Instagram story viewer> @goken_192> Posts

goken_192

@goken_192

12.1K

followers

5806

following

l ☕️ 咖啡控 | 😬掃食者 l 😋試伏專員
#coffeelover #hkfoodblogger

POSTS STORIES REELS TAGGED

同朋友發現咗間好有溫度嘅隱世小酒館 🌙日頭係Cafe，夜晚搖身一變做氣氛超好嘅歐陸Bistro。成餐飯驚喜一浪接一浪，CP值高🔥

小食叫咗鵝肝多士伴自家製焦糖洋蔥 🦆🍞！鵝肝油脂喺口腔爆發，質感滑溜到不得了 🤤 配埋脆卜卜多士，層次感爆晒燈！😈

不過最有印象係蝦球麻花捲粉伴自家製馬賽海鮮汁（微辣） 🦐🍝！麻花捲粉煙韌有咬口，仲掛滿海鮮汁，鮮甜得嚟帶微微辣度，惹味到癲 🌶️！蝦球大大隻，爽彈鮮味😋

另外紅酒燉澳洲牛面頰肉🥩🍷都係水準之作。牛面頰燉到超軟腍，膠質超豐富，入口即溶。紅酒汁濃郁帶果香，配埋綿密薯蓉，正到痺✨

粟米天婦羅 🌽🍤 炸到金黃酥脆，粟米甜味喺口腔爆開；味噌燒茄子 🍆 軟糯入味，味噌鹹甜～好惹味

飲品叫咗杯紀土純米大吟釀🍶清冽順喉，米香優雅，配濃味嘢食一流。朋友嗰杯芒果香蕉Smoothie 🥭🍌 打得幼細濃稠，果香天然

最後甜品黑芝麻維他奶Tiramisu 🍰 將港式維他奶融入意式甜品，黑芝麻香濃郁得嚟帶奶香，甜度啱啱好

最驚喜係呢度嘅慶祝配套超貼心 🥳！只要點甜品，就可以免費安排喺碟上寫字，餐廳仲會貼心送上一張即影即有相片 📸 幫大家留住最靚嘅紀念一刻。無論係生日定紀念日嚟慶祝，儀式感都滿滿！🎂

📍Aha CAFE & BISTRO (上環)
蘇杭街126號地下C號舖

@aha.cafe.bistro #上環cafe #aha #香港美食 #bistrohk #上環餐廳 taken in 上環 by @goken_192

431

22

3 days ago

🙌🏻每日靠下午茶續命嘅打工仔，同時係重度芋泥控~ 我對紫色系甜品真係零抵抗力。

🥳之前試過清原嘅芋泥系列，嗰種綿密香糯淡淡芋香，真係好治癒。剛剛放工行7仔竟然見到成個雪櫃都係紫色，原來 7-SELECT 首度聯乘台灣知名芋泥甜品專門店「清原」推出一系列獨家限定甜品、烘焙產品同特飲，我即刻兩眼發光，掃咗一堆返屋企慢慢試！

🆕今次 7-SELECT x 清原系列精心打造出 10 款芋泥系列新品，包括：
💜 芋泥牛奶麻糬撻
💜 芋泥麻糬半月燒
💜 芋泥布丁
💜 芋泥巴斯克芝士蛋糕
💜 芋泥麻糬軟歐包
💜 香芋忌廉夾心蒸蛋糕
💜 香芋麻糬蒸包
💜 岩燒芋泥鹹蛋黃芝士吐司
💜 芋泥鹹蛋黃肉鬆熱捲餅
💜 椰汁芋頭飲
💜 仲有 7CAFÉ x 清原嘅香芋冰沙！

Share 一下今次其中幾款:

