Instagram story viewer> @hs.swartland> Posts
Hoërskool Swartland(@hs.swartland)'s profile avatar HD Profile

Hoërskool Swartland

@hs.swartland

4.7K
followers
9
following
Werk en wen! 💙💛
https://www.facebook.com/hsswartland/
POSTS STORIES REELS
TENNIS 🎾 Du Preez Erasmus het die afgelope naweek aan die o. 19 Boland-interproewe deelgeneem wat in Stellenbosch plaasgevind het. Ná vyf suksesvolle rondes, dring hy deur tot die finaal, waar hy ongelukkig in die derde stel se "super tie-break" teen sy opponent vasval. Du Preez is egter as Boland se nommer 2-speler gekies en sal die Boland-span tydens die interprovinsiale toernooi verteenwoordig, wat vanaf 4 tot 7 Januarie 2027 in Pretoria plaasvind. Baie geluk, Du Preez! Ons is trots op jou en wens jou alle sterkte toe vir die toernooi! #all_in_always by @hs.swartland
TENNIS 🎾 Ons tennisspanne het teen Porterville kragte gemeet in dubbels- en gemengde dubbelswedstryde. Die eerstespan verloor met 7-11, terwyl die tweedespan met 'n mooi oorwinning van 11-7 daarin slaag om die wedstryd te beklink. Dankie aan al ons spelers vir julle deelname en goeie sportmangees. #all_in_always by @hs.swartland
NO MORE GORE. LET’S RESTORE! ❤️ Baie dankie aan Boland Landbou wat ons vir die “No More Gore”-uitdaging genomineer het! Ons staan bankvas agter hierdie inisiatief, wat gegrond is op Efesiërs 4:29: “Do not let any unwholesome talk come out of your mouths, but only what is helpful for building others up according to their needs, that it may benefit those who listen.” Ons bou graag verder op hierdie boodskap met 1 Timoteus 4:12, wat ons daaraan herinner dat niemand op ons mag neersien omdat ons jonk is nie, maar dat ons vir gelowiges ’n voorbeeld moet wees in Woord, gedrag, liefde, geloof en reinheid. Ons daag elke Rockie én elke lid van die Malmesbury-gemeenskap uit om saam met ons ’n verskil te maak: - Draai jou rug op vuil en kru taalgebruik. - Vervang afbrekende woorde met woorde wat opbou en bemoedig. - Dink twee keer voordat jy praat. - Help bou aan ’n kultuur waarin elkeen veilig voel om hom- of haarself te wees. - Spreek lewe! Kom ons maak “No More Gore” meer as net ’n tendens. Kom ons maak dit deel van ons leefwyse en ons identiteit. Mag hierdie beweging soos ’n veldbrand deur die tieners van Suid-Afrika versprei, sodat ons met ons woorde eerder bou as breek! ❤️ Ons daag Hoërskool Robertson, Hoërskool Strand en Hoërskool Hermanus uit om hierdie uitdaging saam met ons aan te pak! #all_in_always by @hs.swartland
ATLETIEK: HAMERGOOI 🏆 Baie geluk aan ons vier Rockie-atlete wat spog op die nuutste ranglys van Hamerfokus se Top 20-Hamergooiers. - Seuns o. 17: Marco Joubert - 10de met 57,94m - Dogters o. 16: Lienka Brand - 10de met 46,81m - Vroue o. 20: Heidi Hibbert - 12de met 39,87m - Seuns o. 16: Jan Nelson - 20ste met 44,00m Ons sien uit na die 2027-atletiekseisoen en nóg meer goeie uitslae wat volg! #all_in_always by @hs.swartland
