Instagram story viewer> @muichu.jai> Posts

妹豬仔 𝕄𝕦𝕚 ℂ𝕙𝕦 𝕁𝕒𝕚

@muichu.jai

10.1K

followers

4081

following

📩 ᴅᴍ/ᴇᴍᴀɪʟ for collab: [email protected]
🇭🇰ғᴏᴏᴅɪᴇ • ʟɪғᴇsᴛʏʟᴇ | 𝕤𝕚𝕟𝕔𝕖 𝟚𝟛.𝟘𝟝.𝟚𝟘𝟙𝟡
💖佛系分享飲食/生活▶️#muichujai妹豬仔周圍食

POSTS STORIES REELS

🎈街坊港式小食店🇭🇰🔊 同男朋友喺灣仔行街行到肚餓佢推介呢間小食店😌 話係佢細細個就開始食於是就去試一試🤨
·
嚟到呢度腸粉係必食嘅😍 另外再叫咗燒賣✌🏻 我哋選擇咗「堂食」😆 唔講你都唔知呢度唔止做外賣生意咖🧐 你仲可以選擇「堂食」(即係用膠碟盛起再企喺附近食) 呢個食法好地道簡直係港味十足👍🏻 而腸粉燒賣上面淋咗滿滿嘅豉油、甜醬、麻醬、芝麻令人未食都已經流曬口水喇🤤 小食店老闆仲話如果覺得唔夠可以自己再加添醬汁人情味UP🔥
·
✨妹豬仔👧🏻💬: 真係冇介紹錯👍🏻小食店嘅嘢食好味之餘又充滿港味同人情味🥰 實在係掃街必食推介😎 ➖➖➖➖➖➖➖➖
📍 腸粉皇 (灣仔)
灣仔灣仔道177-179號保和大廈地下D舖
➖➖➖➖➖➖➖➖
·
🔍記得follow✨妹豬仔👧🏻 @muichu.jai 呀！
·
#muichujai妹豬仔周圍食 #灣仔 #腸粉皇 #港式 #港味 #腸粉 #燒賣 by @muichu.jai

🎈抵食韓式餐廳🇰🇷🔊 餐廳有唔同lunch set可以選擇🍴心大心細唔知揀咩好最後叫咗石鍋拌飯😬 上餐前有香濃嘅胡椒海帶湯🥣 同埋醒胃配菜(薯仔炆得好入味😋)用嚟送飯🍚真係一流！順帶一提呢度係可以refill配菜咖😆 但唔做大嘥鬼👻 配菜要食清咗至可以refill～
·
到主角出場——🍚石鍋拌飯！飯上配料十足🥬 生牛肉🐂遇上熱辣辣嘅石鍋攪拌之後啱啱好熟又唔會太老👍🏻 (當然飯焦就緊係有啦🤤) ✨妹豬仔👧🏻💬: 餐廳菜式份量大又好食😋 Lunch時間人均消費HK$60-$70 而且唔收加一服務費可以話係十分抵食！提提大家～餐廳通常出現排隊人龍想去試下就要預番多啲時間喇💁🏻‍♀️ ➖➖➖➖➖➖➖➖
📍韓味屋 (北角)
北角丹拿道60號地下D及E舖
📍韓味屋 (北角)
北角七姊妹道100-104號地舖
➖➖➖➖➖➖➖➖
·
🔍記得follow✨妹豬仔👧🏻 @muichu.jai 呀！
·
#muichujai妹豬仔周圍食 #北角 #韓味屋 #韓式 #石鍋拌飯 #韓式配菜 #koreanfood by @muichu.jai

🇭🇰 【🎈灣仔合和食街潮汕鹵水火鍋店! 】

早排去利東街睇中秋花燈之前，去咗呢間火鍋店打邊爐。店內位置寬敞，見到有3個包廂，好啱多人朋友聚會。擁有3代傳承鹵鵝手藝，火鍋店主打獅頭鵝、鹵水火鍋，十分有特色，而且食物同飲品都好多元化！店內嘅獅頭鵝由自家鵝場供應，每日新鮮送到火鍋店。

🔸[招脾潮汕鹵水鴛鴦湯底] (HK$128)
湯底有好多選擇，我就點了鴛鴦湯底，一邊係招脾潮汕鹵水鍋，甘甘地又帶有鹹鮮味。另一邊係潮汕清湯鍋，似平時清湯腩陣味，湯底有蘿蔔，味道清甜。