❤️ 芋泥牛奶麻糬撻
用咗台灣芋泥製作，中間加入軟糯嘅牛奶麻糬，撻面用芋泥擠出勁靚嘅玫瑰花瓣。
入面芋泥綿密，麻糬煙韌，三重口感一次過爆發！

👍🏻 清原芋泥巴斯克芝士蛋糕
芋泥嘅微甜配上巴斯克芝士蛋糕嘅濃郁綿密，甜度適中，忌廉芝士嘅醇厚襯托出非一般嘅香芋滋味。切開仲有濃厚芋泥夾心，由外到內都係驚喜。

其他都好味~ share埋呢

-芋泥布丁: 北海道牛奶加香濃芋泥，入口即化，底層仲有特製芋泥醬，一匙到底層次豐富，芋頭控必試。

-芋泥麻糬軟歐包: 湯種麵包軟糯濕潤，綿滑芋泥配Q彈麻糬，唔太甜，做早餐或下午茶都好啱。

-香芋忌廉夾心蒸蛋糕: 日本海藻糖蒸蛋糕，質地綿密鬆軟，包住香滑芋頭忌廉，每啖都係濃郁芋香。

-岩燒芋泥鹹蛋黃芝士吐司: 岩燒外層焦香，內餡芋泥加鹹蛋黃，鹹甜交融，台式風味十足，飽肚又滿足。

-椰汁芋頭飲: 微甜椰香，滑潤不膩，基底醇厚絲滑，飲完成個下午都好滿足。

💜 香芋冰沙
呢杯要特別介紹！製作方法好有儀式感：先購買香芋冰沙杯，撕開封膜，捏一下杯身將冰沙整碎，加熱牛奶，用粗飲管攪拌，完成飲得！飲落自然芋香同綿密口感，甜度啱啱好，清涼冰沙配搭香芋同熱奶，芋頭愛好者絕對不容錯過！

😍無論係早餐定下午茶，今次 7-SELECT x 清原都有啱你嘅選擇。各位芋泥控同打工仔，快啲去7仔試下喇！

@7elevenhk

#7ElevenHK #7ElevenMacau #7SELECT #清原 #期間限定台式芋泥風味芋泥系列 taken in Hong Kong by @goken_192

495

40

10 days ago

同朋友去尖沙咀搵食~ 入咗呢間主打正宗關西風壽喜燒嘅樓上店。絕對係近期食過最高性價比嘅壽喜燒，食材由日本直送，份量十足，優惠又多，仲要免加一，難怪咁多人過黎食喇！💪

我哋叫咗個特選三重二人盛套餐，個拼盤上枱靚到爆炸！有齊北海道豚五花、北海道A4黑毛和牛赤身、鹿兒島A4黑毛和牛肩胛三款肉品排得整整齊齊，油花靚到出汁📸✨

先講個鹿兒島A4黑毛和牛肩胛，油花均勻，放上鐵盤輕輕煎幾秒就食得。點埋壽喜燒汁同日本蛋漿一齊食，入口即溶，油脂嘅甘香同蛋汁嘅黏滑喺口腔一齊爆發，真係幸福到想喊😭🔥

北海道A4黑毛和牛赤身肉味就相對濃郁啲，牛味十足，質感嫩滑得嚟帶少少咬口，兩款和牛各有千秋，真係唔捨得停口🤤！

北海道豚五花都唔輸蝕，油脂甘香，肉質柔軟多汁，點蛋汁食都係一流🐷💯！

套餐仲跟埋刺身三點盛，三文魚厚切肥美，平貝爽甜，赤蝦鮮甜彈牙，全部都好新鮮

炸物有田樂味噌炸豆腐同唐揚炸雞，炸到金黃酥脆，熱辣辣上枱，好好味！

主食揀咗讚岐烏冬同香蔥溫泉蛋飯，烏冬軟滑彈牙，索晒壽喜燒汁嘅精華，溫泉蛋飯撈埋蛋汁同蔥花，邪惡到極點😈！

講到最屈機，一定係佢哋嘅推廣優惠🔥！惠顧二人餐所有飲品買一送一，我哋即刻叫咗兩杯梅酒梳打，清爽解膩🍶

仲可以$198加購北海道海膽刺身！想再豪啲仲可以$998加購原版北海道海膽刺身，海膽控必試🤯！另外加$118就可以升級佐賀A4黑毛和牛肩胛

最重要係全日免加一服務費，慳返嘅錢可以叫多碟肉😏！每日12:00-17:00點午市定食或壽喜燒套餐，仲送無酒精飲品一杯，午餐嚟都真係抵💰 餐廳仲會不定時推出松阪、佐賀、山形、宮崎等頂級A4黑毛和牛，全部附有和牛標籤同木牌，保證正宗

