Instagram story viewer> @kktzwingc> Posts
kktzwingc(@kktzwingc)'s profile avatar HD Profile

kktzwingc

@kktzwingc

9.8K
followers
6718
following
foodie
every meal has a story
POSTS STORIES REELS
二鍋頭 📍沙田好運中心3樓3109及3110號舖 晚上同朋友喺沙田搵食，朋友搜尋到呢間火鍋放題，而我之前亦有食過隨即同意，呢間除咗火鍋放題仲有多款熱煲任食，包括多口味雞煲、烤魚，酸菜魚，羊腩煲，豬手煲，牛尾煲，再加火鍋放題。 滋補羊腩煲好足料，竹筍、馬蹄、枝竹，羊腩啱啱好羊皮煲留彈性，羊肉香濃，初秋最佳食品。 火焰牛尾煲超級惹味醬汁，可選辣度，店員即席落玫瑰露酒點火，香氣即時溢出，牛尾炆得夠腍入味。 食完熱煲免費轉鴛鴦湯底打邊爐，可任食A餐火鍋配料，牛肉有美國牛板腱好腍滑，我更喜歡食鮮牛肉食落更滑，豬梅肉片都好食，海鮮就有海蝦，墨魚仔，蜆都新鮮。其他火鍋配料有豬大腸、豬肚、牛柏葉、水魷魚、墨魚滑等等全部都好啱口味。 自助區有幾個大雪櫃有好多火鍋配料任夾，飲品啤酒汽水無限供應，仲有雪糕雪條都係任食。沙田呢間熱鍋加火鍋放題的確係性價比高。 by @kktzwingc
麻辣香鍋 📍深水埗福榮街109號地舖 今日同朋友去深水埗醫肚，叫咗主打麻辣惹味小菜， 首先試咗呢個超吸引嘅醬香鍋，可任選多款配料，配搭咗豬頸肉、豬腸、肥牛、墨魚餅同蓮藕仔。一上枱就聞到濃郁醬香，豬頸肉口感爽脆，豬腸處理得乾淨且入味炸過油香更出仲脆邊，肥牛吸收晒醬汁精華，墨魚餅彈牙，而蓮藕仔就爽口，整體層次極之豐富，送飯一流！ 另一碟係風味十足嘅臘肉花菜。臘肉甘香惹味，油脂滲透落爽脆嘅花菜入面，炒得火候啱啱好，鹹香中帶有蔬菜嘅清甜，係白飯殺手嘅惹味之選。 最後唔少得經典嘅口水雞。雞肉肉質嫩滑，面頭鋪滿惹味嘅紅油、芝麻同蔥花，麻辣酸香，惹味得嚟唔會過鹹，刺激口感令人食唔停口。 晚上未到7點已經爆滿，好受附近街坊歡迎，喜歡食辣絕對值得一試，唔太食得辣都可以選擇微辣或者醬香都相當惹味。 by @kktzwingc
極尚大喜屋 📍銅鑼灣廣場一期9樓 放工到銅鑼灣食放題，就在地鐵站傍地點超方便，啱晒四方八面約朋友，同朋友決定食A餐，的確少了幾款貴價食材，但性價比都相當高。 刺身都好新鮮而且有新出品，泰式虎蝦好爽脆配泰式醬好醒神，熟成金頭鯛配三文魚籽豐富海水味，另三文魚、油甘魚、甜蝦、北海道帶子都相當鮮甜。 壽司手卷最正係海膽手卷夠甘甜，芝士和牛薄燒塔肉味濃郁，黑松露蟹肉軟殼蟹卷多重口感，醬燒帝皇蟹棒大人小朋友都鍾意。 多款熟食都係必食，川燒廣島蠔、比目魚西京燒、鵝肝多士、羊鞍、乳鴿皇都好好味，新品泰露筍炒珊瑚蚌好鮮甜。 自助區多款熟食中我最欣賞雪花帶子西蘭花，又鮮甜又有彈性，另飲品、甜品、生果、雪糕款式多同樣任食，飲品選擇多，仲有玻璃樽裝可樂及其他汽水超滿足。 #香港美食 #香港好去處 #香港放題 #銅鑼灣美食 #香港旅遊 by @kktzwingc