🔸[獅頭鵝‧2米鵝腸] (細，HK$188)
鵝腸淥8秒就食得，食落好爽脆，而且冇腥味。

🔸[獅頭鵝‧鵝肉] (HK$118)
鵝肉切得幼身，淥12秒就食得，如果用鹵水湯底淥，即時變咗有少少鹵水味嘅鹵水鵝，食落鵝味幾出。

🔸[吊龍] (HK$158)
吊龍肉味香濃、肉質嫩滑。

🔸[新鮮龍躉肉] (HK$168)
龍躉片每片都新鮮，大片又厚身！食呢款魚片最鍾意個皮，夠晒彈牙！

🔸[黑虎蝦滑] (HK$138)
蝦滑由黑虎蝦肉打成，以心形形狀呈現幾有心思。食落十分鮮甜，而且好彈牙！

🔸[鹵獅頭鵝‧鵝翅] (HK$128)
除咗火鍋配料之外，店內亦有熟食可選，點了鹵水鵝翼。一份有2隻，鹵得幾入味。

🔸[鮮切羊肉串] (HK$48/2串)
見到店內有即烤串燒，於是點咗羊肉串，仲有得自己選辣度，食落好惹味。見到門口有介紹有個人氣串燒套餐，好啱放工打邊爐再直落食串燒做宵夜。

🔸[娃娃菜] (HK$28)
以一筒呈上，數量比我想像中多。

🔸[王沛欣獨家黃皮汁] (細杯，HK$58)
開頭以為會係酸酸甜甜，但原來係甘甘甜甜，飲落幾舒服又解膩！

🔸[Sapporo生啤] (大杯，HK$78)

🔸[22種特色蘸料、白粥、糖水] (HK$16/位)
呢度有多款調味醬料，可打邊爐時幫助提鮮。如果認為鹵水湯底偏鹹，以潮汕粥品佐餐都係唔錯嘅選擇。打完邊爐仲有養生糖水，可以滋補一下。

💡妹豬仔話你知💁🏻‍♀️～枱面有個立牌，標示咗淥熟每款鵝類食物嘅時間，以免客人將食物淥得過熟。如果怕自己控制唔嚟，店內有提供代涮服務，就由店員幫手淥熟食物。

(以上價錢僅供參考)

➖➖➖➖➖➖➖➖➖➖
📍王沛欣潮汕鹵水火鍋 ( @wangpeixin_hk )
灣仔皇后大道東183號合和酒店．商場地下合和食街G12號舖
➖➖➖➖➖➖➖➖➖➖

營業時間：星期一至日中午12時至凌晨1時
預約電話：2618 4008 / 9198 3038

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#王沛欣 #潮汕鹵水火鍋 #打邊爐 #香港火鍋 #合和食街 by @muichu.jai

【🎈文青感up! 連鎖台式甜品店全新面貌示人! 】

太耐冇去呢間連鎖台式甜品店，發現原來佢哋翻新咗～木系裝潢好舒服，既充滿文青氣息，又帶有台灣嘅純樸感覺，令人覺得溫暖😚。

🔸[招牌仙草冰沙] (HK$52)
招牌推薦甜品之一。十次嚟有七次都係食呢款甜品，想講真係好足料👍🏻！一大碗仙草沙上面放上仙草凍，再有十幾粒芋圓，淋上奶就食得！芋圓煙煙韌韌有嚼勁，仙草仍然保持到我心中Top 1仙草位置。宜家天氣仲咁熱，食完好透心涼，消暑必食❄️！

🔸[芋圓芒果豆花] (HK$52)
季節限定甜品之一。見到「芒果」真係抗拒唔到，呢款甜品同樣大碗又足料🙌🏻！豆花上面放咗唔同配料，分別有：芋圓、珍珠、芒果粒，每款數量都唔少，另外仲加配咗一球雪糕 (+HK$10)。其實都係第一次喺呢度食豆花，估唔到食落又幾滑身，芒果粒都幾甜，珍珠就同芋圓一樣好煙韌😍。

💡妹豬仔話你知💁🏻‍♀️～除咗環境唔同之外，托盤材質亦更換咗，宜家變成木托盤，更刻有店名，文青氣息up✨！

💡妹豬仔再話你知💁🏻‍♀️～仲見到呢兩款限定甜品：桃花芋香奶、浮花三重芋香奶，睇落好靚咁，有冇人食過？

(以上價錢僅供參考)