📍天澗壽喜屋（尖沙咀）
堪富利士道6-6A號爵寓1樓

@tenkan_suki_kansai_shabu_shabu #天澗壽喜屋 #尖沙咀 #壽喜燒 #尖沙咀美食 #sukiyaki taken in 天澗壽喜屋 by @goken_192

577

36

11 days ago

成日聽人講食串燒一定貴夾唔飽，今次同朋友去到旺角呢間人氣串燒店😤最正佢哋最近加推咗宵夜時段，旺角、銅鑼灣、尖沙咀分店星期一至日開到凌晨 02:30，荃灣、中環分店星期五、六開到凌晨 02:00！即係話唱完K、OT完想搵好西食，都可以過黎食野喇🌙🍻

最鍾意呢度唔單止款式多到花多眼亂，仲要好味到震。先講全晚最like ~ 焦糖青蘋果鵝肝多士！厚切又大大塊已經夠正，仲要煎到外脆內軟，一咬落去油脂即刻喺口腔爆發🤤 下面果層焦糖青蘋果，酸酸甜甜完美中和鵝肝嘅油膩感，層次感豐富到癲！

跟住試咗鹽燒原塊雞皮~ 鹽燒嗰款薄脆到好似食緊薯片咁，一啲油膩感都冇；另外新出嘅雞皮都好正！多咗份咬口，煙煙韌韌，雞皮控表示極度滿足😋

汁燒三黃雞氣管調味啱啱好。麻辣雞心同汁燒雞心各有千秋，前者辣得過癮，後者醬香濃郁，全部都係送酒恩物🍻！

海鮮方面，鹽燒白鱔兩款都食齊。鹽燒嗰款皮脆肉彈，魚油香氣喺口腔慢慢滲出嚟；日式嗰款多咗層甜甜哋嘅燒汁

焦糖鰻魚玉子燒~ 將鰻魚包喺玉子入面，面頭仲有層焦糖脆面，鹹甜交織~ 幾正的

蔬菜類都唔馬虎，孜然蒜蓉茄子都好大份～燒完出黎，軟淋淋好好味。最後再嗌埋碗鰻魚炒飯，炒飯勁爆汁，面頭有大大舊鰻魚，足料到一個點～食到勁full勁滿足

📍燒烤堂（旺角）
登打士街56號家樂坊8樓

@skewer.kitchen #燒烤堂 #香港串燒 #串燒店 #抵食串燒 #旺角美食 taken in 家樂坊 Gala Place by @goken_192

570

34

11 days ago

女友生日驚喜大作戰！

為咗幫女友搞個難忘嘅生日驚喜，最後揀咗間以花做主題嘅餐廳‼️呢度成間餐廳真係俾鮮花包圍🌸🌺全部都係靚靚花藝佈置，真係未食已經贏咗個心❤️

全晚高潮緊係最後安排嘅❤️ 侍應突然推住一台佈滿鮮花嘅手推車出場，仲有成個珠寶盒造型，而車上仲有隻識唱生日歌嘅啤啤熊🐻🎶！跟住個生日限定甜品心形蛋糕登場，靚到唔捨得食呢

食物方面～生日套餐有好多野食～先講個花廚特色菌菇湯配法包🥣，入口帶住好香嘅菇菌味，幾好味😋 跟住個嫩烤雞肉凱撒沙律🥗，雞肉嫩滑配生菜爽脆，沙律醬覆酸爽開胃

金槍魚塔🐟🥑 擺盤靚到唔捨得食！金槍魚外層密密麻麻鋪滿黑白芝麻，上面仲有一朵用牛油果雕成嘅花🥑🌸金槍魚半生熟肉質軟腍鮮甜，配埋牛油果花，質感綿密滑溜，心成個配搭清新得嚟又充滿層次

主菜玫瑰鹽烤鵝肝牛柳🥩🔥，絕對係全晚MVP！牛柳煎得啱啱好，切開粉嫩多汁，肉味濃郁。面頭嗰塊煎鵝肝外脆內軟，肉香同鵝肝嘅油潤喺口腔一齊化開，真係幸福到想喊😭！

海鮮意大利麵配鮮蕃茄醬🍝🦐都唔輸蝕，大蝦、帶子、蜆肉足料，番茄醬汁微酸開胃，每條意粉都掛滿醬汁，食到舔舔脷。

飲品方面，藍蝴蝶🦋💜，倒入檸檬汁之後由藍色漸變成浪漫紫色，打卡一流！另一杯玫瑰瑪格麗特🍸🌹，花香配酒香，微醺感覺啱啱好

📍Tomacado 花廚 (銅鑼灣)
世貿中心2樓L2-06號舖

@tomacado.hk #銅鑼灣美食 #生日飯推介 #花花主題餐廳 #慶祝餐廳 #儀式感 taken in Tomacado花廚 HK by @goken_192

