Instagram story viewer> @katibanasheria_> Posts
Wizara ya Katiba na Sheria(@katibanasheria_)'s profile avatar HD Profile

Wizara ya Katiba na Sheria

@katibanasheria_

41.7K
followers
23
following
Msaada wa Kisheria kwa Haki, Usawa, Amani na Maendeleo
POSTS STORIES REELS
Kampeni ya Msaada wa Kisheria ya Mama Samia Awamu ya Pili #Tunatekeleza #WizaraYaKatibanaSheria #mamasamialegalaidcampaign by @katibanasheria_
RAIS SAMIA AZINDUA OFISI NA BARABARA ZA LAMI MTUMBA, ASISITIZA UFANISI NA UWAJIBIKAJI SERIKALINI. DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan, amewataka watumishi wa umma kuhakikisha uwekezaji wa Serikali katika ofisi na miundombinu ya kazi unaongeza ufanisi na kuboresha huduma kwa wananchi. Rais Samia ameyasema hayo leo Oktoba 30, 2026, wakati wa hafla ya uzinduzi wa Majengo ya Ofisi za Wizara na Taasisi za Serikali, pamoja na Barabara za Lami katika Mji wa Serikali Mtumba, mkoani Dodoma, akiwa ameambatana na mgeni wake, Rais wa Jamhuri ya Angola, Mhe. João Manuel Gonçalves Lourenço, aliyehitimisha ziara yake ya kitaifa nchini leo. Miongoni mwa viongozi walioshiriki uzinduzi huo ni Waziri wa Katiba na Sheria, Mhe. Abdallah Hamis Ulega (Mb.), na Naibu Waziri wa Katiba na Sheria, Mhe. Zainab Athuman Katimba (Mb.), pamoja na viongozi wengine wa Serikali. Rais Samia aliwataka watumishi wa umma kuzingatia sheria na taratibu katika utekelezaji wa majukumu yao, akisisitiza kuwa mazingira bora ya kazi yanapaswa kuendana na uwajibikaji na huduma bora. Rais Samia amewashukuru waasisi, Marais waliomtangulia, watumishi wa Serikali na sekta binafsi kwa mchango wao katika ujenzi wa Mji wa Serikali Mtumba. Kipekee, alitambua mchango wa Hayati Dkt. John Pombe Magufuli, kwa kuanza kutekeleza kwa vitendo maono ya Baba wa Taifa, Mwalimu Julius Kambarage Nyerere, ya kuhamishia shughuli za Serikali mkoani Dodoma. Kwa upande wake, Rais wa Jamhuri ya Angola, Mhe. João Manuel Gonçalves Lourenço amesema urafiki kati ya Angola na Tanzania unapaswa kuzaa fursa za biashara, ajira na uwekezaji kwa wananchi. by @katibanasheria_
WAZIRI ULEGA ATOA WITO WANANCHI KUJITOKEZA KUPATA MSAADA WA KISHERIA PWANI Pwani, Waziri wa Katiba na Sheria, Mhe. Abdallah Hamis Ulega (Mb.), amesema Kampeni ya Msaada wa Kisheria ya Mama Samia, maarufu Mama Samia Legal Aid, ni daraja na ukombozi kwa wananchi wanyonge wasiojua wapi pa kwenda wala hatua za kuchukua, na wanaodhani sheria ipo kwa ajili ya wenye kipato kikubwa pekee. Akizungumza wakati wa ufunguzi wa utekelezaji wa kampeni hiyo mkoani Pwani, alisema imekuwa sauti ya wanyonge na msaada kwa makundi maalum, wakiwemo akina mama wajane, yatima na watu wenye ulemavu. Alimpongeza Rais Dkt. Samia Suluhu Hassan kwa maono hayo, pamoja na wataalamu wa Wizara wanaosimamia kampeni, wakiongozwa na Katibu Mkuu, Dkt. Seif Abdallah Shekalaghe. Waziri Ulega aliwataka wananchi kuwahamasisha wenzao wenye uhitaji katika kipindi cha siku kumi za kampeni, akitoa mifano ya mjane au yatima anayedhulumiwa, na kijana mfanyabiashara anayeingia mikataba ya kifedha isiyo na mwelekeo wa kisheria. by @katibanasheria_
UJENZI WA MAHAKAMA YA WILAYA MALINYI KUANZA JUNI 2027 Bungeni, Dodoma. Serikali imesema ujenzi wa Mahakama ya Wilaya ya Malinyi mkoani Morogoro unatarajiwa kuanza ifikapo Juni 2027, huku huduma za mahakama wilayani humo kwa sasa zikiendelea kutolewa katika majengo ya kupanga. Hayo yamesemwa Bungeni jijini Dodoma na Naibu Waziri wa Katiba na Sheria, Mhe. Zainab Athuman Katimba, akijibu swali la Mbunge wa Malinyi, Mhe. Dkt. Mecktridis Mdaku aliyetaka kujua lini Serikali itajenga mahakama hiyo ili kurahisisha upatikanaji wa haki kwa wananchi. Mhe. Katimba amesema Serikali kwa kushirikiana na Mahakama ya Tanzania inaendelea kutekeleza mpango wa ujenzi na ukarabati wa majengo ya mahakama, na kwamba Malinyi ni miongoni mwa wilaya chache zinazotumia majengo ya