millardayo

Naibu Waziri wa Katiba na Sheria, Zainab Katimba amesema Serikali imepanga kuanza mchakato wa kukusanya maoni ya Wananchi kuhusu marekebisho ya Sheria ya Ndoa ya mwaka 1971, kifungu cha 13, kinachoruhusu mtoto wa kike kuolewa akiwa na umri wa miaka 15, katika mwaka wa fedha 2026/2027.

Katimba amesema hayo leo Mei 13, 2026, Bungeni alipokuwa akijibu swali la Mbunge wa Viti Maalum Mkoa wa Katavi, Taska Restituta Mbogo ambapo amesema “Sheria ya Ndoa wakati inatungwa mwaka 1971 ilitanguliwa na ukusanyaji wa maoni kwa jamii kwa njia ya White paper ambapo Watanzania wote walishirikishwa, Aidha tangu Sheria hii itungwe imeshafanyiwa marekebisho mara nne mwaka 1974, 1996 na mwaka 2006 mheshimiwa mwenyekiti maoni yalikusanywa kwenye mikoa ya Dar es salaam, Tanga, Mtwara, Lindi, Arusha, Dodoma na Mara kuhusu sheria ya ndoa sura ya 29”

“Hata hivyo baada ya uchambuzi wa maoni yaliyokusanywa imeonekana kuna hitaji la kukusanya maoni zaidi katika Mikoa iliyosalia zoezi ambalo limeapangwa kuanza katika mwaka wa fedha 2026/27 mara baada ya kukamilika kwa zoezi hilo Seriakali itawasilisha muswada Bungeni ambao utakuwa umezingatia maoni ya Wananchi”
#MillardAyoUPDATES