Instagram story viewer> @nature_egypt> Posts

Nature Conservation Egypt

@nature_egypt

7.2K

followers

108

following

Protecting Egypt’s natural heritage,
for people and all life on Earth.
🦎🐊🦋🐟🦩🐙

POSTS STORIES REELS

رحلة الطيور.. حكاية أكبر من مجرد هجرة

كل خريف، بتبدأ ملايين الطيور رحلتها من أوروبا وآسيا في اتجاه أفريقيا، وفي طريقها بتكون مصر واحدة من أهم محطاتها، بتلاقي فيها الغذاء والراحة والأماكن الآمنة اللي تساعدها تكمل رحلتها.

لكن الرحلة مش دايما سهلة.. فالطيور بتواجه مخاطر كتير، من بينها الصيد الجائر وغير المنظم، واستخدام وسائل مخالفة زي أجهزة النداء الصوتي اللي بتستدرجها وتوقع أعداد كبيرة منها في الشباك ووسائل الصيد المختلفة.

والحكاية هنا مش بس عن طيور بنستمتع بمشاهدتها في السما؛ دي كائنات ليها دور مهم في حياتنا. بتنشر بذور النباتات، وبتساعد في مكافحة الحشرات والآفات الزراعية، وبعضها بيتغذى على الحيوانات النافقة، وبيساهم في الحد من انتشار الأمراض. أدوار مختلفة، لكنها كلها بتحافظ على توازن الطبيعة.

ومع أهمية مصر في رحلة هجرة الطيور، بتبقى حمايتها مسؤولية كبيرة، مش بس علشان تفضل موجودة، لكن علشان تستمر الأدوار اللي بتقوم بيها في بيئتنا.

🎬 شاهدوا الفيلم واتعرفوا على حكايات أكتر عن الطيور، وأهميتها لبيئتنا، والمخاطر اللي بتواجهها خلال رحلة هجرتها.. وليه حمايتها مسؤوليتنا جميعًا.

#حماية_الطيور
#الصيد_الجائر
#التنوع_البيولوجي
#لا_للصيد_الجائر
#صون_الحياة_البرية
#الصيد_المستدام
#الفريق_المصري_لتنظيم_صيد_الطيور
#ikb_task_force_egypt
#الجمعية_المصرية_لحماية_الطبيعة
#حتى_تعود_الطيور by @nature_egypt

الحلول القائمة على الطبيعة.. قيمة تتجاوز ثمن الصيد

في الوقت اللي بنتابع فيه التوسع في استخدام المبيدات الحشرية لمكافحة الحشرات والقوارض، لازم نفتكر إن أضرار المبيدات مش بتقتصر على الكائنات المستهدفة، لكنها ممكن تمتد لكائنات تانية بتتغذى عليها، وتهدد التوازن البيئي، وتضر بصحة الإنسان.

وفي المقابل، الطبيعة عندها حلولها!

صقر الجراد (العوسق أو الشرياص) مثال بسيط على كده؛ فهو بيتغذى على الجراد والحشرات وبعض القوارض الصغيرة، وبيساهم بشكل طبيعي في الحد من انتشارها، وده بيخليه جزء مهم من منظومة المكافحة الطبيعية للآفات.

لكن للأسف، الطائر ده بيتعرض للصيد بأعداد كبيرة، رغم إن قيمته الحقيقية مش في ثمنه، لكن في دوره داخل الطبيعة. والأمر مش مقتصر عليه وحده، فباقي الجوارح، زي النسور والعقبان والحدايات، بتتعرض للصيد كمان، رغم دورها المهم في الحفاظ على التوازن البيئي.

وهنا ييجي السؤال: ليه نصطاد طائر بيساعد في الحد من انتشار الآفات، وفي نفس الوقت بننفق ملايين الجنيهات على المبيدات لمكافحة الحشرات والقوارض اللي بيتغذى عليها؟

المبيدات بتكلفنا ملايين، لكن الطيور بتقدم خدمات مهمة للنظم البيئية مجانًا، وخدمات لا تُقدر بثمن!

