Instagram story viewer> @_ekzuperi> Posts

Antoine de Saint-Exupéry

@_ekzuperi

2.3K

followers

1910

following

📚Kitabların və filmlərin görünməyən tərəfi
✍️ Hər sətirdə bir məna, hər kadrda bir hekayə.
✈️ Göylərin Yazıçısı: Ekzüperi

POSTS STORIES REELS

Bu axşam ürəyimdən keçən ən sevdiyim əsər "Vətən balladası" şəhidlərimizin əziz xatirəsinə ithaf olunur
Bu gün gərək Hər anımız Vətən! - desin!
Qılıncımız, qalxanımız Vətən! desin
Ölənlərin əvəzinə
Qalanımız Vətən! - desin.🥀 by @_ekzuperi

84 il keçib və meşə hələ də özünü ev kimi hiss edir..
21 avqust 1942-ci ildə Disney, indiyə qədər çəkilmiş ən sevimli və gözəl melanxolik cizgi filmlərindən birinə çevrilən "Bambi" filmini buraxdı.✨️
Əvvəlcə bu, ətrafındakı dünyanı kəşf edən gənc bir maral balasının sadə bir hekayəsi kimi hiss olunur: dostluq, fəsillər, sevgi və meşənin kiçik möcüzələri.Amma Bambi səninlə böyüyür.
Uşaq vaxtı çiçəkləri, kəpənəkləri, Tamburu və gözəl meşəni görürsən.Yaşlandıqca tənhalığı, itkini, zamanın keçməsini və böyüməyin sakit gözəlliyini hiss etməyə başlayırsan.🌚🌝
Filmin əsas personajlarından biri, ehtiyac duyduğu anlarda Bambinin köməyinə həmişə hazır olan dovşan Tamperdir. O, çox cəsur və ağıllıdır, lakin bəzən onun diqqətsizliyi təhlükəli vəziyyətlərə gətirib çıxarır.
"Bambi" kimi cizgi filmləri uşaqların öyrənməsinə, inkişafına və böyüməsinə kömək edən mədəniyyət və əyləncənin vacib bir hissəsidir. "Bambi" kimi cizgi filmləri yalnız uşaqları əyləndirməklə yanaşı, onlara dostluq, sevgi, cəsarət və məsuliyyət kimi dəyərləri də öyrədir. Onlar həmçinin uşaqların ətrafdakı dünyanı anlamalarına və təxəyyüllərini və yaradıcılıqlarını inkişaf etdirmələrinə kömək edir🐰🦌🦨
#bambi #çizgifilm #disney #meşə #soyuqqış by @_ekzuperi

Kızıl Nehirlər — Ağıl və gücün qanlı qovuşduğu yer...
Fransız triller ustası Jean-Christophe Grangé qələmə aldığı bu şah əsər sadəcə bir dedektiv hekayəsi deyil; soyuq Alp dağlarının qoynunda gizlənmiş dəhşətli bir həqiqətin addım-addım üzə çıxarılmasıdır.
Əsər iki fərqli polisin — təcrübəli, sərt müfəttiş Pyer Nömans və gənc, dikbaş Karim Abdufun müstəqil şəkildə başladığı, lakin sonradan kəsişən iki müəmmalı araşdırmasından bəhs edir. Biri təcrid olunmuş universitet şəhərciyində işgəncə ilə öldürülmüş cəsədi, digəri isə qəribə bir məzar zorlanmasını araşdırır.
📌 Kitabı xüsusi edən nədir?
Mükəmməl insan təcrübələri: "Ağıl çayları" ilə "güc çaylarının" qovuşması ideyası arxasında gizlənən genetik fəlakət.
Simvolik cinayətlər: Çıxarılmış gözlər, kəsilmiş əllər və qurbanların keçmişdəki bağışlanmaz susqunluğu.
Dondurucu atmosfer: Qarlı dağlar, qədim koridorlar, qaranlıq arxivlər və hər səhifədə artan psixoloji gərginlik.
Əgər hələ də oxumamısınızsa, zehninizi məşğul edəcək və son səhifəsinədək əlinizdən yerə qoya bilməyəcəyiniz mükəmməl bir psixoloji triller sizi gözləyir.
💬 Aranızda bu kitabı oxuyanlar və ya filmini izləyənlər var? Hansı obraz və ya detal sizdə daha çox təsir buraxdı?
#kızılnehirler #LesRivièresPourpres #jeanchristophegrangé #kitabtəhlili #triller #detektiv #kitabtövsiyəsi #ədəbiyyat by @_ekzuperi

