Instagram story viewer> @meenapatel9847> Posts

Meena Patel

@meenapatel9847

POSTS STORIES REELS TAGGED

🌹નિપુણ પખવાડીયુ ❤️દિવસ 3 🎈 કન્યા શાળા લુણાવાડા મહીસાગર 🎉🙏
શાળાની નજીકના દુકાનની મુલાકાત દુકાનમાં રાખેલ વસ્તુઓની ઓળખ બાલવાટિકા, ધોરણ-૧ અને ધોરણ-૨ ના બાળકોને શાળાની નજીકમાં આવેલી દુકાનોની મુલાકાત કરાવી🫶 બાળકોને ખૂબ ખૂબ આનંદ થયો
💞ઉદય સાઇકલ વાળા સૌરભભાઈ તથા ગરીમાબેન નો ખુબ ખુબ આભાર તેમણે પણ બાળકોને અને અમને ખૂબ જ સારો સાથ સહકાર આપ્યો🎁💕🫶
.
.
.
.
#school #trending #nonfollowers #happyday #activity taken in India by @meenapatel9847

98

0

5 days ago

ટોડીયા રોક..68km
જય માતાજી..નવરાત્રીના પહેલાજ દિવસે મહીસાગર કિનારે પથ્થરોની વચ્ચે ગુફામાં બિરાજેલ માતાજીના દર્શન કરવા મળ્યા. શક્તિની આરાધના કરવાના દિવસોની શરૂઆત આનાથી વધારે સારી શું હોઈ શકે?
મહીસાગર જિલ્લાનું સૌથી છેલ્લુ ગામ ટોડીયા(આગળ ખેડા જિલ્લો શરૂ થઈ જાય). વીરણીયા,ઝારા થઈને આગરવાડા આગળ મહીસાગર પાર કરીને નમનાર પાટીયાથી વળો એટલે ટોડીયા આવે બે કિલોમીટર આગળ વધો એટલે મહીસાગરના કિનારે વિશાળ પથ્થરોની રચના આવે. વિશાળ પથ્થરો એકબીજા ઉપર આડેધડ ટેકવાયેલા છે અને એના લીધે પ્રાકૃતિક ગુફાઓ બનેલી છે. આ જગ્યા "ટોડીયા રોક" ના નામે ઓળખાય છે.
આ આખા વિસ્તાર, કોઠંબા, અણીયાદ,તરસંગ,ટોડીયા,બાલાસિનોર ભીમ ભમરડામાં આવા વિશાળ પથ્થરોની રચના જોવા મળે છે. ખબર નહી કઈ રીતે આ બધું બન્યુ હશે?
વહેલી સવારે નિકળ્યો ત્યારે સરસ ઠંડક હતી. આગરવાડા આગળ મહીસાગરના ફોટા પાડીને ટોડીયા પહોંચ્યો. આગળ રસ્તો ઘણોજ ખરાબ હતો. રસ્તાનું કામ ચાલતું હતું કે બંધ હતું એ ખબર ના પડી. એક કાકી મળ્યા એમણે પુછ્યું પણ ખરું કે સાહેબ આ રસ્તો કયારે હરખો થશે? બધા પૈસા ખાઈ જાય છે ને એવો બધો બળાપો કાઢવા માંડ્યા. મારી પાસે કોઈ જવાબ નહોતો.
ટોડીયા પહોંચીને, નીચે વહેતી મહીસાગર અને ઉપર ઉભેલા પથ્થરોના સૌદર્યનું રસપાન કરી,ગુફામાં માતાજીના દર્શન કરીને, ફોટા પાડીને એજ રસ્તે પાછો. પાછા ફરતી વખતે સૂર્યએ પરીક્ષા લીધી પણ નવરાત્રિના પહેલો દિવસ છે અને ઘરાકી રહેશે એમ વિચારીને દુકાને બેઠો હોત એના કરતાં લાખ ગણી મજા આવી. by @meenapatel9847

