Instagram story viewer> @foodbara_diary> Posts

🍽️ 水豚覓食日記｜ꜰᴏᴏᴅ ᴅɪᴀʀʏ

@foodbara_diary

8.4K

followers

6189

following

🍽️ ꜰᴏᴏᴅ｜✈️ ᴛʀᴀᴠᴇʟ
📍🇭🇰 食玩瞓隨心記錄
🔎 ᴛᴀɢ #水豚君出沒
🍚 ᴏᴘᴇɴʀɪᴄᴇ ʟᴠ. 4️⃣ ｜ɢᴏᴏɢʟᴇ ʟᴠ. 7️⃣ ｜📕｜DP
💌 ᴅᴍ ꜰᴏʀ ᴄᴏʟʟᴀʙᴏʀᴀᴛɪᴏɴ

POSTS STORIES REELS

〚 🍝 銅鑼灣高質中西Fusion特色手工意粉〛

餐廳坐擁銅鑼灣夜景，整體環境偏向低調有質感路線，一晚已經聽到三四次生日歌，幾多人選擇係呢到慶生。餐廳除咗主打係手工意粉外，每款味道都各有特色，今次就試咗臘腸Carbonara同肉醬，肉醬香到我忍唔住掃碟。

‣ Tasting Dinner Menu $688
· Abalone Takoyaki
鮑魚夠晒大大粒，整成章魚燒原來都幾得意，味道亦好唔錯，上面啲紫菜同柴魚片令到你真係好似食章魚燒咁。

· Foie Gras Toast Chiu Chow Style
鵝肝依然都係入口即化，而豆腐同鵝肝都融為一體，鵝肝本身帶有些少甜味，唔知係咪真·潮州style，但好味。食鵝肝點蒜蓉醬都係第一次，比想像中好食。

· Aberdeen Style Chicken Cartilage
避風塘炸雞軟骨完全冇得輸，加上本身二人餐已經有酒，好快就清咗成碟雞軟骨，香口、邪惡，但好正。

· Carbonara with Guanciale & Lap Cheong
‼️超級推薦‼️ 港式臘腸 Carbonara 真係值得一試，餐廳用傳統 Guanciale 溝埋港式臘腸，臘腸嘅甜香同Guanciale鹹香爆晒出嚟，每一條扁意粉都索曬汁，口感 creamy 順滑得嚟勁有驚喜。

· Baked Cheesy Bolognese with Mafaldine
唔知嗌咩叫肉醬實冇死，個肉醬香到我刮碟，牛豬比例啱啱好。加上本身碟Mafaldine真係爆多芝士，classic但我都係會再想食。

· Sesame Basque
芝麻巴斯克嘅芝麻味濃郁到爆，質地綿密順滑，因為真係好香，有少少搶咗伯爵茶風頭，私心幾鍾意個芝麻。

· Earl Grey Cheese Cake
伯爵茶芝士蛋糕其實帶有淡淡茶香回甘，唔會好膩。但芝麻太濃令佢味道相對偏淡，太可惜食唔到豆腐芝士蛋糕，為咗豆腐下次一定會再嚟。

· ItalAsian Spritz
個人超鍾意柚子酒，呢杯柚子檸檬都唔錯，酒味唔會好濃，份量又夠大方，幾開胃我幾鍾意。

📍 Papamia
地址：銅鑼灣霎東街15號OLIV 24樓

#水豚君出沒_銅鑼灣 #銅鑼灣 #hkfood #hkfoodblogger #香港美食 by @foodbara_diary

〚 🇰🇷 尖沙咀人氣乳酪雪糕之跟韓星覓食〛

作為一個相當鍾意食乳酪雪糕嘅人，我諗點樣都要試一試Yoajung，鍾意韓團嘅人一定唔陌生，大家都會有自己推薦嘅配搭。雖然唔算好沉迷追星，但都有耳聞過，咁啱最近返工好辛苦，就好想食得奢侈啲，跟住成燦食，食完果然心情好返晒。