"Bu Ayrılıq Səndən Gəlir": Musa Yaqubun ən təsirli, sevgini və həsrəti təbiət motivləri ilə harmoniya şəklində təqdim edən məşhur kitablarından və şeirlərindən biridir.✨️
Musa Yaqub çağdaş Azərbaycan poeziyasının böyük ustadıdır - şeirlə nəfəs alan, duyğunu sözə çevirən nadir sənətkarlardandır.
Mənim üçün Musa müəllimin şeirləri təkcə ədəbiyyat deyil, həm də duyğularımın dili, içimdəki səssiz fikirlərin səsi olub. Onun poeziyasında həm təbiətin sakitliyi, həm də qəlbin fırtınası var.🍀🖋
#musayaqub #buayrılıqsəndəngəlir #şeirdünyası by @_ekzuperi

"Ölümüm yaşamımdan daha anlamlı olur umarım"
Əsərin adından da göründüyü kimi əsərdə İvan İliçin ölümündən bəhs edilir. Tolstoy düşünürəm ki, o qədər gözəl yazıb ki, o qədər gözəl insanın daxili aləmini, hiss və duyğularını əks etdirə bilib ki, bu sadəcə dəhşət bir şeydir.

🖊Hər birimiz yaşayırıq və yaşadıqca da ölümə doğru yaxınlaşdığımızı bilirik. Amma əksəriyyətimiz də ölümü qabaqlaya və yaxud da ertələyə bilərik deyə də düşünürük. Amma nəyə görə ertələmək istəyirik ki? Çoxmu mənalı, faydalı həyat sürürük hamımız? Bax, əsl sual buradadır. İvan İliç də buna bənzər sual verir özünə və həqiqətənmi mənalı həyat sürdüyünü düşünür. Tək-tənha olduğunu, əslində, sadəcə işi sayəsində bir növ hörmət və ehtirama sahib olduğunu anlayır deyərdim. Ona görə öz ailəsi də heç onun hayına qalmır, dərdinə yanmırdı.. Onun ölümündən sonra da iş dünyasındakı olan o şəxslər də onun yerinə kim gələcək deyə düşünür, görəsən hansı birimiz keçə bilərik və s. kimi düşüncələrə qərq olurlar.🌚

📖Kitab kiçik həcmli olsa da, danışılası, içərisindən çıxarılası mövzular ətrafında kifayət qədər fikir mübadiləsi aparmaq olar. Kitab günümüzün reallıqlarını əks etdirir.
Unutmayın ki, ölüm hər an, hər saniyə bizi öz ağuşuna ala bilər. Bu, həyatdır. Həyatda isə hər şey ola bilir. #ivanilyiçinölümü #levtolstoy by @_ekzuperi

Həyatda bəzi sənətkarlar olur ki, onların sətirləri insan üçün sadəcə şeir deyil, sanki ruhun sığınacağı olur. Mənim də ən sevdiyim şair, Azərbaycan ədəbiyyatının nəhəng siması Nəriman Həsənzadə bu gün əbədiyyətə qovuşdu.
Onun yaradıcılığı, səmimiyyəti və insana ötürdüyü o dərin həyat fəlsəfəsi mənim üçün həmişə çox xüsusi olub. Belə bir dəyəri itirmək həqiqətən çox ağırdır, amma təsəlli odur ki, böyük şairlər heç vaxt getmirlər onlar yazdıqları hər bir misrada, ürəklərdə və xatirələrdə əbədi yaşayırlar.
"Sarasına qovuşdu Şair"
Bu cümlə Azərbaycan ədəbiyyatı və poeziya sevərlər üçün çox ağır və kədərli bir xəbəri ifadə edir... Xalq şairi Nəriman Həsənzadənin vəfatı həqiqətən də böyük bir itkidir.
Nəriman Həsənzadənin ömür-gün yoldaşı, erkən yaşda itirdiyi sevimli xanımı Sara onun həm həyatının, həm də yaradıcılığının ən böyük ilham mənbəyi, dərd ortağı və həsrəti idi. Şair ömrü boyu ona bənzersiz şeirlər, poemalar (xüsusilə də məşhur "Sara" poemasını) həsr etmiş, ruhən həmişə onunla yaşamışdı.
On illərlə içində daşıdığı o böyük ayrılıq nisgili və həsrəti indi onun öz cismani gedişi ilə tamamlandı. Şair uzun illərdən sonra nəhayət ki, öz əbədi sevgisinə, dastanına çevirdiyi Sarasına qovuşdu...
Məkanı cənnət olsun, Azərbaycan poeziyasının və onun sadiq oxucularının başı sağ olsun.😔
#nərimanhəsənzadə by @_ekzuperi