➖➖➖➖➖➖➖➖➖➖
📍鮮芋仙 (@meetfreshhk )
新蒲崗太子道東638號Mikiki G樓G03C號舖
➖➖➖➖➖➖➖➖➖➖

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#muichujai妹豬仔周圍食 #鮮芋仙 #meetfreshhk #芋圓 #仙草 by @muichu.jai

🇯🇵 【🎈日本直送營養輕食! 高蛋白+低碳水! 】

工作忙到要急急腳求其醫飽肚就算？不如試下呢個日本營養輕食品牌！佢哋主打高蛋白、低碳水、營養均衡嘅食品，富含食物纖維、26種維生素及礦物質，仲要口味選擇多，加上每款食品都方便食用又飽腹，無論係忙碌都市人定係要keep fit嘅你，都係咁啱食🙌🏻！

🔸[BASE BREAD 朱古力味🍫] (HK$16)
麵包口味有10款。朱古力味麵包呈大理石紋理，打開包裝即可食用，但妹豬仔建議微波爐加熱15秒，叮完之後熱辣辣，朱古力香氣超濃厚，做早餐或下午茶都perfect！

🔸[BASE cookies抹茶味🍵] (HK$12.8)
曲奇口味有6款。一開包裝就聞到抹茶同黑糖香氣，食落口感香脆，帶點微苦回甘嘅風味，好啱返工想搵嘢咬，食呢個完全零罪惡感，抹茶控要買～

💡妹豬仔話你知💁🏻‍♀️～仲有4款日式炒麵，幾分鐘就整好食得。全麥麵條係非油炸，當宵夜食都零罪疚感！

💡妹豬仔再話你知💁🏻‍♀️～即日起，憑以下優惠碼於官網訂購產品，即享訂單免運費HK$40，大家快啲入手啦！

🌟優惠碼：【BFAMB2609_tur】
*有效期至2026年10月31日；每人只限使用一次

(以上價錢僅供參考)

➖➖➖➖➖➖➖➖➖➖
📍BASE FOOD ( @basefood_hk )
➖➖➖➖➖➖➖➖➖➖

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#muichujai妹豬仔周圍食 #basefoodhk #basebread #basecookies #baseyakisoba by @muichu.jai

【🎈連鎖包點店人氣新蒸包! 】

呢間連鎖包點店經常推出唔同嘅蒸包，見出咗幾款新蒸包，每款都好吸引好想食，最後妹豬仔就買咗兩款返公司做早餐：

🔸[麻糬流心朱古力包] (HK$10)
呢個包嘅內餡採用法國特濃朱古力，返到公司將個包再叮熱，一搣開，入面啲朱古力漿即刻流出嚟，而入面層麻糬超級厚。食落覺得偏甜，但都算好食，而麻糬好軟糯～

🔸[黑芝麻包] (HK$10)
之前出過麻糬流沙芝麻包，今次係經典口味回歸，但就冇咗麻糬。一搣開，內餡好厚重。不過食落覺得太甜膩。

💡妹豬仔話你知💁🏻‍♀️～兩者比較嘅話，朱古力包較好食，雖然會食得好論盡，但食完成朝keep住好心情～

(以上價錢僅供參考，各地區存在偏差)

➖➖➖➖➖➖➖➖➖➖
📍唐記包點
➖➖➖➖➖➖➖➖➖➖

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#muichujai妹豬仔周圍食 #唐記包點 #麻糬流心朱古力包 #黑芝麻包 by @muichu.jai

🇭🇰 【🎈有水準! 銅鑼灣工業風樓上cafe! 】

想同朋友搵個地方坐下嘆下？呢間樓上Cafe絕對係高質嘅選擇！裝潢係工業風格，水泥色牆身，配以簡約佈置，完全無急促感，感覺幾chill。而且食物有驚喜，幾款fushion菜式都好有水準！不過呢度空間有限，去之前記得要book位🙌🏻～

🔸[招牌名古屋鰻魚大阪燒意大利飯] (HK$158)
主食之一。呢道菜式真心有驚喜！意大利飯以蛋包飯形式呈現，旁邊圍滿海量木魚碎，飯上面放咗原條鰻魚，再放上紫菜，睇落就好似一個大阪燒咁。鰻魚大條又肥美😍，而意大利飯入面原來有大阪燒醬汁，拌勻之後，口感層次超豐富，鹹甜交織完全唔會膩😉！

