Instagram story viewer> @farahart23> Posts

فرح | صلّوا على النبي ﷺ

@farahart23

367

followers

73

following

ISTP|🇰🇼
الحياة أجمل عندما تُرى بعين فنان
لانه يصنع من الخيال واقعًا جميلا

POSTS STORIES REELS TAGGED

الحياة ك اللوحة لونها بـ الوائك.
____
السلام عليكم ورحمة الله وبركاته
مدري شقول بس ان فخورة من نتيجه بالبداية اول ماشفت صوره استصعبتها على نفسي بس كسرت حاجز خوف وفعلا رسمتها ونتيجه حيل مرضيه الحمدلله والحين اخليكم مع رسمه تتاملون فيها وبتفاصيلها
____
نوع اللوان: اكريلك
حجم الورق A3 مقاس(30-40)
.
.
.
.
#drowing #art #artgallery #رسم #رسمي #رسمتي_الجديدة #رسمتي_كلنا_رسامين #رسومات_الحجر_المنزلي #رسامين #رسامين_العرب #رسامين_مبدعين_دعم_فن_موهوبين_العرب #رسامين_الخليج #رسامين_محترفين #رسامين_الكويت #مواهب_كويت #رسماتي #رسامين_عرب by @farahart23

479

141

5 years ago

على الإنسان أن يكون حنونا على نفسه كل يوم، ألا يزيد من صعوبة الحياة بقسوته على ذاته، أخطات لا بأس لقد تعلمت، خسرت إذا ستعوض، توقف عن تضييق عيشك بالحسرة والندامة، الحياة قصيرة مثل لحظة لا تستحق أن تقضيها منطويًا على حُزنك."
السلام عليكم ورحمة الله وبركاته
شلونكم ان شاء الله طيبين
الرسمه بطابع صيفي قررت ارسمها حتى لو احنا على ابواب الشتاء لان من شفتها عجبتني حيل احب هالنوع من الصور لطفله تكون مبتهجه ومبتسمه وفستان دانيتيل ولونه الفاتح الجميل هذا غير خلفيه حلوه 🙂‍↔️🩷 by @farahart23

80

28

a year ago

⁨ السلام عليكم ورحمة الله وبركاته🌱
عندما تبحر في مجال تحبه، تشعر بأن الشغف يتملكك في كل خطوة، تشعر بأن العطاء ينبع من اعماق روحك، تشعر بأن التعب لذيذ في ذلك السبيل، تشعر بأن الرحلة ممتعه وإن طال الطريق إن اردتم أن تتذوقوا لذة الحياة فاعملوا في ما تحبون، أو أحبوا ما تعملون ..

هذي من أجمل الاقتباسات الي قريتها وفعلا اتفققق وازيد عليها كلام قريته قبل فتره وهو ان الدنيا كلها متعبه بس اختار الشيء الي يستاهل تتعب عشانه- وانا طول فترة الي كنت ارسم بهذي اللوحه اتحلطم واجد انها تعبتني وانا خلاص زهقت وقطعت شهر أو شهرين ماكملتها بسبب انعدام الشغف او كسل سموها بالي تبون المهم اني اجبرت نفسي أكملها لان ادري انها جميله وتستاهل التعب الي احطه فيها وفعلا كنت محقه الحمد لله والشكراني انجزتها وعجبني بشكل ماتتخيلون النتيجة حلوه كل ماحد من اهلي يمر لغرفتي يتاملهاا جميلة ومريحة للعين
خطوات الرسمة تلقونها هايلايت (الطبيعه🌱)
ملاحظه بسيطه:
رسمت على جوانب الستاند اشياء لطيفه لهيلوا كيتي النيه كانت ارسم على الخشب كلها اي شيء يخص القطوه بس لعلي تكاسلت اكمل بحث عن صور ف اكتفيت بهذول
ف شرايكم؟👀⁩ by @farahart23

102

33

a year ago

السلام عليكم ورحمة الله وبركاته 🌱
____
رجعت اخيرا بعد انقطاع اسبوعين برسمه فخمه تعقم لكم بصركم ادري اني طولت فيها وايد بس اهمشيء انه الحمدلله والشكر ضبطت
طبعا تاملوا بكل تفاصيلها الانها صج صج تعبتني واجد كنت بكل مره ازهق واقول اسحب بس الحمدلله استمريت لين خلصتها

" لاتنسوا تذكروا الله"
_____-
⁩ by @farahart23

880

215

5 years ago

سلام عليكم ان شاء الله طيبين
الرسمه حبيتها والنتيجه حلوه بس في جزء بسيط مو عاجبني بس جمال الرسمه بكبره مغطي عليها by @farahart23

216

21

4 years ago

سلام عليكم اشلونكم ان شاء الله طيبين
رسمته لان عجبتني الجبال والغيوم ام البحر بالذاته مو حيل الان مااحسها واقعيه مجرد نسخ لصق من الصورة by @farahart23