"Hər şey haqqında özümlə danışdığım kimi, ən azı bir nəfərlə danışmaq istəyirəm."✨️
📝İki ağıllı insan aşiq ola bilməz. Əsl sevginin bir axmağa ehtiyacı var." Bu, Dostoyevskiyə aid edilən sətirlərdən biridir və o, bunu həqiqətən deyib-deməməsindən asılı olmayaraq, bunun arxasındakı fikir olduqca gülməlidir. Hər iki insan həssas olmaq üçün çox ağıllı, çox ehtiyatlı və ya çox qürurlu olmağa çalışdıqda sevgi nadir hallarda işə yarayır.
Bəlkə də hər böyük sevgi hekayəsi əvvəlcə bir az axmaq görünməyə hazır olan birinə ehtiyac duyur. Cavab mesajı yazan, üzr istəyən, bağışlayan, ümid edən və məntiq xəbərdarlıqlarını bitirməmişdən əvvəl riskə gedən birinə ehtiyac duyur. Sevgidə "axmaq" sadəcə ən cəsur ola bilər.😉
"Mən axmaqam, amma eyni zamanda şahzadəyəm. Dünyanı və onun insanlarını görmüşəm və hamısının axmaq olduğunu görmüşəm. Onlar eqoist, acgöz və qəddardırlar. Onlar ehtiras və istəkləri ilə idarə olunurlar və başqalarına qarşı heç bir əhəmiyyət vermirlər. Mən axmaqam, çünki onlardan fərqliyəm. Dünyaya şəfqət və anlayışla baxıram və insanların yaxşılığına inanıram. Amma xeyirxahlığım zəiflik kimi səhv salınır və şəfqətim axmaqlıq kimi qəbul edilir. Mən axmaqam, çünki axmaqlar dünyasında təkəm."🌚🌝
Təqdim olunan sitat, Fyodor Dostoyevskinin "İdiot" romanının qəhrəmanı Şahzadə Lev Nikolayeviç Mışkinin xarakterinin xülasəsi və təfsiridir. Bu, kitabdakı bir personaj və ya rəvayətçi tərəfindən deyilən tək bir birbaşa sitat deyil, onu əhatə edən mövzuların ifadəsidir.
Romanın faciəsi bu "müsbət gözəl fərd"in ətrafındakı dünyanın mürəkkəbliyini və kin-küdurətini dəf edə bilməməsi nəticəsində sonda məhv olmasındadır. Dostoyevski, həqiqətən yaxşı və saf bir insanın müasir cəmiyyətdə yaşaya biləcəyini araşdırmaq niyyətində idi. Roman, belə bir insanın artıq əsl saflığı və bütövlüyü tanımayan və ya dəyər verməyən bir dünyada tək, qovulmuş bir insan olduğunu göstərir. by @_ekzuperi

Hamımız öləcəyik. Təəssüf ki, ölümlərimizi özümüz seçmirik. Amma onlarla ləyaqətlə üzləşə bilərik. İnsan həyatının mənası olan hər şeydən məhrum olduqda, yeganə seçim ağrıya baxmayaraq özünü məhv etmək və ya qorumaqdır. Hər kəs qəddar insana çevrilmədən xəyanətdən keçə bilmir.😔⚔️
"Qladiator" (2000, rejissor Ridli Skott) filmindəki Maksimus, ailəsini və keçmiş həyatını itirdikdən sonra şərəf, xatirə və ədalət naminə yaşamağa davam edən bir döyüşçüdür. Maksimus vəzifəyə və sədaqətə inanan bir insan idi. Lakin xəyanətdən sonra onun dünyası tamamilə dağılır və həyat özü daimi yaşamaq mübarizəsinə çevrilir. Daxilindəki ağrı və nifrətə baxmayaraq, insanlığını itirmir və qisas susuzluğunun onu tamamilə məhv etməsinə imkan vermir.
Qladiator olduqdan sonra belə, Maksimus hər kəsin güc və qan üçün yaşadığı bir dünyada şərəfli bir insan olaraq qalır. Buna görə də insanlar onu sadəcə döyüşçü kimi deyil, taleyin ən ağır zərbələrindən sonra da sınmayan bir insan kimi görməyə başlayırlar.
Maksimus, həyat demək olar ki, hər şeyi əlindən alsa belə, daxili dözümlülük və ləyaqəti qorumaq qabiliyyəti haqqındadır.⚔️
#maksimus #gladiator by @_ekzuperi

