13 days ago
Co Creator: 
24
0
Posted On: October 24th 2026, 06:32 am
Tagged Users:
ONG YAADHIMISHA SIKU YA MTOTO WA KIKE 2026, YAPIGIA DEBE KUKOMESHWA KWA NDOA ZA UTOTONI
Taasisi ya Okoa New Generation (ONG) imeadhimisha Siku ya Kimataifa ya Mtoto wa Kike mwaka 2026 wilayani Monduli, mkoani Arusha, kwa kuwakutanisha wasichana, viongozi wa kimila na dini, walimu, wanafunzi na wadau mbalimbali kujadili haki za mtoto wa kike na mikakati ya kukabiliana na mimba na ndoa za utotoni. Maadhimisho hayo yamefanyika leo, Oktoba 23, katika Chuo cha Maendeleo ya Jamii Tengeru (TICD), Kampasi ya Monduli, yakilenga kuhamasisha jamii kushiriki katika kumlinda mtoto wa kike na kukuza fursa zake za maendeleo.
Akizungumza kwa niaba ya Mkurugenzi wa ONG, Afisa Mradi wa taasisi hiyo, Zawadi Kaaya, amesema kuwakutanisha wadau mbalimbali ni sehemu ya mkakati wa taasisi hiyo wa kujenga ushirikiano katika mapambano dhidi ya mimba na ndoa za utotoni. Ameeleza kuwa wadau hao, wakiwemo mabalozi, wanafunzi, walimu, viongozi wa kimila, wanasheria na viongozi wa dini, wana nafasi muhimu katika kuelimisha jamii, kulinda haki za watoto wa kike na kuchangia upatikanaji wa suluhisho la changamoto zinazowakabili.
Kaaya amesema ONG pia imetafsiri kwa lugha ya Kiswahili mwongozo wa kurejesha shuleni wanafunzi waliokatiza masomo katika shule za msingi na sekondari, uliokuwa umeandaliwa kwa lugha ya Kiingereza. Mwongozo huo umekabidhiwa kwa Amina Maulidi, Afisa Elimu ya Watu Wazima na Elimu Nje ya Mfumo Rasmi, kwa lengo la kusaidia juhudi za kuwawezesha wanafunzi walioacha masomo kurejea shuleni na kuendelea na elimu yao, hatua inayolenga kupanua fursa za maendeleo kwa watoto wa kike.
Kwa upande wake, Afisa wa Dawati la Jinsia na Watoto la Jeshi la Polisi wilayani Monduli, Tunu Pingu, ametoa wito kwa wazazi na wananchi kushirikiana na vyombo vya sheria kwa kutoa taarifa na ushahidi kuhusu matukio ya kuwaozesha watoto katika umri mdogo, mimba za utotoni na ubakaji. Amesisitiza kuwa ushiriki wa jamii ni muhimu katika kuhakikisha matukio hayo yanaripotiwa na hatua za kisheria zinachukuliwa dhidi ya wahusika kwa mujibu wa sheria.
Taasisi ya Okoa New Generation (ONG) imeadhimisha Siku ya Kimataifa ya Mtoto wa Kike mwaka 2026 wilayani Monduli, mkoani Arusha, kwa kuwakutanisha wasichana, viongozi wa kimila na dini, walimu, wanafunzi na wadau mbalimbali kujadili haki za mtoto wa kike na mikakati ya kukabiliana na mimba na ndoa za utotoni. Maadhimisho hayo yamefanyika leo, Oktoba 23, katika Chuo cha Maendeleo ya Jamii Tengeru (TICD), Kampasi ya Monduli, yakilenga kuhamasisha jamii kushiriki katika kumlinda mtoto wa kike na kukuza fursa zake za maendeleo.
Akizungumza kwa niaba ya Mkurugenzi wa ONG, Afisa Mradi wa taasisi hiyo, Zawadi Kaaya, amesema kuwakutanisha wadau mbalimbali ni sehemu ya mkakati wa taasisi hiyo wa kujenga ushirikiano katika mapambano dhidi ya mimba na ndoa za utotoni. Ameeleza kuwa wadau hao, wakiwemo mabalozi, wanafunzi, walimu, viongozi wa kimila, wanasheria na viongozi wa dini, wana nafasi muhimu katika kuelimisha jamii, kulinda haki za watoto wa kike na kuchangia upatikanaji wa suluhisho la changamoto zinazowakabili.
Kaaya amesema ONG pia imetafsiri kwa lugha ya Kiswahili mwongozo wa kurejesha shuleni wanafunzi waliokatiza masomo katika shule za msingi na sekondari, uliokuwa umeandaliwa kwa lugha ya Kiingereza. Mwongozo huo umekabidhiwa kwa Amina Maulidi, Afisa Elimu ya Watu Wazima na Elimu Nje ya Mfumo Rasmi, kwa lengo la kusaidia juhudi za kuwawezesha wanafunzi walioacha masomo kurejea shuleni na kuendelea na elimu yao, hatua inayolenga kupanua fursa za maendeleo kwa watoto wa kike.
Kwa upande wake, Afisa wa Dawati la Jinsia na Watoto la Jeshi la Polisi wilayani Monduli, Tunu Pingu, ametoa wito kwa wazazi na wananchi kushirikiana na vyombo vya sheria kwa kutoa taarifa na ushahidi kuhusu matukio ya kuwaozesha watoto katika umri mdogo, mimba za utotoni na ubakaji. Amesisitiza kuwa ushiriki wa jamii ni muhimu katika kuhakikisha matukio hayo yanaripotiwa na hatua za kisheria zinachukuliwa dhidi ya wahusika kwa mujibu wa sheria.
More posts
