Instagram story viewer> @semio_radio5> Posts

Semio Sonyo

@semio_radio5

21.1K

followers

7527

following

RADIO5 & ABC TV PRESENTER 📻⏏️📺
PRGM MANAGER:
Radio 5 Fm.
STATION:🗼🚩
RADIO 5 & ABC TV ARUSHA TZ🇹🇿
HOST OF G-MORNING-TZ🎤
MON-FRI 06:00am to 10:00

POSTS STORIES REELS

*Binti wa Rais Ruto kufunga ndoa na Mtanzania jijini Mwanza Novemba 6*

Charlene Ruto, binti wa Rais wa Kenya, William Ruto, anatarajiwa kufunga ndoa na mchumba wake, Isaya Yunge, mfanyabiashara kutoka Tanzania, katika hafla itakayofanyika jijini Mwanza.

Sherehe hiyo imepangwa kufanyika Novemba 6, 2026, katika fukwe za Hoteli ya Malaika Beach Resort jijini humo, huku maandalizi na shamrashamra za kuelekea tukio hilo zikianza kushika kasi.

Harusi hiyo inatarajiwa kuhudhuriwa na viongozi mbalimbali kutoka Tanzania na Kenya, akiwemo Rais wa Ruto, ambaye anatarajiwa kushiriki katika tukio hilo muhimu la kifamilia.

Ndoa hiyo inakuja baada ya wawili hao kufanya sherehe ya mahari na kuvishana pete ya uchumba Agosti 8, 2026, katika eneo la Kilgoris, Kaunti ya Narok nchini Kenya, iliyowakutanisha wana familia wa pande zote mbili katika hatua ya kuelekea kufunga ndoa. by @semio_radio5

Waziri Kombo akutana na Mfalme Charles wa Uingereza

Waziri wa Mambo ya Nje wa Tanzania, Balozi Mahmoud Thabit Kombo, amekutana na Mfalme Charles III wa Uingereza, pembezoni mwa Mkutano wa Viongozi wa Jumuiya ya Madola (CHOGM 2026) unaofanyika Kisiwani Antigua, nchini Antigua na Barbuda.

Katika mkutano huo, Balozi Kombo akimwakilisha Rais Samia Suluhu Hassan, pia alikutana na Waziri Mkuu wa Uingereza, Andy Burnham, Waziri Mkuu wa Antigua na Barbuda, Gaston Browne, pamoja na Gavana Jenerali wa Antigua na Barbuda, Sir Rodney Williams.

Mkutano wa CHOGM unawakutanisha viongozi wa Serikali za nchi wanachama wa Jumuiya ya Madola pamoja na wadau wa sekta binafsi kwa lengo la kujadili fursa za uwekezaji, kuimarisha ustahimilivu wa uchumi na kukuza ajira katika nchi wanachama.

Majadiliano katika mkutano huo yalijikita katika maeneo ya miundombinu, nishati jadidifu, kilimo na kukabiliana na athari za mabadiliko ya tabianchi, huku yakisisitiza umuhimu wa ushirikiano wa vitendo kati ya Serikali na wawekezaji pamoja na kuongeza ushiriki wa sekta binafsi katika maendeleo ya nchi wanachama.

Ushiriki wa Tanzania katika mkutano huo ni fursa muhimu ya kuimarisha mahusiano ya kimataifa na kuendeleza diplomasia ya uchumi kwa lengo la kuvutia uwekezaji, kukuza ustawi wa pamoja na kuendeleza ushirikishwaji wa sekta binafsi katika utekelezaji wa Dira ya Taifa ya Maendeleo 2050. by @semio_radio5

Rais Samia apiga kura uchaguzi mdogo wa Ubunge Chamwino

Rais Samia Suluhu Hassan, amepiga kura leo, Novemba 4, 2026, katika uchaguzi mdogo wa ubunge Jimbo la Chamwino, mkoani Dodoma, katika Kituo Namba Tano kilichopo Ofisi ya Kijiji cha Chamwino.

Uchaguzi huo unafanyika kujaza nafasi iliyoachwa wazi na Deogratius John Ndejembi, aliyeteuliwa kuwa Makamu wa Rais wa Jamhuri ya Muungano wa Tanzania.

Mwenyekiti wa Tume Huru ya Taifa ya Uchaguzi (INEC), Jaji wa Mahakama ya Rufani, Jacobs Mwambegele, amesema Jimbo la Chamwino lina wagombea 16 wa nafasi ya ubunge, wakiwemo wanaume wanane na wanawake wanane, kila kundi likiwa na asilimia 50.