舖頭定期都有合作活動，而家嗌PICK Your TXT Menu就可以獲得對應成員嘅小卡，額外再送TXT團體迷你小卡一張同碗套（買一送三），買 HIP 套餐亦送TXT碗套，額外再送TXT團體迷你小卡一張，鍾意嘅朋友唔好錯過🧡

‣ RIIZE 成燦推薦 $165
配搭係：蜂巢蜜＋朱古力脆皮＋香蕉＋芒果＋香印提子＋士多啤梨Popping Candy，俾人笑係5億套餐真係好正常。七彩顏色嘅配料睇住真係好賞心悅目，蜂巢蜜連埋芒加乳酪雪糕一齊食啱啱好可以中和到啲酸味，而朱古力脆脆加埋Popping Candy就令成個雪糕有嗶嗶啵啵嘅口感，見到咁多生果又唔會有罪惡感，心情唔好嘅時候食返杯會覺得好治癒。

‣ 生士多啤梨乳酪糯米糍 $35
啲糯米糍都係即刻包，即叫即做，唔怪得之個皮依然保持軟糯嘅口感，個皮真係超薄。士多啤梨一直都係大福嘅好朋友，所以呢個組合冇得輸，作為飯後甜品真係一流。

‣ 生藍莓乳酪糯米糍 $32
藍莓個酸甜平衡得好好，而且本身藍莓夠多汁，唔會好酸，平時就係忌廉，今次食希臘乳酪冇諗過都係咁夾，你諗吓食完咁大杯雪糕再食埋個乳酪我都唔覺得膩，你就知呢個糯米糍值得一試。

📍 Yoajung
地址：尖沙咀金巴利街9號安聯大廈地舖

#水豚君出沒_尖沙咀 #尖沙咀 #hkfood #hkfoodblogger #香港美食 by @foodbara_diary

〚 🇯🇵 銅鑼灣抵食極高質超人氣串燒舖〛

人生有限杯不嬲都係我嘅愛店，幫襯咗好多次，隔一排又會有啲新產品，今次見到有蝦多士，而且喺銅鑼灣開咗間新嘅分店，老實講坐得超級舒服，環境好乾淨，大大個玻璃窗睇住出邊個夜景咁樣食法都幾chill，燈光微微昏暗幾有氣氛。

