Instagram story viewer> @aabout_quran> Posts

DAILY ABOUT QURAN💙

@aabout_quran

3.9K

followers

161

following

هه‌موو شتێكم به‌ خودا سپاردووه‌🤍
Alhamdulilah💙
ده‌ستپێك✨
8/12/18

POSTS STORIES REELS TAGGED

گەنجێکی خوێنگەرم بەناوی (طارق) پێی گوتم: (پێشتر هەمیشە ئەوەم لا پرسیاربوو کە بۆچی گەورەترین نیعمەتی بەهەشت بینینی خوای گەورەیە؟ دواتر بیرم لێ کردەوە و ئاوا وەڵامی خۆمم دایەوە: ئەگەر یەکێکمان لەماڵێک پێبگەین و ببینێ کە گرنگی پێدراوە و ئامادەکراوە بەهەموو شتێک کە بۆ ژیانێکی خۆش پێویستە، خاوەن ماڵەکە زۆر لێهاتووانە و هونەری نواندووە لە دڵخۆشکردنی دانیشتوانی ماڵەکە، پاشان پێت بگوترێ: ئەمە باوکتە کە هەموو ئەمەی بۆ ئامادە کردوویت و تۆش لەژیانتدا باوکت نەدیبێت! ئایا لەو کاتەدا دەروونت پەرۆش نابێت بۆ بینینی و ئەوە نابێتە گەورەترین ئاواتت؟! نمونەی بەرزیش بۆ خوای گەورەیە!)

حەزم بەم نمونەیەی تاریق کرد، بۆیە حەزمکرد لەگەڵتان هاوبەشی پێبکەم، ئەگەر ئێمە چێژ ببینین لە جوانی بەهەشت، ئەی چی دەربارەی بەدیهێنەری ئەو جوانییە کە خوای گەورەیە... پاک و بێگەردی بۆی؟!

لە شیعرێک نوسیبووم:

ربَّاهُ إني قد نثرتُ كنانتي وعكفت في جلَدٍ أصوغ وأنظمُ

پەروەردگارم، ئەوا من تیرەکانم ڕیزکردوون، و بە گورجوگۆڵی قسە ڕێک دەخەم و دایدەڕێژم

لأذود عن حوض الشريعة من عدا ويُصدَّ عما قد أراد الألأمُ

هەتاوەکو سنووری شەرع بپارێزم لە دوژمنانی، وببمە ڕێگر لەوەی خراپەکار دەیەوێ

وأُقيمَ في قلبٍ يلامس أحرفي لله صرحَ محبة لا يُهدَمُ

هەتاکو لە دڵی ئەو کەسەی پیتەکانم دەبیستێ، باڵەخانەیەکی بەرز لە خۆشەویستی بۆ خوا بنیات بنێم کە لەق نەبێ ونەکەوێ

فاكتب لعبدٍ قد أحبك صادقاً رؤياك إذ أنت الأعز الأكرمُ

دەسا پەروەردگارا، بۆ ئەم بەندەیەت کە ڕاستگۆیانە تۆی خۆش دەوێت، بینینی خۆت بڕیار بدە، هەر تۆ زاتی هەرەبەرز و هەرە بەخشندەی

خودایا! داوای چێژی بینینی ڕوخساری پیرۆزت دەکەین بۆ خۆمان و خۆشەویستانمان.

دکتۆر ئیاد قونەیبی by @aabout_quran

6k

51

4 years ago

بە تۆ چی کە فوزەیڵ و جونەید ئەولیای خوا بوون؟!

ئێستا تەزکییە تەنیا بووە بە قسە، هەموومان پێمانوایە ئەولیا و ئیماندارین.
ناکرێت مرۆڤ ئەهلی جەماعەت و زیکری بەیانیان و ئێواران و ڕۆژووی دوو شەممان و پێنجشەممان و، زیکرەکانی دوای نوێژ نەبێت، لەکاتی شەونوێژدا لە گەرمەی خەوا بێت، مانگێک بڕوات بەسەریدا و لاپەڕەیەکی قورئانی هەڵنەدابێتەوە! پێیوابێت بە شیعر و بوردە و گۆرانی، دەگاتە پلەی خواناسی! یان تەنیا بە خوێندنەوەی کتێب و وتەکانی ئیبن قەییم و جونەیدی بەغدادی و فوزەیڵی کوڕی عیاز و مالیکی کوڕی دینار و چەندین خواناسی تر، بووە بە ئەولیا!
بەتۆ چی کە ئەوان قسەی ئیمانی دەکەن و تۆش کاتێکت بۆ خودا دانەناوە و عەمەلێکی پیاوانەت نییە؟!
ئەمە نیفاقە لێمان بووە بە ئیمان!
سەرسامبوون بە قسەی پیاوچاکان و شیعری خواناسان، پێی ناوترێت عەمەل باوکەکەم!
من ناڵێم شیعر و سرود کاریگەرییان لەسەر ئیمان نییە، بەڵام بێ کردارە ئەساسییەکان ئەوانە هەڵخەڵەتێنەرن، وە ئەو جۆرە تەزکییەیەی شەیتان ئاڕاستەی دەکات.
هەروەها ناشڵێم وەلی دەبێت هەموو عیبادەتە گەورەکان بکات، ڕەنگە کەسێک ڕۆژووی سوننەت و شەونوێژی نەبێت، بەڵام بەهۆی ئیخڵاس و عیبادەتەکانی تریەوە لە پلەیەکدایە لە کەسی ڕۆژوەوان تێیدا نییە.

