Instagram story viewer> @kusini_news> Posts

KUSINI MEDIA

@kusini_news

6.1K

followers

7452

following

KUSINI MEDIA
Pata Habari kidigitali kupitia Kusini Media-Sauti Yetu
Kwa mawasiliano baruapepe [email protected]
Phone:+255784765917

POSTS STORIES REELS

ASKARI WA POLISI TANZANIA WANG’ARA KIMATAIFA! MMOJA AIBUKA BORA KATI YA WANAFUNZI 139 KUTOKA MATAIFA 29

Mafanikio ya askari wawili wa Jeshi la Polisi Mkoa wa Ruvuma yamepewa uzito maalum baada ya kutambuliwa kitaifa na kimataifa, yakidhihirisha uwezo wa askari wa Tanzania katika uongozi, weledi na ulinzi wa haki za binadamu.

Kamanda wa Polisi Mkoa wa Ruvuma, Kamishna Msaidizi Mwandamizi wa Polisi (SACP) Marco Chilya, amewapongeza askari waliofanya vizuri kwa kuwakabidhi tuzo na medali za kutambua mafanikio yao.

Miongoni mwa waliotambuliwa ni Mkaguzi wa Polisi (INSP) Wazo Mwang’onda, aliyekuwa Kiongozi wa Mbio za Mwenge wa Uhuru Kitaifa mwaka 2026, kwa kutekeleza jukumu hilo kwa mafanikio.

Pia, INSP Koladinna Mahundi ametunukiwa cheti, medali na tuzo na Chuo cha Kimataifa cha Mafunzo ya Usalama cha Misri (ISTC), baada ya kuibuka mwanafunzi bora kati ya washiriki 139 kutoka mataifa 29 ya Afrika na Asia.

Mahundi alifanya vizuri zaidi katika mtihani wa Ulinzi wa Haki za Binadamu na Uwezeshaji wa Wanawake (Women Empowerment).

Akizungumza baada ya kutambuliwa, INSP Mwang’onda aliushukuru uongozi wa Jeshi la Polisi na askari wenzake wa Depo ya GH kwa mshikamano na ushirikiano waliouonesha wakati wa utekelezaji wa majukumu ya kitaifa.

Mafanikio haya yanathibitisha kuwa weledi wa askari wa Tanzania unaweza kuvuka mipaka.

#PolisiTanzania #Ruvuma #MafanikioYaKitaifa #TanzaniaKimataifa by @kusini_news

*KATIBU CHAMA CHA MSINGI KILUMBA SONGEA ATIWA HATIANI KWA RUSHWA*

Mahakama ya Wilaya ya Songea Mkoa wa Ruvuma imemtia hatiani Mshitakiwa Bw. ATANAS ATANAS COSTA (Katibu Chama cha Msingi Kilumba Halmashauri ya Wilaya ya Songea) kwa kosa la Matumizi Mabaya ya Madaraka kinyume na kifungu cha 31 (a) cha Sheria ya Kuzuia na Kupambana na Ruswa [Sura ya 329 marejeo ya mwaka 2023] ikisomwa pamoja na Aya ya 21 ya Jedwali la kwanza na vifungu vya 57(1) na 61(2) vya Sheria ya Uhujumu Uchumi [Sura ya 200 Toleo la 2023].

Hukumu dhidi ya Mshitakiwa katika shauri la Jinai namba 21920/2026 imetolewa leo Novemba 02, 2026 na Hakimu Mkazi Mwandamizi wa Mahakama ya Wilaya ya Songea Mhe. CHRISTINA JOHN HAULE (SRM) mbele ya Mshitakiwa na Mawakili wa Serikali kutoka Taasisi ya Kuzuia na Kupambana na Rushwa (TAKUKURU) Bw. Yahaya Mwinyi akishirikiana na Bi. Nuru Muyinga.

Ilielezwa kuwa Mshitakiwa alifikishwa Mahakamani kwamba kati ya tarehe 15/09/2025 hadi tarehe 01/01/2026 alitumia Madaraka yake Vibaya kwa makusudi kwa kutoingiza jina la Mkulima PANTALION LADISLAUS MBAWALA mwenye kilo 1,000 za Mbaazi alizopokea zenye thamani ya Shs.820,000/= katika Orodha ya malipo ya wakulima walioleta Mbaazi katika mnada huo wa saba wa Mwaka 2025/2026 kwa ajili ya kuendelea na malipo katika Chama kikuu cha Ushirika (SONAMCO).