175

1

7 days ago

મમ્મીના બાયપાસ દરમ્યાન દસ દિવસ ગાંધીનગર રહેવાનુ થયુ. Capital runners સાથે running કરીને એક સવાર યાદગાર બનાવી તો એક બપોર "દાંડી કુટિર" માં વિતાવીને યાદગાર બનાવી.
દાંડી કુટિર એ ગાંધીજીની જીવન ઝરમર બતાવતું અને 2015 માં બનેલું, ભારતનું સૌથી મોટું અને એક માત્ર મ્યુઝિયમ છે. દુરથી મીઠાના ડુંગર(41 મીટર ઉંચા) જેવું દેખાતું અને અંદરથી ત્રણ લેવલની ગેલેરીમાં ગાંધીજીની જન્મથી લઈને મૃત્યુ સુધીની આખી યાત્રાને 3D Mapping technology, 360 degree projection, 3D holograph technology, LED screen, Interactive audio, photographs જેવી અદ્યતન ટેકનોલોજી ધ્વારા દર્શકો સામે મૂકવામાં આવી છે.
માત્ર દસ રૂપિયાની ટિકિટમાં...ગાંધીજીનો જન્મ, સત્યવાન રાજા હરિશ્ચંદ્રના નાટકનો એમના જીવન ઉપર પડેલો પ્રભાવ, રાજકોટમાં ભણતર, કસ્તુરબા સાથેના લગ્ન, 18 વર્ષની ઉમરે લંડન જતી વખતનો એમની માતાનો ભય, લંડનમાં વેજિટેરિયન ચળવળ, વકીલાતમાં શરૂઆતી નિષ્ફળતા, અબ્દુલ્લા ભાઈનો કેસ લડવા આફ્રિકા પ્રવાસ, આફ્રિકામાં રંગભેદનો સંઘર્ષ,બોઅર યુધ્ધ,નાતાલ ઇંડિયન કોંગ્રેસની સ્થાપના, સત્યાગ્રહ આંદોલનની શરૂઆત, ભારત પાછા આવવુ, ગોપાલકૃષ્ણ ગોખલે(એમના રાજકીય ગુરુ) સાથેની મુલાકાત અને એમના કહેવાથી ભારતને સમજવા માટે ભારત ભ્રમણ,શ્રીમદ રાજચંદ્ર( એમના આધ્યાત્મિક ગુરુ) સાથે મુલાકાત, રવીન્દ્રનાથ ટાગોર સાથે શાંતિનિકેતનમાં મુલાકાત, અસહકારની ચળવળ, દાંડી માર્ચ, જેલમાં વિતાવેલો સમય, ખિલાફત આંદોલન, રાઉન્ડ ટેબલ કોન્ફરન્સ માટે લંડન પ્રવાસ,આંબેડકર સાથેનો સંવાદ, ભારત છોડો આંદોલન.
15 ઓગસ્ટ એ આઝાદી મળી ત્યારે સ્ટેજ ઉપર બેસીને ભાષણ આપવાની જગ્યાએ કલકત્તામાં હૈદરી મેન્સનમાં હિન્દુ મુસ્લિમ એકતા માટે ઉપવાસ પર હતા.
અને છેલ્લે એમની હત્યા..
આ બધુ ઊંડાણપૂર્વક સમજવા માટે ઘણું વાંચવું પડે પણ અહીં દોઢ કલાકમાં ઉપર ઉપરથી સરસ માહિતી મળી જાય.
આઠ દસના ગ્રુપમાં મ્યુઝિયમ બતાવવા અંદર લઈ જાય છે એટલે ગ્રુપની ઝડપે આપણે ભાગવું પડે એ થોડું ના ગમ્યું. taken in Dandi Kutir by @meenapatel9847

