Instagram story viewer> @marco.roduner> Posts

marco.roduner

@marco.roduner

6.8K

followers

237

following

👮🏻‍♂️🚔 Kapo Aargau
Podcast Dienstschluss mit @vanessa.rumpold
Content Creator
Runner 🏃🏻

POSTS STORIES REELS

Eifach unglaublich dankbar!! 🥹💙

Gerne verzell ich euch bald mol meh über de crazy Tag. Aktuell bliibt mir aber vor allem eis z säge, nämlich DANKE!

💙 Danke es unglaublichs tollls Team
💙 Danke a alli Mitarbeitende vo de Kapo AG
💙 Danke a eusi grossartig Community
💙 Und danke a alli, wo eus unterstützed und supported

Ich bi mächtig stolz und unglaublich erfüllt vo Freud und Liebi! Was für en Tag! 🥹💙 by @marco.roduner

Badeunfall – en Isatz, wo bliibt 🚔🌊

I teil Isätz entscheided Sekunde über Läbe - de eint isch mir bis jetzt in Erinnerig blibe!

D Meldig über Funk isch gsi, mehreri Persone i eme Fluss in Not. Für eus heisst das jetzt zählts und eus isch de Ernst vo de Lag 100% klar.

Glücklicherwiis sind mir gad i de Nöchi gsi und i wenigie Minute drum vor Ort. Zwei Persone hend sich a eme Ast festklammeret und sind kurz devor gsi, vo de Strömig mittribe zwerde.

Während min Kollege de Wurfsack vorbereitet het, bin ich gsicheret is Wasser gange. Interessant isch, dass mir de Waffegurt abziehnd, dSchutzweste aber alönd, will die Uftrib het.

Was mir vo dem Isatz bsunders bliibe isch, isch d Ruhe. Obwohl de Puls uf 180 isch und s Adrenalin durch de Körper schüsst, versueched mir genau das nöd uszstrahle. Grad i so Momente isch es wichtig, ruhig z bliibe und kontrolliert z handle.

Zum Glück het alles guet gendet. Beidi Persone hend mir chöne rette und wohluf de Sanität übergeh.

Es grosses Kompliment goht aber au a d Jugendliche vor Ort. Sie hend sofort reagiert, de Notruf gwählt und eus direkt iigwiese.

Und ja, de Abschluss vo dem Isatz isch denn no chli speziell gsi 😅

Komplett durchnässt han ich churz nach de Rettig no es Selfie gmacht, will mich es paar vo de Jugendliche vo TikTok erkennt hend 😂

Bitte passed a Gwässer bsunders uf! Es cha drum würkli so schnell öppis passiere - blibed sicher! by @marco.roduner

Hinter jeder Uniform steckt en Mönsch!!

Hesch dir darüber scho mol Gedanke gmacht? Will hinter jedere Uniform steckt öpper mit Gfühl, ere Familie, Fründe und ere eigete Gschicht.

Wenn mir bi eme Isatz Entscheidige innert Sekunde träffed oder bi ere Demonstration im Ordnigsdienst stönd, gsehnd vieli nur bis ad Uniform. De Mönsch hinder wird leider oft vergässe.

Mir wüssed, dass euse Bruef nöd immer eifach isch und genau für das werded mir guet usbildet. Ganz wichtig isch aber, dass au mir am Obe am liebschte gsund weder hei zu eusne Liebste gönd.

Genau drum isch es mir so wichtig, ehrlechi Iblick i euse Alltag z geh. Nöd zum Mitleid z becho, sondern zum Verständnis z schaffe. Denn ich bi überzügt, dass Respekt immer det afangt, wo mer de Mönsch hinter de Uniform gseht.

Und wenn mir euch bi eme Isatz mol säged, dass en Wäg gsperrt isch oder ihr bitte zruggbliibe sötted, denn mache mir das nöd, zum öpper z schikaniere, sondern zum euch z schütze.

Danke fürs Verständnis ♥️🚔

📸 @picture_by_dario by @marco.roduner

Kopf voll, Notizbuch voll, Motivation voll. Herz voll.

Social Media Summit 2026 hat mir einmal mehr gezeigt: Es braucht nicht mehr Hochglanz, sondern mehr Mut.

Und genau das nehme ich mir vor:

🎬 Weniger perfekt, mehr echt. Auch mal mit schlechtem Licht drehen und einfach machen.
🎣 Mutigere Hooks und Geschichten, die bis zum Schluss tragen.
🤝 Euch mehr einbinden. Eure Fragen, eure Ideen mit Blick hinter die Kulissen.
🎙️ Und für unseren Podcast «Dienstschluss» hab ich schon ein paar Pläne im Kopf

Ich bin gespannt, was daraus wird. Ihr auch?

📍 @social.media.summit
Danke, dass ihr so cool seid @marco.roduner Lisa und Kathrin. Es war so spannend und inspirierend by @marco.roduner

Social Media Summit 2026 – it’s a wrap!