574

36

16 days ago

尖沙咀開咗間喺首爾有成39年歷史嘅過江龍，全韓超過300間分店，名氣響到不得了😎上到去間野成3000呎超大~ 材料同醬汁大部分由韓國直送，主打「媽媽烹調嘅家常味道」😋 食物份量又係超大件😍樣樣都好好味~ 絕對會帶朋友再番黎食呀

入到去店員就捧住個傳統韓式花紋大托盤上枱，上面擺滿晒各式各樣嘅小菜，仲要係無限任添‼️未食主菜已經飽左一半

👍🏻點左份 Obongzip Special ~ 入面包晒必食咁多款

❤️最正一定係招牌直火辣炒八爪魚🐙！話隻八爪魚每星期由釜山直送到港，用傳統直火快炒，一上枱已經聞到好香嘅焦香同鑊氣。

八爪魚超大條！厚肉彈牙，咬落去鮮甜得嚟帶住微微焦香，配埋個秘製甜辣醬，真係惹味到癲！最正係跟埋兩碗紫菜飯，紫菜嘅鹹香同八爪魚嘅🌶️鮮辣真係完美融合，勁送飯呢

😍另一道招牌韓式菜包肉都係必食！豬肉用慢火煮咗幾個鐘，肥瘦均勻，入口軟嫩得嚟帶油香，一啲都唔膩。用生菜包住塊肉，再加埋泡菜同辣蘿蔔絲，層次豐富到不得了

😌再叫埋入海鮮煎餅拼泡菜煎餅。海鮮煎餅外層煎到金黃脆卜卜，咬落去仲食到粒粒魷魚同蝦仁，鮮味十足；泡菜煎餅就酸辣惹味，泡菜嘅發酵香氣喺煎香之後更加突出，兩款點埋個特製醬油一齊食，真係好食到停唔到口！

🍬食到尾聲，梗係要試佢哋個爆紅嘅拉絲麻糬烤年糕🍡！年糕炸到外層金黃香脆，入面係超級煙韌嘅麻糬，一咬落去拉絲效果勁誇張，真係想點拉就點拉。面頭灑滿香甜嘅黃豆粉，再蘸少少蜜糖食，鹹甜交織，超邪惡😈

📍五福 (尖沙咀)
金馬倫道23-25A號金馬倫廣場2樓

@obongzip.hk #五福 #Obongzip #오봉집 #尖沙咀 #韓國菜 taken in 金馬倫廣場 by @goken_192

609

56

16 days ago

旺角樓上浪漫月球——J.Moon 6道菜晚餐體驗 🌕🍷

揀左呢間旺角樓上餐廳同朋友食好西~ 餐廳以月球做主題，天花掛滿160盞月球波波燈~ 估唔到仲有$2XX左右嘅法式6道菜晚餐。環境同氛圍嚟講，性價比真心高到癲💰。

👍🏻餐前小食有免治吞拿魚三文魚籽脆撻同芥末墨魚蔬菜牛油撻: 脆撻牛油香好濃，咬落去鬆化得嚟帶牛油香氣，吞拿魚蓉鮮甜，三文魚籽喺口腔卜卜爆開，鮮味即刻彈出嚟❤️ 另一款墨魚粒彈牙，芥末香微微哋唔會搶喉，兩款一齊食，層次感即刻打開晒🤤