48

0

17 days ago

આયાતી પ્રમુખ...
આ શબ્દ હમણાં લુણાવાડામાં બહુ સાંભળવા મળે છે. મારા લુણાવાડાના લોકશાહી પ્રક્રિયાથી ચૂંટાયેલા પ્રમુખને "આયાતી પ્રમુખ" તરીકે નીચા દેખાડવામાં આવી રહ્યા છે..
બટાકા અને ટામેટાં નું શાક ખાવા વાળા કોઈ વ્યક્તિએ આ બાબતે બોલવું ના જોઈએ કારણકે બટાકા અને ટામેટાં પણ સ્પેનથી આયાત થયેલા છે. અમારા વડીલો પણ મધ્ય પ્રદેશથી રાજવૈધ તરીકે લુણાવાડા આયાત થયા હતા. શું આયાત થયેલું નથી? આપણો ખોરાક (બધાજ પ્રકારના હલવા, સમોસા, ખીર..લિસ્ટ બહુ લાંબુ છે), આપણી ભાષાના શબ્દો (મકાન, રસોઈ...આનું લિસ્ટ પણ બહુ લાંબુ છે),આપણો પહેરવેશ( કપડા સીવતાં આપણને બીજી સંસ્કૃતિ એ શીખવ્યું છે)...બધું જ ..બધું જ ..આયાતી છે. હા..આ રીતે આપણું બીજે નિકાસ પણ થયું છે.
આ આખી માનવ સભ્યતા આ રીતે આયાત-નિકાસ થીજ વિકસી છે. કોઈક આ ટ્રેનમાં પાંચસો વર્ષ પહેલાં બેઠું, કોઈક બસો વર્ષ પહેલાં અને કોઈક પચાસ વર્ષ પહેલાં.
ભારતીય મૂળનો રૂષિ સનક ઈંગ્લેન્ડનો વડાપ્રધાન બને તો આપણે અહીં પોરસાઈએ છીએ. એને ત્યાં કોઈ આયાતી વડાપ્રધાન નહીં કહેતું હોય.
ગુજરાતમાં જ આવેલા મહેસાણાથી આવેલા રમણકાકાનો છોકરો ચૂંટણી પ્રક્રિયામાં ભાગ લઈને, લાગલગાટ જીતીને લુણાવાડા નગરપાલિકાનો પ્રમુખ બને તો એમાં ખોટું શું છે?
ખાસ નોંધ: હું કોઈ પાર્ટીનો સભ્ય નથી કે આ લખવામાં મારો કોઈ રાજકીય સ્વાર્થ નથી.માત્ર આયાતી શબ્દ સામેનો વાંધો છે. by @meenapatel9847

65

1

18 days ago

इस रास्ते में जब कोई साया न पाएगा,
तो ये आखिरी दरख्त बहुत याद आएगा.
Stop, stop ....stop...નીચેના ફોટા જોઈને ઝાડ કાપવાવાળા અને કપાવવાવાળાની ટીકા કરીને go green,વૃક્ષ બચાવો, વૃક્ષ એ જીવન છે એવી સલાહો આપવા વાળાએ મુખ્ય પ્રશ્ન પર વાત કરવી જોઈએ.
વસ્તી વધારો...આપણે દોઢસો કરોડ થઈ ગયા છીએ હવે અહીં સમાઈ શકીએ એમજ નથી. આપણી જરૂરિયાતો પૂરી કરવા માટે કુદરતી સંસાધનો ખૂટી રહ્યા છે.આપણી ટ્રાફિકની સમસ્યાના સમાધાન માટે રોડ બનાવવાજ પડશે, આપણી અનાજની વધતી જરૂરિયાત ને પહોંચી વળવા માટે શેઢે ઊભેલો લીમડો કાપવોજ પડશે, આપણાં શહેરોની સીમાઓ વધારતાં જ જવું પડશે. વસ્તી વધારો રોક્યા સિવાય કોઈ રસ્તો નથી.
બીજુ, પબ્લિક ટ્રાન્સપોર્ટનો વિકાસ કરવો. બળજબરીથી લોનો આપી આપીને ઘેરેઘેર ગાડીઓ ઉભી કરી દીધી છે હવે એના માટે રસ્તા પહોળા કરવા માટે આપણે ઝાડ કાપી રહ્યા છીએ. સ્વચ્છ, સુરક્ષિત, સમયસર પબ્લિક ટ્રાન્સપોર્ટ અને ગાડીનો ઠઠારો ના હોય તો ઘણી હદ સુધી સમસ્યા હળવી થાય. by @meenapatel9847