189

24

4 years ago

سلام عليكم ورحمة الله وبركاته
[1،2،3،4،5،6،7،8]
هالبوست مو رسمه جديده بل اهي مجموعة رسمات طبيعه قديمة رسمتهم في بدايه توبتي من رسم ذوات ارواح وبداية قصتي مع الرسم طبيعة :
في فتره قعدت اتامل حالي مع الرسم و قبل جم سنة تقريبا ٢٠١٩-٢٠٢٠ كنت افر بالانستا برسمات الطبيعة للاجانب من كثر ما رسمات طبيعة حقهم حلو ويجنن تفاصيله ما شاء الله ماحتى حطيت فبالي اني بيوم من ايام ممكن ارسم طبيعه من كثر ما انه صعب لدرجه ان مافكرت حتى اني ارسم مثله او اكون من ضمن رسامين طبيعة تعرفون رياكشن الي يقول احنا فوق وانتوا تحت؟ المهم كنت ادور طريقة او اي اسلوب اطور فيه مستواي بس ابيه على سريع ما ابي اقعد سنين وانا اطور نفسي بالبطيء ف قلت خلاص اجرب رسم الطبيعة واول شيء الانه صعب وفيه مليار الف تفاصيل ويبيله تركيز وتدقيق فيه بديت فيه هو رسم الورود الي اخر صوره بالمنشور دققت في التخطيط والتلوين والدرجات اللوان اكثر من اي رسمه رسمتها قبله وكانت النتيجة حيللل مرضية وعجبتني وكانت مقاربه للصورة رغم ان درجات اللوان ماكانت بذاك المثالية او الشبة بس كنت سعيده وقلت الحمدلله بداية موفقة جدا واستمريت ارسم طبيعه مثل مانتوا شايفين بهذول 9 رسمات هذول يعتبروا بدايه مسيرتي برسم الطبيعة واهني عرفت طعم وجمال شعور الكلام الي انقالي" الله يعوضج" وكانت اجمل عوض حرفيا رغم ان في وايد اعتراضات لموقفي هذا
رغم كل هذا للحين اشوف ان مستواي مو مثل الي ابيه او الي فراسي دمج اللوان مو بالشكل المطلوب يمكن الان اللوان مائي مو مناسب للفكرة الي فبالي بل يحتاج الوان زيتي بس رح اعتبرهم فتره اتعلم بالادوات سهله والبسيطه قبل كنت اخد اي صوره اشوفها سهله واسمها ام الحين صرت ارسم بمزاجي والي يعجبني ولاحظت ان يعجبني اللوان فاتحة اكثر من غامجة واحس ان هذا الجانب الي طلع مني بالرسمات احب رسمات الي منورة وتنبعث منها حياه والي يشوفها يحس بالجمال والهدوء فيها
ختامية للقصة الطويل هذا
اني فخورة بنفسي وبهالمرحلة الي وصلت لها وانا احتاج بعد تدريب واتعلم وايد اشياء يلا اوصل للمستوى الافضل من الي انا فيه علشان ارسم رسمات اصعب وأصعب وبهالفتره ماراح اقدر ارسم بسرعه مثل قبل الي كل اسبوع رسمه صرت انشر رسمه كل شهر بس الحمدلله.
.
.
تحيه لكل من قرا كلامي هذا كله ارفع لكم القبعة by @farahart23

229

28

4 years ago

⁨
لا يوجد إنسان كامل ، ولكن تجد في كل إنسان خصلة حميدة تميزه عن بقية البشر ، يمكننا اقتباسها مـنه.
_____
سلام عليكم ورحمة الله وبركاته 🌟
اخيرا خلصت رسمه فان جوخ
طبعا هالرسمه من اكثر الرسمات الي حرفيا حبيتها وكرهتها بنفس الوقت الي من كثر ماتعبت عليها بالاخص الهلال تقشرت حولها ولازلت اشوفها بنظره سلبيه رغم ان اهي ضابطه وحلوه من بعيد بس كون اني ابيها مثاليه بزياده هذي تعبتني نفسيا الان اهي اكثر جزء عانيت فيها
مع هذا فخوره بنفسي اني سويت هالانجاز الصعب لمدة شهر ونص
و الرسمه البسيطة الي سويتها بالاكريلك بالستاند حيل عجبتني وسعيده بالنتيجه حبيت اطلع عن المالوف واحط لها رسمه بدل من الوان ساده مثل كل مره ⁦
بس الحين اخليكم مع رسمه تتاملون فيها
والي يبي يشوف خطوات الرسمه من طاطاء الى سلام عليكم تلقونه في هايلايت "نجوم الليل"
____
نوع اللوان : مائي
حجم اورق a3
المقاس :30- 40
______
#drowing #art #artgallery #رسم #رسمي #رسمتي_الجديدة # #رسامين #رسامين_الخليج #رسامين_محترفين #رسامين_الكويت #مواهب_كويت #رسماتي #رسامين_عرب⁩ by @farahart23

391

100

4 years ago

بِمَ التَّعَلُّلُ لَا أَهْلٌ وَلَا وَطَنٌ
وَلَا نَدِيمٌ وَلَا كَأْسٌ وَلَا سَكَنُ

