DR. SOPHIA MFAUME KIZIGO, PhD

Mheshimiwa Rais @samia_suluhu_hassan

Namshukuru Mwenyezi Mungu kwa kunipa tena kibali kupitia kwako cha kuwatumikia wananchi. Natoa SHUKRANI zangu za DHATI na za kina kwako kwa imani uliyoendelea kunipa ya kuniteua tena kuendelea kulitumikia taifa kwa nafasi ya Mkuu wa Wilaya.

Ninapokea imani hii kwa Unyenyekevu mkubwa, Shukrani na hisia ya kina ya uwajibikaji. Ninafahamu kwamba nafasi hii sio cheo tu, bali ni wito wa kuitumikia Serikali na Wananchi wa Tanzania kwa uadilifu, kujituma, nidhamu na kujitolea.

Nakuhakikishia Mheshimiwa Rais kwamba nitaendelea kutekeleza majukumu yangu kwa bidii na kwa uzalendo, huku nikishirikiana kwa ukaribu na wadau wote katika kuendeleza maendeleo ya kijamii na kiuchumi katika wilaya ya Mpwapwa uliyoniamini kuiongoza.

Nakushukuru tena kwa imani uliyonayo kwangu. Namuomba Mwenyezi Mungu aendelee kukujaalia afya njema unapoendelea kuliongoza taifa letu.

Kwa HESHIMA na SHUKRANI ZA DHATI,
Dkt. Sophia Mfaume Kizigo,
Mkuu wa wilaya ya Mpwapwa.