119

4

19 days ago

ભઈ, કઈ ગણતરીથી અહીં આયોતો?
જ્યારે પણ વિરપુર જઉં વચ્ચે ઘાંટાનું બોર્ડ આવે ત્યારે થાય કે આ રસ્તો ક્યાં જતો હશે? ઘાંટા કેવુ હશે? આવીજ ઉત્સુકતાએ દુનિયાના નકશા બનાવ્યા અને બદલ્યા છે. પોર્ટુગીઝ,ફ્રેન્ચ, અંગ્રેજ અને સ્પેનિશ પ્રજા આજ ઉત્સુકતા સાથે દુનિયા ભરમાં ફેલાઈ ગઈ.
વિરપુર જતા પહેલા ઘાંટા પહોંચ્યો. પેડલ મારીને ડુંગરા ચઢાવવાના હતા બાકી બીજું કઈ ખાસ ત્યાં હતું નહીં. આગળ રસ્તો પુરો થઈ જતો હતો. ગામનું બોર્ડ ખોટું "ઘાંટી" લખાઈ ગયું હતુ. લોકો સરપંચની ભુલ ગણાવી રહ્યા હતા. ત્યાં એક કાકાએ પ્રશ્ન પૂછ્યો"ભઈ, કઈ ગણતરીથી અહીં આયોતો?" મે મનમાં કીધું "ગણતરીઓથી દુર ભાગવા માટે તો અહીં આયો છું. ગણતરી હોત તો દુકાન ખોલીને બેઠો હોત રવિવારે પણ "
ઘણાં વખત પછી વિરપુરની ભાગોળે ડુંગર ઉપર આવેલા ખોડીયાર માતાના મંદિરે સાયકલ દોરીને પહોંચ્યો. આહાહા શું પવન ફૂંકાઈ રહ્યો હતો ઉપર. આખા મંદિર પરિસર અને ડુંગર ઉપર હું એકલોજ હતો. નીચે દેખાતું તળાવ, વિરપુર ગામ, દૂરથી દેખાતો ઝમઝરનો ડુંગર, દરગાહ પર ભરાયેલો ઉર્સનો મેળો અને ચારેય તરફ વેરાયેલી પ્રકૃતિનું પાન કરતો હું ફોટા પાડીને નીચે ઉતર્યો.
પાછા ફરતાં પહેલાં થયું વિરપુરમાં એક ચક્કર મારુ. વિરપુરના જુના મકાનો જોતો જોતો ખારાકુવા વિસ્તારમાં થઈને હઝરત પીર ખ્વાજા મહેમુદ દરિયાઈ દુલ્હા સાહેબના 507 માં ઉર્સના મેળાના બહારથી જ ફોટા પાડીને પાછો સરાડીયા,ચારીયા થઈને ઘરે... taken in Virpur, Mahisagar, Gujarat by @meenapatel9847

112

3

21 days ago

इस तारसे जो धुन निकली है, वो सब को पता है,
जो साझ पर गुज़री है, वो किसको पता है?
એવીજ મારી साझ એટલે ગરિમા...
મારા cycling ના વિચિત્ર શોખ અને એના થકી ઉભા થતા વિચિત્ર time schedule ને વર્ષોથી હસતા મોઢે સહન કરનાર ગરિમા...
ઉદયપુર અને એમાં પણ prime tourist attraction એવા ગણગૌર ઘાટ પર ઊછરેલી ગરિમા, એ બધુ છોડીને લુણાવાડા મારા માટે આવી.
બોલવામાં ખુબજ અચકાતા અને confidence વગરના મને સૌથી પહેલા આત્મવિશ્વાસ આપીને બોલતો કરનાર, વ્યવસ્થિત કપડા પહેરતા કરનાર ગરિમા.
ધંધાનો વિકાસ તો એના વગર શક્યજ નહોતો. મારા ખભા થી ખભા મેળવીને મને ધંધામાં સાથ આપ્યો છે એ ગરિમા.
બાળકોના વિકાસ માટે કઈ પણ કરી છૂટવા તૈયાર ગરિમા.
અને આ બધુ કરવામાં પોતાની તબિયતનું જરાય ધ્યાન ન રાખનાર ગરિમા...
HAPPY BIRTHDAY...GARU... by @meenapatel9847