🔸[ 蒜香辣椒蜆肉意大利粉配軟殼蟹] (HK$138)
主食之一。軟殼蟹好大隻🦀，炸至金黃色，放喺意粉上面十分吸晴！蜆肉同意粉以蒜蓉、辣椒炒香，意粉炒得乾身，蜆肉比較細粒但有好多量同冇沙。食落蒜香同辣椒味交織得啱啱好，軟殼蟹就外酥脆內軟腍，整體十分惹味🤤！

🔸[芝士秘撈薯條] (HK$58)
小食之一。薯條炸起後，即用芝士粉同秘製香料撈勻，每一條薯條都沾滿香料粉🍟，邪惡感爆棚！薯條熱辣辣，炸得好酥脆，就算影完一輪相都仲係咁脆。食落鹹鹹甜甜得嚟又辣辣地，真係食唔停口！而且份量好多，呢個「薯條山」絕對係同朋友傾偈嘅必點小食😋！

🔸[柚子芝士蛋糕]
蛋糕之一。呢個口味比較少見，入口有淡淡嘅清新柚子香，柚子微酸味道平衡咗芝士嘅厚重感，食完都唔會覺得好滯。而且口感幼滑，幾有驚喜😚！

🔸[抹茶芝士蛋糕]
蛋糕之一。入口初時唔太覺抹茶味，但食多幾下，抹茶味就慢慢滲出嚟🍵，而且帶點回甘，一減芝士蛋糕嘅甜膩感，如果抹茶味再濃少少，相信會更好食😬！

🔸[芒芒甘露 ]
飲品之一。可以話係楊枝甘露嘅變奏，芒果味幾濃🥭，飲落香甜又清新。入面好似有啲芒果乾肉，口感層次增加。

🔸[繽紛樂榛子朱古力]
飲品之一。濃濃嘅朱古力，加上大量忌廉，面頭放上繽紛樂榛子朱古力🍫，再撒上可可粉，拌勻之後甜度適中，唔會太甜，亦唔會太苦。朱古力控要試下～

💡妹豬仔話你知💁🏻‍♀️～呢度有2款升級套餐優惠，我同朋友就揀咗後者：
主食+HK$38: 特色檸檬茶/美式咖啡+自選蛋糕
主食+HK$48: 自選飲品(不包括花茶)+自選蛋糕

💡妹豬仔再話你知💁🏻‍♀️～逢星期一至四用餐+HK$28，就可享用蛋糕放題，任食6款唔同嘅蛋糕，可以實現蛋糕自由，好好獎勵平時辛勞嘅自己。

💡妹豬仔再三話你知💁🏻‍♀️～呢度食物既有水準，又十分打卡able，無論係放工同朋友Gathering定拍拖都好適合。快啲bookmark呢個post📌 或直接share俾另一半/朋友一齊去食啦✨！

(以上價錢僅供參考)

➖➖➖➖➖➖➖➖➖➖
📍Undici ( @undici_cwb )
銅鑼灣耀華街3號百樂中心11樓1101A-B號舖
➖➖➖➖➖➖➖➖➖➖

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#muichujai妹豬仔周圍食 #undici #cafe #香港小店 #隱世cafe by @muichu.jai

【🎈中秋限定禮盒優惠🥮! 】🚩憑文末優惠碼全單9折❗️月餅禮盒預售價上再享額外9折‼️

每年中秋都收到大盒細盒食唔晒嘅月餅？今年不妨返璞歸真，試下天然家居香氛品牌ignite同本地人氣烘焙品牌endorphins聯乘嘅中秋禮盒🎁！手工木盒極具質感，感份量精簡啱啱好，既有高質美食，又可帶來日常生活儀式感。心意滿滿又唔怕浪費，送禮定自用都夠體面✨～

🔸[日常祝福・中秋小禮盒]
(原價HK$300｜預售價HK$268｜專屬9折價HK$241.2)
禮盒包括：
✅手工流心抹茶月餅 (約50g) x1
✅京都・清新空間淨味噴霧 (30ml) x1

月餅特別嚴選日本京都宇治小眾高質抹茶品牌「Tobi En」。用中小火叮熱20秒，即有爆漿流心效果，食落充滿濃厚宇治抹茶味🍵，抹茶控應該會一試愛上！

淨味噴霧就以綠茶、黑茶精油調配，不添加合成香精，帶來淡淡草本焙茶香氣，可以去除空間內異味，令人宛如置身京都和式茶室，柔和又乾淨。適用於客廳、臥室、衣櫃等居家空間，或需要靜心時使用🎋。

