بصوت واحد، ووطن واحد، وعهدٍ يتجدّد.
More than 6,000 graduates will come together at #HCT’s graduation ceremony to recite the UAE Pledge of Allegiance.
One voice. One nation. A shared pledge of loyalty.
#HCTGraduation2026
a minute agonmarchten
انا ولية امر وحضرت تخرج طلاب غير بنتي😂 جان قلتو بتسون حفل ثاني كلن في امارته بدال مانضرب خطوط عشان نصفق لناس مانعرفهم😂
7 hours ago_almeer12
آمين يا رب العالمين. الله يبارك لهم ويتمّم فرحتهم، ويجبر خاطر كل شاب وبنت تعبوا واجتهدوا وانتظروا هذه اللحظة لسنوات. اللهم لا تحرم طالباً ولا طالبة فرحة التخرج، ولا تكسر خاطر أحد، وارزق الجميع العدل والإنصاف والتقدير. التخرج فرحة حق لكل شاب وبنت، وكل مجتهد يستحق أن يُحتفى به، وأن يفرح بتعب سنواته مع أهله وأحبابه. يا رب تتمّم فرحة الجميع ولا تجعل في قلوبهم حسرة. آمين. ❤
7 hours ago_almeer12
لحظة يُنادى فيها اسمك في حفل التخرج… تخيّل أن اسمك لا يُذكر! تخيّل الظلم في درجاتك، وتخيّل أهلك ينتظرون لساعات طويلة، وتخيّل أننا في عام الأسرة، ومع ذلك لا يُسمح إلا بتذكرة واحدة! تخيّل أنك تنتظر هذه اللحظة منذ أعوام، وتحلم بها أنت وأهلك وأحبابك، وفي النهاية تأتي الصدمة! وتخيّل أن المنتقبات لا يُسمح لهن بالحضور بسبب النقاب، وتخيّل أن حتى اللبس الذي ترتديه لا يُؤخذ رأيك فيه، وكأن ليس لك حق في الاختيار والتعبير عن نفسك في يوم يفترض أن يكون يوم فرحتك! وتخيّل التمييز بين الطلبة بناءً على المعدل، وكأن أصحاب المعدلات الأعلى وحدهم يستحقون أن تُذكر أسماؤهم ويُحتفى بهم، بينما الجميع درس واجتهد وتعب وسهر ليصل إلى هذه اللحظة. نحن لا نطلب المستحيل، ولا نطلب أكثر من حقوقنا؛ نطلب العدل، والمساواة، والاحترام، وأن تُحترم فرحتنا وتعب سنواتنا. لحظة التخرج ليست مجرد حفل، إنها لحظة انتظرناها أعواماً، لحظة يتمناها الطالب وأهله وأحبابه. فكيف تتحول أجمل ذكريات العمر إلى ذكرى مليئة بالقهر والخذلان؟ التخرج فرحة للجميع، وليس امتيازاً لفئة دون أخرى. حسبي الله ونعم الوكيل في كل ظلم، وفي كل من استهان بمشاعر الطلبة وفرحة أهاليهم.
8 hours agostillona
حفل سئ وتنظيم أسوأ وماكان فيه أي تقدير للخريجين حرام عليكم خربتوا على الخريجين أجمل لحظة انتظروا سنوات عشان هاللحظة وآخر شي صدمتوا حياتهم .كل اللي ساروا ندموا وانقهروا وهلكوا من الزحمة والفوضى ، نتمنى ان تحتفل كل امارة بخريجيها ونتمنى ان يكون حفل التخرج القادم ذكرى جميلة للخريجين وليس كابوس يتمنون فقط الخروج منه …حفل فاااااشل بكل معنى الكلمة
8 hours agoh6666.x
أنا حضرت حفل تخرّج أختي، وللأسف ما كان فيه تنظيم يليق بهالمناسبة ولا بفرحة الخريجين وأهاليهم. أختي، حالها حال وايد من الخريجين، تعبت ودرست سنين، وفي النهاية حتى شهادة تقدير ما حصلت، وحسّت إن حالها حال أي شخص من الحضور، من دون تكريم يقدّر تعبها. شو ذنب الخريجين يرجعون من يوم تخرّجهم مكسورين الخاطر، بدل ما يرجعون فرحانين وفخورين بإنجازهم؟ هالموقف ممكن يطفّي شغفهم ويقلّل حماسهم إنهم يكملون دراستهم. هم انتظروا هاللحظة طول هالسنين، وتمنّوا ينادون أساميهم ويستلمون شهاداتهم بإيدهم، جدام أهلهم اللي تعبوا وياهم. وكلامنا مب حسد ولا حقد على أي طالب تكرّم، بالعكس، نتمنّى الخير والتوفيق للجميع، لكن من حق كل خريج ينال التقدير عقب مجهود وتعب وسهر سنين. هالشهادة مب مجرد ورقة، هذي ذكرى تعبهم وإنجازهم، ومن حقهم يمسكونها بإيدهم ويفرحون فيها. وشو ذنب الأهالي اللي تعنّوا من مناطق بعيدة، وقطعوا مسافات وساعات عشان يشاركون عيالهم فرحتهم، وفي النهاية يرجعون وياهم بخاطر مكسور؟ نتمنّى منكم تعوّضونهم بحفل ثاني منظّم يليق فيهم، ويحصل فيه كل خريج على حقه من التكريم والتقدير، وتردّون لهم فرحة اللحظة اللي نطروها. كل خريج عنده طموح وأحلام، فلا تخلّون ذكرى تخرّجه سبب ينكسر فيه خاطره ويفقد شغفه بالدراسه
9 hours agolatifa_almidfa
حسبنا الله ونعم الوكيل فيهم وفي تنظيمهم ❌ للأسف تنظيم فاااااشل .. ما دخلوا مجموعة كبيرة من أهالي الخريجين وما احترموا كبار المواطنين ولا الحريم اللي واقفين بالساعات .. في ذمتهم إن شاء الله 👎🏼👎🏼👎🏼
10 hours agosalamalb_
نطالبكم بتقدير تعبنا والسنوات اللي قضيناها في الدراسة والجهد والتضحيات اللي بذلناها طوال هالفترة، مب من العدل إن سنوات من أعمارنا تضيع وفي النهاية ما نحصل لا شهادة ولا حتى تقدير للي قدمناه. نحن نبا حقنا وفرصة تعوضنا عن هالسنوات ونقدر نكمل ونصعد حالنا حال غيرنا، مثل ما غيرنا عنده طموح ومستقبل نحن بعد عندنا أحلام وحقوق ونبا جهة تنصفنا وتقدر تعبنا وما تخلي كل هالسنوات تروح سدى. وحتى حفل التخرج اللي كنا ننتظره من فترة طويلة ونحسب الأيام عشان نعيش فرحته، للأسف ما كان مثل ما تمنينا. يينا الحفل بقلوب مليانة فرحة وحماس وفخر إننا وصلنا لهالمرحلة، لكن رددنا بقلوب مكسورة وخاطر مب مجبور. ناس تعنّت من آخر الدنيا وناس حجزت ودفعت مبالغ وقدرها عشان تشاركنا هاللحظة، وفي النهاية ما حصلنا حتى شهادة تخرج أو شهادة تقدير، ولا حتى ناديتوا أسماءنا عشان نحس إن لنا قيمة في هاليوم. أنا خريجة وحضرت الحفل حالي حال الضيوف، ما حسيت إن هالفرحة فرحتي ولا حسيت إن فيه تقدير للسنوات اللي قضيتها في الكلية. ومب حسد ولا غيرة من أي طالب أو خريج، بالعكس نتمنى الخير للجميع، لكن من حقنا مثل غيرنا نستلم شهاداتنا ونتصور فيها وأسماؤنا مكتوبة عليها، ومن حق أهلنا يفتخرون فينا ويحتفظون بصورة تخلّد هالإنجاز. شفنا غيرنا يفرح ويستلم شهادته ونحن أصحاب الإنجاز ما حصلنا هالفرحة. ليش نحس إننا مجرد ضيوف في يوم المفروض يكون يومنا؟ ليش ما نعيش فرحة التخرج حالنا حال غيرنا؟ كنت أفكر أكمل دراستي وأحقق طموحي، لكن للأسف اللي صار فقدني الشغف والرغبة في إني أكمل. لا تخلون هالتجربة تكسر أحلامنا وتطفّي الأمل فينا. نحن ما نطلب المستحيل ولا ننتقص من فرحة أحد، نطلب المساواة والإنصاف وتقدير تعبنا. الشهادة مب مجرد ورقة، هي ذكرى سنوات من التعب والسهر والطموح، ومن حقنا نمسكها بإيدنا ونفرح فيها ونتصور ويا أهلنا ونقول إن كل هالتعب كان له ثمرة. عطونا حقنا وقدّروا مشاعرنا، لأننا يينا فرحانين ننتظر أجمل ذكرى في حياتنا، ورجعنا مكسورين الخاطر.
More posts
