Aila | Fashion Blogger | UGC creator

25...

Бұл жас мені өзгертті.

Өмірдің әрдайым өзіміз қалағандай болмайтынын, кейде үнсіз ғана қабылдауды, сабыр етуді және әр күнімізге шүкір етуді үйретті.

Бұл жыл мен үшін оңай өткен жоқ. Жақынымнан айырылдым. Кейбір адамдар өмірден кетсе де, жүректегі орны ешқашан босамайды екен. Сол жоғалтудан кейін уақыттың, бір ауыз жылы сөздің, бір құшақтың, отбасының қадірін бұрынғыдан да терең сезіне бастадым.

Бірақ өмір жалғасады. Әр таң жаңа үмітпен атады. Ал жүрек ауырса да, қайтадан жарықты табуға үйренеді.

Бүгін мүшел жасты артқа тастап, 26 жасқа қадам басып келемін.

Өткеніме өкпем жоқ. Себебі әр сынақ мені бүгінгі мен етіп қалыптастырды. Әр көз жасы – сабырды, әр қуаныш – шүкіршілікті үйретті.

26 жасымда өзіме бір ғана тілек тілеймін: жан тыныштығы, жақындарымның амандығы, жүрегімнің тыныштығы және Алла жазған ең көркем тағдыр.

Қош келдің, жаңа жас. Ақырын кел. Мен сені үмітпен қарсы аламын. ✨🤍