بەڵام گرفتەکە ئەوەیە کە عیبادەتێکی گەورەمان نەبێت کە خوا ئاماژەی پێداوە و خۆی بە گەورە ناوی هێناوە، خەریکی شیعر و سەربایان بین، ئەمە گەلۆرییە و تەوبەی دەوێت. by @aabout_quran

14

0

a year ago

پێغەمبەر زەکەریا (علیە السلام) هەر وەختێ دەڕۆشتە لای مەریەم تا خواردنی بۆ ببات، دەیبینی وا خۆراک و میوەی باشتر و جوانتری لایە، بۆیە بەسەرسوڕمانەوە لێی پرسی :”أنّى لكِ هذا؟” مەریەمیش فەرمووی: “هو من عند الله إن الله يرزق من يشاء بغير حساب”.

لێرەدا کەمێک دەوەستێ، ئافرەتێکی لاوازی ئاوا بەو جۆرە لەلایەن پەروەردگارەوە رێزی لێدەنرێت و ڕزق و ڕۆزی بۆ دەنێرێت، زەکەریا ( علیە السلام) هیچ گومانێکی نەبوو لە سەرچاوەی ڕزقەکە، هەستی بە نائومێدبوون نەکرد لە حاڵی خۆی، بەڵکو پەرچەکرداری زەکەریا (علیە السلام) بەم جۆرە بوو کە ئایەتەکە باسی دەکات:

“هنالك دعا زكريا ربه، قال رب هب لي من لدنك ذرية طيبة انك سميع الدعاء”.

ڕەحم و بەزەیی خوای گەورەی بەرامبەر مەریەم کردە بەڵگە لەسەر رەحم و بەزەیی پەروەردگار، شێوازی ڕزق بەخشیی خوای گەورە بە مریەمی کردە بەڵگە تا داوای ئەوە بکات لە خوای گەورە کە منداڵی پێ ببەخشێت.

ئەمە لە جوانترین پەرچەکردارەکانە، کە ڕزق و ڕۆزی بەخشینی خوای گەورە بە براکەت بکەی بە بەلگە لەسەر رەحمەتی خوای گەورە و توانای باڵادەستی ئیدی زیاتر گومانی باش بە پەروەردگار ببەیت، دڵخۆش بیت بەوەی برایەکت تووشی خێر بووە چون دەزانیت کە ئەمە لە خوایەکی باڵادەستەوەیە کە دەتوانێت ئەو خێرەی کە بەو برایەتی بەخشیوە بە تۆش ببەخشێت، ئەوەت بۆ خۆت پێت خۆشە بۆ براکەشت پێت خۆش بێت، ئەمەش لە تەواوی ئیمانە.

یحيی اسماعیل by @aabout_quran

15

1

a year ago

چ شيرينە ئەم ڕەشتاڵە دەنگ تەڵاییە، چەندە ساده، چەندە خالى لە هەر چەشنە زۆرلەخۆکردنێک، به تۆنێکی بێ گرێ و روون، بەلام ئەفسوناوییەوە، لە مەملەکەتی ماليكيیەکان و ئەوپەڕی ئەقسای مەغریبەوە ئەم دەقە خوداییانە دەگەیەنێتە گوێمان و روحمان تەژی دەکا لەپەڕجووی ڕستەکانی.
#جعفر_السعدي by @aabout_quran