極▪︎大瀛喜 📍荃灣廣場6樓609號舖 荃灣廣場日式放題環境寬敞，自助區好多選擇，前菜芝麻八爪魚等凍盆、熟食都有多款，蟲草花花膠雞湯超足料，飲品、甜品、雪糕任食，放題分A,B餐，見到有芝士龍蝦伊麵同秋刀魚刺身就直接升級B餐，呢兩個食材都係沒有出現在其他放題店。 芝士龍蝦伊麵勁有驚喜，外觀似乎係澳洲龍蝦，肉質新鮮有彈性，伊麵都啱啱好撈芝士汁好好味，可以無限追加，海鮮另有蒜蓉牛油鮑魚、避風塘大頭蝦、豉汁蒸白鱔、蒜蓉燒蠔，可以喺放題店食海鮮大餐。 刺身有季節性期間限定秋刀魚，油脂豐富大拖羅，亦有松葉蟹腳、帶子、虎蝦、甜蝦、赤蝦、三文魚等等，剩食以上都回本，仲有海膽拖羅軍艦、帝王蟹TACO、三文魚籽海膽拖羅TACO,都非常好食。 另有鐵板鵝肝、紅燒乳鴿，多款燒物、炸物、壽喜燒、最後食埋燒榴槤同芒果丸子燉椰皇都咪話唔滿足。 #香港必食 #香港美食 #香港放題店 #荃灣美食 #香港打卡 by @kktzwingc
大喜屋 📍沙田廣場1樓33-35號舖 同你講聲食飯訂枱好重要，今日預訂中午沙田放題，去到真係排長龍，訂咗枱排優先隊慳成十分鐘，放題新推出放題B餐相差幾十蚊，我地都升級了。 升級B餐多咗乜？ 拖羅油脂豐富，鱈魚乾海膽吞拿魚蓉TACO新鮮口感豐富，打卡一流。北海道松葉蟹每客半邊鮮甜甘香爆晒膏。花雕醉鮑魚酒香濃鮑魚彈牙。壓軸出場係我最愛XO醬蒜粉蒸蟶子皇，蟶子新鮮爽彈蒸到啱啱好，XO醬好惹味，連粉絲都爽。 除咗刺身壽司齊全，其他食物都有升級亦有新品，芝士和牛薄燒塔和牛燒得夠香，底下小飯糰用芝麻包裹好香口。千島煙三文魚吉列蝦卷配搭一流。 川燒廣島蠔、胡椒蝦、避風塘炒蟹、露筍炒珊瑚蚌、連同蟶子皇拼出高質海鮮盛宴，真正全部新鮮材料烹調出色。 自助區當然唔少得前菜熟食，飲品甜品雪糕任飲任食，一個價錢食足3個鐘性價比極高。 #香港美食 #香港放題店 #香港探店 #香港旅遊 #香港好去處 by @kktzwingc
唯一冰室 📍土瓜灣北帝街35號地舖 到土瓜灣北帝街冰室晚飯，冰室好新，有多款主食，小食，套餐，仲有特飲。 無骨海南雞拼豬頸肉飯，兩個招牌拼合一個套餐，海南雞有雞味雞皮超嫩滑，豬頸肉原塊炸得脆再切片口感彈牙，海南雞飯油飯好香又夠乾身有驚喜，套餐包飲品、紫菜湯、油菜好豐富。 至尊雜扒飯分別有豬扒、牛扒、雞扒各一塊，係巨型扒超大塊，啖啖肉醃料唔會好重，啱晒肉食控。 泰式豬頸肉小食份量幾多，炸得好靚，跟泰式辣醬好惹味。 避風塘雞翼鋪滿脆脆，雞翼炸到外脆內嫩又入味。 麻辣海南雞係另一口味，麻香重唔算好辣，雞嫩滑。 鮮牛油菠蘿包都有驚喜，驚喜之處首先夜晚都有得食，而且包面好酥脆，夾厚切牛油跟本無得輸。 加幾蚊就有大大杯紅豆冰，其他食物都好大份性價比高。 by @kktzwingc
