Instagram story viewer> @tbd_by> Posts

РТБД

@tbd_by

11.9K

followers

71

following

🎭Рэспубліканскі тэатр беларускай драматургіі
#сапраўдныяэмоцыi
📱Заказ квіткоў: (029)154-04-44
📍Знайдзі спектакль для сябе ⬇️

POSTS STORIES REELS

Шаноўныя РТБД-гледачы!

Ужо сёння, 20 жніўня, мы шчыра запрашаем вас у наш новы, юбілейны, XXXV тэатральны сезон. 🎉🎉🎉

Дзверы ў свой юбілей адчыняем прэм’ерным спектаклем мінулага сезона – “Ладдзя роспачы”.
А сам год, адчуваем, абяцае быць асаблівым - яскравыя прэм’еры, новыя імёны, спецыяльныя праекты, цікавыя формы міжнароднага ўзаемадзеяння, фестывалі і гастролі. ❤️‍🔥🚀

Гастрольная дзейнасць – адзін з галоўных накірункаў юбілейнага сезона. Толькі восенню мы прымем удзел у двух фестывалях са спектаклем “Ладдзя роспачы”:
📍 Юбілейным XXX Міжнародным тэатральным фестывалі “Белая вежа”, які пройдзе ў Брэсце з 10 па 19 верасня.
📍 X Рэспубліканскім фестывалі нацыянальнай драматургіі імя Дуніна-Марцінкевіча, які пройдзе ў Бабруйску з 19 па 24 лістапада.

❤️‍🔥 Важнай падзеяй пачатку сезона стане вяртанне ў Кітайскую Народную Рэспубліку. Пасля трыумфальных гастроляў у Шанхаі, дзе спектаклі “МАЙ ХОМЛЭНД” і “Вечар” сабралі поўныя залы і выклікалі шчыры водгук публікі, РТБД атрымаў асаблівае запрашэнне – выступіць са спектаклем “Вечар” у Пекіне на галоўнай тэатральнай сцэне краіны – Пекінскім народным мастацкім тэатры. Так у кастрычніку 2026 года праект ЦБД і РТБД “Вечар” прыме ўдзел у Міжнародным фестывалі Пекінскага народнага мастацкага тэатра.✈️ ❤️‍🔥❤️‍🔥

🎭 Таксама мы ўжо пачалі рэпетыцыі першай у юбілейным сезоне прэм’еры.

Аднак, любыя, не будзем адным тэкстам усё раскрываць 😉

Сачыце за нашымі навінамі, стварайце гэты XXXV, юбілейны сезон разам з намі!

Будзе шчыра, будзе глыбока, будзе па-сапраўднаму. ✨

Да сустрэчы ў нашай зале ўжо ўвечары! ❤️ by @tbd_by

🙋🙋‍♀️ Шаноўныя РТБД-гледачы!
⠀
З 1 кастрычніка 2026г года тэатр пераходзіць на зімовы расклад працы.
⠀
Каса тэатра будзе працаваць:
⠀
Аўторак – нядзеля:
10:00–19:30
Перапынкі:
12:00–12:30
15:30–16:00
⠀
Панядзелак і афіцыйныя святочныя дні – выхадныя.
⠀
Заўсёды рады нашым сустрэчам! ♥️ by @tbd_by

🙋‍♀️🙋 Сябры!
⠀
У "сезоне сэнсаў" мы працягваем дабрачынны праект "Шукаю дом" да дзіцячага спектакля "Гісторыя двух сабак". 🐾
⠀
Да праекта "Шукаю дом" Рэспубліканскага тэатра беларускай драматургіі, які тэатр распачаў у XXXIII сезоне сумесна з праектам "Сто хвастоў", далучыўся дабрачынны праект "Заашанс". У XXXIV "сезоне сэнсаў" прапануем гледачам знайсці сабе сябра і падарыць дом тым, хто застаўся без гаспадара. У фае тэатра размешчаны фотаздымкі сабак і катоў, якія шукаюць свой дом!
⠀
Як Дунай і Булька – героі спектакля "Гісторыя двух сабак", – кожны сабака, які застаўся без дому, верыць у тое, што яго дабрыня і адданасць каму-небудзь спатрэбяцца. А той, хто верыць у дабрыню, абавязкова яе сустрэне!
⠀
Ужо зараз вы можаце падарыць дом сабакам і катам са складаным лёсам ці дапамагчы ім іншымі сродкамі. Даведайцеся як – на старонцы дабрачыннага праекта "Сто хвастоў" (@100xvostov.by) і на сайце дабрачыннага праекта "Заашанс" (@zooshans_by ) zooshans.by.
⠀
#ртбд #сезонсэнсаў #сезон_сэнсаў #tbd_by #сапраўдныяэмоцыі #сезонсмыслов #афишаминск #кудапойтиминск #theatre #rtbd #афиша by @tbd_by

Святло і Цень: на якім баку вы?..