190

9

23 days ago

દુનિયાના સૌથી ગંદા દેશોમાં આપણે ટોચનો ક્રમ કાયમ જાળવી રાખીએ છીએ. દુનિયા ફરતા ટ્રાવેલરના વીડિયો ધ્યાનથી જોઈએ તો ખ્યાલ આવે કે રવાંડા, તાંઝાનિયા કે મેક્સિકો જેવા દેશોમાં પણ રોડ સાઈડ આવી ગંદી નથી હોતી. જાપાન કે ફિનલેન્ડ જેવી સ્વચ્છતા તો આપણાં માટે કલ્પનાતીત છે.
પડીકી મોઢામાં પધરાયા પછી ખાલી રેપર રોડ પર નાખવું એમાં કોઈને કશું અજુગતું લાગતુંજ નથી. ચાલુ બસમાંથી વેફરના ખાલી રેપરનો કે પાણીની ખાલી બોટલનો ઘા થવો એ અહીં એકદમ સામાન્ય છે. આપણાં હાઈવેને આપણે ઉકરડા બનાવી દીધા છે. by @meenapatel9847

71

1

a month ago

આજે કોઈ નિશ્ચિત ગંતવ્ય સ્થાન હતું નહીં કારણકે સૂર્ય અને ઈન્દ્ર વચ્ચેના સંઘર્ષમાં કોણ બાજી મારે છે એ ખ્યાલ આવે એવુ વાતાવરણ નહોતું એટલે સાયકલનું હેન્ડલ જે બાજુ વળે એ બાજુ વળવું એવુ વિચારીને ઘરેથી છ વાગે નિકળ્યો.
દેગમડા આગળ મહીસાગર પાર કરીને જમણી તરફ વળીને મહીસાગરને સમાંતર રસ્તે આગળ વધતો વધતો કાનેસર પહોંચ્યો. કાનેસરથી ડાબી તરફ વળીને વાંદરવેડ પહોંચ્યો ત્યાંથી સાયકલનું હેન્ડલ જમણી તરફ વાળીને પંડયાના મુવાડા,ભગતના મુવાડા પહોંચ્યો. સાથેસાથે આજુબાજુના સુંદર દ્રશ્યોને કેમેરામાં કેદ કરવાનું તો ચાલુ જ હતું.
મેવાડ પર થયેલા આક્રમણથી બચીને આવેલા બ્રાહ્મણોએ વસાવેલા આ બધા ગામ. એટલે એ બ્રાહ્મણો ત્રિવેદી મેવાડા તરીકે ઓળખાય છે. હવે લગભગ બધા ગામ ખાલી છે બહુ ઓછા વડીલો અહીં રહેતા હોય એવુ લાગ્યુ. ભગતના મુવાડામાં ભવ્ય બંગલા જોઈને લાગે કે અહીંથી વિસ્થાપિત થઈને લુણાવાડા, સુરત કે મુંબઈ ગયેલા બ્રાહ્મણોએ સારુ એવુ કાઠું કાઢ્યુ છે.
મુડાવડેખથી પાછા વળવાનો વિચાર હતો પણ ગામમાં નવચંડીના લીધે રસ્તો બંધ હતો એટલે પાછો ફરીને બારીયાના ટીંબાથી બેએક કિલોમીટર કાચા જેવો રસ્તો લઈને કારંટા વાળા સરસ રસ્તે ચડ્યો.
પાછા આવતી વખતે અંબાજીથી પાછા વળતા ટ્રેકટર,રથ અને ડીજેના લીધે ટ્રાફિક ઘણો હતો. by @meenapatel9847