❤️鵝肝慕絲配烤布里歐麵包，鵝肝慕絲滑到好似絲綢咁，入口即溶，油脂香氣喺口腔慢慢化開，配埋烘到金黃酥脆嘅布里歐麵包，好味

🥣 牛肝菌蘑菇忌廉湯，湯身厚身濃稠，入口綿滑得嚟帶陣陣牛肝菌嘅獨特香氣

📌主菜我哋試咗兩款。香脆西班牙杜洛克豬鞍配芝士酸忌廉，豬鞍燒到外層微焦，切開肉質嫩滑多汁，配埋芝士酸忌廉醬，鹹香得嚟帶微微酸味，正好平衡豬肉嘅油香🐷

📌另一款炭燒澳洲穀飼西冷牛扒，叫咗5成熟，切開粉嫩肉心，肉味濃郁，炭燒香氣滲晒入肉質入面，配埋紅酒汁同薯仔千層批，每一啖都大滿足🥩

飲品梗係要試佢哋嘅星座Cocktail啦！我揀咗Pavo，以抹茶、夏威夷果仁同牛奶調製，飲落奶香濃郁得嚟帶抹茶嘅甘醇，口感順滑，甜度啱啱好，完全唔覺得係飲緊酒🍵🥛

另一杯Gemini，以香茅伏特加做base，加入芒果乳酪、青檸、奇異果汁同菠蘿泡沫，飲落酸甜清爽，果味突出得嚟帶微微香茅香氣，好易入口

最後嘅是日甜品為呢餐畫上甜蜜嘅句號，朱古力蛋糕質感濕潤軟綿，甜度拿捏得啱啱好，食完一啲都唔覺膩🍫。

📍J.moon (旺角)
西洋菜南街1A-1K號百寶利商業中心4樓

@j.moon.lounge #Jmoon #chillplaceMK #hklounge #月球主題 #旺角好去處 taken in J.Moon by @goken_192

582

41

19 days ago

前排同朋友去尖沙咀韓國街搵食，再次黎到呢間老字號私藏飯堂食番餐~ 入到去，成間舖頭真係好有傳統韓國家庭裝潢嘅感覺，牆上掛住啲韓國傳統裝飾，坐低好似去咗韓國朋友屋企食飯咁，舒服又親切😌

呢度嘅套餐組合選擇多，可以按自己口味自由配搭，我哋揀咗個傳統套餐，跟埋四款韓式前菜——泡菜、韭菜、魚糕、醃蘿蔔，款款都醃得啱啱好，酸辣開胃。仲有碗熱辣辣嘅海帶湯，清清哋暖吓胃。

❤️韓式牛肉飯（Bulgogi Rice Bowl）
個碟大得誇張，一邊係倒模成形嘅白飯，另一邊係鋪到滿一滿嘅炒牛肉。牛肉係碎上嘅，同高麗菜絲、紅蘿蔔絲一齊炒，索滿晒韓式醬汁，色水靚之餘仲好惹味。撈埋啲熱辣辣嘅白飯一齊食，牛肉嘅鮮甜同蔬菜嘅清爽夾得啱啱好，唔會太鹹或者太油，啖啖肉好滿足🤤。

👍🏻牛肉飯 (Sliced Short Ribs)
牛排骨切件，放喺熱辣辣嘅鐵板上枱，滋滋聲響晒。牛排骨醃到入晒味，肉質軟嫩得嚟帶少少咬口，面頭灑滿蔥花同芝麻，配埋炒到香甜嘅洋蔥絲，油脂香氣喺口腔爆發，真係好食到唔捨得停口！

‼️最過癮係最後仲有支韓版益力多做甜品🍼，細細支好得意，酸甜解膩

📍家家戶戶 (尖沙咀)
金巴利街1B號恆港中心地下1號舖

@gagahohohk #家家戶戶 #Gagahoho #尖沙咀美食 #韓國街 #老字號 taken in 尖沙咀金巴利街 by @goken_192

518

29

19 days ago

10.1 黃金週同老友出街行到身水身汗，點可以唔試吓呢杯限定茶飲‼️

今次見到霸王茶姬搞搞新意思，推出咗港澳限定版味道——「伯爵紅茶系列」🎉 我緊係即刻去朝聖！

😍最正嘅係……買奶茶竟然有得玩「盲．袋？！一抽就係港澳限定珍藏🎁✨！都有好幾款好靚~ 例如, 又百搭嘅港澳限定·伯爵紅茶系列絲巾！超得意嘅城市冰箱貼盲袋（有4 款）款款都係港澳最具代表性嘅地標建築與回憶，抽中邊款都咁開心！