Mahakama katika Hukumu yake imemkuta Mshitakiwa na hatia na imemhukumu kifungo cha Mwaka Mmoja Jela au kulipa faini Tsh.500,000/=.

Mshitakiwa ameshatekeleza adhabu ya kulipa faini ya Tsh.500,000/=. by @kusini_news

SIRI YA HANDAKI CHINI YA ARDHI SONGEA: NDANI YA MAKUMBUSHO YA KAWAWA KUNA HISTORIA AMBAYO WATANZANIA WENGI HAWAIFAHAMU!
Nyuma ya kuta za jengo moja lililopo Bombambili mjini Songea mkoani Ruvuma kuna historia inayoweza kubadilisha namna unavyoitazama safari ya ukombozi wa Tanzania.

Handaki la siri, mavazi, medali na picha za kihistoria ni miongoni mwa hazina zinazohifadhiwa katika Makumbusho ya Kumbukumbu ya Dkt. Rashid Mfaume Kawawa.

Makumbusho hayo yalifunguliwa rasmi Februari 27, 2017, tarehe ya kuzaliwa kwa Kawawa, yakilenga kuhifadhi historia ya mmoja wa viongozi muhimu katika harakati za ukombozi wa Tanganyika.

Ndani yake, wageni wanaweza kuona mavazi aliyovaa, samani alizotumia, vitabu, medali na picha zinazoibua sehemu mbalimbali za maisha yake.

Hata hivyo, handaki la siri ndilo mojawapo ya vivutio vinavyovuta hisia zaidi, likikumbusha mazingira ya maficho na mapambano ya kipindi cha ukombozi.

Mhifadhi Kiongozi wa makumbusho hayo, James Mfikwa, anasema makumbusho hayo si kumbukumbu ya mtu mmoja pekee, bali ni hazina ya historia ya Tanzania na Afrika.

Jambo jingine la kuvutia ni historia ya Kawawa katika filamu za Kiswahili, akihusishwa na kazi za miaka ya 1950, zikiwemo filamu za Muhogo Mchungu (1951), Meli Inakwenda (1952) na Juma Matatani (1954).

je, umewahi kuitembelea makumbusho ya Dkt.Rashid Kawawa Simba wa vita Songea ?

#HistoriaYaTanzania #UrithiWaTaifa #Songea #DktKawawa by @kusini_news

Daraja la kimkakati la Ruhuhu limeunganisha wilaya za Nyasa mkoani Ruvuma na wilaya ya Ludewa mkoani Njombe,
Wananchi wanasema kabla ya daraja hili hali ya usafiri na usafirishaji ilikuwa changamoto ,kubwa baadhi ya watu wamepoteza maisha na mali zao wakati wanavuka kwa mitumbwi katika Mto Ruhuhu unaochangia asilimia 20 ya maji katika ziwa Nyasa .Mto huo pia unatajwa kuwa na idadi kubwa ya mamba.

Kwa wananchi mateso ya nyuma imebaki kuwa historia,nini maoni yako na unakumbuka nini kabla ya serikali kujenga daraja hili ? by @kusini_news

KATI YA DAGAA! NYASA AU TANGANYIKA, NANI ANA LADHA ZAIDI?

Kuna wanaosema dagaa wa Ziwa Nyasa wana ladha ya kipekee, lakini wengine wanadai dagaa wa Ziwa Tanganyika ndiyo wenyewe!

Swali ni moja: Kati ya hawa wawili, nani anastahili kuwa mfalme wa dagaa?

Tuzingatie ladha, harufu, ukubwa na ubora wanapopikwa.

Usichague kwa mazoea, chagua kwa uzoefu wako!

Toa sababu yako. Tuweke mjadala mezani! by @kusini_news

STAKABADHI ZA GHALA ZAWEZESHA MAUZO YA KOROSHO YA SH BILIONI 682 NDANI YA WIKI TATU

ZAIDI ya tani 175,000 za korosho ghafi zimeuzwa kwa thamani ya Sh.bilioni 682 ndani ya wiki tatu za minada ya msimu wa 2026/27, huku zaidi ya tani 200,000 zikiwa zimekusanywa kupitia Mfumo wa Stakabadhi za Ghala.