‣ 椒鹽＋紫菜味＋泰式辣醬九肚魚 $68
九肚魚炸到外酥內嫩，入口好似豆腐咁即化，點埋泰式辣醬酸酸辣辣、帶少少甜味相當醒胃。

‣ 墨魚滑+紫菜+大蝦 $68
墨魚滑爽口彈牙，每次嚟我都要嗌返一碟，加上仲有炸蝦，用紫菜包裹去炸再點千島沙律醬真的好食到停唔到口。

‣ 流心蛋薯仔沙律 $68
每次嚟都要叫返個流心蛋薯仔，通常我都會作為前菜咁食，冰冰涼涼又食得出薯仔嘅香味，夠晒綿密，如果隻蛋再流心啲就更加perfect。

‣ 蝦多士 $58
‼️超級推薦‼️ 之前都冇見過蝦多士，應該係新品，值得大家一試，中間仲有啲碎蛋令到個多士嘅口感都幾豐富。

‣ 豚肉荔枝卷 $15/1
豚肉荔枝點樣都係必嗌㗎啦，一咬落去個荔枝爆晒啲汁，鹹鹹甜甜真係極之上癮。

‣ 鹽燒三黃雞腿肉 $20/1
雞腿肉肉質嫩滑，啲雞汁真係滴晒出嚟，影緊相嗰陣都流晒口水，皮煎到微微焦香，一啖咬落去都幾滿足。

‣ 有限杯雞皮 $20/1
‼️超級推薦‼️ 雞皮真係冇得輸，外脆內軟，極之香口，淨係鹽燒已經超好食，唔怕肥嘅話嗌多幾串都得。

‣ 手切韓式封門牛柳 $28/1
牛味濃郁，口感亦都相當軟嫩，厚薄適中，係幾惹味。

‣ 豚肉牛油果卷 $28/1
綿密嘅牛油果中和咗豚肉嘅油膩感，入口口感順滑，鍾意牛油果獨特嘅香味。

‣ 紫菜鵪鶉蛋卷 $28/1
鵪鶉蛋都係有豚肉包住，而且佈滿咗紫菜碎，好似我鍾意食鵪鶉蛋我點都會叫返一串。

‣ 香燒翠玉瓜 $10/1
燒得啱啱好可以鎖住水分，咬落去真係超級多汁，加埋少少鹽提味就已經好正。

‣ 松板柚子兵衛 $58
柚子果酒本身偏甜，但係我自己個人� by @foodbara_diary

〚 🇪🇸 銅鑼灣高質聚會一流西班牙小餐館〛

好耐冇食到高質素嘅西班牙菜，賣相精緻之餘，味道亦好有驚喜，忍唔住要美言幾句。餐廳環境有種復古浪漫感，行小酒館路線，成個氛圍好 Chill 好放鬆。

‣ Roasted Whole Squid $198
一上枱就聞到超香嘅炭烤味，魷魚烤到啱啱好，口感煙靭得嚟一啲都唔鞋，鎖得住水分。上面用唔到香料做裝飾，配埋濃郁又有少少酸辣嘅特製醬汁，相當之開胃惹味。

‣ Iberico Pork Collar $258
‼️超級推薦‼️ 賣相好特別，係用咗一塊大乾葉包住上枱，成件事好有儀式感。伊比利亞豬梅肉切得厚身，但完全唔會覺得乾柴，油脂夠香唔膩。上面鋪咗烤青椒仔同脆薯仔粒，再淋上千島醬汁，提鮮又可以平衡豬肉油香。

‣ Seafood Paella $358
‼️超級推薦‼️ 大鐵鑊上枱夠熱辣辣，有大蝦、蜆肉、青口同魷魚，夠曬豐富，而且海鮮好新鮮，蝦好易拆殼，青口同蜆亦好鮮甜。飯粒夠粒粒分明，仲有微微嘅焦香飯焦，擠埋檸檬汁同蛋黃醬撈勻食係可以食唔停口。

‣ Choco churros $98
Churros 炸得外脆內軟，熱辣辣又煙靭，淋上濃郁嘅朱古力醬，再灑上碎堅果，口感非常豐富。最特別係用住個好似火山岩石嘅器皿裝住，賣相夠吸睛。

📍 Casamigos
地址：銅鑼灣駱克道487-489號駱克駅3樓

#水豚君出沒_銅鑼灣 #銅鑼灣 #hkfood #hkfoodblogger #香港美食 by @foodbara_diary

〚 🍽️ 中環地庫低調奢華法式小餐館〛

平時喺中環要食餐高質嘅法式西餐都唔容易，埋單好多時都要貴一貴。今次呢間環境好有格調又帶點復古氛圍，坐得超級舒服。三道菜嘅前菜仲可以揀生蠔，唔使額外再加錢，呢個環境個舒適度絕對對得住呢個價錢。

‣ 3-course lunch $448
· Cadoret ”Perle Noire“ N°3 Oysters
生蠔相當新鮮，入口清甜爽口，生蠔海水味平衡得剛剛好，唔會過分鹹。記住一定要搭配紅酒醋，生蠔味道就變得更加香，真係好醒胃。

· Burrata
沙律真係有驚喜，Burrata Cheese 食落極之順滑綿密，奶香味超濃郁。無花果亦好香甜多汁，配埋鹹香嘅巴馬火腿真係會食上癮，你仲會食到開心果碎嘅，我個人超鍾意。

· Braised Beef Cheek
燉牛面頰燉到非常之腍身，輕易就可以用刀叉切開，入口即化。薯蓉打得極之順滑，索晒濃郁嘅紅酒燉肉汁真係一流。加上爆香咗嘅煙肉碎同鮮甜嘅珍珠洋蔥，成道菜風味好醇厚。

