🇰🇿 және Шоу бизнес жаңалықтары

Әнші Әли Оқапов Instagram парақшасында жүрекке жылу сыйлайтын жазбасын жариялады. Өнер иесі арада 32 жыл өткен соң балалық шағындағы ерекше естелігін ұлымен бірге қайта жаңғыртқан.

Әншінің айтуынша, ол Дубай қаласына алғаш рет үш жасында әкесімен бірге барған. Ал арада тура 32 жыл өткенде осы қалаға өз ұлы Зейінді ертіп келіпті. Бір қызығы, кішкентай Зейін де дәл сол кезде әкесінің жасы нешеде болса, қазір сол жаста.

Әли Оқапов балалық шағында әкесімен бірге өткізген сәттері әлі күнге дейін есінде сақталғанын айтып, енді сол естеліктердің ұлымен жалғасып жатқаны ерекше сезім сыйлайтынын жеткізді.

«Бір кездері әкемнің жанында жүрген бала едім, ал бүгін өзім әкемін. Уақыттың қалай тез өтетінін осындай сәттерде ерекше сезінеді екенсің. Кезінде әкеммен бірге жинаған естеліктерімнің енді ұлыммен жалғасып жатқаны – мен үшін баға жетпес сезім», – деп жазды әнші.