📸即埸打卡福利：有機會可以免費拎走【港澳限定·城市明信片】，同包埋免費郵寄服務添 💌 儀式感真係直接拉滿！

🥤 今次兩款新品，我同朋友都試晒，真心高質：

👉 伯爵紅茶龍眼 ❤️ 一打開杯蓋就聞到陣陣優雅嘅佛手柑幽香～聽講茶底係由斯里蘭卡三大知名產區紅茶拼配而成！入口係濃郁醇厚嘅優質牛乳同鮮甜龍眼蜜嘅完美交融，唔單止有清甜嘅花果香，仲有雙重茶果口感帶嚟嘅滑順回甘，甜而不膩，真係飲一啖就徹底愛上！

👉 伯爵紅茶珍珠碎碎冰 ❤️ 面頭鋪滿咗厚厚一層鹹香芝士奶蓋同香脆嘅碧根果碎，中間係綿密冰沙，底層仲有 Q 彈有咬口嘅黑糖珍珠碎碎冰，冰爽彈潤，口感層次豐富到極點！

🛍️包裝方面真係落足心思！限定包裝上面印咗「HONG KONG」同「MACAO」字樣，仲融入埋經典嘅叮叮車同棕櫚樹手繪風景，靚到真係忍唔住瘋狂打卡影相📸✨！

😌今個假期，大家都快啲約埋班 Friend 一齊去試新嘢，順便睇下大家嘅手氣抽唔抽到心水款式啦！❤️

@chagee.hkmacao

#和朋友一起出發現在地風味 #霸王茶姬中国港澳限定
#這一杯我們香港這樣喝 #這一站發現伯爵新風味 #霸王茶姬中國⾹港 taken in 利東街（喜帖街） by @goken_192

633

31

20 days ago

‼️說好的減肥呢‼️

同朋友去呢間超多人嘅麻辣火鍋放題擦餐勁，最低$2XX就食到捧住個肚走，性價比高到一個點🔥！最正係佢哋嘅乳鴿、海鮮同Häagen-Dazs雪糕全部任食，食完真係飽到上心口❤️

🐧先講燒乳鴿皇，呢個真係全晚最大驚喜🐦！乳鴿即叫即炸，上枱熱辣辣，一咬落去肉汁「咇」晒出嚟，肉質嫩滑得嚟帶乳鴿獨有嘅甘香，完全唔乾柴。真係忍唔住每人起碼‼️食咗兩隻，係全晚最驚喜嘅回本位🏆。

🐛講到海鮮，呢度嘅大頭蝦真係冇得輸🦐！每隻都大大隻，蝦頭塞滿橙紅色嘅蝦膏。蝦肉結實彈牙，鮮甜到忍唔住encore咗又起碼三轉。除咗大頭蝦，仲有沙白同帆立貝，沙白完全冇沙，鮮甜帶天然海水鹹香；脆肉鯇都係必食，爽脆彈牙，魚油香氣喺口腔慢慢滲出嚟，正到痺！

🐸肉類方面，SRF美國極黑和牛片油花分布平均，入口嫩滑牛味濃🐄。特上牛小排油脂甘甜，肉質軟嫩多汁。

最後一定要留肚食甜品，Häagen-Dazs雪糕任食🍦‼️

🔥有幾款口味揀，全部雪櫃拎出嚟，冰涼幼滑，奶香濃郁，食完辣嘢嚟一杯即刻降火。仲有韓國Melona雪條同自家製甜品，真係完美收尾✨

📍牛駅麻辣火鍋放題(銅鑼灣)
銅鑼灣廣場二期11樓

@beefstationcwb #牛駅麻辣火鍋放題 #銅鑼灣美食 #香港放題 #乳鴿任食 #大頭蝦任食 taken in 銅鑼灣廣埸二期 by @goken_192