· Steak Frites
色澤係好靚嘅粉紅色，牛味濃郁，口感軟嫩。搭配嘅黑椒醬一上枱個味已經好勾魂，帶啲微微嘅辛香，完全冇搶走牛肉本身嘅鮮味。薯條食得出係有特別處理過，入面嘅薯蓉極綿密，好有心機。

· Paris-Brest Chou Puff
‼️超級推薦‼️ 泡芙個皮好酥脆，入面嘅榛子忌廉香濃順滑，甜得啱啱好，完全唔覺得膩。焦糖榛子碎好脆口，私心好鍾意泡芙。

· Café Liégeois
其實就好似affogato，Espresso 配咖啡同雲呢拿雪糕，苦甜平衡得啱啱好。有少少cream做點綴，唔算好嗜甜可以叫呢個作結尾。

📍 REX Wine & Grill
地址：中環德輔道中22號One Chinachem地庫

#水豚君出沒_中環 #中環 #hkfood #hkfoodblogger #香港美食 by @foodbara_diary

〚 🇯🇵 旺角高質鹿兒島和牛棉花糖壽喜燒〛

搵餐廳嗰陣發現原來喺旺角呢啲咁方便嘅地方都有間高質壽喜燒，我係俾佢個棉花糖吸引咗，最開心係有專人幫我哋燒，唔使自己煩，都唔怕燒壞咗塊靚靚牛肉。

‣ 壽喜燒二人前 $898
鹿兒島嘅黑毛和牛果然好食，仲有張證書俾你睇，證明佢真係出自鹿兒島。油脂分佈到好似大理石紋咁靚，專人燒到啱啱好，可以同佢講話唔使燒得咁熟，醬汁鹹鹹甜甜好入味。同埋一上枱就會見到棉花糖慢慢溶落去，我覺得甜得啱啱好。
而佢嘅蘭王蛋漿係呈泡沫狀，加埋塊牛肉依然做到好似瀡滑梯咁瀡入你喉嚨入邊嘅感覺，我覺得食壽喜燒就係追求呢啲，啲油香爆晒出嚟，超級爽、超幸福同滿足。
仲有個野菜盛盒，店員好貼心會幫我哋煮好，然後提我哋食咗啲烏冬先，如果覺得行得滯可以叫佢再加水，但係我自己就鍾意鹹啲，所以都冇特別再叫佢加。我自己幾鍾意佢烏冬嘅口感，相當煙靭彈牙，偏軟身。食完最後就送個雲呢拿雪糕俾你食，見到個雲呢拿雪糕中間仲有啲黑色雲呢拿籽就覺得好幸福。

‣ 磯燒鱈魚乾 $68
作為餐前小食當然要叫鱈魚乾，烤到金黃香脆，咬落去咔嚓咔嚓響，點少少蛋黃醬同七味粉一齊食，越食越停唔到，五分鐘內都清咗碟。

‣ 黑豚五花腩 $48
黑豚五花腩油脂迫晒出嚟，外皮燒到微微焦香，肥瘦比例啱啱好。

‣ 牛舌芯 $58
燒得好彈牙、好爽口，加少少檸檬汁同餐廳比嘅芥末，我覺得都幾好食。

‣ 素拼串（秋葵；翠玉瓜；冬菇） $68
食得太多肉，都想叫少少菜，我個人幾鍾意佢嘅冬菇同埋秋葵，佢嘅冬菇依然都係保持到個水份，唔會話變到乾柴柴，秋葵都係仲有好黏滑嗰種感覺，個人嚟講幾鍾意。

‣ Netsui Ringo & Seasonal Fruit Soda $58/1
蘋果酸酸甜甜超級解膩，仲有幾塊蘋果喺隔離做裝飾。季節水果就係巨峰提子，呢杯簡直係平時我嗌開嘅常客，餐廳好有心機喺梳打隔離仲整啲花花做 by @foodbara_diary

