Duncan Fung｜上水｜觀塘｜健身教練

【10 Days Out：兩年的堅持，最後 10日既衝刺】

距離踏上健美舞台，正式倒數最後 10日。

體脂已經收乾到極限，每日長時間高強度訓練帶來的疲憊感好真實，幾個月都只係向住一個目標出發：
將自己發揮到極致，展現最好嘅一面俾大家睇。

兩年前，我離開了做左6 年既銀行工作，選擇全職投入健身這條路。當時很多人問我：「值得嗎？」 我呀媽都問過我幾次「你人工幾好又考晒牌，唔做會唔會好嘥？」「做教練搵唔搵到食㗎？」

兩年前我未答到佢，但我知呢個改變係必需，如果唔係我呢世都冇機會追求我想過嘅生活，做自己想做嘅嘢。

經過無數高強度訓練，重複又重複嘅踩機，每日食住人哋嫌棄嘅雞胸飯，我依然繼續前進，每日突破緊自己嘅極限，享受過程既時候，我就知道一定值得。

呢場唔係只係一場比賽，更係我對自己呢兩年轉型、學習、教學成果既最終檢驗。

多謝一路以來支持我既每一位朋友，支持水行俠出story，仲有好多朋友開到聲要尼睇我比賽。最後10日，我會全力以赴，舞台見！

嚟緊Peak Week（脫水、充碳、狀態最後調整） 過程，以及未來的實戰教學乾貨，我都會係全新帳號完整記錄，請大家多多支持，幫幫手follow吓！

#10DaysOut #BodyTransformation #BeforeAndAfter #NaturalBodybuilding #健身教練