601

28

20 days ago

今次黎到銅鑼灣呢間隱世日本料理，一次過食齊Omakase同鐵板燒，每樣都係高質出品🔥 性價比真心高，會再去多幾次呢~

先嚟刺身環節🐟💥

日本間八魚，薄切果邊肉質結實清甜，點少少柚子酸汁，鮮味即刻彈出嚟！🍋 另一邊包住海膽，兩樣野完美融合，幸福感爆燈！🤤💜

日本梭子魚，外皮經火烤油香滲晒入魚肉度，油脂香氣久久不散，正呀🔥🐟

壽司四點同樣冇得輸！🍣✨

- 沙甸魚壽司係當造時令，銀光閃閃，魚味濃

- 煙燻平政魚壽司，煙燻味意外地濃郁，越食越香💨

- 野生藍鰭吞拿魚更加係焦點所在，三片不同部位，中拖羅爽滑，大拖羅油脂豐富到入口即溶，兩種口感喺口腔交織，平衡得啱啱好！

- 紫海膽壽司，當造入口比起平時食開嘅更Creamy、更濃味，真係極致享受！💜

鐵板燒環節🔥👨‍🍳

- 煎魚配柚子汁，魚皮煎到金黃酥脆，同時保持魚肉嫩滑，柚子汁嘅酸香完美平衡油脂感。🍋

- 鮮菇煮大扇貝加入牛油、秋葵同香菇，扇貝細嫩彈牙，配埋個鮮甜湯汁，好味

- 沙巴虎蝦大大隻肉質爽彈，最正係師傅用蝦頭膏去煎，嗰種回甘鮮味真係齒頰留香！🦐🔥

- 超厚切鵝肝多士，鵝肝煎到外脆內軟，油香濃郁到一個點，配埋脆卜卜多士，邪惡到爆燈😈

- 美國特級牛肉薄燒係signature之一，牛味濃，肉質軟嫩，包埋金黃炸蒜粒同蔥花一齊食，超惹味

跟手師傅即席炒咗個鐵板和牛炒飯同炒雜菜，炒飯粒粒分明，乾爽入味；雜菜爽脆清甜，剛剛可以平衡番❤️味噌湯用咗成隻蝦身蝦殼去熬，鮮甜到一個點🦐

最後甜品有柚子雪葩同時令日本蜜瓜，雪葩酸甜清爽，蜜瓜香甜多汁，食到最尾真係飽到上心口，勁滿足！

📍旭 (銅鑼灣)
銅鑼灣希雲街38號地下2號

@kyokuhk #旭 #Kyoku #銅鑼灣美食 #Omakase #鐵板燒 taken in 旭 - 銅鑼灣 by @goken_192

504

49

24 days ago

放工去7仔買杯野飲諗住唞下，係我每日嘅小確幸。見到隻黑貓「十八Bro」佔據咗7CAFÉ同7-SELECT，原來出咗聯乘黑芝麻新品同盲盒，即刻試吓先😌

7-Eleven原創IP「十八Bro」推出多款精品：發聲公仔盲盒、輕便TOTE BAG、大頭毛毛咕𠱸、Chill解壓公仔、刺繡貼紙。
我抽中微波爐款，有「叮一聲」之後係「喵喵聲」，又真係幾治癒😌 每款內置「Meow」聲效，輕拍即發聲，仲可以掛袋或鎖匙扣，發聲器拎走仲可以放散銀。

🆕 「十八 Bro」首次聯乘 7-Eleven 兩大自家品牌 7-SELECT 及 7CAFÉ 打造4款黑芝麻系列新品包括:
7-SELECT 黑芝麻冬甩
7-SELECT 黑芝麻麻糬曲奇
7CAFÉ 黑芝麻冰沙
7CAFÉ 黑芝麻鮮奶
全部都配上全新「十八 Bro」限定包裝🐈‍⬛

我淨係差冰沙未試到！即刻同大家share😍

🥇 7CAFÉ 黑芝麻鮮奶
用黎自日本芝麻粉，將香濃黑芝麻同鮮奶完美融合，散發濃郁醇厚天然香氣。杯套有「十八Bro」躺芝麻堆，chill到爆❤️

🥈 7-SELECT 黑芝麻麻糬曲奇
外層曲奇香脆鬆軟，內裡煙韌Q彈麻糬餡，包裝印上「十八Bro」趴喺巨型曲奇上，好似等緊開罐罐咁為食😂

🥉 7-SELECT 黑芝麻冬甩
香濃黑芝麻融入煙韌Q彈冬甩，表面覆蓋黑芝麻粉外層，又香滑又Q彈～包裝上「十八Bro」匿埋係冬甩入面，幾Q😌

‼️你地都快啲去7仔抽盲盒、試吓新野👍🏻獎勵下自己啦！

#7ElevenHK #7ElevenMacau #十八Bro #18Bro

@7elevenhk taken in 香港 by @goken_192

384

36

23 days ago