KERSFEES IN OKTOBER 🎄🎅 Ons twee koshuise is reeds behoorlik in die Kersgees! Huis van Imhoff en Huis van Zyl spog met pragtige Kersversierings wat sommer ’n feestelike atmosfeer skep. Die jaarlikse Kersete was, soos altyd, ’n hoogtepunt en is vanjaar by Huis van Imhoff gehou. Baie dankie aan almal wat gehelp het om hierdie spesiale geleentheid moontlik te maak en die aand so besonders vir ons koshuiskinders en personeel te maak. Dit was ’n heerlike aand van samesyn, lekker eet en goeie geselskap tussen die inwoners en personeel van die twee koshuise. ’n Groot dankie ook aan almal wat soveel moeite doen om ons koshuise in hierdie feestyd so mooi te versier. Te midde van die eksamen wat voorlê, bring hierdie vrolike Kersversierings sommer ekstra kleur en vreugde na elke dag! #all_in_always by @hs.swartland
KRIEKET: BEDANKING VAN BORGE 🏏 Ons is opreg dankbaar vir die ondersteuning van ons borge aan ons o. 19A-krieketspan. Mnre. Angelo Dipaola en Heinrich Schreuder van HCS het verskillende stelle wedstryddrag en opwarmingsklere geborg. Mnr. Basie van Zyl van Nova het die bedekkings vir die kolfhelms geborg. Baie dankie aan ons borge vir julle ruimhartigheid en ondersteuning. Ons waardeer julle bydrae tot ons span opreg! #all_in_always by @hs.swartland
DRIE LEGENDES NEEM AFSKEID 💙💛 Op ons laaste akademiese dag, het die leerders afskeid geneem van drie besondere onderwysers wat ná jarelange diens aan ons skool hul welverdiende aftrede betree: mev. Christiana Blom, mev. Myrtle Kreuiter en mnr. Irvan Turner. Juffrou Blom het oor baie jare heen haar kennis en liefde vir Afrikaans en Lewensoriëntering met ons leerders gedeel. Juffrou Kreuiter het met haar toewyding aan Engels 'n blywende bydrae gelewer, terwyl mnr. Turner sy kennis en passie vir Afrikaans met geslagte Rockies gedeel het. Hulle drie is veel meer as net onderwysers. Hulle is legendes wat oor baie jare heen deelgeword het van Hoërskool Swartland se storie. Met hul ervaring, toewyding en onbaatsugtige diens, het hulle help bou aan die skool wat ons vandag ken en met trots kan spog. Hul aftrede laat beslis 'n groot leemte agter, maar die invloed van hul werk eindig nie hier nie. Die kennis wat hulle oorgedra het, die waardes en tradisies wat hulle help vestig het en die lewens wat hulle aangeraak het, leef voort in elke leerder, kollega en toekomstige generasie wat deur hul nalatenskap geraak is. As simbool van hierdie besondere mylpaal, is die klok gelui en 'n erewag gevorm - 'n simboliese afskeid, nie net van hul onderwysloopbane nie, maar ook van jare se diens aan Hoërskool Swartland. Juffrou Blom, Juffrou Kreuiter en Meneer Turner - dankie! Mag hierdie nuwe hoofstuk vir julle gevul wees met vreugde, rus en kosbare oomblikke saam met julle geliefdes. #all_in_always by @hs.swartland
KORTVERHAAL-SKRYFKOMPETISIE ✍️ Chanèl Kleinhans het vir die derde keer die Kaleidoskoop Tydskrif se kortverhaalskryfkompetisie gewen! Haar kortverhaal, getiteld “Dood”, is as die wenverhaal aangewys. Baie geluk, Chanèl! Gaan voort om jou skryftalent te ontwikkel en jou kreatiwiteit met ander te deel. Ons is baie trots op jou! #all_in_always by @hs.swartland