💡妹豬仔話你知💁🏻‍♀️～想再更體面啲，可以選擇另一款中秋限定禮盒～只係限量30套！

🔸[中秋抹茶儀式禮盒(大)]
(原價HK$1,388｜預售價HK$988｜專屬9折價HK$889.2)
禮盒包括：
✅手工流心抹茶月餅 (約50g) x1
✅京都・清新空間淨味噴霧 (30ml) x1
✅京都宇治抹茶粉「Tobi En」祝の白 (30g) ×1罐
✅日本手工抹茶茶碗 ×1 (宗陶苑・信樂燒，綠/紅釉一款)
✅竹茶筅 ×1
✅茶杓 ×1

💡妹豬仔再話你知💁🏻‍♀️～由即日起至2026年9月7日，用以下妹豬仔專屬優惠碼，到ignite官網購買產品，即享全單9折！優惠碼於兩款中秋禮盒都適用，可以預售優惠上再享額外9折！大家有興趣就快啲入手啦🛍️～

🌟妹豬仔專屬優惠碼：【MUIMC10】
🌟網站：https://ignite-candle.com/

➖➖➖➖➖➖➖➖➖➖
📍ignite ( @ignitecandle.c )
➖➖➖➖➖➖➖➖➖➖

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#muichujai妹豬仔周圍食 #muichujai妹豬仔周圍買 #ignite #endorphins #中秋禮盒 by @muichu.jai

🇰🇷【🎈濟洲必食! 超人氣爆餡忌廉冬甩! 】

去濟州旅行，千祈唔好錯過東門市場呢間超人氣烘焙店！店舖隱身於東門市場入面，裝潢以黑色為主調，主打爆餡忌廉冬甩、忌廉麵包😍。

去到已有長長人龍，到妹豬仔嘅時候，見到左邊玻璃櫃係忌廉冬甩，右邊玻璃櫃就係忌廉麵包，有勁多唔同口味一座座咁排好。見到一座座嘅「冬甩山」，真係未食先興奮，打卡一流😆！向店員表示想要邊款，店員就會即時夾起放入包裝袋，然後就可繼續向前行俾錢。

🔸[髒髒朱古力忌廉冬甩🍫] (₩3300)
冬甩外面灑滿可可粉，內裡就填滿口感幼滑嘅朱古力忌廉，食落甜中帶微苦，啱晒朱古力控！

🔸[金陵蘋果忌廉包🍎] (₩3600)
金陵係濟州出名嘅美麗海邊，用呢個景點命名，充滿濃厚濟州地方特色🙌🏻。麵包表面有類似菠蘿包嘅酥皮，內餡填滿順滑嘅忌廉，而且夾雜住細碎嘅蘋果果肉，食落充滿蘋果清甜香氣，表面酥皮嘅脆顆粒感，就豐富咗口感層次🤤。

💡妹豬仔話你知💁🏻‍♀️～未計劃去濟洲嘅朋友唔洗擔心！聽講呢間烘焙店嚟緊9月中會喺尖沙咀開分店，到時唔使搭飛機都食得到，真係好期待😋～

(以上價錢僅供參考)

➖➖➖➖➖➖➖➖➖➖
📍ABEBE BAKERY (아베베베이커리)
( @bakery_abebe @abebe_bakery_hk )
濟州市東門路6街4 (近東門市場)
Jeju-si, Dongmun-ro 6-gil, 4
➖➖➖➖➖➖➖➖➖➖

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#muichujai妹豬仔周圍食 #濟州美食 #東門市場美食 #abebe #爆餡冬甩 by @muichu.jai

🇭🇰【🎈日本過江龍! 銅鑼灣一人火鍋專門店! 】

呢間一人火鍋專門店真正源自日本，主打「一人前」日本火鍋，品質有保證，嚟到香港超受歡迎，店外常現排隊人龍。

店內裝潢以淺木色為主調，環境十分舒服。所有肉都係即叫即切，食物選擇亦非常多元化，套餐選擇多達11款，最平只係HK$68起！湯底可自選5款精心熬製嘅湯底，份量由150g至350g都有，而且每份套餐均配前菜、野菜盛合、白飯，份量好足，性價比高！