鍋霸吃到飽台式養生火鍋 📍佐敦莊士敦廣場6樓 今日去佐敦食一個無限時火鍋，真心係等朋友好地方，唔使等齊人先入座，可以一邊食一邊等，叫啲小食飲住啤酒等又得，湯底方面建議加錢要鴛鴦鍋，湯底選擇多真材實料，可以飲湯再打邊爐嘅湯底。 晚市無限時LV1放題 有近百款火鍋配料，肥牛係Prime Grade牛肩胛肉，脂肪比例唔高肉味香濃肉質結實有彈性容易入口，肉類有西班牙豬肉片、沙茶牛肉、豬肚、黑毛肚、雞髀肉、牛柏葉質素偏高。 海鮮方面有海蝦、沙白、白鱔片、黑魚片、脆肉鯇、墨魚、帆立貝都新鮮，食到海鮮甜味。 其他火鍋配料多不勝數，最欣賞墨魚滑、豬肉丸、牛丸等都係手工製，肉味都好香濃，仲有自家肉餃都唔可以錯過。 前菜小食十幾款，滷水豬大腸、雞腎、鵪鶉蛋係必食，滷水食物真係好好食，不能錯過。炸物有鹽酥雞、花枝丸、墨魚春卷、雞翼等都係即叫即炸超香口，仲有4款Shake Shake粉任撈。 最後仲有多款名牌雪糕雪條都係任食，打完邊爐食多幾個雪糕慢慢坐，一班人傾談吓都幾過癮，呢到啲食物全部掃碼落單，有專人送上，唔使走嚟走去攞食物。 #鍋霸 #吃到飽#火鍋#放題 #打邊爐 by @kktzwingc
襟江酒家 📍旺角家樂坊8樓801號舖 朋友約我去旺角飲茶，呢間酒家好新好華麗，有種傳統嘅風格，原來呢間酒家始於1909年，現在旺角重開，有多個懷舊粵菜及手工點心，令大家可以食到傳統味道。 我地都懷舊一番點了金錢雞，金錢雞上層係雞肝，中間一層瘦肉，底層一塊肥豬肉，食落甘香甜美，肥豬肉油潤唔會膩而且好爽，我真係第一次食，覺得幾好食口感又豐富。 懷舊點心又係未見過有網油牛肉球，比起平時食嘅山竹牛肉外包一層網油，多一層次多一份油香。 飲茶蝦餃燒賣不可少，蝦餃包大大隻蝦，燒賣係切粒肉包製跟足傳統，牛柏葉好爽脆。 炸點好出色，點了魷魚鬚脆到不得了，童年回憶返晒嚟，咸水角最外層脆，一層皮煙煙靭靭，餡料爆滿味道香濃，炸雲吞都係好香脆，原來個甜酸汁先係靈魂超好味。 除了環境，酒樓係跟傳統有點心檔、甜品炸物檔，仲有點心車、腸粉車即煎腸粉蘿蔔糕等，價錢亦好合理，飲茶體驗相當好。 @kamkongrestaurant #襟江酒家 #懷舊點心 #旺角美食 #粵菜 #金錢雞 by @kktzwingc
殿•大喜屋 📍旺角帝京酒店2樓 黃金週出旺角熱鬧一吓，預訂旺角殿大喜屋午市放題，接近中午果然相當熱鬧排隊入座隊伍快速進場，即時點餐，刺身、壽司、海鮮、燒物、炸物都點，最緊要豐富。 比起其他分店出品選擇多，刺身除平時必有的帶子、三文魚、松葉蟹腳等，更多了鱆紅魚、任食魚籽醬，大拖羅等貴價刺身，而且新鮮度高。 海膽軍艦任點任食，三文魚籽、蟹籽喺自助區除便取用，好多顧客都拿一碗，加入壽司刺身一齊食勁滿足。 油鹽焗膏蟹爆膏，芝士龍蝦伊麵不停供應已經係無敵，原隻青龍蝦開邊配芝士汁伊麵好好味。新品海鮮有西蘭花苗拌紅燒斑球、茅台酒醉大頭蝦酒精輕微，酒香好濃大頭蝦有彈性。 金沙兩儀蝦用咸蛋黃煮出兩種不同狀態鮮蝦有心思，清酒忌廉煮鮮蠔，有芫茜芹菜帶出蠔本身鮮味。 自助區超多飲品選擇，甜品雪糕最受歡迎，仲有榛子朱古力醬，仲有沙冰機可以自製新鮮水果沙冰，一杯杯水果預備好，跟指示就做到沙冰等飲，午市可以中午開始任食3小時，的確有充足時間大吃大喝。 #香港美食 #香港必食 #香港旅游 #香港放題店 #香港好去处 by @kktzwingc