31

28

a year ago

مینشاوی ژمارەیەکی کەمی ڤیدیۆی تۆمارکراوی بەردەستە، هەمیشە شتێک لە ڤیدیۆکاندا سەرنجی ڕاکێشاوم ئەو لایەنانە نەبوون کە لەدەنگییەکاندا ئینسان حەیران دەکات، شتێک کە دەنگ و ئاواز و ئەو بابەتانە نیە، بەڵکو شتێکە سیماو جوڵەی مینشاوی لە تەواوی قورئانخوێنەکانی تری دەوڵەتی تیلاوە جیا دەکاتەوە، دەبینیت لەگەڵ ئەو هەموو جوان دەربڕین و تەجویدە باڵایەی ئەودا، هیچ زۆر لەخۆکردن و ماندوو بوونێک نابینی بۆ ئەوەی بەتەواوی پیت و وشەکان لە دەرچەی تایبەتییاندا دەرببڕێت، وەک ئەوەی هەست بکەیت هیچ گوێ نادات بە تەجوید و ئەحکامەکانی، بەڵکو تەڕتیلێکی ئاسایی دەیخوینێت، بەڵام ئەوەی سەرنجڕاکێشە ئەوەیە بابەتەکە پەیوەستە بە سازان و گونجانێکی سەرسوڕهێنەر و خواڕسکانەی حەنجەرە و زمان و دەم و دانی مینشاوییەوە لەگەڵ دەربرینی پیتەکان لە مەخرەجی حەقیقی خۆیاندا، وەک ئەوەی پەروەردگار تەنها و تەنها بۆ خوێندنی قورئان ئەم مەخلوقەی خولقاندبێت. by @aabout_quran

52

11

3 years ago

تێبینی بكە لە‌گێڕانە‌وە‌ی چیرۆكە‌كە‌دا، كاتێك‌ مە‌نشاوی ئە‌و ڕێگە‌چارە‌یە‌ باس دە‌‌كات‌، كە‌ شایە‌تە‌كە‌ دە‌یخاتە‌ بە‌ردە‌م ھاوسە‌ری زولە‌یخا‌، بۆ دادگایی كردنیان، وە‌ك ئە‌وە‌ی تە‌قینە‌وە‌یە‌ك لە‌گەرو‌ویدا ڕوویدابێت، ئۆقرە‌ لە‌دە‌نگیدا نامێنێت، تە‌قینە‌وە‌یە‌ك تە‌واوی ئە‌و دۆخە‌ ھێمنە‌‌ دە‌ھە‌ژێنێت، كە‌ بیسە‌ر تیایدا لە‌سە‌رە‌تای چیرۆكە‌كە‌وە‌ وە‌ك نۆتە‌یە‌ك لە‌گە‌ڵیدا باری گرتوە‌‌، وە‌ك ئە‌وە‌ی پێمانبگە‌یە‌نێت لە‌م بە‌شە‌ی چیرۆكە‌كە‌دا كە‌ دە‌ڵێت «إِن كَانَ قَمِيصُهُ قُدَّ مِن قُبُلٍ فَصَدَقَتْ وَهُوَ مِنَ الْكَاذِبِينَ» بارێكی نائاسایی دە‌گوزە‌رێت، ئاریشە‌یە‌ك ھە‌یە‌، نادادییە‌ك ھە‌یە‌، خە‌ریكە‌ ستە‌مێك ڕوودە‌دات، ناكرێت‌ بە‌ ئە‌گە‌رێكیش بێت وای دابنێین كە‌‌ یوسوف درۆی كردوە‌، ناكرێت، ئاخر نابێت، یە‌عنی جێی قبوڵ نیە، بە‌ ئیحتیمالیش بێت، لە‌پێناو بە‌رجە‌ستە‌بوونی دادگە‌ریشدا بێت، ئە‌م بە‌ندە‌ پاكیزە‌ییە‌، ئە‌م بلورە‌‌ بێگە‌ردە‌ وە‌ھا تۆمە‌تبار بكرێت.
‌ ئە‌وە‌ندە‌ توشی ھە‌یە‌جان دە‌بێت‌، تا نیوە‌ی‌ ئایە‌تی دواتریش ئە‌و دۆخە‌ پە‌ست و‌ ناسازە‌ قوڕگی بە‌ر نە‌داوە‌ و ئە‌گە‌رە‌ دروستە‌كە‌ش بە‌ غە‌مگینییە‌كی زۆرە‌وە‌ دە‌گێڕێتە‌وە و ڕازی نابێت‌، بە‌ڵام كە‌ دە‌گاتە‌ پە‌یڤینە‌‌ لایە‌قە‌كە‌ بە‌ یوسوف «وَهُوَ مِنَ الصَّادِقِينَ» ئیتر ئۆقرە‌ دە‌گرێت و دە‌گە‌ڕێتە‌وە‌ ئە‌و ڕیتمە‌ی‌ لێی دە‌رچوو بوو، ئە‌و ڕیتمە‌ ھە‌میشە‌گییە‌ی ئە‌و، كە‌ سە‌راپای لە‌ ئارامی ئافرێنراوە‌، ئیتر دە‌بینیت مە‌‌نشاوی وە‌ك ئە‌وە‌ی حە‌قێكی ڕە‌وای بە‌دە‌ستی خۆی گە‌ڕاندبێتە‌وە‌ شاد دە‌بێت، دە‌بینیت پە‌یڤی «الصَّادِقِينَ»‌ ھە‌موو ھە‌ڵچوونە‌كان خاڵی دە‌كاتە‌‌وە‌ و ھە‌موو شە‌پۆلە‌كان لە‌نگە‌ر پێدە‌گرێت.

