Instagram story viewer> @iamrouamechergui> Posts

iamrouamechergui

@iamrouamechergui

110.3K

followers

816

following

أفهمك لغة الجسد بدون تعقيد
كيف تحكي، تتواصل وتفهم اللي قدامك
لأن حضورك بيحكي قبل كلامك 🎤. احجز جلستك الفردية الآن 👇

POSTS STORIES REELS

مين قال إنّ الشخص الخجول ضعيف الشخصية؟ 👀

ممكن تكون واثق بقدراتك، ومع هيك تتردّد بالتعبير عنها. الخجل ممكن يخفي جزء من قوّتك عن الناس… بس ما بيلغيها.

بتحليل مقابلة خديجة معاذ، منحكي عن الخجل والحضور، وليش مش ضروري يختفي خجلك لتبلّش. الممارسة بتفرق، خطوة خطوة 🤍

بأي موقف بيطلع خجلكن أكتر؟ 👇

#الشخصية_الخجولة #خديجة_معاذ #مهارات_التواصل #RouaMechergui #sp by @iamrouamechergui

ليش كتير ناس بيخلطوا بين الشخص الانطوائي والشخص الخجول؟ 🤔

لأن أوقات منشوف نفس التصرّفات، بس ما مننتبه إن الأسباب وراها مختلفة تماماً!

مش كل شخص ساكت خجول، ومش كل شخص انطوائي بيخاف من الناس!

إنتوا بتعتبروا حالكن خجولين، انطوائيين، أو الاتنين؟ 👀❤️

⸻

Why do people confuse introversion with shyness? 🤔

Because the same behavior can have completely different reasons!

Being introverted doesn’t necessarily mean being shy.

Are you shy, introverted, or both? ❤️

#الشخصيات #الانطوائية #الخجل #مهارات_التواصل RouaMechergui by @iamrouamechergui

إنت أي شخصية فيهم؟ 👀

نفس الاجتماع، بس 3 شخصيات و3 طرق مختلفة بالتواصل!

الشخص الخجول ممكن يتردد خوفاً من أحكام الناس، والانطوائي بيفضّل يراقب ويسمع، أما المنفتح اجتماعياً فغالباً بيبادر بالحكي والتفاعل.

كل شخصية إلها طريقتها، ومش معناتها إن وحدة أقوى من التانية!

خبروني بالكومنتس: مين فيهم بيمثّلكن؟ 😂❤️

⸻

Which one are you? 👀

Same meeting, three personalities, and three completely different ways of communicating!

The shy one may hold back, worried about being judged. The introvert prefers to observe and listen, while the extrovert is usually the first to start a conversation and engage with others.

Each personality has its own strengths—none is better than the other!

Tell us in the comments: Which one sounds most like you? 😂❤️

#الشخصيات #لغة_الجسد #مهارات_التواصل #الانطوائية #RouaMechergui by @iamrouamechergui

الانتقال من التعلّق القلق إلى التعلّق الآمن قوّة ما بيفهمها إلا اللي جرّبها. ❤️

نمط التعلّق مش صفة ثابتة بشخصيتنا، بل طريقة تعلّمنا فيها نتعامل مع القرب والخوف من الفقدان. والأجمل إنه فينا نغيّر هالنمط بالوعي، وفهم مشاعرنا، وتعلّم طرق تواصل أكثر أماناً.

نمط تعلّقك مش حكم نهائي عليك، والتغيير ممكن.

#التعلق_القلق #التعلق_الآمن #أنماط_التعلق #الذكاء_العاطفي #RouaMechergui by @iamrouamechergui

كيف تتعامل مع الشخصية الحدّية من دون ما تخسر حالك؟ 🧠

التفهّم مش معناه تتحمّل كل شي، ووضع الحدود مش معناه إنك ما بتحب الشخص.

التواصل الصح هو إنك تفهم مشاعره، تعرف إمتى تطمّنه وإمتى تعطيه مساحة، وتحافظ على حدودك من دون ما تجرحه أو تخسر نفسك. ❤️

How do you communicate with someone with Borderline Personality Disorder (BPD) without losing yourself?

Empathy doesn’t mean tolerating everything, and boundaries don’t mean a lack of love.

The key is understanding their emotions while protecting your own emotional well-being.

#الشخصية_الحدية #اضطراب_الشخصية_الحدية #مهارات_التواصل #RouaMechergui #BPD by @iamrouamechergui

٧ تصرّفات ممكن تلاحظوها عند الشخص اللي عنده اضطراب الشخصية الحدّية! 🧠

مش كل ردّة فعل قوية معناها شخصية حدّية، بس في أنماط متكرّرة بتساعدنا نفهم هالاضطراب أكتر.

والهدف مش إننا نشخّص الناس، بل نفهم تصرّفاتهم ونتعلّم كيف نتواصل معهم بطريقة أفضل. ❤️

7 behaviors you may notice in someone with Borderline Personality Disorder (BPD).

Understanding these patterns helps us communicate better, not label or diagnose others.

#الشخصية_الحدية #اضطراب_الشخصية_الحدية #مهارات_التواصل #RouaMechergui #BPD by @iamrouamechergui

تأخّر بالرد، لحظة صمت، أو موقف بسيط… ممكن يحرّك مشاعر وأفكار قوية عند بعض الأشخاص اللي عندن هالاضطراب.

قبل ما نحكم على ردّات الفعل، خلّينا نفهم شو ممكن يكون عم يصير من جوّا. ❤️

What goes on inside the mind of someone with Borderline Personality Disorder (BPD)?

Sometimes, the smallest moments can trigger intense thoughts and emotions. Understanding what happens internally can help us communicate with more empathy.