Aidha, wapiga kura 133,864 walioandikishwa katika Daftari la Kudumu la Wapiga Kura wanatarajiwa kushiriki uchaguzi huo. by @semio_radio5

FAHAMU KUHUSU MALEZI MAKALI.
@maternityafrica by @semio_radio5

MTINDO WA MAISHA NININI?
Tuungane na Wawezesaji toka @maternityafrica wakitujuza. by @semio_radio5

Dkt. Samia: Tehama ipunguze urasimu, irahisishe utoaji huduma

Rais Samia Suluhu Hassan, amesema matumizi ya teknolojia katika majengo ya Mji wa Serikali Mtumba, Dodoma, yanapaswa kuongeza tija, kurahisisha utoaji huduma na kupunguza urasimu katika kuhudumia wananchi.

Akizungumza leo, Oktoba 30, 2025, wakati wa uzinduzi wa Mji wa Serikali Mtumba, Rais Samia amesema wananchi hawapaswi kusafiri kutoka mikoa ya mbali kwenda Mtumba kufuatilia huduma zinazoweza kupatikana walipo, akitaja Rukwa, Kigoma na Mtwara.

“Mwananchi kutoka Rukwa, Kigoma, Mtwara asitumie muda na fedha nyingi kuja kufuatilia jambo lake ambalo lingeweza kushughulikiwa alipo,” amesema leo, Oktoba 30, 2026.

Amesisitiza mifumo ya TEHAMA katika taasisi za Serikali iunganishwe ili taarifa zinazopokelewa na kuchakatwa katika taasisi moja ziweze kusambazwa kwa urahisi kwenye taasisi nyingine.

Amesema teknolojia iliyowekwa Mtumba inapaswa kutumika kurahisisha kazi za Serikali na kuhakikisha wananchi wanapata huduma kwa urahisi bila kukumbana na urasimu.
@samia_suluhu_hassan @ikulu_mawasiliano @msemajimkuuwaserikali @ccmtanzania by @semio_radio5

Dkt Samia: Serikali kuhamia Dodoma ni fursa kiuchumi, biashara

Rais Samia Suluhu Hassan, amesema kuhamia kwa Serikali Dodoma kumechochea ukuaji wa jiji hilo, kuongeza idadi ya watu, shughuli za biashara, uwekezaji na huduma mbalimbali.

Amesema hatua hiyo imefungua fursa za kiuchumi na kijamii, huku wananchi wakinufaika na ongezeko la maduka ya vifaa vya ujenzi na vituo vya huduma.

Amesema Serikali, sekta binafsi na wananchi wameongeza ujenzi wa majengo ya kisasa ya makazi, biashara na utoaji wa huduma mbalimbali.

Rais Samia ameyasema hayo leo, Oktoba 30, 2025, wakati wa uzinduzi wa Mji wa Serikali Mtumba.
@samia_suluhu_hassan @ikulu_mawasiliano @msemajimkuuwaserikali @ccmtanzania by @semio_radio5

Samia: Fedha zetu za ndani zimejenga Mji wa Serikali Dodoma

Rais Samia Suluhu Hassan, amesema majengo ya ofisi za Wizara na Taasisi za Serikali katika Mji wa Serikali Mtumba, Dodoma, yamejengwa kwa fedha za ndani bila mikopo kutoka taasisi yoyote.

Akizungumza leo, Oktoba 30, 2026, wakati wa uzinduzi wa majengo hayo na barabara za lami, Rais Samia amesema Watanzania wanapaswa kujivunia miundombinu hiyo ya kisasa iliyojengwa kwa rasilimali za nchi.

“Majengo na miundombinu mizuri, imara na ya kisasa tuliyojenga kwa fedha zetu wenyewe hapa, hamna mkopo kutoka taasisi yoyote,” amesema.

Amewataka watumishi wa umma kutumia mazingira hayo bora kuongeza uwajibikaji, uadilifu na ufanisi katika kutoa huduma kwa wananchi.
@samia_suluhu_hassan @ikulu_mawasiliano @msemajimkuuwaserikali @ccmtanzania by @semio_radio5

Samia: Kukamilika Mji wa Mtumba, tumetimiza ndoto Serikali kuhamia Dodoma

Rais Samia Suluhu Hassan, amesema ametimiza ndoto ya Baba wa Taifa wa Julius Nyerere, kwa kukamilisha ujenzi wa majengo ya wizara, taasisi za Serikali pamoja na barabara za lami katika Mji wa Serikali wa Mtumba jijini Dodoma.