ومع ذلك، بنستمر في صيدها والإضرار بدورها الطبيعي، وكأننا بنهدم بإيدينا جزءًا من الحلول اللي الطبيعة بتقدمها لينا.

حماية الطيور دي مش مجرد حماية لكائنات بتعيش حوالينا، لكنها كمان حماية لصحتنا، وللتوازن البيئي، وللمنظومة الطبيعية اللي إحنا جزء منها وبنعتمد عليها في حياتنا.

عايزين تعرفوا أكتر عن صقر الجراد ودوره في الطبيعة؟

شاهدوا الحلقة على قناة الجمعية:
https://www.youtube.com/watch?v=JYGepnOLy0s

سيبها تعيش.. وتقوم بدورها في الطبيعة.

تصوير: واتر البحري

@birdlife.africa
@birdlife.international

#حماية_الطيور
#الصيد_الجائر
#التنوع_البيولوجي
#الصيد_المستدام
#الفريق_المصري_لتنظيم_صيد_الطيور
#ikb_task_force_egypt
#الجمعية_المصرية_لحماية_الطبيعة by @nature_egypt

من البرلس.. هل تنجو الطيور المهاجرة من شباك الصيد؟

آلاف الكيلومترات تقطعها الطيور المهاجرة في رحلتها، لكن بعضها لا يصل إلى وجهته!

خلال زيارتنا الميدانية إلى البرلس بمحافظة كفر الشيخ، يوضح المهندس وحيد سلامة، رئيس الفريق المصري للحد من الصيد الجائر وغير القانوني للطيور، أبرز مخالفات الصيد، من استخدام «المخيط» وأجهزة النداء الصوتي لجذب الطيور، إلى الشباك الداخلية التي تستهدف السمان وأنواعا أخرى.

ولا يقتصر تأثير هذه الممارسات على الطيور المهاجرة، بل يمتد إلى أنواع أخرى من الحياة البرية.

الحل مش منع الصيد، لكن تنظيمه بشكل مستدام يحمي الطيور والحياة البرية، ويحافظ على مصادر رزق المجتمعات المحلية.

شاهدوا الفيديو للتعرف على التحديات التي تواجه الطيور المهاجرة في البرلس، والجهود المبذولة للحد من ممارسات الصيد الجائر.

🔗 الفيديو على يوتيوب:
https://youtu.be/Mrirtqenlbg

حتى تعود الطيور

From Burullus: Will Migratory Birds Make It Past the Hunting Nets?

Migratory birds travel thousands of kilometres on their journeys, but some never reach their destination.

During our recent field visit to Burullus, Kafr El-Sheikh, Eng. Waheed Salama, Head of the Egyptian Task Force for Combating Illegal Bird Hunting, highlights key hunting violations, from using “lime sticks” and acoustic lures to attract birds to inland nets targeting quail and other species.

These practices threaten not only migratory birds, but other wildlife too.

The solution isn’t to ban hunting, but to regulate it sustainably protecting birds and wildlife while safeguarding local livelihoods.

Watch the video to learn more about the challenges facing migratory birds in Burullus and by @nature_egypt

من البرلس.. خطوة جديدة لمواجهة الصيد الجائر

في زيارتنا الميدانية الأخيرة لمنطقة البرلس بكفر الشيخ، تحدث د. خالد النوبي، المدير التنفيذي للجمعية المصرية لحماية الطبيعة، عن التوسع المقلق في صيد الطيور الصغيرة بطرق غير قانونية مئات الآلاف من الطيور بتتصاد كل شهر، وبعدها بيتم الاتجار فيها جوه مصر وبرّه مصر.

والصورة عالميا مش الأفضل، فتقرير birdlife international الأخير بيقول إن أكتر من 50% من أنواع الطيور في العالم أعدادها في تراجع وده بيستدعي تحرك جاد لحماية الطيور والموائل اللي بتعتمد عليها.

وفي مواجهة ده، انطلق رسميًا في الإسكندرية شهر سبتمبر الماضي الفريق المصري لمكافحة الصيد الجائر وغير القانوني للطيور وتم خلاله انتخاب م. وحيد سلامة حميد رئيسًا للفريق، إلى جانب خمسة منسقين لمجموعات العمل.