〚 🥟 旺角超正冰花餃子之芫茜控必食〛

傳統餃子食得多，三一係比較日式嘅餃子店，不得不提係有清酒，原來清酒配餃子都幾好食。呢個配搭我都冇想像過，但原來比想像中夾。

‣ 香菜の暴走 $64
‼️超級推薦‼️ 好似我咁嘅茜人就一定覺得吸引，底下嗰層冰花煎到網狀咁脆卜卜，咬落去咔嚓咔嚓，但絕對唔係虛有其表。我自己就貪心嗌雙拼，餡料係韭菜同芫茜。一咬開嗰下芫茜嘅獨特清香爆發出嚟，但完全無掩蓋肉嘅鮮味，外香內軟多汁。我自己幾鍾意佢係搭配柚子醋，比較清新，而且搭配芫荽味道好正。

‣ 韭菜蝦皮豬肉餃 $55
佢嘅湯餃好出色，夏天都忍唔住照嗌熱湯。今次特登試芫茜豆漿湯，豆香味超級濃郁，好順滑，飲埋湯都唔會覺得好口乾。我特登雙拼揀粟米豬肉餃，粟米嘅清甜同豬肉好夾。

‣ 火焰醉雞翼 $55
一上枱就有微微嘅酒香飄出嚟，仲有個火都幾過癮。雞翼醃得非常入味，花雕酒味香濃得嚟又唔會覺得好嗱喉，作為下酒小食真係冇得輸。旁邊有啲柚子醬，就咁食又得，點埋變做柚子雞翼又得。

‣ 三一炸雞 $49
入面嘅雞肉好嫩滑，咬落去啲肉汁咇出嚟，大大嚿咬落去真係不得了。餐廳好貼心問我要唔要沙律醬，亦都俾咗好大碟我。沙律醬又冇蛋黃醬咁膩，相對上酸尾尾少少，本身唔算炸得好油膩，加上醬就更加舒服。

‣ 為酒而炸雞軟骨串 $46
唔係裹炸粉嘅雞軟骨都好正，咬落去咔咔聲好爽。上面淨係灑咗啲椒鹽，簡簡單單其實已經好好食，講明為酒而炸，飲住清酒食雞軟骨又別有一番風味。

‣ 日本清酒鮮榨生貯藏酒 $88
300mL都只係88蚊，有兩款清酒但係我自己鍾意呢一款多啲，雖然佢相對上冇咁甜，但係入口都依然咁順滑，同埋個酒味好醇厚，其實飲落都幾舒服，飲住食煎餃固然爽，但原來食湯餃個感覺都幾舒服。

📍 三一餃子 @ttdumplings
地址：旺角通菜街71號地舖

#水豚君出沒_旺角 #旺角 #hkfood #hkfoodblogger by @foodbara_diary

〚 ☕️ 觀塘高質café之超愛煲仔叉燒risotto 〛

其實都唔係第一次食呢間café，幾年前嚟嘅時候記得好鍾意佢嘅Tiramisu，望一望個Menu其實同當時食都有啲唔同。食完之後推介嘅都係tiramisu，但係我覺得佢嘅叉燒risotto都令到我印象好深刻，一定要嗌嚟試吓。

‣ Slow cook “char siu” clay pot risotto $158
‼️超級推薦‼️先唔講個煲仔外型，叉燒risotto真係相當特別，個叉燒厚身、而且一啲都唔嚡口，肉質軟嫩，輕輕一切就得。個汁用咗菠菜做底，奶香十足極creamy，仲有少少芒果粒做點綴，好值得一試。

‣ Prawn Linguine $168
蝦肉好爽口彈牙，而且佢嘅龍蝦汁味道同出邊坊間嘅龍蝦汁都有啲唔同，佢嘅香料味都幾重，會有食到中式fusion嘅感覺。而本身扁意粉都好掛汁，兩個主菜味道都比較濃郁，但呢個就鮮味比較重。