Amesema mwaka 2021 wakati akichukua uongozi wa nchi, mradi huo ulikuwa na majengo ya awali ya kujishikiza, hivyo yeye pamoja na viongozi wenzake waliongeza jitihada za ukamilishaji wake.

Ametoa kauli hiyo leo Ijumaa wakati wa uzinduzi wa majengo ya wizara, taasisi za Serikali pamoja na barabara za lami katika Mji wa Serikali wa Mtumba jijini Dodoma.

“Pamoja na majengo ya awali ya kujishikiza, tuliamua kuendeleza mradi wa ujenzi huu wa majengo ya Serikali kwa kujenga majengo ya kudumu ya ghorofa, barabara za lami na miundombinu mengine wezeshi,” amesema na kuongeza kuwa;

“Namshukuru Mwenyezi Mungu kwa kutuwezesha kutimiza tulioyakusudia, hakika tunapaswa kujipongeza sote Watanzania kwa mafanikio makubwa haya,” amesema Rais Samia.
@samia_suluhu_hassan @ikulu_mawasiliano @msemajimkuuwaserikali @ccmtanzania by @semio_radio5

Mji wa Serikali Mtumba wajengewa kilomita 59.1 za barabara za lami

Rais Samia Suluhu Hassan amezindua barabara za lami zenye urefu wa kilomita 59.1 zilizojengwa katika Mji wa Serikali wa Mtumba mkoani Dodoma.

Katika hafla hiyo, iliyofanyika leo Oktoba 30, 2026, Rais Samia aliambatana na mwenyeji wake, Rais wa Angola, João Lourenço, walioshirikiana kuzindua.

Akitoa maelezo ya mbele ya viongozi hao, Waziri wa Nchi, Ofisi ya Waziri Mkuu (Tamisemi), Profesa Riziki Shemdoe amesema sambamba na hizo, kuna kilomita 59.1 zimejengwa kwa ajili ya watembea kwa miguu na kilomita 59.1 za waendesha baiskeli.

Kwa mujibu wa Shemdoe, barabara hizo zimejengwa katika eneo lote la Mji wa Serikali ikiwemo ofisi za balozi ya nchi ya Angola inayotarajiwa kujenga eneo la Mtumba.

“Barabara zote zimewekwa taa 1635, kwa hiyo mheshimiwa Rais Samia ukipita usiku hapa, hali ni tofauti kabisa.Tunakushukuru Rais Samia kwa kutoa majina ya marais wastaafu akiwemo Julius Nyerere katika barabara hizo,”

Amefafanua kuwa katika kilomita 51. 1, kuna kilomita 11.7 zimejengwa kwa mfumo wa ‘double lane’ na kilomita 36 ni single lane. Aidha vituo vya mabasi 52 vimejengwa.

“Tumejenga mabwabwa matatu yatakayosaidia kuzuia maji yasitoke katika Mji wa Serikali,” amesema Shemdoe.
@samia_suluhu_hassan @ikulu_mawasiliano @msemajimkuuwaserikali @ccmtanzania by @semio_radio5

Rais Samia, Lourenço ndani ya SGR uelekeo Mji wa Serikali Dodoma

Rais wa Jamhuri ya Muungano wa Tanzania, Dkt. Samia Suluhu Hassan, akiwa na mgeni wake João Manuel Lourenço, Rais wa Jamhuri ya Angola, wakisafiri kwa treni ya mwendo kasi (SGR) kutoka Dar es Salaam kwenda Dodoma kwenye Uzinduzi wa Majengo ya Ofisi, wizara, taasisi za Serikali, na barabara za lami katika Mji wa Serikali Mtumba, Oktoba 30, 2026.
@samia_suluhu_hassan @ikulu_mawasiliano @msemajimkuuwaserikali @ccmtanzania by @semio_radio5

Hiyo leo hiyo Mji wa Serikali Dodoma

Wananchi na vikundi mbalimbali vya ngoma za asili wakionesha burudani na shamrashamra za furaha wakati wakisubiri mapokezi ya Rais wa Jamhuri ya Muungano wa Tanzania, Dkt. Samia Suluhu Hassan, hapa Stesheni ya SGR Dodoma.

Rais Samia atazindua rasmi majengo ya Ofisi, Wizara, Taasisi za Serikali, na barabara za lami katika Mji wa Serikali Mtumba, jijini Dodoma, Oktoba 30, 2026. by @semio_radio5