دانیــــاڵ ژاكـــــاو تەمەشایی کۆمێنت بکەن.. by @aabout_quran

135

11

3 years ago

#ليلة_القدر by @aabout_quran

105

7

4 years ago

ڕیا

وا لە بەندە دەکات گرجوگۆڵ بێت لە دەعوەدا
وا لە مرۆڤ دەکات لەبەرچاوی خەڵکدا جوان نوێژ بکات، زاهیدانە دەربکەوێت، لەبەرچاوی خەڵکیدا نەرمی بنوێنێت، قورئان بخوێنێت، زمان پاراو بێت.
فێری هەموو جۆرە دوڕوویی و درۆیەکی دەکات.
تەنانەت وا لە بەندە دەکات ماڵەکەی ببەخشێت، پۆشاکی هەژارانە بپۆشێت، قورئان بخوێنێت، وەک خەمخۆری ئایین خۆی نیشان بدات، لە هەمووی سەیرتر، دەیباتە مەیدانی جیهادەوە لە ڕیزی موسڵماناندا، تا بەکوشتی دەدات.
نەفس بە کوشت دەدات و، دەیباتەوە بەردەم خودای خۆی.
نەفس هێندە بە درۆ ڕادەهێنێت، لەبەردەم خوداشدا درۆ دەکات، ئینکاری دەکات، کاتێک خودا پێی دەڵێت «ماڵەکەت بۆ کێ بەخشی؟ بۆ وانەی زانستیت دەوتەوە؟ بۆچی مردیت و لەپێناو چیدا لە جەنگدا کوژرایت؟»
دەڵێت: بۆ تۆ ئەی خودایە!

ئیتر لە کۆتاییدا خودا ناخی ئەم بەندە ڕیابازە هەڵدەداتەوە و لە مەحشەردا لەبەردەم ملیاران بوونەوەردا، لە ئادەمەوە تا خاتەم، بە دەنگی بەرز بەم قوربانییەی دەستی ڕیا دەڵێت: «کذبت- درۆتکرد»، فریشتەکانیش بەدوایدا هاوار دەکەن و پێی دەڵێن «کذبت-درۆت کرد»

#ڕامانەکان
#زەکەریا ژاکاو by @aabout_quran

116

8

4 years ago

لای خودا ون نابێت!
هەندێک چیرۆک هەن لە قوڵایی مێژوودا خودا بۆمان دەگێڕێتەوە، بە مەبەستی ئەوەی کە بزانین کارە چاکەکانمان لای خودا ون نابێت و دەمێنێتەوە؛ بۆ نموونە کە لە شەوی ئیسرا و میعراجدا خزمەتکارەکەی فیرعەون نیشانی پەیامبەر«صلی اللە علیە وسلم» دەدات، ئافرەتێک کە نازانین ناوی چییە و نەسەبی چۆنە و چ ڕەنگێک بووە، تەنیا ئەوەنە دەزانین کە شانەی پرچی کچەکەی فیرعەونی کردووە و جارێک لەدەمی دەرچووە و ناوی «الله»ی هێناوە، فیرعەونیش لە بەرانبەر ئەوەدا خۆیی و منداڵەکانی دەسوتێنێت.
مەبەستی سەرەکی ئەم یادخستنەوەیە ئەوەیە کە خودا بە پەیامبەر«صلی اللە علیە وسلم» و شوێنکەوتووانی بڵێت کە ئەی موحەممەد«صلی اللە علیە وسلم»، ئێمە کاری کەسێک ون ناکەین و پاداشتی دەدەینەوە کە لە قوڵایی مێژوودا کارێکی بۆ خودا کردووە و ئەزیەت دراوە لەسەری، ئێستا چۆن کردەوەکانی ئێوە ون دەکەین؟!.