🔸[LE-TA-SU套餐] (200g) (HK$105)
套餐前菜揀咗[涼拌芝麻菠菜]，湯底就揀咗人氣嘅[特選壽喜燒湯] (+HK$9)，會包埋一隻生蛋。有安格斯牛肩胛、美國豬肩肉、牛舌，成座「肉山」夠晒搶眼，好啱打卡！肉品切成片，牛肩胛油花分佈均勻，輕輕淥幾秒就食得，食落肉味濃郁，豬肩充滿肉香，仲好軟嫩添，牛舌都爽口彈牙。

🔸[牛五花套餐] (150g) (HK$68)
套餐前菜揀咗[燒豆腐(2件)] (+HK$3)，湯底揀咗使用枕崎縣2年熟成本枯鰹節嘅[極・和出汁]，主食就揀咗讚岐烏冬(+HK$6)。牛五花油花分佈均勻，肉質偏軟腍，食落肉味香濃帶油脂香。

🔸[明太子墨魚滑] (HK$25)
鍋伴選擇好多，呢個係其中之一。上枱時，明太子放喺墨魚滑上面，拌勻之後就可以落鍋，食落好彈牙，仲有卜卜脆嘅顆粒感。

🔸[流心芝士竹輪 (4件)] (HK$28)
鍋伴選擇之一。睇落就好似平時嘅竹輪咁，但整熱之後就變得脹卜卜，入面嘅芝士呈流心狀，一咬就爆晒漿，食嘅時候記得要睇熱！

🔸[三元豚水餃子(3隻)] (HK$15)
肉餡用上三元豚，肉汁豐富好juicy，驚喜位係個餃子皮，煮滾之後唔易爛，食落仲要係軟糯煙韌。

🔸[澳洲和牛肩胛肉眼100g] (HK$28)
套餐以外可追加牛肉或豚肉，呢次就追加咗[澳洲和牛肩胛肉眼]，食落肉味好香，仲好嫩滑。

🔸[西柚梳打](HK$18)
🔸[信州蘋果烏龍茶] (HK$20)
飲品選擇都係好多，除咗呢兩款無酒精飲品之外，亦可選擇酒精飲品。

(以上價錢僅供參考)

➖➖➖➖➖➖➖➖➖➖
📍LE-TA-SU一人一鍋 ( @letasuhk )
銅鑼灣勿地臣街1號時代廣場B2樓B213-B214號舖
➖➖➖➖➖➖➖➖➖➖

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#muichujai妹豬仔周圍食 #letasu一人一鍋 #letasuhk #日本過江龍 by @muichu.jai

【🎈灣仔世界冠軍拿坡里Pizza店🍕! 】

Pizza店全球超過30間分店，香港店有上下兩層。餐廳主打正宗拿坡里Pizza，餅皮由經超過36小時低溫發酵Nuvola Super麵團製成，餅邊好似雲朵咁，空氣感十足，口感鬆軟但煙韌。餐廳另一特色就係，店員會席前用招牌嘅「金剪刀✂️」為客人剪Pizza～

🔸[Provola E Pepe] (HK$208)
煙燻半軟芝士胡椒薄餅。呢款薄餅榮獲第19屆世界薄餅錦標賽冠軍🏆，係餐廳嘅招牌薄餅。主要有：煙燻Provola半軟芝士、手壓聖馬扎諾番茄醬、混合胡椒、調味烤車厘茄。

🔸[Margherita Con Butala] (HK$198)
水牛芝士瑪格麗特薄餅。呢款薄餅係經典瑪格麗特薄餅嘅升級版，用上：手壓聖馬扎諾番茄醬、DOP認證水牛芝士，奶香比一般牛奶芝士更濃郁😋。

🔸[Napoli] (HK$198)
拿坡里薄餅。冇細睇成份，唔小心點咗呢個極重口味嘅薄餅，用上：鹹香濃郁十足嘅醃鯷魚、山區鮮牛奶芝士、意大利優質黑橄欖，極具地中海傳統經典風味，但真係醃鯷魚鹹到飛起😬。

🔸[Polpette Di Nonno Enzo] (HK$158)
和牛牛丸。慢煮烹調嘅和牛肉丸，淋上經典聖馬扎諾番茄醬，再撒上巴馬臣芝士碎，食落肉丸肉味香濃多汁，而且帶有芝士鹹香🤤。

