Instagram story viewer> @daa.pufferfish> Posts

Dada

@daa.pufferfish

9.4K

followers

528

following

🇭🇰🇨🇦
♥️Love family🧑‍🧑‍🧒

POSTS STORIES REELS TAGGED

一匠屋 (旺角)
旺角豉油街92號鴻都大廈地下7號舖

新開日式餐廳環境精簡舒服😌當日係平日六點幾已經滿座😱大家要早啲去食啊～

壽喜燒牛肉鍋配烏冬$74
香氣十足，薄切牛肉油脂分佈均勻，鍋入面配仲有烏絲卷，豆腐、菌類同蔬菜，慢慢滾煮之後全部吸盡鍋底精華，香甜入味。

辛辣芝士豚肉烏冬$82
烏龍麵煮得恰到好處，保持煙韌彈牙嘅質感，濃郁嘅辣醬辣度適中，混入芝士，creamy奶香，香辣但唔嗆喉。燒豚肉焦香，油香十足，肉質軟嫩。撈勻之後每條烏龍麵都掛滿辣芝士醬，有哂鹹香、微辣同奶香，口感豐厚，一碗落肚飽足感十足。

關東煮$26
有清甜蘿蔔、獅子狗卷、大豆卜同烏絲卷，完全吸哂高湯精華，入口清潤又鮮甜，唔會重鹹，飲落好舒服。 by @daa.pufferfish

3

0

3 days ago

阿來泰式地道風味 (旺角) @aroykhaomangai
旺角通菜街97號地舖

呢間真係好有泰國風味，呢個價錢必食啊！

泰式豬髀飯 $57
豬髀慢燉得軟腍入味，豬皮滿滿膠質，入口溶開。鹹甜滷香好濃，配泰國香米，再加爽脆酸菜，撈埋滷汁食，惹味又飽肚，食得超滿足。

阿來海南雞飯 $59
雞皮透亮爽彈，雞肉鮮甜嫩滑，仲係無骨，食得好方便。配香噴噴泰式雞油黃飯，撈埋自家泰式酸辣醬，爽脆青瓜伴碟，一啖落口鮮香開胃，簡單又滿足。

泰皇咖喱炒蜆 $128
蜆全部開殼新鮮無沙！泰皇咖喱椰香濃厚，帶微微辛香，蜆肉吸滿醬汁鮮甜彈牙，仲有九層塔提香，撈飯一流，佐酒都超正。

泰式炸蝦餅 $88
熱辣辣上枱！外層金黃脆卜卜，入面蝦膠彈牙，蝦香十足。蘸埋泰式甜辣醬，酸甜開胃，油份控制得宜，超正嘅泰式開胃小食。

#阿來泰式地道風味 #阿來 #旺角美食 #泰國菜 taken in 阿來泰式地道風味 - 旺角店 by @daa.pufferfish

3

0

3 days ago

WM Café & Bar (海之戀商場) (荃灣)
荃灣大河道100號海之戀商場3樓3094號舖

之前食過兩次Halloween主題同晚餐氣氛真係唔錯，性價比好高。今次又再試佢午餐，大份又抵食💗仲送龍蝦湯。

紐西蘭穀飼肉眼扒跟配薯菜/意粉/飯$128
肉眼扒厚切份量足，表面高溫香煎，焦香外殼，切開粉紅均勻，肉汁鎖得好好。入口軟滑富嚼感，油脂香唔會膩。蔬菜保持爽脆清甜，剛好中和牛扒嘅油潤。黑椒汁質感順滑，唔會蓋過牛肉本身鮮味。

62°C溫泉蛋黃金蟹肉海鮮燴意大利飯$78
泉蛋流心質感超治癒，金黃蟹膏海鮮醬濃郁creamy。每粒飯粒都吸滿海鮮鮮香，蟹肉絲絲細嫩唔腥，流心蛋拌飯口感超滑，鹹香順口，完全唔膩！

黑松露雜菌薄餅$108
鋪滿雜菌同濃郁黑松露醬，芝士拉絲感十足。松露香好出，菌類鮮甜，鹹香惹味，食完成口留香。

脆炸海苔魷魚條（8條）$18
脆炸海苔魷魚條，外層金黃酥脆，海苔香好突出！魷魚彈牙唔韌，好惹味，超適合做開胃小食。

冰川雪山 $18（原價$38，平日優惠減$20)
波子汽水配雪碧，topping有雲呢拿雪糕，賣賣相精緻，造型打卡味十足。

雪沙草莓$18 （原價$38，平日優惠減$20)
呢款唔會好甜，但都幾大杯，建議兩個人share。雪沙草莓賣相清新，雪沙質地細緻蓬鬆，唔係硬冰粒，入口瞬間融化。配上粒粒新鮮草莓，果味清爽，冰涼舒適。 by @daa.pufferfish

3

0

3 days ago

Starò (尖沙咀)
尖沙咀諾士佛臺1號9樓

慶祝生日紀念周年必選址🚩真係有驚喜又超浪漫🌹💕講明先，菜式份量一定唔係大份㗎啦，食物質素不上不下，但環境真係爆分啦，我個b勁中意啊！食物環境打卡able～精緻度100🫶🏻服務又好！下午茶餐都係$88，係包埋前菜咖！優惠喺IG follow餐廳page仲有送海膽同墨魚子醬生蠔啊🦪🥰

蕃茄水牛芝士沙律
經典意式前菜，賣相簡約舒服，紅白綠配搭打卡一流。蕃茄選得熟度剛好，肉厚多汁又甜！自然水牛芝士質感軟嫩彈滑，奶味清而不膩，無刺鼻芝士味。配上少量黑醋汁，perfect 🫶🏻新鮮度100👍🏻清爽開胃！