والجمعية بتتولى مهام السكرتارية الفنية والتنظيمية للفريق، عشان نوحّد الجهود وننسّق الأدوار ونحوّل الخطوة دي لنتائج حقيقية على أرض الواقع.

وأكد د. خالد تطلعه إن الموسم ده يشهد تدخلات فعّالة للحد من الصيد الجائر للطيور الصغيرة.

شاهدوا رسالة د. خالد النوبي من قلب البرلس، وتطلعات الفريق للمرحلة الجاية.

@birdlife.international
@birdlife.africa by @nature_egypt

20 نوعا من الطيور في جولة واحدة.. والطبيعة دايما مليانة حكايات

احتفالًا باليوم العالمي للطيور المهاجرة، نظّمت الجمعية المصرية لحماية الطبيعة جولة لمراقبة الطيور في حديقة الزهرية بالزمالك، بمشاركة مجموعة من محبي الطبيعة، لاكتشاف الطيور والتعرّف على أهمية النباتات والغطاء النباتي الطبيعي في دعم التنوع البيولوجي.

خلال الجولة، رصدنا 20 نوعا من الطيور بين المقيمة والمهاجرة والزائرة، وتعرّف المشاركون على شعار اليوم العالمي للطيور المهاجرة هذا العام:
(كل طائر يُعَدّ.. ملاحظتك تُحدث فرقًا)

لكن الحكاية مش عن الطيور وحدها

الأشجار والنباتات البرية المصرية الأصيلة بتوفر للطيور الغذاء والمأوى، وبتخلي الحدائق والمساحات الخضراء محطات مهمة للراحة خلال رحلات الهجرة الطويلة.

وكمان اتكلمنا عن أهمية الرصد العلمي بمشاركة المواطني (Citizen Science)، وإزاي ملاحظاتنا وتسجيلاتنا للطيور ممكن تساعد الباحثين على فهم تغيرات أعدادها وتوزيعها، وتدعم جهود حمايتها.

لأن مراقبة الطيور مش مجرد هواية ممتعة، لكنها فرصة نفهم الطبيعة بشكل أفضل، ونعرف إزاي نساهم في حمايتها.

كل طائر نرصده بيساعدنا نفهم الطبيعة أكتر.. وكل ملاحظة ممكن تفرق

قام بتنفيذ الفعالية فريق الحماية بالجمعية المصرية لحماية الطبيعة
واتر البحري
د. سمر حسن
📸 التصوير: رزان الأباصيري

#الجمعية_المصرية_لحماية_الطبيعة #اليوم_العالمي_للطيور_المهاجرة #حديقة_الزهرية #الطيور_المهاجرة #النباتات_المصرية_الأصيلة #التنوع_البيولوجي #الرصد_العلمي_المجتمعي #worldmigratorybirdday #Birdwatching #citizenscience #biodiversity #natureconservation by @nature_egypt

دعوة مجانية لكل المهتمين بالطبيعة ومشاهدة الطيور

من السماء إلى الأرض... اليوم العالمي للطيور المهاجرة

كل عام، تقطع ملايين الطيور المهاجرة آلاف الكيلومترات في رحلتها بين مناطق التكاثر والمناطق التي تقضي فيها الشتاء.

وخلال الرحلة، تحتاج الطيور إلى أماكن آمنة للراحة والتغذية.

ورغم إن رحلتها بتبدأ من السماء، إلا إن استمرارها ونجاحها بيعتمد بشكل كبير على ما يوجد على الأرض؛ الموائل الطبيعية، والمساحات الخضراء، ومصادر الغذاء والمياه، والأماكن اللي تقدر تتوقف فيها بأمان.

لكن للأسف، الرحلة دي بتواجه تحديات كبيرة، زي فقدان الموائل، والتلوث، والصيد الجائر وغير القانوني، وغيرها من التهديدات اللي بتخلي رحلة الطيور أصعب وأخطر.

