Instagram story viewer> @fadlhd> Posts

Ahmed Fadl

@fadlhd

1.4K

followers

8782

following

عن النمو في الحياة والعمل
أشارك ما يستحق المشاركة من تجارب وأفكار 💭
Growth • E-commerce • Mindset

POSTS STORIES REELS

جاهز تخالفه وتمشي عكسه؟ by @fadlhd

فيه أشياء كثيرة نعرف إنها مهمة في حياتنا، لكن معرفتنا فيها شيء، وتطبيقنا لها شيء ثاني.

جمعت 8 أشياء أشوف إننا نحتاج نعطيها اهتمام أكبر، وقررت أبدأ أطبقها بنفسي لمدة شهر، وأراقب وش اللي ممكن يتغير معي.

مو شرط نكون مثاليين، ولا مطلوب ننجح في تطبيق كل شيء من أول يوم. المهم نبدأ ونحاول نستمر.

وأتوقع إننا لو التزمنا حتى بجزء منها، بنلاحظ فرق واضح مع الوقت.

خلونا نجربها مع بعض، ونرجع نهاية الشهر نشوف وش اللي تغير.

وش أكثر نقطة من الثمانية تحس إنك محتاج تشتغل عليها؟

شاركني في التعليقات، وتابعني عشان نكمل التجربة مع بعض.

#تطوير_الذات #الوعي_الذاتي #عادات_إيجابية #تغيير_العادات #تحدي_30_يوم

بتجرب معي ؟ by @fadlhd

أحيانًا ننشغل بالشغل، والمسؤوليات، وحياة الناس وتوقعاتهم، وننسى نعطي أنفسنا الوقت والاهتمام اللي تستحقه.

والأكيد إن أهم مشروع ممكن يشتغل عليه الإنسان هو نفسه.

صحته، عقله، نفسيته، والوقت اللي يستثمره في تطوير ذاته.

جمعت لكم 10 أشياء أشوف إنها تستحق منا اهتمام أكبر، وأذكر نفسي فيها قبل ما أشاركها معكم.

تابعني، أشارك هنا أفكار وتجاربي الشخصية عن #الحياة و #العمل و #النمو المستمر by @fadlhd

السعودية خط أحمر 🇸🇦

الأحداث اللي شهدتها الرياض خلال الأيام الماضية خلتني أفكر في أشياء كثيرة، وأعيد النظر في بعض المواقف

السعودية لها مكانة كبيرة في قلبي، ومهما تكلمت عن محبتي واعتزازي وامتناني لهذا البلد، ما راح أوفيه حقه. مكانتها أكبر من أي كلام، وأمنها وسلامة أهلها تعني لي الكثير

وعشان كذا، أي شيء يمس أمنها وسلامة أهلها يعنيني بشكل شخصي، والحياد في مواقف زي هذي بالنسبة لي مو مقبول

وأتمنى إن العالم يتكلم أكثر عن اللي صار، لأن أمن الناس وسلامتهم يهمنا كلنا، وين ما كان مكانك على هذا الكوكب

والأحداث هذي كشفت لي بعض المواقف. فيه ناس كنت أتوقع منهم مجرد سؤال وما سألوا، وفيه ناس ما تواصلنا من شهور وكانوا أول من سأل وتطمن على وضع الرياض ووضع اللي فيها

شكرًا من القلب لكل شخص سأل واهتم، هذي المواقف ما تُنسى
والمملكة بخير، وبتبقى بخير بإذن الله، دام فيها قيادة وشعب قلبه على وطنه

الله يحفظ السعودية وأهلها وكل من يعيش على أرضها
السعودية خط أحمر، وستبقى كذلك 💚🇸🇦

وشكرًا by @fadlhd

مو كل شيء سهل معناها ميسّر، ومو كل شيء صعب يعني إنه متعسّر.

كنت أتأمل في الفرق بين اليسر والسهولة، وكيف إننا أحيانًا نربط تيسير الأمور بغياب الصعوبات من حياتنا.

يعني إذا كانت أمورنا ماشية بدون مشاكل، نقول الحمد لله أمورنا ميسرة، وإذا واجهتنا تحديات أو تأخرت علينا بعض الأشياء، نبدأ نشعر إن الأمور تعسّرت.

لكن هل هذا التصور صحيح دائمًا؟

السهولة إن الطريق ما يحتاج منك مشقة كبيرة، أما اليسر فممكن يكون الطريق صعب، لكن ربي يهيئ لك الأسباب اللي تعينك على تجاوزه.

ممكن تمر بتجربة صعبة، لكن ربي يسخر لك شخص ينصحك، أو يفتح لك باب ما كنت تتوقعه، أو يمنحك الصبر والقدرة على الاستمرار.

وهنا أكيد نتذكر قول الله تعالى:
﴿فَإِنَّ مَعَ الْعُسْرِ يُسْرًا، إِنَّ مَعَ الْعُسْرِ يُسْرًا﴾

ولما تتأمل كلمة (مع).
ما قال سبحانه بعد العسر، قال مع العسر.