Mkurugenzi Mtendaji wa Bodi ya Usimamizi wa Stakabadhi za Ghala (WRRB), Bw. Asangye Bangu, ameyasema hayo jijini Dodoma kwenye Maonesho ya kuelekea uzinduzi wa sera ya maendeleo endelevu ya viwanda ya mwaka 2025 na sera ya maendeleo ya wajasiriamali wadogo na wa kati ya mwaka 2003 toleo la mwaka 2025

Bw. Bangu amesema tangu kuanza kwa msimu huo Oktoba 12, mwaka huu hadi leo minada 20 ya korosho imefanyika kupitia mfumo huo ambao umeendelea kuwaunganisha wakulima na wanunuzi, kurahisisha upatikanaji wa masoko na kuwezesha biashara ya mazao kufanyika kwa uwazi na ushindani. by @kusini_news

MBAMBABAY NI ZAIDI YA UNAVYOFIKIRIA! ❤️🇹🇿
Je, unajua kuwa Mbambabay mkoani Ruvuma ni miongoni mwa maeneo yenye mandhari ya kipekee ya utalii nchini Tanzania?
Kuanzia barabara ya Mbinga–Mbambabay, Milima ya Livingstone, mandhari ya Bonde la Ufa, Ziwa Nyasa, visiwa, fukwe za asili hadi samaki wa mapambo wenye rangi za kuvutia. Hakika Mbambabay ina mengi ya kukufanya utamani kuitembelea!

Swali kwako: Ukimpeleka mgeni Mbambabay kwa mara ya kwanza, ungemshauri aanzie wapi? Tuambie kwenye maoni! 👇

Usitazame tu, FOLLOW ukurasa huu wa kusini news ili kugundua vivutio vingine vya kipekee vya Ruvuma .Tushirikiane kuitangaza Mbambabay mpaka ifahamike duniani! ❤️

#TembeleaMbambabay #ExploreRuvuma #DiscoverTanzania #UtaliiWaNdani by @kusini_news

MBINGA–MBAMBA BAY: UNAKUMBUKA SAFARI ZA ZAMANI? LEO NI KUTELEZA TU

Kuna wakati safari ya kutoka Mbinga kwenda Mbambabay wilayani Nyasa mkoani Ruvuma ilikuwa mtihani wa kweli! Vumbi, matope, mashimo na masaa mengi njiani. Waliowahi kupita njia hii kabla ya lami wana simulizi zao ambazo haziwezi kusahaulika!

Lakini leo mambo yamebadilika! Barabara ya lami imefanya safari kuwa rahisi, imeunganisha wananchi na kufungua fursa zaidi za biashara, utalii na maendeleo kuelekea mwambao wa Ziwa Nyasa.

SWALI LETU LEO:

Je, barabara ya Mbinga–Mbambabay imebadilisha kiasi gani uzoefu wako wa kusafiri kwenda Ziwa Nyasa?

Kabla ya lami, safari ilikuchukua saa ngapi? Na leo unatumia muda gani kufika?

TUNATAKA UKWELI KUTOKA KWA WALIOPITA NJIA HII KABLA YA LAMI

Je, ni barabara gani nyingine nchini Tanzania inayohitaji mabadiliko kama haya? Taja hapa chini!

#MbingaMbambabay #TanzaniaInasongaMbele #ZiwaNyasa by @kusini_news

SIRI YA ZIWA NGOZI: ZIWA LA VOLKANO TANZANIA LENYE MAJI YANAYOBADILIKA RANGI NA MAZINGIRA YA KUSHANGAZA

Katikati ya misitu minene ya asili katika milima ya Uporoto mkoani Mbeya kuna maajabu ya kijiolojia yanayovutia macho ya watalii na watafiti: Ziwa Ngozi, ziwa la asili lililozaliwa kutokana na shughuli za volkano, ambalo linatajwa kuwa miongoni mwa maziwa makubwa ya aina yake barani Afrika.

Likiwa katika Wilaya ya Rungwe, Mkoa wa Mbeya, Tanzania, ziwa hilo lina historia ya kipekee, mandhari ya kuvutia na mazingira yanayohifadhi hazina ya viumbe hai.

Ziwa Ngozi lipo takribani mita 2,600 kutoka usawa wa bahari, lina kina cha mita 74, urefu wa kilomita 2.5 na upana wa kilomita 1.5.

Asili ya jina Ngozi inahusishwa na neno la Kisafwa Ligosi, linalomaanisha kitu kikubwa. Eneo hilo pia lina historia ya utawala wa machifu wa Wasafwa, akiwemo Chifu Mrotwa Mwalingo upande wa magharibi na Chifu Mlotwa Mwalupindi upande wa mashariki.

Safari ya kuelekea maajabu haya si ya kawaida. Kutoka Kijiji cha Mbeye One, kinachofahamika pia kama Mchangani, watalii hutembea kwa zaidi ya saa mbili kufikia ziwa. Kuna kituo cha kupumzika kinachoitwa Nzeyenzu kwa lugha ya Kisafwa, kabla ya kuendelea na njia ya kupanda kuelekea eneo la ziwa.

