Instagram story viewer> @josephndaro> Posts

Professor JN

@josephndaro

9K

followers

315

following

The Big Name
🏢 Founder & CEO
📡 Uni Media Group Limited - @unimediatz @uniawards_tz @mamageniustz
🌎 TZ🇹🇿
📩 [email protected]

POSTS STORIES REELS

Reposted from : @unimediatz
.
WINO UMEMWAGIKA ( SWIPE LEFT )

Mkurugenzi mtendaji wa Unimedia na Uni Awards Tanzania ( MD Joseph Ndaro @josephndaro ) amemwaga wino na Kampuni ya uuzaji wa Bidhaa bora za urembo na vipodozi @dreamcosmetics_beauty

Mkurugenzi anafanya yote kwaajili ya vijana waliokuwepo vyuoni nchini wenye ndoto na vipaji mwaka huu walitumie jukwaa la Uni Awards Kama sehemu ya Maisha yao kuvinoa vipaji vyao na kuonekana duniani

Mkurugenzi amesema mwaka huu "HAKUNA KUSUPP " amewakumbusha wanavyuo nchini walitumie jukwaa la Uni Awards vizuri na Kulieenjoy

Karibuni familia ya dream cosmetics kwenye tuzo kubwa nchini, Wanavyuo wamewapa nyota zenu tano.

#UniAwards2024 #HakunaKusupp #dreamcosmetics #WakatiWaMungu

cc:
@dreamcosmetics_beauty
@uniawards_tz
@unimediatz
.
Mwandiko @thisisnogoh by @josephndaro

Ufunguo wa safari ni Malengo yaliyojaa shauku ya kufika kwenye kilele cha mafanikio na kujifunza jinsi ya kupata kile unachotaka ili kutengeneza msingi imara wa malengo yako.

#LifeofJN
.
Cc
@dktabbasi by @josephndaro

Wakati nikitafakari kitu gani kipya na cha kipekee ambacho UNI Awards Season 8 inaweza kuwaleta wanachuo pamoja, nilikuwa na swali moja muhimu: Nawezaje kuifanya UNI Awards isiwe jukwaa la kutambua vipaji pekee, na kuwa daraja la fursa mafanikio kwa vijana?

Katika kutafuta jibu, nilikuwa nikimfikiria mdhamini wetu mkuu, SILENT OCEAN, namna ambavyo kampeni yake ya KIPATO CHAKO CHATOSHA inaweza kuwa na maana halisi katika maisha ya wanachuo.

Nikapata wazo la neno: KONTENA.

Kwa upande wa Silent Ocean, Kontena ni chombo cha usafirishaji kinachotumika kubeba mizigo. Lakini kwa upande wa maisha ya vyuoni, neno KONTENA, Linatumiwa sana na wanachuo, Utasikia “Kontena jipya limeingia chuoni!” ikiwa na maana ya (First year) Utasikia wanamalizia Kuna Watoto Wazuri 😂

Nikajiuliza: Je, nawezaje kuyaunganisha mawazo haya mawili na kuyafanya yawe na maana kubwa zaidi kwa vijana?

Jibu nililolipata lilikuwa KONTENA LA FURSA.

Nikawaza, vipi kama vyuoni tungekuwa na KONTENA ambalo halibebi mizigo wala kundi jipya la wanafunzi, bali limebeba fursa? Fursa za ajira, biashara, ubunifu, teknolojia, elimu, na ujasiriamali.

Hapo ndipo nilipoona kwamba KONTENA linaweza kuwa zaidi ya chombo cha kusafirisha mizigo. Linaweza kuwa alama ya matumaini, muunganiko na mwanzo wa safari mpya ya mafanikio kwa kijana.

Baada ya wazo nilikaa chini na kuandika SHORT FILM hii ambayo umeitazama, Lengo kuligeuza wazo kuwa uhalisia na kufikisha ujumbe kupitia ziara za UNI Awards kwamba vijana hawahitaji kutambuliwa pekee; wanahitaji pia kuunganishwa na fursa zitakazowasaidia kufikia ndoto zao.

Moyo wangu ukasema nami KONTENA LA FURSA : si kubeba mizigo, bali kubeba ndoto, kuunganisha vijana na kufungua milango ya fursa.

Asante sana @silent_ocean_ltd - #SimbawaBahari kwa kutuamini na kutupa nafasi ya kuunganisha maono yenu na ndoto za vijana. Na shukrani za dhati kwa @counsellorsalaah
.
Cc : Balozi @mwijaku

Tukutane Season 9- Nani atafunguka Paka Kengele 😂 by @josephndaro

Wakati mwingine, baraka zako haziji kupitia maombi yako mwenyewe, bali kupitia maombi ya wale uliowatendea wema.
.
#LifeofJN by @josephndaro

Usiache Kumwomba Mungu Baada ya Kupata Ulichokuwa Unakiomba. 🙏❤️

Kumbuka, Mungu si wa kumtafuta wakati wa shida pekee, bali pia wakati wa furaha na mafanikio.

Usiache kusali baada ya kupata kazi, mafanikio, au kile ulichokuwa ukikiomba kwa muda mrefu.

Endelea kumshukuru, kumtumaini na kumweka mbele katika kila hatua ya maisha yako.

#LifeofJN by @josephndaro

Ilibidi Diamond awe kwanza na WCB ndio Harmonize aje kuwa star wa muziki.

Ilibidi Nandy atoboe kwanza ndio Yammi apate tobo lake kwenye Bongo Fleva.