‣ Hunt signature tiramisu $78
‼️超級推薦‼️ 其實都唔係第一次食佢嘅Tiramisu，但係隔咗幾年再嚟食依然都係覺得咁好食。Mascarpone cheese 入口順滑，口感輕盈綿密，手指餅濕潤度啱啱好，索晒咖啡香同酒香，入口即化，整體甜度控制得啱啱好。

‣ Pistachio Cream Brûlée $78
燉蛋做得相當澀身，所以成個口感都幾rich，都幾突出到開心果本身嘅鹹香，中間仲有啲脆脆搭配一齊食，等你唔會覺得好膩，個人嚟講都幾欣賞佢個texture。

‣ Matcha Yuzu Breeze $56
抹茶嘅回甘配埋柚子嘅酸甜，連我都估唔到呢個組合出奇地夾，微微嘅氣泡感原來加埋抹茶都唔會顯得好古怪，都幾得意。

‣ Yuzu Pineapple Refresher $56
柚子同菠蘿呢個組合就絕對冇得輸㗎啦，夏天嚟講飲啲酸嘢食嘢都開胃啲，兩者都blend 得好好，入口清爽，甜酸度平衡得perfect。

📍 The Hunt Coffee & Roastery
地址：觀塘鴻圖道75號KOHO地下A及B號舖

#水豚君出沒_觀塘 #觀塘 #hkfood #hkfoodblogger #香港美食 by @foodbara_diary

〚 🇯🇵 旺角日式料理之大推沖繩限定ミニ丼〛

之前嚟餐廳食過鰻魚飯，覺得好正，價錢亦都好公道，今次見到佢哋係做緊沖繩限定菜式，以沖繩風味做靈感，搭配沖繩特色小食同甜品，真係好有夏日風情。而家仲有得參加抽獎，我都希望我真係抽到機票，可以再去多次沖繩旅行。

‣ 沖繩の限定ミニ丼 $122
我超鍾意個豚角煮，肉質煮得好腍同埋好香甜，本身自己都係好鍾意食東坡肉嘅人，所以好快就食完個豚角煮，私心想要大碗啲。而另一個烏冬嘅魚板係沖繩好出名嘅石獅，豬軟骨亦都煮得好入味，餐廳都真係好有心機準備沖繩系列嘅食品。一個飯一個麵其實好貼心，一個濃味啲、一個清淡啲，可以平衡返個味道。

‣ 南蠻炸雞丼拼沖繩島豆腐他他 $98
正正因為用豆腐他他，所以口感變得輕盈好多，冇他他醬本身咁肥膩。炸雞外皮好香脆，入面依然嫩滑，但由於有豆腐嘅加乘，成件事清爽好多。

‣ 沖繩豬肉煎餃子拼盤 $58
餃子嘅味道分別為原味、苦瓜同墨汁，我自己最驚喜係苦瓜味，一啲都唔會覺得苦，反而帶少少清香去中和豬肉嘅油膩感。

‣ 厚炸沖繩島豆腐 $58
外皮炸到酥脆得嚟，完全唔會覺得油膩，佢嘅炸同我想像中嘅炸都好唔同。食嘅時候會聯想起臭豆腐，但係佢一啲都唔臭，豆腐皮夠香，而入面嘅豆腐相當之滑溜，好似食緊豆腐花咁樣。就咁點鹽其實都覺得幾好食，我覺得味道都係比較清新，食落去覺得幾舒服。

‣ 沖繩四季柑雪糕拼芒果四季柑啫喱 $38
沖繩嘅四季柑本身嘅酸味都比較出，做成雪糕酸酸甜甜，當你食到飽飽嘅時候，有啲酸野反而令到你覺得冇咁滯。

‣ 沖繩四季柑梳打 $38
四季柑梳打上海嘅時候係呈現一片好靚嘅藍色，真係令到我諗返起沖繩嘅青之洞窟。而四季柑特有嘅柑橘酸香好突出，酸尾尾嘅感覺好醒胃。

‣ 芒果熱情果梳打 $38
呢杯飲落去就相對甜少少，但芒果嘅清甜同熱情果嘅果酸 blend 得幾好� by @foodbara_diary

〚 🇹🇭 尖沙咀正爆海景泰菜之大推火山排骨〛

話晒係曼谷米芝蓮推薦，其實都已經唔係第一次食，上次食完覺得啲位好坐，如果坐正窗口位仲有景可以睇，成個維港海景一覽無遺，打卡一流。個人幾鍾意個軟殼蟹，所以今次同埋朋友就過嚟再試更加多菜式。望住海景成個感覺真係去咗泰國度假咁，chill到一個點。