🔸[Holy Wings] (HK$98)
辣雞翼。即炸嘅雞翼有7隻，配以主廚特製香辣醬汁，食落熱辣辣又帶有微辣酸香，係唔錯嘅開胃前菜小食🙌🏻。

🔸[Patatine Fritte Al Tartufo] (HK$88)
松露炸薯條。雖然係幼薯條，但勝在即點即炸、份量多。薯條以白松露油浸泡過，再撒上巴馬臣芝士碎。就咁食有松露香氣，沾點配埋嘅甜辣醬、蛋黃醬就更加滋味😍。

🔸[Tiramisu] (HK$88)
提拉米蘇。以咖啡、杏仁酒浸泡過嘅手指餅乾，同相間，然後撒上可可粉、開心果碎，並以龍珠果作裝飾，提拉米蘇食落係濕潤質地，開心果碎增加口感😋。

🔸[Biscoff Cheese Cake] (HK$88)
焦糖餅乾芝士蛋糕。餅底以焦糖餅乾碎製成，面頭有層厚厚嘅焦糖醬，再撒上焦糖餅乾碎，同樣有龍珠果作裝飾。蛋糕用上馬斯卡彭芝士，質地輕盈順滑，食落微鹹帶甜🤤。

🔸[Nutella Pizza] (HK$98)
榛果朱古力醬薄餅。薄餅搽上厚厚嘅Nutella榛果朱古力醬，帶撒上糖同糖霜。食落充滿濃郁榛果同朱古力風味，係非常邪惡嘅鹹甜交融甜品😈。

🔸[Raspberry Fizz] (HK$98)
無酒精飲品之一。話明係用Raspberry，味道偏酸。
🔸[Pinapple Cooler] (HK$88)
無酒精飲品之一。
🔸[Asahii 0.5L] (HK$98)

💡妹豬仔話你知💁🏻‍♀️～我哋book咗20:00，去到時門外已有walk-in人龍。記得預早book定位，咁就唔使花時間排隊等入座。

💡妹豬仔再話你知💁🏻‍♀️～餐廳嘅薄餅款式有好多，香港店更有3款香港特別推出嘅薄餅款式，下次去再試下先～

(以上價錢僅供參考)

➖➖➖➖➖➖➖➖➖➖
📍Pizzeria Vincenzo Capuano ( @vincenzocapuano.hk)
灣仔皇后大道東200號利東街地下G04-05號舖及1樓F01A號
➖➖➖➖➖➖➖➖➖➖

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#muichujai妹豬仔周圍食 #VincenzoCapuanoHK #VincenzoCapuano #NeapolitanPizza #pizza by @muichu.jai

🇭🇰【🎈全球首推! 朱古力McGriddles! 】

全球首推朱古力McGriddles琴日推出，大家紛紛走去試新嘢，意見好壞參半，你又試咗未呢？

🔸[朱古力班戟豬柳蛋漢堡套餐] (HK$37)
豬柳蛋漢堡用上深啡色嘅朱古力班戟，睇落好吸引，堂食夠熱辣辣。平時食開85%黑朱古力嘅我，食落第一啖覺得朱古力味唔算突出，直至食到朱古力班戟入面有融融地嘅黑朱古力粒🍫，朱古力味至濃郁返少少，不過食食下又會俾豬柳扒嘅味道遮蓋。整體唔太甜，啱晒想食McGriddles但怕太甜嘅人。有人覺得食完好膩，我就覺得可以接受😆。

🔸[鴛鴦班戟早晨全餐] (HK$40.5)
一個餐可以食晒原本嘅楓糖班戟同新出嘅朱古力班戟！啱晒想食原味但又想試新嘢嘅人。

💡妹豬仔話你知💁🏻‍♀️～[朱古力班戟豬柳蛋漢堡套餐] 同[鴛鴦班戟早晨全餐]於2026年7月1至3日全日供應。

💡妹豬仔再話你知💁🏻‍♀️呢3日仲可以全日任何超值套餐免費轉薯餅！

(以上價錢僅供參考)

➖➖➖➖➖➖➖➖➖➖
📍香港麥當勞( @mcdonaldshk )
全港設多間分店
➖➖➖➖➖➖➖➖➖➖

🔍✨妹豬仔👧🏻 @muichu.jai
Welcome to 𝙁𝙤𝙡𝙡𝙤𝙬, 𝙇𝙞𝙠𝙚 & 𝙎𝙝𝙖𝙧𝙚 🤗～

#香港麥當勞 #朱古力mcgriddles #mcdonaldshk #mcgriddles #chocomcgriddles by @muichu.jai