Njiani, milio ya ndege na ngedere husikika ndani ya misitu minene ya asili. Ukifika, unakutana na mandhari ya kuvutia, ukungu unaotanda mara kwa mara na visiwa viwili vinavyotajwa kuwa makazi ya mazalia ya ndege wa majini.

Maji ya ziwa hilo yanaripotiwa kubadilika mwonekano kati ya bluu, nyeupe na nyeusi kutokana na hali ya mazingira na mwanga. Hata hivyo, madai kuhusu mabadiliko hayo na ladha ya chumvi yanahitaji uthibitisho wa kitaalamu.

Kwa mtazamo wa dunia, Ziwa Toba nchini Indonesia ni mfano mwingine maarufu wa ziwa lililopo ndani ya eneo la kaldera ya volkano.

#ZiwaNgozi #UtaliiTanzania #MaajabuYaTanzania #Mbeya by @kusini_news

MAAFISA KILIMO WATAKIWA KUDHIBITI MATUMIZI YA MBOLEA NA KULINDA RUZUKU YA WAKULIMA

Serikali imeongeza nguvu katika kuboresha usimamizi wa mbolea na mfumo wa ruzuku kwa wakulima, baada ya maafisa kilimo wa Kata na Vijiji wilayani Nyasa kupatiwa mafunzo maalumu ya matumizi sahihi ya mbolea, upimaji wa afya ya udongo na usimamizi wa ruzuku.

Mafunzo hayo yaliyofanyika katika ukumbi wa mikutano wa Ofisi ya Mwenyekiti wa Halmashauri ya Wilaya ya Nyasa, yaliandaliwa na wataalamu wa Mamlaka ya Udhibiti wa Mbolea Tanzania (TFRA), Kanda ya Nyanda za Juu Kusini.

Akizungumza katika mafunzo hayo, Henerico Renatus, Afisa wa TFRA, alisisitiza umuhimu wa maafisa kilimo kuwa kiungo muhimu kati ya wataalamu na wakulima, akiwataka kuzingatia kanuni bora za matumizi ya mbolea na kupima afya ya udongo kabla ya kuanza uzalishaji.

Kwa upande wake, Issa Msamvu, Afisa TEHAMA wa TFRA, alitoa mafunzo ya usajili wa wakulima kwenye mfumo wa ruzuku kwa njia ya mtandao ili kuboresha upatikanaji na usimamizi wa huduma hiyo.

Wataalamu hao pia waliwataka maafisa kilimo kutumia fursa ya kuwa mawakala wa mbolea ya ruzuku na kushirikiana na mamlaka husika kudhibiti wafanyabiashara wanaokiuka bei elekezi za Serikali.

#KilimoBora #TFRA #RuzukuYaMbolea #Nyasa by @kusini_news

✈️ SAFARI YA SONGEA – DAR ES SALAAM | PART 2

Saa 16 barabarani au dakika 90 angani? Ungechagua ipi?

Asanteni kwa maoni yenu! Wengi mnapendelea usafiri wa anga, lakini changamoto kubwa mmesema ni nauli isizidi Sh 300,000.

🔥 SWALI LA LEO:

Unadhani tiketi ya ndege Songea–Dar es Salaam inapaswa kuwa shilingi ngapi ili mwananchi wa kawaida aweze kumudu?

Je, ndege inaweza kuwa usafiri wa kila mwananchi?

#Songea #DarEsSalaam #SongeaDSM #UsafiriWaAnga by @kusini_news

URITHI WA MASHUJAA WA AFRIKA MASONYA 🇹🇿🇲🇿

Picha hizi zinaonesha nyumba mbili za kihistoria zilizopo Masonya, Wilaya ya Tunduru mkoani Ruvuma ambazo zinahusishwa na makazi ya viongozi mashuhuri wa ukombozi wa Afrika: Hayati Baba wa Taifa, Mwalimu Julius Kambarage Nyerere, na Hayati Samora Machel, Rais wa kwanza wa Msumbiji.

Inasemekana viongozi hawa waliishi katika eneo hili kati ya mwaka 1966 na 1975, kipindi ambacho harakati za ukombozi wa Msumbiji zilikuwa zikiendelea.

Ni sehemu yenye historia kubwa inayotukumbusha mchango wa Tanzania katika ukombozi wa nchi za Kusini mwa Afrika.

Umewahi kufika Masonya na kujionea nyumba hizi mbili za kihistoria? by @kusini_news