وعشان كده، بييجي اليوم العالمي للطيور المهاجرة، عشان يسلط الضوء على هذه الرحلات المذهلة، ويفكرنا إن حماية الطيور مش بس بحمايتها في مكان واحد، لكن كمان بالحفاظ على مسارات هجرتها والموائل اللي بتعتمد عليها طول رحلتها.

وبمناسبة اليوم العالمي للطيور المهاجرة...

فريق الجمعية المصرية لحماية الطبيعة هيكون موجود يوم السبت الساعة 9:30 صباحًا في حديقة الزهرية بالزمالك، وندعوكم نقضي مع بعض يوم مختلف وسط الطبيعة والطيور.

هنشوف الطيور ونتعرف عليها، وهنعمل جولة لمشاهدة الطيور والتعرف على الأنواع الموجودة في الحديقة، ومعانا مناظير تساعدكم تشوفوا الطيور عن قرب.

ومش هنشوف الطيور بس!
هنعمل كمان جولة للتعرف على النباتات الموجودة في الحديقة، ومعانا مسؤولة برنامج صون النباتات المصرية الأصيلة، اللي هتشاركنا معلومات عن أهم الأنواع الموجودة وأهميتها ودورها في دعم التنوع البيولوجي.

المشاركة في الفعالية مجانية.
كل اللي عليك هو دفع رسوم دخول الحديقة فقط. ولو هتصور بكاميرا احترافية، هيكون فيه كمان رسم دخول الكاميرا وفقًا لنظام الحديقة.

مستنيينكم نقضي مع بعض يوم جميل، ونكتشف جزء من الطبيعة اللي حوالينا، ونتعرف أكتر على الطيور والنباتات وأهميتها.

#حتى_تعود_الطيور #اليوم_العالمي_للطيور_المهاجرة #الطيور_المهاجرة #مراقبة_الطيور #حماية_الطبيعة #التنوع_البيولوجي #النباتات_المصرية_الأصيلة

#WorldMigratoryBirdDay #MigratoryBirds #Birdwatching #Biodiversity #NatureConservation

@alzohriya_park by @nature_egypt

الشباك قريبة من الساحل... والطيور بتدفع الثمن

الطيور المهاجرة بتوصل للساحل بعد رحلة طويلة فوق البحر، وبتخفض طيرانها بحثًا عن مكان آمن ترتاح فيه.

لكن بدل ما تلاقي مساحة آمنة...
بتلاقي شباك صيد منصوبة على مسافة قريبة جدًا من الساحل.

والنتيجة؟
طيور تقع في الشباك، من غير فرصة حقيقية للنجاة أو مواصلة رحلتها.

نصب الشباك بالقرب من الساحل مش مجرد ممارسة صيد، لكنه مخالفة للضوابط المنظمة للصيد، واللي بتلزم بترك مسافة آمنة من ساحل البحر.

الطيور محتاجة مساحة ترتاح فيها...
سيب لها مساحة تكمل رحلتها.

الحماية تبدأ باحترام القواعد، وحماية الأماكن اللي تعتمد عليها الطيور خلال رحلتها.

تم إعداد الصورة باستخدام الذكاء الاصطناعي بواسطة المهندس حاتم مشير، عضو الفريق المصري لمكافحة الصيد الجائر وغير القانوني للطيور.

#حماية_الطيور #الطيور_المهاجرة #الصيد_المستدام #مكافحة_الصيد_الجائر #حماية_الطبيعة #التنوع_البيولوجي #حتى_تعود_الطيور by @nature_egypt

مقتطفات من الاجتماع التأسيسي للفريق المصري لمكافحة الصيد الجائر وغير القانوني للطيور
#ikb_task_force_egypt
BirdLife International
BirdLife International Africa
وزارة التنمية المحلية والبيئة by @nature_egypt

Visite du site Verde de Nature Conservation Egypt @nature_egypt par les 4e, dans le cadre de leur parcours EDD : à la découverte de la biodiversité et de sa préservation.🌟
#lyceefrancais #nefertari #nature #4e by @nature_egypt

ماذا ناقش الحوار المجتمعي حول تنظيم صيد الطيور؟

زي ما وعدناكم، بنشارككم النهارده فيديو المهندس وحيد سلامة، رئيس فريق مكافحة الصيد الجائر وغير القانوني للطيور في مصر، بيطلعنا فيه على أهم النقاط والموضوعات اللي اتناقشت خلال الاجتماع.