‣ 泰式滑蛋黃咖喱軟殼蟹 $228
‼️超級推薦‼️ 軟殼蟹炸得超級酥脆，而且一啲都唔會覺得油膩，啖啖肉好滿足。最正係個黃咖喱，質地加埋個蛋好順滑綿密，仲有少少鹹蛋黃，蛋香同咖喱香 blend 得啱啱好，濃郁得嚟帶點微甜，唔叫個薄餅真係對唔住自己，呢個小朋友食應該都ok。

‣ 泰式珍寶火山排骨 $238
一上枱都忍唔住「嘩」，因為佢嗰份量都真係唔惹少，夠晒霸氣成座山咁。排骨燉到非常之腍身，用木瓜連同豬仔排骨慢煮，所以肉質軟嫩，輕易就可以用刀叉骨肉分離，手套都唔使戴。啲青辣椒嗰種辣真係辣得好過癮，但係平時食開小辣嘅我唔會頂唔順，好啱一大班人share，值得一試。

‣ 大蝦冬陰功 $168
一入口係強烈嘅酸辣味，之後椰奶嘅滑順感會慢慢滲出嚟，飲落去好舒服。入面啲大蝦都好新鮮，蝦肉一啲都唔梅。

‣ 招牌鐵板泰式炒金邊粉 $148
用鐵板上枱夠晒 fancy，而且又維持到個溫度，擺耐咗都唔會變硬，有菜墊住所以放心唔會燶，鐵板亦係其他餐廳冇嘅gimmick嚟。金邊粉炒得唔錯，口感煙靭有咬口，調味啱啱好，唔會死甜，食到咁上下記住唧埋啲青檸落去。

‣ 芒果糯米飯伴椰奶 $88
芒果好鮮甜多汁，完全無筋，糯米飯蒸得啱啱好，口感軟糯，淋上濃郁又有少少微鹹嘅椰奶，冇嘢要彈。

‣ 印度薄餅 $40
薄餅嘅油酥香氣好正，口感煙靭，搭配黃咖喱一齊食簡直冇得彈，推薦大家一定要嗌薄餅再加咖喱。

‣ 大樹菠蘿椰子沙冰 $58
‼️超級推薦‼️ 一坐低就俾個沙冰吸引咗，飲落去真係會飲到大樹菠蘿嗰種獨特嘅味道，同時又突出到椰奶嘅香，沙冰打得好綿密，飲落去好清爽，我覺得好解辣，值得一試。

‣ 荔枝玫瑰梳打 $42
荔枝嘅清甜配埋淡淡嘅玫瑰清香，飲落去覺得相對上甜少少，但係氣泡感真係好降溫，好啱夏天飲。

📍 Nara Thai Cuisine
地址：尖沙咀廣東道3-27號海港城港威商場3樓3303號舖

#水豚君出沒_尖沙咀 #尖沙咀 #hkfood #hkfoodblogger #香港美食 by @foodbara_diary

〚 🍹 中環異國風情酒吧之大推邪惡炸魷魚〛

餐廳嘅氣氛超好，好適合一班朋友聚會，飲杯嘢、食吓小食談心，坐得非常之舒服。如果唔係特別想食意粉類嘅嘢，不妨嚟呢到食小食，送酒一流。雖然今次冇嗌酒，但飲住mocktail已經覺得好爽。

‣ Chicken Wings $108
雞翼雖然係單骨雞翼，但係份量算係咁，調味方面幾驚喜，用咗鹽膚木果，帶有一種天然嘅微鹹同埋果酸味，配埋上面爽脆嘅漬紅洋蔥，酸酸地平衡返個油膩感，非常醒胃。