#الشخصية_الحدية #اضطراب_الشخصية_الحدية #مهارات_التواصل #RouaMechergui #BPD by @iamrouamechergui

كيف نتعامل مع الشخص اللي عنده اضطراب الشخصية الحدّية؟ 🤔

حتى نعرف كيف نتواصل معه، لازم أول شي نفهم مشاعره، مخاوفه، وليش أحياناً بتكون ردّات فعله حادّة.

بهالفيديو رح نشوف كيف ممكن نتعامل معه بطريقة فيها فهم، وضوح وحدود صحّية. ❤️

How do we communicate with someone living with Borderline Personality Disorder (BPD)? Understanding their emotions, fears, and reactions is the first step toward healthier communication.

#الشخصية_الحدية #اضطراب_الشخصية_الحدية #مهارات_التواصل #RouaMechergui #BPD by @iamrouamechergui

الشخصية الحساسة… افهمها قبل ما تحكم عليها! ❤️

في كلمات من طفولتنا بتضلّ عالقة بذاكرتنا لسنين، وفي كلمات منسمعها بحياتنا اليومية ومننساها بسرعة، بس الشخص الحساس ممكن تضلّ مأثّرة فيه لفترة طويلة.

مش بالضرورة لأنه بيبالغ، بل لأنه ممكن يعيش الموقف ويتفاعل معه عاطفياً بعمق أكبر.

ولما نفهم كيف الشخص الحساس بيسمع الكلام، كيف بيفسّره وكيف بيحسّه، منقدر نتعلّم كيف نتواصل معه بطريقة أوعى، من دون ما نجرحه أو نستهين بمشاعره.

التواصل الفعّال بيبلّش من فهم الشخص اللي قدامنا، مش من الحكم على ردّة فعله. ❤️

Sensitive Personality — Understanding Before Judging

Some words stay with us from childhood, while others from everyday conversations can leave a lasting emotional impact.

When we understand how sensitive people perceive, process, and feel certain words, we learn how to communicate with them more effectively and empathetically.

Better communication starts with understanding, not judgment.

#RouaMechergui #الشخصية_الحساسة #مهارات_التواصل #الذكاء_العاطفي #علم_النفس by @iamrouamechergui

ستيفاني عطالله ورجّتنا جانب مهم من شخصية الإنسان الحساس. ❤️

ممكن يكون شخص اجتماعي، بيضحك وبيمزح، بس بنفس الوقت كلمة صغيرة من شخص بيعني له كتير ممكن تجرحه.

الحساسية مش بالضرورة ضعف أو قلة ثقة بالنفس. أحياناً الشخص بيتأثر أكتر لأنه بيعطي أهمية كبيرة للكلام وللعلاقات.

وهون بيجي دور التواصل: نفهم مشاعر الشخص من دون ما نستهين فيها، ونتعلّم نعبّر عن ملاحظاتنا بطريقة واضحة ومحترمة.

Stephanie Atala showed us an important side of emotional sensitivity. ❤️

Someone can be funny, outgoing, and confident, yet deeply affected by the words of people they care about.

Sensitivity isn’t necessarily weakness. What matters is how we understand, express, and respond to emotions.

برأيكن، شو أكتر شي بيجرح الشخص الحساس؟

What hurts a sensitive person the most? 👀

#RouaMechergui #ستيفاني_عطالله #الشخصية_الحساسة #مهارات_التواصل #الذكاء_العاطفي by @iamrouamechergui

الشخص الآمن نفسياً (Secure) vs. الشخص غير الآمن (Insecure) 🧠

الفرق مش إن واحد عنده مشاعر والتاني لا… الفرق بكيف بيتعاملوا مع مشاعرهم ومع الآخرين، خصوصاً وقت الخلاف أو المواجهة.

الشخص الآمن بيقدر يسمع، يناقش، يعترف بغلطه ويحط حدود من دون ما يجرح.

أما الشخص غير الآمن، فممكن يشوف النقد كأنه تهديد، ويلجأ للدفاع عن نفسه، اللوم أو قلب الأدوار.

الأمان النفسي مش ضعف، وعدم الأمان مش حكم نهائي على شخصيتك. الاتنين ممكن يتأثروا بتجاربنا، وفينا نطوّر طريقة تواصلنا مع الوقت.

Secure vs. Insecure 💬

The difference isn’t about having emotions. It’s about how we manage them and communicate, especially during conflict.

Secure people tend to listen, take accountability, and set healthy boundaries. Insecure people may become defensive or perceive criticism as a threat.

والسؤال إلكن: بأي شخصية شفتوا حالكن أكتر؟ 👀

#RouaMechergui #مهارات_التواصل #الأمان_النفسي #الذكاء_العاطفي #تطوير_الذات by @iamrouamechergui

مش كل مدير قائد… ومش كل شخص عنده سلطة عنده شخصية قيادية!

إذا بدك تعرف القائد الحقيقي، ما تراقبه وقت كل شي ماشي منيح… راقبه وقت تصير مشكلة!

من خلال تجربتي بتدريس مهارات القيادة، ومن الأفكار اللي تعلّمتها وما زلت بتعلّمها من Simon Sinek، تأكّدت إن القيادة مش منصب، بل مسؤولية وذكاء عاطفي وقدرة على التعامل مع الناس.

القائد الحقيقي ما بيخلق الخوف من الأخطاء، بل بيخلق بيئة فيها ثقة، مسؤولية وأمان للتعلّم والتطوّر.

الفرق بين الـBoss والـLeader مش بالسلطة اللي عنده… بل بطريقة استخدامه إلها.

برأيكن، شو أهم صفة لازم تكون موجودة بالقائد الحقيقي؟ 👇

#القيادة #الذكاء_العاطفي #مهارات_التواصل #SimonSinek #RouaMechergui by @iamrouamechergui