الاجتماع ناقش عددا من الملفات المهمة المرتبطة بتنظيم صيد الطيور وحماية الطيور المهاجرة، من بينها تنظيم تصاريح الصيد، وإنشاء قاعدة بيانات وطنية، ودعم القرارات بالدراسات العلمية، ومواجهة وسائل الصيد غير المصرح بها، والتأكيد على حظر الصيد داخل المحميات الطبيعية.

وكمان كان فيه نقاش مهم حول دور المجتمع المدني والمواطنين في رصد المخالفات والإبلاغ عنها، ودور الإعلام في التوعية، وتدريب العاملين والجهات المعنية، بالإضافة إلى دعم سياحة مشاهدة الطيور كأحد البدائل المرتبطة بحماية الطبيعة والتنمية المستدامة.

شوفوا الفيديو مع المهندس وحيد سلامة، وتعرفوا على أهم ما دار خلال الاجتماع.

وفي النهاية، كل الشكر والتقدير لوزارة التنمية المحلية والبيئة، ولمعالي الدكتورة منال عوض على الدعوة لهذا الحوار المهم، وإتاحة مساحة حقيقية للنقاش والاستماع إلى مختلف الآراء حول مستقبل تنظيم صيد الطيور وحماية الطيور المهاجرة في مصر. by @nature_egypt

القانون موجود... والمخالفة مستمرة

خلال زيارتنا الميدانية الأخيرة بمنطقة البرلس، رصدنا انتشار استخدام أجهزة النداء الصوتي في عمليات صيد الطيور، ودي مخالفة صريحة لنص القرار الوزاري رقم 559 لسنة 2026 لتنظيم صيد الطيور، اللي بيمنع منعاً باتاً استخدام الأجهزة دي، ويجرمها بنص القانون.

والموضوع مش مجرد مخالفة شكلية للقانون.. فبحسب كلام الصيادين والتجار أنفسهم، الأجهزة دي بتؤدي الى زيادة أعداد الطيور اللي بيتم اصطيادها بمعدل من 4 لـ 5 أضعاف عن المعدل الطبيعي، وده اللي أكدته كمان دراسة عملتها الجمعية المصرية لحماية الطبيعة عن تأثير هذه الأجهزة على أعداد صيد الطيور المهاجرة.

المشكلة مش بس في الأجهزة الصوتية؛ رصدنا كمان استخدام عصيان اللزيق (المخيط)، ودي وسيلة صيد غير قانونية بيلزق فيها الطائر اول ما يلمسها، فيفقد قدرته على الطيران أو الإفلات، ويفضل عالق لغاية ما يتمسك او يتم افتراسه بسهولة او يموت ببطء .

والنتيجة؟

صيد جائر بلا ضوابط، وخلل مباشر في التوازن البيئي. ولو استمر انتشار هذه الوسائل بنفس المعدل، هنقضي بأيدينا على النظام البيئي.

احنا مش بتكلم عن مخالفة صيد عادية او بسيطة، احنا بنتكلم عن جريمة!!

القانون واضح.. والأدوات مجرّمة.. والاستمرار في تجاهل الامر مسؤولية نتحملها جميعا .. لا يتحملها جيل واحد فقط، بل أجيال قادمة قد لا ترى هذه الطيور. by @nature_egypt

موسم الصيد 2026–2027 بدأ

الصيد مش مفتوح.. ده نشاط منظم بقوانين واضحة

ومعرفة القواعد دي مش مسؤولية الصيادين بس..
هي مسؤوليتنا كلنا عشان نحافظ على الطيور والتوازن الطبيعي

نحن لسنا ضد الصيد.. نحن مع صيد منظم يحافظ على الطيور ويحمي الطبيعة، عشان الأجيال الجاية تفضل تشوفها في سماء مصر

نعرف القواعد.. نحمي الطيور.. ونحافظ على الطبيعة.

#حتى_تعود_الطيور by @nature_egypt