Ерқанат Көпжасарұлы

Венесуэла президентін жұбайымен бірге бір түнде бастарына қара қап кигізіп, алып қашты.

Иранда соғыс оты тұтанды. Мұнай бағасы аспанға ұшты.

Үстінен федералдық деңгейде қылмыстық іс қозғалып, айып тағылған АҚШ-тың алғашқы президенті.

Украинадағы соғысты үш-ақ күнде тоқтатамын деп еді.

Президент болған күннен бастап бүкіл әлемде сауда соғысын бастап, экономикалық дауыл тудырды.

АҚШ-тың ежелгі досы Еуропаны елеңдетіп, тарифтерді еселендіремін деп ерегісті.

Даниядан Гренландияны «берсең қолыңнан, бермесең жолыңнан аламын» деп сес көрсетіп келеді.

Енді сол азамат Нобель сыйлығын алмадым деп тулап жатыр. Айтуынша, өзінің қатысуымен жаһанда сегіз қақтығыс тоқтаған.

Сөзінше, өзіне Нобель сыйлығын бермеген норвегтердің абыройы айрандай төгіледі.

Ол: «Шын мәнінде, мен бір емес, сегіз Нобель сыйлығын алуым керек еді», – деп егіліп отыр.

Жаның ашып кетеді екен. «Әлем неге әділетсіз?» деген сұраққа тағы жауап іздеп кетесің.

Биыл Нобель бейбітшілік сыйлығы оңтүстікафрикалық құқық қорғаушы Нави Пиллейге берілді.

Ал ол болса Пиллейді ешкім танымайды деп тағы тиісті.

Енді осы ерекше тұлғаның тілін табуды айтсаңызшы…