مطبخ وفاء

⁨ ⁨ 🌶️ فلفل محشي باللحم وصوص الطماطم… نسخة صحية، خفيفة وبنينة بزاف! 🤤❤️

إذا كنتِ تحوسي على وصفة متوازنة وتشبعك بدون ما تحرمي روحك، جربي هاذ الفلفل المحشي 👌

👩🏻‍🍳 طريقة التحضير:

🌶️ الفلفل:
قطعت الفلفل إلى دوائر صغيرة حوالي 4 سم، ورشيت شوية ملح من الداخل.

🥩 الحشوة:
استعملت لحم بقري مفروم مع:
• معدنوس 🌿
• زرودية 🥕
• نصف حبة كرفس
• نصف حبة قرعة
• نصف حبة بطاطا 🥔
• ملح + فلفل أسود
• شوية تابل وراس الحانوت
• حبة بيض 🥚

فرمت الخضر كامل، خلطتهم مع اللحم والتوابل والبيض، ومن بعد عمرت بيهم دوائر الفلفل.

🍅 صوص الطماطم:
4 حبات طماطم 🍅
3 سنان ثوم 🧄
1 ملعقة كبيرة طماطم مصبرة
ملح + فلفل أسود + عكري

* حوالي كاس ماء

خليت الصوص تتعقد شوية في كمية قليلة من زيت الزيتون، ومن بعد زدت الماء وخليتها خفيفة شوية.

حطيت الفلفل المحشي في الصوص، غطيت الصينية بورق الألمنيوم ودخلتها للفرن 30 دقيقة من التحت.
بعدها نحيت الألمنيوم وخليتهم يتحمرو من الفوق حتى ياخذو لون شهي 😍🔥

🍚 وقدمتهم مع أرز بسمتي مطيب في الماء مع شوية ملح.

✨ وجبة متوازنة، غنية بالبروتين والخضر، ومشبعة بدون ما تكون ثقيلة.

📌 Save the recipe وجربيها في وجبتك الجاية ❤️

#فلفل #صحي #محشي #طريقة جديد⁩⁩