即刨意大利黑松露牛肝菌燉意大利飯
香氣自然真實，唔係松露油味。意飯creamy，米心保留咬口，牛肝菌厚切。菌香濃郁！

蕃茄牛肉千層麵
手工千層麵皮煙韌軟身，吸滿醬汁但唔會糊爛，面層芝士焗到半溶，口感豐富。

意大利開心果雪糕球
入口質感幼滑，慢慢喺口中融化，唔係冰粒感。開心果焙香十足，每一口都食到細磨開心果碎💚

星座蛋糕（雜莓朱古力慕絲蛋糕）
儀式感滿滿，真係必點，完全衝擊視覺啊！係藝術品💗賣相精緻，層次分明，蛋糕唔會好甜，雜莓酸酸味道中和甜味，咬到粒粒莓肉，增加口感😍

#香港打卡餐廳 #尖沙咀餐廳 #氛圍感餐餐廳 #生日餐廳 #寶藏餐廳分享 by @daa.pufferfish

189

0

12 days ago

放假就係可以精心打扮下💚🤍 by @daa.pufferfish

230

0

a month ago

至尊雲吞麵雞煲 (元朗)
元朗教育路63-69號福照樓地下2-3號舖

出邊食個雞煲都係呢啲價錢，要另外打邊爐又要另計錢，而家加埋任食打邊爐都係同一價錢，幾抵！任食材料又多選擇！我地點左個至尊惹味雞煲，外皮煎得微焦，雞肉係滑嫩多汁，加埋秘制麻辣醬料煮到好入味！食完雞肉仲可以點各款蔬菜肉類軟類烏冬打邊爐，啲材料吸滿晒湯汁勁滋味！

炸饅頭外脆內軟超好食，加埋煉奶無敵❤️

另外我幾鍾意佢個自家製羅漢果杞子菊花茶，飲落清甜又舒服，真係解膩又下火。 by @daa.pufferfish

211

0

a month ago

錯的人消耗你，對的人治癒你 by @daa.pufferfish

218

0

a month ago

海味炭烤
深圳市福田區華強北街道振華路汽車大廈AB座64號

環境光猛坐得舒服，服務好，食材豐富又新鮮！海鮮都係即叫即撈，串燒價錢親民，唔會燒到乾哂，仲保持到肉汁，留意到呢到好多香港人，都係一圍圍枱飯聚㗎！香港人咁高要求，仲要係食海鮮喎，證明呢間餐廳真係唔錯。食完真心正，好新鮮，啖啖肉！又唔會貴，必試天鵝貝，炒白貝，鮑魚同生蠔！肉質嫩滑又飽滿，無諗過比想像中好食咁多，真係好鮮甜又爽口啊！仲要係處理得超級乾淨，無沙㗎！營業時間仲要開到凌晨四點，除咗晚餐外，真係宵夜一流！我下次一定要再去啊😋👍🏻 by @daa.pufferfish

224

0

2 months ago

❤️‍🔥✨喜歡儀式感 by @daa.pufferfish

237

0

4 months ago

町町丼丼 (海盛大廈) (屯門)
屯門德政圍18號海盛大廈地下1號舖

收工唔知食乜好，又搵到個醫肚好地方，價錢實惠又飽肚，好近屯門地鐵站C出口😋而家外賣自取有八五折呀👍🏻👍🏻

麻辣口水牛肉丼
有創意，川式口水雞麻辣紅油同麻香嫁接到日式牛丼，咸甜味同川味辛香出奇夾，係bb辣，洋蔥絲墊底吸飽湯汁，肉量扎實，夠哂飽腹。

青芥末蛋黃手撕雞烏冬
清爽不膩，夏天食格外解膩開胃，烏冬煙韌爽滑，上層鋪滿撕得粗細均勻嫩雞絲，搭配青瓜絲同芫荽點綴，健康之選，油感零，完全無負擔。

滑蛋雙拼雞牛丼
雙拼搭配性價比高，相信呢款係老少咸宜，雞肉緊實、肥牛軟嫩、滑蛋綿密～

脆辣單骨雞中翼（6件）
我最愛嘅小食，雖然係炸，但唔會好多油，單骨又食得方便，外皮酥脆，辣味岩岩好。 by @daa.pufferfish

209

0

2 months ago

🤎🤍💙🖤我嘅嘉嘉😚 by @daa.pufferfish

262

0

5 months ago

哈佬冰廳 (元朗)
元朗朗樂路1號元點1樓B101號舖

係懷舊餐廳食鐵板氣氛直接拉滿～仲有新品貓山王西多食，好邪惡🙈

手掌咁大塊魚柳特餐
有餐肉、腸仔、沙律煎蛋同多士，魚柳魚柳大塊但偏鹹，但係夾埋蛋同多士食又啱啱好，好啱早餐同下午茶食。

懷舊爵士雜扒鐵板
大概$110就有得食雜扒鐵板，比起出邊食鐵板餐，呢間價錢算抵食，有齊豬扒、薄燒牛扒、雞扒同煙肉卷腸，最好食係牛扒，軟嫩。

貓山王西多
榴蓮控必點！一上枱就聞到榴槤飄香，賣相超吸睛，厚切吐司浸透蛋液煎至四邊酥脆，中間鬆軟，一開始以為西多內餡有榴槤蓉，原來個雪糕先係，不過已經好香好好食，但如果西多入邊加多少少榴槤蓉會仲吸引仲邪惡🤩 taken in YOHO MALL 形點 by @daa.pufferfish

184

0

2 months ago