Nadine S.

⁨ ⁨ ⁨ ⁨ ⁨ ⁨ ⁨ ⁨ ⁨ ‎تيتا حبيبي❤️
‎بحبك قد ما ما في كلمة بالدنيا بتوصف… إنتِ الحب اللي ما بينتهي، والحنان اللي ما بينقاس. كنتي الحضن اللي بيحميني من كل شي، والضحكة اللي بتشيل وجعي، والدعوة اللي تفتحلي بواب السما.

‎من يوم ما رحتي وأنا حاسة إنو نص قلبي طفى…
ما في ضحكة متل ضحكتك، ولا حنان متل حنانك.
ذكرياتك محفورة بقلبي: ريحة إيديك، صوت دعواتك، لمعة عيونك لمّا تشوفيني. كنتي وح تضلي نبض الروح اللي ما بينطفى.

‎بحبك حب ما بيعرف حدود، حب بعيش معي للآخر. بوعدك إنو إسمِك ما بينمسح من قلبي، وضحكتك وصوتك واغانيك ومواويلك تضلّ رفيقتي وين ما بروح.

‎الله يرحم روحك يا حبيبة قلب نادو، يا ملاكي 💔. رح نضل سوا بالذكرى، ورح نلتقي يوم من جديد… بحبك يا تيتا، بحبك قد السما والأرض وأكتر ❤️❤️❤️❤️⁩⁩⁩⁩⁩⁩⁩⁩⁩