647

9

a month ago

MISSION DIVERTED....
આજે લીલવણીયા મહાદેવ જવાનુ પ્લાન કર્યું હતું. શ્રાવણ પુરો થયો એટલે મહાદેવ ફ્રી હોય એ ગણતરીથી, પણ આગલા દિવસે ખબર પડી કે આજે કેવડા ત્રીજ છે. પત્ની પાણી પણ પીધા વગર આપણાં આયુષ્ય માટે ઉપવાસ કરતી હોય તો આપણી પણ ફરજ બને ને...
એટલે 25 km ની ટુંકી ride કરીને વડાગામ, ધૂળેટા થઈને ઝલાઈનું તળાવ જોવા પહોંચ્યો. અંબાજી જવાવાળા પદયાત્રીઓના સંઘ ચાલુ થઈ ગયા છે એટલે આખો રસ્તો live હતો. લીમડીયા આગળ રાજુભાઈ મળી ગયા. સાયકલ ઉપર ફેરી કરીને ગામડામાં સામાન વેચવાવાળા હિંદીભાષી ફેરિયાઓનો લગભગ છેલ્લો પ્રતિનિધિ એટલે રાજુભાઈ. વર્ષોથી ઉત્તરપ્રદેશ અને મધ્યપ્રદેશથી આવેલા આ મહેનતુ લોકો લીમડીયાને base બનાવીને સાયકલ ઉપર આજુબાજુના ગામડાંમાં સામાન વેચતા હોય છે. વર્ષોથી બધાજ અમારા ગ્રાહક. હવે લગભગ બધા બાઇક પર ચઢી ગયા છે પણ રાજુભાઈ હજી સાયકલ પરજ છે. આટલી ગરમીમાં આટલો સામાન લઈને સાયકલ ખેંચવાવાળા રાજુભાઈને સલામ કરીને આગળ વધ્યો.
વડાગામ ચોકડીથી હાઈવેનો ટ્રાફિક અને પદયાત્રીઓનો સંગાથ છૂટયા. ધુળેટાથી જમણી બાજુ વળતાંજ ગીચ જંગલ અને ડુંગરા શરૂ થઈ ગયા. છેલ્લા એક કિલોમીટર કાચા રસ્તે સાયકલ દોરીને તળાવે પહોંચ્યો. ત્રણેય તરફ ડુંગરોથી ઘેરાયેલા તળાવને એક બાજુ પાળ બનાવીને બનાવવામાં આવ્યું છે. એક નાના ડેમ જેવુ.આવા નાના ડેમ, કોયડેમ અને ઝાંઝરીમાં મે જોયા છે. આ ત્રીજો ડેમ. બીજે ક્યાંક હોય તો જણાવજો. ફોટા પાડીને પાછા એજ રસ્તે ઘરે.
વચ્ચે રસ્તામાં પંચાલ સમાજના પ્રમુખ અરુણભાઈ પંચાલ મળી ગયા. એમણે ગાડી ઉભી રાખીને, નીચે ઉતરીને ખાસ્સી વાર વાતો કરી.
પાછા ફરતી વખતે કેવડા ત્રીજની પૂજા માટે લીલી વનસ્પતિ તોડી લાવ્યો. by @meenapatel9847