Mir sind mega stolz, dass mir als Kapo Aargau bi so Social Media Events vor Ort dörfed debi si. Mittlerwiile fühlt sich das Ganze au scho fascht wie es Klasseträffe a, do mer unterenand biz kennt.

Nebst vielne spannende Referat gahts vor allem drum, neui Trends und Entwicklige z entdecke, sich inspirieren z lah und vor allem sich unterenand z vernetze. Denn genau us söttige Begegnige sind i de Vergangenheit scho richtig cooli Zämearbete entstande.

Natürlich sind mir aber au immer für Frage rund um euse Polizeialltag z ha und wenns sii muess, legemer au mal öpper in Handschelle. Natürlich nur us Spass, gell @x._agnes 😉

Danke für de cool Event und until next time! by @marco.roduner

Kapo AG x runclub5000 🏃‍♂️🚔

Über 150 Teilnehmendi, knapp 40 Polizistinne und Poliziste, 3 Patrouillefahrzüg und das be isige Temperature!

Am letschte Zischtigobe hemmer de @runclub5000 bi ihrem wüchentliche Run in Aarau dörfe begleite.

Es bliibt eus vor allem eis z säge - DANKE für s riesige Interesse, de grossartige Obe, das sovell lüt cho sind und das mir überhaupt hend dörfe debi si.

Es isch grossartig gsi! 💙 by @marco.roduner

🚨 runclub5000 x Kapo AG 🚨

Gestern hat uns die @kantonspolizei_aargau bei unserem Social Run begleitet! 🚓🏃‍♀️🏃‍♂️

Gemeinsam Kilometer gesammelt, spannende Einblicke in den Polizeialltag erhalten und den Abend bei Snacks, Drinks und guten Gesprächen ausklingen lassen.

Danke an die Kapo Aargau für den Besuch, den offenen Austausch und den coolen Abend! 🤝🏼

#runclub5000 #aarau #running #socialrun #community by @marco.roduner

Oktober Dump 🥰💯

Was für schöni Moment mit was für tolle Lüt!! Egal öb dusse uf de Stross, be verschiedene Ufnahme, in Interviews oder be Events, es isxh eifach grossartig gsi!!

Und wie verruckt isch es, dass mir am Swiss Influence Award hend dörfe gwünne!! 🥹🥰

Uf witerhin so schöne Zite - hebed euch sorg!!♥️ by @marco.roduner

🚨 runclub5000 x @kantonspolizei_aargau 🚨

Am nächsten Dienstag begleitet uns die Kantonspolizei Aargau beim nächsten Social Run! 🚓

Nach dem Run gibt es einen Snack vom @theoaarau , Getränke und Zeit eure Fragen zu stellen. Ganz unkompliziert und ausserhalb vom normalen Alltag. 🚔

Dienstag, 3. November 2026 um 18:30 Uhr
@markthalle_aarau

Wir freuen uns! 🤜🏼🤛🏼

#runclub5000 #kapoag #community #running by @marco.roduner

Zrugg zum afang, wo mir als Chind no Räuber und Poli gspillt hend. Lang han ich aber gar ned gwüsst, dass ich überhaupt mol Polizist wott werde. Erst wo ich mit 29ni mol ane Info-Obig gange bin hets klickt gmacht.

Falls es du also vellecht au ned weisch, denn chum doch eifach mol cho inelose! All Infos findsch unter www.youngcops.ch 🚔♥️ by @marco.roduner

Werbung

Winner Podcast 2026: @kantonspolizei_aargau 🏆

Herzliche Gratulation zum Smile Swiss Influence Award 2026!

Unterstützt von @swisscreatoracademy @fhhwz

#SmileSwissInfluenceAward #SSIA2026 #Dienstschluss #Podcast #SwissCreators by @marco.roduner

Vermisst - wenn plötzlich jedi Minute zählt!

Es Chind chunnt nach de Schuel nöd hei, en älteri Person verloht s Altersheim und kehrt nümme zrugg, oder öpper verschwindet spurlos

Vermisstfäll chömed meh vor als mer denkt und für eus als Polizei fangt denn e Suechi a, wo jede chli Hiwis wichtig sii cha. Wenn mer sich z.B. gad jetzt mol vorstellt wie es wer be de chalte Temperature 1 Nacht dusse liechtbechleidet zverbringe, den cha sich vorstelle wie wichtig es isch, dass mer die Lüt schnell finded!

Drum werded be de Suechi noch Vermisste schnell vell Patrouille igsetzt, oder es chunt sogar au mol en Suechhund oder Heli zum Isatz. S Ziel isch nämlich immer, d Lüt so schnell wie möglich und bsunders unverseht z finde.

Doch nöd jede Mensch, wo als vermisst gilt, möcht au gfunde werde. Was passiert, wenn mer so öpper findet? Und was isch bi ere Vermisstmeldig für eus besonders wichtig?

Das und meh erfahred ihr i de neuste Folge vo eusem Podcast Dienstschluss wo sit hüt online isch! by @marco.roduner