮甜
-
🥗 招牌凱撒沙律
生菜超脆口，醬汁均勻唔會太膩，麵包粒同巴馬臣芝士碎完美點綴
-
🔥 炭烤封門牛柳
全晚重點！封門柳肉味極濃，炭烤香氣十足，切開粉嫩多汁，完全唔使點醬已夠味，配菜嘅薯條又熱又香脆，連粟米都好好食👍🏻
-
🍰 自家製布朗尼
焗到外微脆內濕潤，朱古力味濃郁，配新鮮朱古力士多啤梨，幸福感爆燈😍
-
芒果醬汁芝士蛋糕更加驚喜，芒果醬酸甜清新，一啲都唔滯，超好食🤤
-
成餐飯由湯到甜品都無懈可擊，加上咁有特色嘅環境，服務員仲好有禮貌😉銅鑼灣店地點方便，強烈推薦俾情侶或者朋友聚餐。👍

📍 Dan Ryan's Chicago Grill (翡翠明珠廣場) (銅鑼灣)
銅鑼灣百德新街22-36號翡翠明珠廣場2樓

#DanRyansChicagoGrill by @foodie_waa

藍鰭吞拿、蟶子、海膽手卷全部任食，仲有避風塘炒蟹！
-
又嚟到旺角覓食～最鍾意就係食放題，今次食大瀛喜日式放題，座位超多，但唔好掛住坐，行一圈自助區先！
-
自助區已經贏一半
熱湯、糖水、汽水、茶、果汁……仲有點心同涼拌海鮮吧：中華沙律、辣味墨魚、魚皮、花螺、青口、熟蝦，未正式點餐已經食咗兩碟，好開胃～
-
掃QR code嗌嘢食先
上菜超快，叫咗
-
藍鰭吞拿魚刺身
放題有藍鰭？仲要任食？油脂香，入口即溶feel，encore咗三轉🤣
-
蟶子
蒜蓉粉絲蒸，新鮮彈牙，冇沙，超驚喜
-
海膽手卷 + 三文魚子手卷
紫菜脆，海膽冇腥味，三文魚子粒粒爆汁，細細件可以食好多個🤪
-
避風塘炒蟹
估唔到放題有呢味，香辣夠鑊氣，蟹肉實淨，連殼都想吮。
-
焗蠔
焗到金黃，蠔肉大隻，唔會乾，超多蒜勁正!
-
刺身拼盤 – 三文魚、甜蝦、帶子、赤貝、八爪魚…全部厚切，新鮮!

總結：絕對會再嚟
呢個價錢喺旺角，可以任食藍鰭吞拿、蟶子、海膽手卷，仲有炒蟹同焗蠔，自助區又豐富，真心抵到笑🤣服務態度好好，收碟快，冇漏單😍鍾意日式放題嘅朋友，bookmark定！

📍極尚大瀛喜日本料理 (旺角)
旺角彌敦道655號5樓

#香港美食 #香港必食 #香港探店 #香港打卡 #香港旅游 by @foodie_waa

最近又去咗銅鑼灣嘅大喜屋食日式放題，一得閒諗唔到食咩就食佢😂真係要大推！餐廳座位好多，寬敞舒適，唔使怕逼狹。一入門口，外面已經有好多小食、點心、冷盤、湯、飲品、酒同生啤可以任攞任飲，甜品除咗Häagen-Dazs雪糕或者其他雪條之外仲有原隻芒果雪條🥰未正式點餐已經覺得好滿足～
我哋揀咗B餐，特別多咗幾款高質食材，包括拖羅、海膽三文魚子拖羅蓉手卷、空運象拔蚌、花菇紅燒鮑魚同避風塘炒蟹。拖羅油香十足，入口即溶😋海膽手卷鮮甜無腥味，三文魚子爆開嘅口感好正👍🏻象拔蚌爽脆新鮮，鮑魚冬菇炆得入味，避風塘炒蟹香辣惹味，全部都好有水準！
最驚喜係餐廳新加咗蟶子王任食，肉質鮮嫩彈牙，仲要係任食，真係回本呀！另外，乳鴿都係必食，燒得皮脆肉嫩，調味恰到好處，唔會太鹹🤭
整體嚟講，大喜屋嘅B餐選擇豐富，食材新鮮，仲有好多驚喜項目，絕對係銅鑼灣放題嘅首選之一！下次一定會再嚟encore！