宏記糖水鋪 📍旺角彌敦道719號地舖 經過彌敦道旺角道見有新開張外賣糖水舖，又有人等緊外賣，行去望一望有多款冷熱糖水，手沖飲品及小食，係吸引到我。 綜合芋圓燒仙草係好豐富，有芋圓、仙草、西米、紅豆，紅豆豆香好重，仙草清涼，芋圓煙韌有芋香。 多芒系列嘅多芒楊椒甘露係必點，睇住即切即製，芒果、柚子都係即開，食落好新鮮香甜。 芒果西米桃膠芋圓，同樣係有鮮芒果，養顏桃膠好滑溜，芋圓亦係必須的，增加口感。 見到小食忍唔住叫個粢飯，粢飯即叫即包，店員加入大量肉鬆，油炸鬼及榨菜，軟糯脆口又咸香，豐富有層次，粢飯大大隻足夠作為正餐，加5蚊配一枝豆漿，合共30蚊真係好抵。 全部都係即叫即做，價錢實惠，睇得出係心機小店，值得幫襯。 by @kktzwingc
豆乳狂人 📍沙田河畔花園地下28號舖 豆乳狂人甜品出晒名，經過沙田河畔花園呢間主攻外賣，見到推出期間限定係D24榴槤班蘭系列好有新鮮感，買個粢飯做午餐，加買兩個甜品下午茶。 慢煮豬軟骨玉子粢飯，配料豐富有豬軟骨、玉子、青瓜、油炸鬼、肉鬆塞滿整個粢飯啖啖都有配料，粢飯好好味好大隻食得好飽。 D24多芒班蘭甘露主角當然係榴槤肉又香又滑，芒果鮮甜，西米同班蘭小丸子青新又增加口感，估唔到配搭一齊勁好味又有層次。 多芒楊支甘露基本每次必點，大大粒鮮芒果好鮮甜，西米、芒果汁、椰奶香濃幼滑，加埋金柚嘅酸完美配合，以我個人喜好係最好食甜品。 by @kktzwingc
真味 📍九龍城城南道21號地下A號舖 居港泰國人帶路九龍城正宗泰式便當，位於城南道泰國人主理食店，食店以青綠色為主色富有異國情調相當醒神。 燒雞翼，點了一客三隻，原來即叫即燒，有辣度可選，上枱真係‘嘩‘一聲，勁大隻鋪滿燒烤醬同蜜汁，外層焦香內裏入味嫩滑肉汁豐富。 泰式豬肉沙嗲配麵包，睇圖片好吸引，上到枱發覺只供參考嘅圖片同實物一模一樣，數一數竟然有10串燒腩肉，同樣即叫即燒，豬肉好食脂肪位都勁香，個沙嗲汁更出色，濃香真正研磨花生味道。 燒豬頸肉飯唔使多講，即燒彈牙好食，醬汁酸辣醒胃，連配角沙律都勁新鮮爽脆，食落真係感覺到係即切即做。 泰式奶茶，呢個係店員推介，係無介紹錯，香濃夠滑有回甘，絕對係出色。 用好合理價錢食到優質正宗泰國味道，而且小店堅持即叫即做，本身已經好食加上新鮮製作就更加美味，朋友介紹的確性價比高。 by @kktzwingc

Download All

Save the photos and videos currently loaded on this page.

0Photos
0Videos
Ready to download 0 / 0

Keep this tab open until your download is ready.
back to up