Каб адказаць на гэта пытанне вам спатрэбіцца ТэатраТэрапія з сумесным праглядам спектакля «Хам», дзе вы атрымаеце:

🪞 Люстэрка. Вы паглядзіце на Паўла і Франку і зразумееце, дзе ў сваім жыцці вы «ратуеце» іншых, а дзе самі чакаеце выратавання (і злуецеся, што яно не прыходзіць).

⛓️‍💥 Выхад з пасткі. Вы ўбачыце, як «духоўны гонар» і «ахвярнасць» маскіруюцца пад каханне, і чаму так балюча, калі іншы не жадае змяняцца дзеля вас.

📜 Свой сцэнар. Вы не проста абмяркуеце спектакль – узгадаеце свой уласны сцэнар: пра выбар, пра свабоду, пра тое, што выбіраеце несці ў стасункі (заўважалі, напэўна: людзі змяняюцца, а сцэнар паўтараецца той жа).

🎭 Зняцце маскі. Вы сыдзеце з яснасцю: каханне – гэта не пра «зрабіць іншага шчаслівым» за кошт сябе. Каханне – гэта пра выбар быць з сабой у шчырасці.

Гэта не проста «паход у тэатр».
Гэта – узгадванне сябе праз спектакль.

✨ ТэатраТэрапія 4.0.
Не абмяркоўваем спектакль – узгадваем Свой.

📩 Па ўсіх пытаннях і наконт рэгістрацыі – @gurina.coach. by @tbd_by

🎭 110 год Эдзі Агняцвет: слова, якое не губляецца

Мы працягваем дзяліцца відэа, дзе ўдзельнікі майстэрні «Гуляем у тэатр» чытаюць вершы Эдзі Агняцвет.

Гэта паэтка ўмела гаварыць з дзецьмі проста, шчыра і з гумарам.

У новым відэа нашы юныя таленты зноў чытаюць Эдзі Агняцвет. Слухайце, як гучаць знаёмыя радкі ў новым выкананні. 🌸❤️✨️ by @tbd_by

Шаноўныя гледачы! 💛

Першы тыдзень лістапада ў РТБД – гэта час глыбокіх тэм, вострых пытанняў і тых адкрыццяў, якія застаюцца з намі надоўга. Ад гісторыі, якая кранае да слёз, да камедыі, якая прымушае задумацца:

🎭 03.11 - «Хатыня»
🎭 04.11 - «Тэсты для дарослых» і «Беларуская драматургія ХХ стагоддзя: Уладзіслаў Галубок (18:00, лекцыя ад ЦБД)
🎭 05.11 - «Мудрамер»
🎭 06.11 - «Заручыны»
🎭 08.11 - «Ладдзя роспачы»

Прыходзьце на гэты тыдзень, дзе класіка сустракаецца з сучаснасцю, а глыбіня з лёгкасцю.

Да сустрэчы ў нашай утульнай ад вашых эмоцый і ўсмешак зале! ✨️ by @tbd_by

👋 Сябры!

Учора ў нашым тэатры было шумна ад таполяў. Было шмат смеху, слёз і тых самых размоў, пасля якіх хочацца памаўчаць разам.

Тыя, хто паспеў – дзякуем, што былі. А тыя, хто не паспеў, у вас ёсць шанец!

12 лістапада запрашаем на спектакль «Вецер шуміць у таполях».

Гэта гісторыя пра трох сяброў, якія стаяць перад тварам вечнасці, але не страцілі ні гумару, ні веры ў лепшае. Яны нават збіраюцца ў паход. Бо жыццё – гэта не толькі тое, што наперадзе, але і тое, што ўнутры.

Прыходзьце, каб пасмяяцца. Прыходзьце, каб пасумаваць. Прыходзьце, каб проста пабыць разам.

🎫 Квіткі яшчэ можна набыць на нашым сайце.

Да сустрэчы! ❤️ by @tbd_by

🎭 110 год Эдзі Агняцвет: слова, якое не губляецца

11 кастрычніка – 110 гадоў з дня нараджэння Эдзі Агняцвет – паэткі, чые светлыя і шчырыя радкі, думаем, ведаюць і дарослыя, і дзеці.

Гэта яна напісала «Доктар Смех», «Галоўны дворнік», «Гульні-прыдумкі» і яшчэ дзясяткі твораў, на якіх вырасла не адно пакаленне.