أُرِيدُ مِنْ زَمَنِي ذَا أَنْ يُبَلِّغَنِي
مَا لَيْسَ يَبْلُغُهُ مِنْ نَفْسِهِ الزَّمَنُ
_____________
شرح القصيده بالتعليق المثبت📌
الرسمه اخذ مني 4 اشهر بشكل متقطع ماهي كامله متكاملة مثل ماتوقعتها لان خلفيه ماعرفت شنو ارسم فيها ف رسمت اي شيئ بشكل عشوائي
السوال لكم حبيتوا العيون اكثر واهي بالرصاص ولا ملونه؟ انا عن نفسي على رغم جمال الرسمه وهي ملونه بس أفضلها بالرصاص اكثر😔 by @farahart23

66

43

25 days ago

يقولون ان الرسم يشرح ما يعجز عنه اللسان
السلام عليكم
شلونكم ان شاء الله طيبين
طبعا الرسمه هذي قديمه وكانت مو مكتمله ف كملتها وغيرت بدرجات الالوان ( التظليل من اللون الأسود للبنفسجي الغامق) وبصراحه حيل فرق خلاها واقعيه واكثر جمالا
واكتبولي اقتباس او عنوان تحسونه مناسب على الرسمه واكثر اقتباس عجبني رح اثبت تعليقها هذي فعالية بسيطه 🙂‍↔️🫱🏼‍🫲🏻 by @farahart23

56

11

a year ago

العنوان : اليقين
بالانجليزي : A deep powerful certainty within.
فكره الاسم واللوحه جت من شعور الاطمئنان الي نشعره لما نثق ونتيقن ان ماكتبه الله خير لنا وان الدعاء سيستجاب مهما طال الأمد الشعور بهذي اللحظه هو الثقه والجزم انه سيتحقق فيحل مكان البرد والوحده لشعور الدفء الجميل وانه ليس بمفرده وان هناك رب عظيم يسمعنا
الرسام يعيش في حدود العالم بين الحلم والواقع، يلمس الألوان كما يلمس إنسان جرحه القديم بحذر، وبحب. حين ينتهي من لوحته، لا يشعر بالإنجاز بقدر ما يشعر بالهدوء و السكينه، كأن اللوحة هي الطريقة الوحيدة ليعبر عما يشعر به."
واخليكم الحين مع فلسفه الألوان :
الأزرق الغامق 💙
يدل على السلطة، الثقة، الذكاء، الهدوء، والاحترافية، ويستخدم للتعبير عن الموثوقية والأناقة، الجدية
. لون البنفسجي الفاتح الموف/اللافندر🪻💜
يرمز للرقة، الرومانسية، الحنين، الراحة، والجمال الهادئ، ويرتبط بمشاعر مرهفة وحالمة عكس البنفسجي الغامق الذي قد يرمز للفخامة
.اللون الوردي الفاتح🌸🩷
يدل على البراءة، الفرح، النعومة، والهدوء، ويرمز للبساطة والإعجاب الخفيف، ويضفي طابعًا أنثويًا ناعمًا مع لمسة من السعادة والسكينة.
الأزرق :🩵
يدل على الوحدة والهدوء والانسجام ويذكر الفرد بالحياة الطبيعية والبحر ويعطي شعورًا بالتخلص من الضغوط والتعب ويعبّر عن العزلة والبرود والحزن والهدوء.
الاصفر☀️💛
لون الشمس، يرتبط بالضحلك والسعادة والأوقات الجيدة ويعبرعن التفاؤل وعن المرح والدفئ لكن في الوقت نفسه قد يعبر عن القلق والإحباط
الأبيض🤍
هو لون السلام والمحبه والنقاء والنظافة، ويدل على البساطة والهدوء والأمل والتفاؤل
الأسود🖤
لون الهيبة والعمق الغامض لون السلطة والقوة والاستقرار، وهو ايضا اللون المرتبط بالذكاء ويزيد الشعور يالثقة في النفس، إلا انه مرتبط في نفس الوقت بالكابة والحزن والتعاسة
الختام:
اللوحه هذي مميزة لانها من انتاج مخيلتي الحبيبة الحمدلله والشكر تعب شهر كامل واسبوعين انتج لكم هالجمال الخلاب شكرا لكم لانكم شاركتوني تعليقاتكم الجميلة بالستوريات🙂‍↔️🩷 الي حابه يشوف التخطيط لها من بدايه للنهايه ب هايلايت "اليقين"
فعالية البوست
شاركوني شنو لونكم المفضل وعلى شنو يرمز؟ by @farahart23

70

32

10 months ago

كفٌّ يلامسُ كفًّا فاستفاقَ بهِ
نبضُ الحنينِ، وتلاشى بردُ الزمانِ

بينَ الأصابعِ وعدٌ لا يبوحُ سوى
أنَّ اللقاءَ شفاءُ الروحِ والأمانِ
___________
السلام عليكم ورحمة الله وبركاته
عدنا برسمه جديدة والنص الشعر ب اختيار صديقتي @i30rox الجميلة🙂‍↔️🩷
الرسمه حلوه. بشكل عجيب احس لو اعلقها بالطوفه مع برواز تعطي شعور بالدفء اعطوني رايكم عنها👀 by @farahart23

74

15

9 months ago