香港郵政 Hongkong Post

【香港郵政榮獲「申訴專員嘉許獎」— 客戶服務獎及公職人員獎🏆】

香港郵政今年好榮幸得到申訴專員公署頒發「申訴專員嘉許獎」— 客戶服務獎🎉。呢個獎項係對香港郵政提供優質郵政服務嘅肯定🙌。署長出席頒獎典禮時，感謝申訴專員公署嘅認可同鼓勵，並表示香港郵政一直秉持「將心比心，顧客稱心」嘅宗旨，致力為市民提供快捷、可靠同貫通全球嘅郵政服務📮。

隨着網上購物愈嚟愈盛行📱🛍️，香港郵政唔單止提供普及郵政服務，亦積極參與電子商貿郵件市場，為市民提供便利。市民唔單止可以喺遍佈全港各區嘅郵政局領取包裹📦，仲可以喺自助取件設施「智郵站」同埋便利店，全港夾埋超過820個取件點，真係幾時去都得、去到邊都得！

除左部門獲獎外，香港郵政兩位同事亦以卓越嘅服務態度同埋專業精神，獲頒「公職人員獎」。佢哋用心聆聽市民意見，積極跟進投訴同建議📝，展現部門持續優化服務嘅正面文化👏。

展望未來，香港郵政會繼續「傳心意、遞商機」，為市民提供優質可靠嘅專業郵政服務💪。

Follow埋我哋嘅FB/IG，緊貼最新資訊！
https://www.facebook.com/hkpost.official
https://Instagram.com/hkpost.official

#智郵新時代 #香港郵政 #電子商貿 #頒獎典禮 #申訴專員嘉許獎 客戶服務獎 智郵站 智郵寄 自助取件