یاخود، ئەسمائی کچی ئەبووبەکر، نازناوی «خاوەنی پشتێنەکە»ی پێدراوە، تەنیا لەبەر ئەوەی لەکاتی هیجرەتی پێغەمبەر«صلی اللە علیە وسلم» و ئەبووبەکردا پشتێنەکەی دەدڕاند و مەنجەڵ و قاپی ئەو خواردنانەی پێ گرێ دەدا کە بۆ پەیامبەر و باوکی دەبرد.
لای خودا دڕانی پارچە قوماشێک ون نابێت!
بەڵکوو ئەگەر کەسێک لەبەر ئەو کارێک بکات، خودا ئەو کارەی لەناو خەڵکیدا بڵاو دەکاتەوە و ئێمە پاش سەدان ساڵ دەیگێڕینەوە.
بۆیە ئەوەی ئێمە لەسەرمانە، کارێکە بیکەین بۆ خودا، پاداشتەکەشی لای خودایە.

ئاخر دڕاندنی پارچە قوماشێک لای ئێمە هیچ ئەهمییەتێکی نییە، بەڵام ئەوەی ئەسماء چونکە بۆ خودایە، ون نابێت! by @aabout_quran

183

3

4 years ago

نە لەیل نە مەجنون، نە شیرین و فەرهاد

هیچ کات سەرسامی چیرۆکی خۆشەویستی کەسایەتی فەرهاد و شیرین نەبووم، کونکردنی شاخێک لەلایەن فەرهادەوە سەرنجڕاکێش نییە! چونکە زۆرن ئەو کوڕانەی پێش زەواج بەڵێنی گەورە بە خۆشەویستەکانیان دەدەن، هەموو کچێک وەک شیرین، پێش هاوسەرگیری «شیرینن» لای خۆشەویستەکەیان، هەموو کوڕێک وەکوو «مەجنون» شێتی لەیلەکانن پێش ئەوەی پێیان بگەن!
ئەمانە چیرۆکی خۆشەویستییان پێش گەیشتن بە یەک نووسیوەتەوە و ئەزموونی ژیانکردنیان لەگەڵ یەکدا نەکردووە، تا بزانین چۆن ژیاون و چۆن قوربانیان بۆ یەکداوە، هەموو هەرزەکارێک کە دوو زیپکە لە دەمووچاوی هەڵدەتۆقێت بەڵێنی گەورە بە مەعشەوقەکەی دەدات.

جوانترین چیرۆکی خۆشەویستی لای من، هی پێغەمبەر موحەممەد«صلی اللە علیە وسلم» و دایکە خەدیجەیە، چیرۆکی خۆشەویستی ئەوان دوای هاوسەرگیری و بەیەک گەیشتن دەستپێدەکات، قوربانیدانی خەدیجە بۆ مێردەکەی لەدوای هاوسەرگیری دەردەکەوێت و، وەسف و سەنای پێغەمبەر«صلی اللە علیە وسلم» پاش چەندین منداڵ و چەندین ساڵ تەمەنی هاوسەرگیری لەگەڵ هاوژینەکەیی و، تەنانەت چەندین ساڵ پاش مەرگی خەدیجە بەردەوام دەبێت.
کێ دەڵێت فەرەهاد پاش گەیشتن بە شیرین هەر خۆشەویستییەکەی بەردەوام دەبوو؟! ئایا پاش گەیشتن پێی، هەر شیرین دەبوو؟! نەمانبینیوە لێی!

بەڵام پاش هاوسەرگیری هێشا ئارامگەی پێغەمبەر«صلی اللە علیە وسلم» ئەو ماڵەیە کە خەدیجە ڕازاندویەتیەوە، ئافرەتێک هێندە بۆ مێردەکەی باشە، الله بە جوبریلدا سەلامی خۆی بۆ دەنێرێت!

«زەکەریا ژاکاو» by @aabout_quran

70

1

4 years ago

#اذكر_الله 🤍!
.
#قرآن #قران_كريم #صدقه_جاريه #صدقه #اسلاميات #اكسبلور #explore #quran #foryou #fyp #reels #iraq #kurdistan #saudiarabi by @aabout_quran

132

5

4 years ago

#اذكر_الله 🤍!
.
#قرآن #قران_كريم #صدقه_جاريه #صدقه #اسلاميات #اكسبلور #explore #quran #foryou #fyp #reels #iraq #kurdistan #saudiarabia by @aabout_quran

130

5

4 years ago