‣ Crunch Fried Semi Dried Calamari $142
‼️超級推薦‼️ 呢個炸魷魚圈真係不得了，作為一個超鍾意炸嘢嘅人，我覺得冇得輸。外皮炸到超級脆卜卜，而且一點油膱味都冇，咬落去好彈牙，送酒一流。我自己個人最鍾意炸魷魚，好鍾意佢嘅蒜香蛋黃醬，拎嚟點雞翼都好正。

‣ Beef Tartare $148
好鍾意佢嘅牛肉他他用薯餅做底，牛肉切得細緻得嚟又保留到肉質嘅綿密口感。最特別係入面加咗布格麥，令到原本軟綿嘅他他多咗些少咬口，層次感即刻豐富咗。調味做得啱啱好，帶微微嘅酸香。

‣ Pork Belly Skewer $152
‼️超級推薦‼️ 呢個五花肉串一上枱就聞到好香嘅烤肉味。本身有少少擔心會唔會太肥膩，但燒過之後啲油脂迫晒出嚟，肥瘦比例啱啱好。最得意係佢嘅土耳其甜椒牛油醬，溫和得嚟帶點微微嘅煙燻甜香，同五花肉嘅油香融為一體，不知不覺就食晒成串。

‣ F&F (Frothy & Fruity) $68
飲落去嘅時候好順口，莓味好濃郁，酸甜比例啱啱好，就算加埋菠蘿整體嚟講都唔會好酸，我自己幾鍾意呢一杯特飲。

‣ Lychee & Lemongrass Mojito $68
飲落去真係有淡淡嘅荔枝同埋香茅味，荔枝味相對上出少少，唔會太酸，亦都係一個好溫和嘅特飲，所有嘢都係blend得好舒服，幾refresh。

📍 Pier 7 Cafe & Bar
地址：中環7號碼頭R樓M號舖

#水豚君出沒_中環 #中環 #hkfood #hkfoodblogger #香港美食 by @foodbara_diary

〚 🇯🇵 中環高CP值滑捋捋和牛壽喜燒〛

主打都係自己燒自己嘅牛肉，但係舖頭好貼心會有一個說明卡，跟住燒就絕對唔會出錯，唔使驚會燒爛塊肉。餐廳有分吧枱同埋卡位，好啱一個人食，特別係平時返工好辛苦想犒賞吓自己就啱晒。套餐就會包埋一份前菜、野菜盒同甜品，甜品就係芝麻雪糕，今次我哋就揀咗烏冬，佢嘅烏冬偏向爽口，我自己覺得加埋壽喜燒汁一流。

‣ 極上A5肉眼壽喜燒套餐 $298
油花五粒星呢個評價真係冇錯，油脂分佈到好似瀑布咁靚，而且充滿肉香。加埋夢王蛋一齊食塊牛肉好似瀡滑梯咁瀡入你喉嚨入邊，入口即融個幸福感真係爆燈，下次我應該會加大啲份量，食肉眼大大塊真係咪話唔爽。

‣ 日本黑毛和牛牛板腱壽喜燒套餐 $278
牛板腱係限定嘅套餐，我自己覺得超值得嗌一份試吓，肉質依然相當軟嫩，而且肉味比起肉眼稍稍濃郁少少，仲唔會覺得好膩。索晒壽喜燒醬汁嘅精華之後，鹹鹹甜甜咁非常惹味。

‣ 日本巨峰提子乳酸梳打 & 日本蜂蜜梳打 $28/1
既然餐廳唔收加一，咁就嗌多杯梳打嘆吓，同平時飲嘅梳打冇乜分別，唯一特別啲嘅就係叫咗蜂蜜梳打，覺得入口都幾舒服。

📍 關西一 A5 和牛壽喜燒
地址：中環荷李活道26號地舖

#水豚君出沒_中環 #中環 #hkfood #hkfoodblogger #香港美食 by @foodbara_diary