Arenanın ortasında, isti qum və kəskin qan qoxusu arasında zaman qəfildən yavaşlayır. Kar edən vəhşi alqışlar boğuq bir zümzümə ilə əvəz olunur.
Qladiator üçün yerə yıxılmaq sadəcə fiziki məğlubiyyət deyil; bu, qürurun, aylarla davam edən amansız məşqlərin və azadlıq xəyallarının sarsılmasıdır. Sinəsi dikəlib, üzərindəki soyuq ölüm kölgəsini hiss edir. Günəş ona tuşlanmış qılıncın ucunda parlayır. Elə həmin anda, hər şeyin bitdiyi və təslim olmağın başladığı o nazik xəttdə, o, titrəyən, lakin qürurlu əlini qaldırır. İki barmaq... Bu iki barmaq sadəcə "Dayan" işarəsi deyil. Bu iki barmaq ölümün kənarından həyata uzanan ümid və ümidsizliklə dolu son bir körpüdür. Qaldırılmış iki barmaq, taleyini amfiteatrı dolduran minlərlə ruhsuz gözün mərhəmətinə, imperatorun və ya lanistanın tək bir jestinə təslim etməyi təmsil edir. Qladiatorun bütün gücü ilə yerə yıxıldığı, lakin yaşamaq istəyi ilə hələ də dik durduğu an, ölümdən əvvəl insan ləyaqətinin ən dramatik vidalaşmasıdır.😔#sapartacus #gladiator by @_ekzuperi

Tolstoya xas xüsusiyyətlərdən biri budur ki, əsərin başında "İncil" dən sitat yazır və əsəri o sitat müqabilində qələmə alır. 🖋
"Şeytan " povestində yazır "Mən sizə deyirəm ki, o kişi ki başqa qadına tamahla baxır o artıq qəlbində zina etmişdir. Qadına tamahla baxmaqdansa o gözünü çıxar, cənnətə bir göz ilə getmək cəhənnəmə iki göz ilə getməkdən daha yaxşıdır"🍀

Tolstoydan sevərək oxuduğum kitablardandır.Bu əsər də Tolstoyun digər bir çox əsəri kimi ibrətamiz əsərlərdəndir.Dahi yazar Lev Tolstoy "Şeytan" povestində - əksər əsərlərində olduğu kimi gördüyü, duyduğu, mənimsədiyi həyatı məsələləri ön plana çəkmişdir.📖
Povest real həyatdan götürülüb. Əslində mən Tolstoyu başa düşürəm ümumilikdə amma izah edə bilməyəcəm izah eləmək üçün bəlkə 15 - 20 səhifə yazmalıyan ki, dolğun izah edə bilim.
Tolstoy, oxucularını düşündürərək, onları seçim və çaşqınlıq arasında qoyur. Sənin şeytanın sənə nə əmr edir ?! Sən, baş qəhrəman olan Yevgeninin yerində olsan hansı addımı atmış olardın, onu şiddətlə qınamaqmı ya keçirdiyi hissləri anlamaqmı!
Burda Yevgeni bir günah etdi. Bircə günah amma bu günah ona baha başa gəldi. Şəhvət günahların ən məhşurudur. Tolstoy bu mövzunu tez tez işləyir. Tolstoy da ailə mövzusun geniş analiz edir. Araşdırmağa çalışır. Bir şey də diqqətimi çəkdi, sanıram bu ədəbiyyatda bəlkə də ilkdir. Povestin iki sonluqu var. Mənə marağlı gəldi bu. Amma mən olsaydım bir sonluqda Allahı digər sonluqda isə Şeytanı haqlı çıxarardım.
Yaşamındakı şeytanının nə dediyini,və sənin nə etdiyini bilmək istəyirsənsə,həyatına bax! Şeytan, sənə yol göstərməz,səni yol ayrıcında qoyar! Seçim sənindir? by @_ekzuperi