126

3

a month ago

जिधर जाते हैं सब जाना उधर अच्छा नहीं लगता
मुझे पामाल रास्तों का सफर अच्छा नहीं लगता
गलत बातों को खामोशी से सुनना हामी भर लेना
बहुत है फायदे इस में मगर अच्छा नहीं लगता.
સાતકૂંડા waterfall ભારે વરસાદ વખતે સોળે કળાએ ખીલેલો હોય ત્યારે ગાડીઓ ભરી ભરીને બહારથી લોકો એને જોવા આવતા હોય છે. ઘણીજ ભીડ હોય છે. થોડુંક ઠંડુ પડયું, વરસાદ ખોવાઈ ગયો, મોટો ધોધ નાની ધારમાં ફેરવાઈ ગયો ત્યારે આજે હું ઉપડ્યો..
સવારે છ વાગે સાયકલ ચોકડી પર પહોંચી ત્યારે હાઈવે એકબાજુથી બંધ હતો. વડોદરા થી ઉદેપુર ની luxury બસ, GSRTC ની બસ, ટ્રક અને બધો ટ્રાફિક wrong side થી સામે આવી રહ્યો હતો. સાયકલ દોરીને S.T ડેપો પહોંચ્યો ત્યારે ખબર પડીકે વિધ્નહર્તાના આગમન માટે ગેટ બની રહ્યો હતો કે છોડાઈ રહ્યો હતો. Wrong side ના ટ્રાફિકના લીધે કોઈના ઘરે વિઘ્ન ના આવે એવી પ્રાર્થના કરતો કરતો ચંસર, રમજી ની નાળ, ઓરા, નાન સલાઈ થઈને સાતકુંડા..
કેળધરાથી આગળ બે કિલોમીટર સુધી જમણી બાજુ નીચે ખીણમાં પાનમનો અને ડાબી બાજુ અડાબીડ જંગલથી છવાયેલા ડુંગરનો સંગાથ. કોઈ વસ્તી નહીં. ખાખરાનું પાનું ખખડે તો પણ દિલ થડકારો ચૂકી જાય. ડુંગર પરના ગીચ જંગલમાંથી કોઈક જનાવર આવી ચઢે તો? વરસાદી પાણીના પ્રવાહને લીધે રોડ ઘણી જગ્યાએથી ધોવાઈ ગયેલો હતો એટલે સ્પીડ પકડવી શકય નહોતી. ગીચ જંગલમાં ભેજ વાળા વાતાવરણને લીધે ઘણોજ બફારો થઈ રહ્યો હતો. થોડેક આગળથી પાનમ વળાંકો લેતી દુર થઈ ગઈ અને છૂટાછવાયા કાચા ઘર વાળી વસ્તી ચાલુ થઈ.
સાતકુંડા કેમ્પ સાઈટ હવે બહું સરસ રીતે maintain છે. ત્યાંના વ્યવસ્થાપક ચૌહાણ ભાઈએ સરસ ચા પીવડાવી. સાતેય કુંડ અને ઉપરનો ઢોળીયો માળ ઘણી વખતે જોયેલ છે એટલે ભાદરવાનો તાપ ચઢે એ પહેલાં ઝડપથી પાછો વળ્યો. એસ. કે. હાઈસ્કૂલ આગળ છેલછેલ્લા કંકોડા લઈને ઘરે પાછો. by @meenapatel9847

131

2

a month ago

52 km સરોલી....
દોઢ મહિનાનો સાયકલ વિયોગ આજે પુરો થયો પણ આ દોઢ મહિનામાં આખી જીંદગી બદલાઈ ગઈ. છેલ્લા બે વર્ષની મહેનત પછી ગ્રંથનું PDEU માં admission થયુ સોમવારે એને કોલેજમાં મૂકીને આવ્યા અને મંગળવારે મમ્મીને દવાખાને ગાંધીનગર લઈ જવાનું થયુ. Angiography, angioplasty અને bypass વચ્ચેનો ફરક ખબર પડી. દસ દિવસ સુધી દવાખાનામાં બેંચ ઉપર બહાર બેસી રહેવું કેટલુ કષ્ટદાયક હોય છે એ ખબર પડી. ઘરે સુખરૂપ પાછા આવ્યા પછી મમ્મીને brain stroke આવ્યો. ફરી પાછા ગાંધીનગર દોડયા. આ વખતે મમ્મીને બચાવી ના શકાયા.
ઓગસ્ટ મહિનામાં મારો જન્મદિવસ અને એજ મહિનામાં મને જન્મ આપનારી જતી રહી.
વાળ વગરના માથામાં હેલ્મેટ ઢીલું પડી રહ્યુ હતું એને ટાઈટ કરીને સવારે 6.15 એ સરોલી તરફ. સરોલીના દુર સુધી ફેલાયેલા તળાવના પાણી અને સામે દેખાતા ગાંધીનગર હાઈવેના સર્પાકાર વણાંકને પાસે આવેલા ડુંગર પરથી જોવા એ વર્ષોથી મનગમતી પ્રવૃત્તિ રહી છે. બીજી બાજુ નજર જાય ત્યાં સુધી લીલા ખેતરો આંખોને ઠંડક આપી રહ્યા હતા.
ડુંગર પર આવેલી દેરી જે પ્લેટફોર્મ પર બનેલી છે એ પાટલા ઈંટોથી બનેલો છે એ અને દુરથી દેખાતો ધામોદનો કિલ્લો આ આખા વિસ્તારની ભવ્ય ભૂતકાળની સાબિતી આપી રહ્યો હતો. by @meenapatel9847

96

2

2 months ago