KRIEKET 🏏 Swartland se krieketspan het 'n uitstekende oorwinning teen Piketberg behaal en dring deur na die kwarteindronde van die Schools SA20-kompetisie! Swartland: 211/10 (19.2 boulbeurte) • Hugo Jurgens: 65 lopies (30 balle) • Christiaan Mocke: 48 lopies (23 balle) Piketberg: 54/10 (13 boulbeurte) • Hugo Jurgens: 4 paaltjies vir 11 lopies • Waytin-Lee Olivier: 4 paaltjies vir 18 lopies Swartland wen met 'n indrukwekkende 157 lopies en verseker hul plek in die kwarteindronde! Baie geluk aan ons spelers met hierdie puik prestasie! Ons is trots op julle! #all_in_always by @hs.swartland
EISTEDDFOD 🎭 Ons wens Jani Visagie baie geluk met haar besondere prestasie as pryswenner by die Paarl Vallei Eisteddfod! Jani het in drie afdelings van Kreatiewe Skryfwerk die hoogste persentasie in haar ouderdomsgroep behaal en is as pryswenner in al drie kategorieë aangewys: 🏆 Additional Language - Prose 🏆 Additional Language - Poetry 🏆 Huistaal - Digkuns Baie geluk, Jani! Jou talent en harde werk verdien hierdie besondere erkenning. Ons is ongelooflik trots op jou! #all_in_always by @hs.swartland
ATLETIEK 🏆 Ons atlete het op Vrydag, 23 Oktober, na Bredasdorp vertrek om Saterdag, 24 Oktober, aan die jaarlikse Rola Bredasdorp Top 10-atletiekbyeenkoms deel te neem. Swartland het behoorlik uitgeblink en met ’n indrukwekkende 8 273 ASA-punte die eerste plek behaal en as die algehele wenners van die byeenkoms weggestap! Uitslae van die dag: 🥇 GOUD - Lienka Brand - diskus o.14 - Anke de Bruyn - 100 m-hekkies o.17 - Anke de Bruyn - 400 m-hekkies o.17 - Jace Fester - hoogspring o.15 - Marco Joubert - hamergooi o.17 - Marco Joubert - diskus o.17 - Tafadzwa Raal-Mashizha - 400 m-hekkies o.17 🥈 SILWER - Nicolene Janse - 100 m o.17 - Jan Nelson - hamergooi o.15 - Quade van der Westhuizen - 100 m-hekkies o.15 🥉 BRONS - Nicolene Janse - 200 m o.17 - Tumelo Mokwena - 300 m-hekkies o.15 - JC Potgieter - 100 m o.17 - JC Potgieter - 200 m o.17 SPESIALE TOEKENNINGS Lienka Brand is aangewys as die beste o.14-dogtersatleet én het die beste dogtersprestasie van die dag behaal. Haar diskusafstand van 37,46 m het haar ’n indrukwekkende 904 punte op die ASA-tabel besorg. Marco Joubert is aangewys as die beste o.17-seunsatleet én het die beste seunsprestasie van die dag behaal. Sy diskusafstand van 55,62 m het hom ’n uitmuntende 927 punte op die ASA-tabel besorg. Ons is ongelooflik trots op elke atleet wat deelgeneem het, hul beste gelewer en persoonlike beste prestasies verbeter het. Ons sien reeds uit na die 2027-atletiekseisoen en al die besonderse prestasies wat nog voorlê. ’n Hartlike dankie aan die organiseerders van die Rola Bredasdorp Top 10-atletiekbyeenkoms, asook Laerskool Bredasdorp se koshuis, vir hul vriendelike gasvryheid teenoor ons atlete en afrigters Vrydagaand. Baie geluk, Rockies! Julle het gewys wat moontlik is wanneer talent en harde werk saamspan. #all_in_always by @hs.swartland
INTERACT ✨ Ons Interact-leerders het op 22 Oktober by Aandskemering gaan kuier en saam met die inwoners Bingo gespeel. Dit was ’n heerlike geleentheid om oor generasies heen bande te bou, stories te deel en die waarde van interaksie tussen jonk en oud in ons gemeenskap te vier. Baie dankie aan Aandskemering vir die hartlike ontvangs en die lekker kuier! #all_in_always by @hs.swartland

Download All

Save the photos and videos currently loaded on this page.

0Photos
0Videos
Ready to download 0 / 0

Keep this tab open until your download is ready.
back to up