Mark Tvenin "İnsan nədir?" əsəri, onun ömrünün son illərində (1906-cı ildə) anonim olaraq çap etdirdiyi, onun adətən öyrəşdiyimiz yumoristik üslubundan tamamilə fərqlənən, dərin fəlsəfi və bədbin (pessimist) bir traktatıdır
Mark Tven bu əsəri yazarkən şəxsi həyatında ağır dövrlər keçirirdi; müflis olmuşdu, ard-arda həyat yoldaşını və qızlarını itirmişdi. Bu şəxsi faciələr onun insana olan inamını sarsıtmışdı.😔
Mark Tvenə görə, insan öz iradəsi ilə hərəkət edən azad bir varlıq deyil. O, insanı mürəkkəb bir maşına bənzədir.
Mən Mark Tvenə belə cavab verərdim:🖋📚
"Bəli, mən dünyaya bir maşın kimi, müəyyən genlər və ətraf mühitin təsiri ilə gəlirəm. Amma mən yaşadıqca, öyrəndikcə və ən əsası sevdikcə o maşından daha böyük bir şeyə — Ruh sahibinə çevrilirəm. Məni insan edən şey keçmişimin mənə diktə etdikləri deyil, o diktəyə baxmayaraq gələcəyə doğru atdığım şüurlu və xeyirxah addımlarımdır."
Məncə İnsan — "Məna" axtaran səyyahdır
Heyvanlar dünyanı olduğu kimi qəbul edir: acanda yeyir, təhlükə görəndə qaçır. İnsan isə dünyaya gəldiyi andan etibarən ətrafına baxıb soruşur: "Bu nə üçündür? Mən niyə buradayam?"
İnsan sadəcə yaşamaqla qane olmayan, həyata mütləq bir məna verməyə çalışan varlıqdır. O mənanı bəzən ailəsində, bəzən övladının gələcəyində, bəzən yaratdığı bir sənət əsərində, bəzən də etdiyi bir yaxşılıqda tapır.
Ən sadə formada desək:
İnsan — bir ovuc torpağın daxilinə üflənmiş sonsuz bir sirdir. O torpaq bədənimiz, o sirr isə bizi insan edən ruhumuz, vicdanımız və sevmək qabiliyyətimizdir. by @_ekzuperi

Tünzalə Ağayeva Azərbaycan musiqisinin parlaq ulduzlarından biri, səsi ilə ürəkləri fəth edən, duyğulara təsir edən bir sənətkardır. Öz sənətində çoxsaylı musiqi üslublarını birləşdirərək, həmişə yenilikçi və təkrarsız bir yanaşma ortaya qoyur. ✨️Bəzən bir mahnı sadəcə notlardan ibarət olmur. O, xatirələrə toxunur, köhnə günlərin üzünü açır, içində nə isə titrədir. Xalq artisti Tünzalə Ağayevanın ifasında "Xavərim" məhz belə bir əsərdir. Sözlərində nisgil, melodiyasında məhəbbət, hər misrasında bir ömür gizlənib.😊

Səməd Vurğun Xavər xanımla 1934-cü ildə ailə həyatı qurur. Xavər xanıma qovuşduqdan sonra onun təkcə həyat tərzi dəyişmir, yazdığı şeirlərin ruhunda da bir sevinc, məmnunluq yaranır, həyat yoldaşına minnətdarlığı dilindən düşmür. O, ailə həyatı qurduqdan sonra 1934-cü ildə "Şairin sevgilisinə" adlı şeirində deyir:🖋📚
"Üzümə ilk dəfə gülən sən oldun,
Şairin qədrini bilən sən oldun..."
- Bu sətirlərdə sevginin ən saf, ən kövrək ifadəsi var. Qədrini bilən birinin varlığı, onun gözlərindən süzülən işıq, ruhda günəş kimi doğan baxışlar... Elə bil mahnı özü sevginin vəfalı səsi olub, bizi uzaq xatirələrə aparır...🌚🌝 by @_ekzuperi