📍 極尚大喜屋 (銅鑼灣廣場一期) (銅鑼灣)
銅鑼灣軒尼詩道489號銅鑼灣廣場一期9樓

#香港美食 #香港必食 #香港探店 #香港打卡香港旅游香港必喝香港放題探店香港放題店香港好去处香港推荐食品 by @foodie_waa

🥰噴水池＋Live Band，慶生晚餐完美之選🥰

慶祝朋友生日，簡左銅鑼灣呢間歐陸風情的既Royal Inn🥰門口既噴水池係燈光下超級吸睛，未食先打卡，浪漫滿分💯
-
當晚仲有 Live Band 演出，英文歌與廣東歌都有唱，每首都唱得極有水準，氣氛熱鬧又溫馨，整晚用餐體驗大大加分!店員仲話如果慶祝生日都可以叫佢哋幫手唱吓生日歌，但因為我哋想低調就算了🤣
-
我地點左半自助餐，內容豐富~
新鮮沙律吧、海鮮（蜆、青口等）、煙三文魚多士、火腿蕃茄，仲有啲炸物，全部高質!
-

主食兩款：
辣味蒜香炒蝦意粉
蒜香微辣，蝦肉爽彈，意粉掛汁力強
香烤時令野菜野菌意大利飯
飯粒軟硬適中，野菜野菌勁香又濃郁又creamy
-
甜品環節最驚喜🥰
肉桂蘋果杏仁焦糖忌廉上桌時插上蠟燭，碟邊寫上「Happy Birthday」，儀式感滿分！味道層次豐富，甜而不膩
-
飲品方面，Balduzzi Chardonnay 白酒果香清爽，百香果薄荷蘇打水酸甜解膩
-
總結：Royal Inn 環境靚、食物有水準，加上Live Band同噴水池，無論慶生或約會都一流!

📍 ROYAL INN (銅鑼灣)
銅鑼灣告士打道311號皇室堡3樓313-314號舖 by @foodie_waa

今日晏晝終於試咗尖沙咀呢間人氣日本過江龍——銀座篝，果然冇令我失望🥰

我點咗佢哋嘅雞白湯海老拉麵，湯底以濃厚雞白湯做基底，再加入秘製蝦醬，味道真係超驚喜又有層次！蝦醬用咗甘海老蝦頭同多種海鮮熬製，入口鮮味爆燈，但又唔會搶走雞湯嘅溫潤感，兩者融合得恰到好處
店員仲教我哋可以先飲湯，再加佢哋另外配嘅薑蓉和炸蔥頭，更香另一重風味🤩
-
配料方面都睇得出好用心
熟蝦肉質彈牙，蝦味濃郁又鮮嫩
雞肉叉燒軟嫩唔鞋
配菜有、粟米荀、南瓜、小蕃茄、蘿蔔等
色彩繽之餘又解膩～
-
特別鍾意個南瓜同小蕃茄，輕輕煮過，甜味更突出，同濃厚湯底意外地夾！
-
整體嚟講，無論湯底、麵條定配料，都食得出餐廳嘅誠意同功力👍🏻如果你鍾意海老同雞白湯嘅組合，呢碗拉麵絕對值得一試！我會再嚟 encore！😋

*新推出嘅海老雞白湯拉麵係會喺4月份推出🥰

📍銀座篝 (尖沙咀)
尖沙咀河内道18號K11購物藝術館B2樓B232號舖

#銀座篝 #篝 #拉麵 #雞白湯 #雞白湯拉麵 by @foodie_waa