І сёння мы прапануем пачуць вершы Эдзі Агняцвет так, як іх адчуваюць удзельнікі творчай майстэрні «Гуляем у тэатр».

Глядзіце відэа, сябры. Слухайце, як гучаць знаёмыя з дзяцінства радкі ў выкананні нашых юных талентаў. Няхай кожнае слова ахінае вас цеплынёй і пяшчотай. ❤️ by @tbd_by

©️ Быць няшчасным – звычка. Быць шчаслівым – таксама звычка. Выбар за вамі. ©️

Звычкі фарміруюць наша жыццё. І часам мы самі не заўважаем, як прывыкаем да ролі няшчаснага чалавека. А што, калі паспрабаваць набыць іншую звычку?

Сябры, сёння, 28 кастрычніка, чакаем вас на «Тэстах для дарослых» — спектаклі, які дапаможа паглядзець на сябе з боку, пасмяяцца і, магчыма, змяніць нешта важнае.

Давайце выбіраць шчасце разам. ❤️ by @tbd_by

4 лістапада ў 18:00 (серада) чакаем вас на лекцыі з цыклу "Беларуская драматургія ХХ стагоддзя", якая будзе прысвечана творчасці Уладзіслава Галубка – першага народнага артыста БССР. Рэжысёрская, акцёрская і нават адміністратарская дзейнасць Уладзіслава Іосіфавіча была накіравана на ўсебаковае развіццё беларускага прафесійнага тэатра, у якім традыцыі злучаліся з сучаснымі тэндэнцыямі сцэнічнага мастацтва.

Самабытнасць творчых пошукаў гэтага культурнага дзеяча ў поўнай меры праявілася дзякуючы ўласным п’есам, якія ён нярэдка інсцэнізаваў разам з акцёрамі-аднадумцамі. Але ўсё ж такі, што робіць п’есы творцы па-сапраўднаму ўнікальнымі? Чым яны да гэтага часу прыцягваюць увагу іншых рэжысёраў? Што звязвае драматургію Уладзіслава Іосіфавіча з дзейнасцю Кандрата Крапівы і Андрэя Макаёнка? Пра ўсё гэта мы паразважаем на лекцыі.

Лектар Яўгенія Бачыла – тэатразнавец, рэдактар Цэнтра беларускай драматургіі.

Калі: 4 лістапада (серада), 18:00.
Месца правядзення: Цэнтр беларускай драматургіі (РТБД, Крапоткіна, 44).
Працягласць: 1 гадзіна 30 хвілін.

Уваход па папярэдняй рэгістрацыі. Спасылка – у апісанні профілю.

Запрашаем! by @tbd_by

Сябры!

Апошні тыдзень кастрычніка ў РТБД – гэта пяць вечароў, пяць гісторый, якія правядуць вас праз самыя розныя эмоцыі, але заўсёды шчырыя і сапраўдныя.

🎭 27.10 – «Вар’ятка»
🎭 28.10 – «Тэсты для дарослых»
🎭 29.10 – «Хатыня»
🎭 30.10 – «Вецер шуміць у таполях»
🎭 31.10 – «Адамавы жарты»

Прыходзьце завяршыць месяц разам з намі – там, дзе кожны вечар адкрывае новую грань вашай душы.

Да сустрэчы ў нашай зале! ♥️ by @tbd_by

🎭 Кітай, мы яшчэ вернемся!

Вось і завяршаецца наша пекінскае падарожжа. Адчуваннем: адбылося важнае і каштоўнае для кажнага з бакоў.

Мы паказалі «Вечар» на сцэне Пекінскага народнага мастацкага тэатра. І з кожным спектаклем заўважалі: нашых прыхільнікаў становіцца ўсё больш. У зале, каля сцэны, у чарзе за аўтографамі. Гэта было неверагодна. ❤️‍🔥

Паміж паказамі мы паспелі дакрануцца да гісторыі:
🏯 Забаронены горад (Гугун) – найбуйнейшы ў свеце палацавы комплекс у самым сэрцы Пекіна. Месца, дзе адчуваеш сябе маленькім перад веліччу часу.

І, вядома, мы не маглі абысціся без падтрымкі тых, хто быў з намі ў гэтай дарозе. Дзякуй нашым спонсарам – «Беларусбанку» і «Белдзяржстраху» – за тое, што дапамаглі зрабіць гэту паездку рэальнасцю.

У відэа – тыя самыя эмоцыі: апладысменты, якія не сціхалі, і аўтографы, якія сталі для нас сімвалам сустрэчы.

Кітай, дзякуй! Мы абавязкова вернемся. ❤️ by @tbd_by