وهذا يخلينا نتذكر إن اليسر ممكن يكون حاضر في حياتنا حتى وإحنا نمر بظروف صعبة، لكن من شدة تركيزنا على المشكلة ما ننتبه للأسباب والنعم اللي ربي يسرها لنا.

طبعًا هذا ما يعني إن كل صعوبة خير، أو إننا لازم نختار الطريق الأصعب. لكن وجود المشقة مو بالضرورة دليل على غياب التوفيق.

يمكن أحيان نطلب من الله حياة سهلة، بينما اللي نحتاجه فعلًا هو أن ييسر لنا الخير، سواء كان الطريق سهل أو صعب.

اللهم يسر لنا الخير حيث كان، وارضنا به.

وسؤال لك:
هل سبق مريت بتجربة صعبة، وبعد فترة اكتشفت إن ربي يسّر لك فيها أشياء ما كنت منتبه لها؟ by @fadlhd

📖 Midra Talks
**صناعة الذات المهنية**

ندعوكم لجلسة حوارية نتناقش فيها كيف نبني حضورنا المهني بين العالم الرقمي والحقيقي، بحضور أ. أحمد فضل وأ. أروى البطاطي.

🗓️ الخميس - 3 سبتمبر 2026
📍 مقهى ميدرا - قرطبة، شارع الثمامة
🕗 8:00 مساءً

سجّل مقعدك الآن، الأماكن محدودة ✨
🔗 رابط الحجز بالبايو by @fadlhd

أرسل لك هذا الكلام قبل لا أرسله لنفسي.

يمكن بعض الأشياء في حياتنا ما تحتاج تحفيز أكثر، ولا خطة جديدة، ولا بداية أسبوع جديد.

تحتاج قرار واضح وحسم.

لا تقسو على نفسك، لكن لا تجامل عادة تعرف إنها تضرّك.

وش العادة اللي قررت ما تعطيها يوم جديد؟ by @fadlhd

مو كل شي نقدر نغيّره، لكن نقدر نغيّر طريقة تعاملنا معاه وتقبلنا له.

بدل ما نظل نتشكى وننتظر ظرف أحسن، نتأقلم مع الموجود، نقلل أثره علينا، ونحاول نحسّنه شوي شوي.

زي ما يقول الحبيب عمر العريفي؛ تقبّل الواقع، ثم حاول تحسينه

وهذي رسالة لي قبل وحبيت أشاركها وياكم

ولا تنسى طبعًا تدعي ربك انك يكون في عونك في هذي الرحلة ❤️ by @fadlhd

لحظات من يوليو، تذكرني بأهمية أن أوثق الحياة كما هي؛ بتفاصيلها الصغيرة، وتجاربها، وبكل الأشياء البسيطة التي تخلي كل يوم مختلف عن الثاني، كلمة قلتها، تجربة حلوة، كوب قهوة، قطعة حلى أكلتها او حتى انتصار بسيط على نفسك وهواها.

أوثقها علشان اذكر نفسي اني اهدأ من زحمة التفكير والمنطقية واترك المجال للامنطقية بالقيادة قليلًا 👌🏾

اغسطس، ارجوك كُن مميزًا كما عهدتك 🤩

ولحظات معبرة

ولحظات بدون معنى

ومراسلات ليليّة

واحدهم ينظر باستغراب

واحدهم يتثاءب

واحدهم يرتقب

والصديق العون عونًا وسلاما ❤️

وقمر ١٤ يبدوا آسرًا

والقليل من الرأفة

وجابها ابو جمال 🚀

وبعض ملذات دنيوية 😎🤩

يتقرب ويتقرب

و عـ هـ د مميّز

وكيكة وكوب كرك و (شوكتين) !🍴

و قهوةٌ شاميّةٌ مميزةٌ ☕️

و لحظاتٌ عشوائية

والجار وصديق الطفولة في طريقه للقفص 😁 by @fadlhd

أحيانًا أول خطوة للوصول لشيء كبير، أنك تتوقف عن اعتباره مستحيل 👌🏽 by @fadlhd

تذكير بسيط لي ولك:
فضل الله حولنا أكبر من اللي نشوفه 🤍

لو شفت الفيديو تذكر انك تحمد الله وارسله لأول احد جا على بالك تبي تذكره ❤️ by @fadlhd

⁨ في أوقات كثيرة في حياتنا، الخير ما يجي بشكل واضح

يجي على هيئة شعور بسيط من ربي يقولك:
روح، كلم، تحرك، جرّب.

وأحيانًا لما تسمع لهذا الإحساس، تكتشف إن الله ساقك لشيء جميل ما كنت حاسبه 🤍

شاركني
متى آخر مرة سمعتوا لإحساسكم وصار لكم شيء جميل ما كان في الحسبان؟⁩ by @fadlhd