Ilibidi Mwalimu Nyerere aanzishe harakati za uhuru na kushirikisha vijana ndipo Balozi Dkt. Salim Ahmed Salim aonekane uwezo wake.

Ilibidi Kusaga afungue Clouds ili Millard Ayo awe kinara wa habari.

Sasa jiulize, unajifunza nini kupitia mifano hii?

Wakati mwingine tunawaona marafiki zetu wakifanikiwa kabla yetu, tunahuzunika, tunajilinganisha nao na hata kuanza kujiuliza kwa nini Mungu ametusahau.

Lakini kuna jambo ambalo huenda hatujalielewa...

Si kila ndoto yako itatimia kwa nguvu zako mwenyewe. Kuna ndoto ambazo funguo zake Mungu ameziweka mikononi mwa watu wengine.

Huenda kijana unayemsaidia leo ndiye atakayekutambulisha kwa mtu atakayebadilisha maisha yako kesho.

Na huenda mtu unayedharau leo ndiye ambaye Mungu amemwandaa kuwa daraja la mafanikio yako.

Lakini pia usiache kujituma, kujifunza na kujenga njia yako mwenyewe.

KUMBUKA HILI:

Usimchukie mtu aliyefika kabla yako. Huenda Mungu amemtanguliza ili akufungulie mlango ambao usingeweza kuufungua peke yako.

USIKATE TAMAA. ❤️🙏

Naomba nikuulize swali moja: Je, umewahi kupata fursa au kufanikiwa kupitia mtu ambaye ulimsaidia bila kutarajia malipo yoyote? by @josephndaro

Najua si kila siku mambo yanaenda kama ulivyopanga.

Kuna siku utachoka, Kuna siku utakatishwa tamaa, Kuna siku utaona kama hakuna kinachobadilika.

Lakini usiache kwa sababu tu safari ni ngumu.

Kumbuka, Watu wanaweza kuona mafanikio yako kesho, lakini hawataona machozi, kukataliwa, kushindwa na usiku uliotumia ukijaribu tena na tena.

Endelea kupambana,Endelea kujifunza, Endelea kuamini, Endelea kuanza upya.

Usijilinganishe na mtu mwingine, Kila mtu ana muda wake, safari yake na ukurasa wake.

Kama una ndoto kubwa, kuwa tayari kupitia hatua kubwa za majaribu.

-Kama umeanguka, simama.
-Kama umeshindwa, jifunze.
-Kama umechelewa, endelea.
-Kama hakuna anayekuamini, anza kwa kujiamini mwenyewe.

Vijana, tusikate tamaa, Ndoto zetu zina thamani, Kazi yetu ni kuzipigania.

WAKATI WAKO UTAFIKA. by @josephndaro

Maono ya kiongozi hayapaswi kuishia kwenye mafanikio yake binafsi yanapaswa kujenga fursa ambazo kizazi kijacho kitaendelea kunufaika nazo.
.
#youth #leadership #legacy by @josephndaro

Challenge Accepted.
.
Life of JN 1985
.
#1985 #tbt #love by @josephndaro

A MAN OF GOD WAS BORN TODAY.

Leo si siku ya kuhesabu miaka tu, bali ni siku ya kusherehekea uzima, kusudi na safari ambayo Mungu ameandika kwangu.

Mungu hakunileta duniani kwa bahati mbaya. Amenipa maisha yenye kusudi, maono na wajibu wa kuwa baraka kwa wengine.

Ninapoitazama safari yangu, namkumbuka Yusufu katika Biblia.

Alikuwa na ndoto ambayo Mungu aliweka ndani yake, lakini kabla ya kuona utimilifu wake, alipitia kukataliwa, kuuzwa, na kutupwa kwenye shimo, Lakini mazingira hayo hayakuweza kuua kile ambacho Mungu alikuwa amekikusudia ndani yake.

Kama Yusufu, naamini kwamba si kila shimo ni mwisho wa safari; baadhi ya mashimo ni maandalizi ya mahali Mungu anapokwenda kukuinua. Si kila kukataliwa ni kushindwa; wakati mwingine ni Mungu akikutenganisha na sehemu isiyolingana na kusudi lako.

Na kama Mungu alivyogeuza historia ya Yusufu kutoka shimoni mpaka ikulu, naamini pia Mungu anaweza kugeuza kila changamoto kuwa ushuhuda, kila kuchelewa kuwa maandalizi, na kila mlango uliofungwa kuwa njia ya kufika kwenye kusudi lake.

Nimejifunza kuwa maisha si kuhusu kuwa mkubwa mbele ya watu, bali ni kuhusu kuwa na thamani katika maisha ya wengine.

Natamani kizazi kijacho kione kupitia maisha yangu kwamba ndoto zinaweza kuwa kweli.

Leo namshukuru Mungu kwa kunilinda, kunifundisha, kunivusha na kuniweka hai mpaka sasa.

“Maana najua mawazo ninayowawazia ninyi... ni mawazo ya amani wala si ya mabaya, kuwapa ninyi tumaini siku zenu za mwisho.” — Yeremia 29:11

Happy Birthday to me. 🎂🥂

May God continue to use my life for His purpose, give me wisdom to lead, courage to build, strength to endure, humility to serve, and grace to leave a meaningful legacy.

A MAN OF GOD WAS BORN TODAY. A PURPOSE WAS BORN. A VISION CONTINUES. A LEGACY IS BEING BUILT. by @josephndaro