kupanga kutoa huduma hizo. Katika swali la nyongeza lililoulizwa kwa niaba ya Mhe. Mdaku na Mhe. Timida Fyandomo, mbunge huyo alihoji lini Serikali itakarabati Mahakama ya Kiwira wilayani Rungwe, iliyoharibika tangu mwaka jana na kuwalazimu wananchi wa Kata za Isongole, Ndanto, Kimo na Kiwira kufuata huduma mjini Tukuyu. Akijibu, Mhe. Katimba amesema Mahakama inatekeleza mpango wake wa pili wa ujenzi na ukarabati kwa kupita maeneo mbalimbali nchini, kujenga pale ambapo hakuna majengo na kukarabati yaliyochakaa. Amesema katika kipindi cha miaka mitano ya utekelezaji wa mpango huo, Mahakama imetumia zaidi ya shilingi bilioni 524. “Lengo la Mahakama ni kuhakikisha inafika katika maeneo mengine mengi zaidi ya nchi ili Tanzania nzima iwe na miundombinu mizuri ya kimahakama, ikiwemo eneo hili la Kiwira,” alisema. by @katibanasheria_
SERIKALI YAAHIDI KUPELEKA MAHAKAMA ZA MWANZO MAENEO YA MILIMANI SAME Bungeni, Dodoma. Serikali imesema itaweka kipaumbele ujenzi wa mahakama za mwanzo katika maeneo ya milimani wilayani Same, mkoani Kilimanjaro, ili kuwapunguzia wananchi, hususan wanawake wenye watoto, usumbufu wa kufuata huduma za haki maeneo ya tambarare. Ahadi hiyo imetolewa Bungeni jijini Dodoma na Naibu Waziri wa Katiba na Sheria, Mhe. Zainab Athuman Katimba, akijibu swali la Mbunge wa Viti Maalum, Mhe. Zuena Athumani Bushiri, aliyetaka kujua mpango wa Serikali wa kujenga mahakama katika tarafa za milimani wilayani humo. Mhe. Katimba amesema Serikali kwa kushirikiana na Mahakama ya Tanzania inaendelea kutekeleza mpango wa ujenzi na ukarabati wa majengo ya mahakama, na kwamba katika bajeti ya mwaka 2025/2026 imejenga jengo la kisasa la Mahakama ya Mwanzo Gonja wilayani Same. Amebainisha ujenzi katika tarafa nyingine utaendelea kulingana na upatikanaji wa fedha. Katika swali la nyongeza, Mhe. Bushiri amesema asilimia 75 ya wakazi wa Same wanaishi maeneo ya milimani, lakini tangu enzi za mkoloni hakuna mahakama ya mwanzo iliyojengwa huko. Aliuliza pia mpango wa haraka wa kukarabati mahakama chakavu zilizojengwa wakati wa ukoloni. Mhe. Katimba alisema maeneo yenye changamoto za kijiografia, ikiwemo ya milimani, ni miongoni mwa vigezo vya kipaumbele katika kuchagua maeneo ya kujenga mahakama hizo. “Mahakama kwa kadri itakavyokuwa inapata fedha, itaweka kipaumbele cha kujenga mahakama katika maeneo haya ya milimani,” amesema Mhe. Katimba. Kuhusu uchakavu, amebainisha kuwa baadhi ya mahakama zilijengwa miaka mingi iliyopita na zinahitaji ukarabati. Amesema Mahakama imetekeleza mpango wa ujenzi na ukarabati kwa takribani miaka mitano, na kwamba itaendelea kutafuta fedha ili kukarabati pia mahakama zilizochakaa, ikiwemo za Same. by @katibanasheria_
Utekelezaji wa Kampeni ya Msaada wa Kisheria ya Mama Samia, Awamu ya Pili katika ngazi za Kata na Halmashauri umeelezwa kuwanufaisha wananchi wengi ambao wasingeweza kumudu gharama za usafiri kufuata huduma hizo makao makuu ya Wizara, Jijini Dodoma. Hayo yamebainishwa na mmoja wa wananchi waliotembelea banda la Wizara ya Katiba na Sheria kupata huduma za ushauri wa Kisheria, ambaye pia ametoa wito kwa serikali kuendeleza utekelezaji wa kampeni hiyo nchi nzima. #WizarayaKatibanaSheria #mamasamialegalaidcampaign by @katibanasheria_
WAFUNGWA NA MAHABUSU 164 RUFIJI NA KIBITI WANUFAIKA NA HUDUMA ZA MSAADA WA KISHERIA. Katika kuhakikisha huduma za msaada wa kisheria zinawafikia wananchi wa makundi yote, wakiwemo wale walioko vizuizini (wafungwa na mahabusu), timu ya wataalamu kutoka Wizara ya Katiba na Sheria kwakushirikiana na ile ya Ofisi ya Mkuu wa Mkoa wa Pwani, imefanya ziara katika magereza ya Kibiti na Utete yaliyopo Mkoani Pwani, na kusikiliza changamoto zao. Wakiwa kwenye magereza hayo, timu hiyo iliyoongozwa na Mkurugenzi Msaidizi wa Huduma za Msaada wa Kisheria kutoka Wizara ya Katiba na Sheria, Osborn Paissi ilipokelewa na Mkuu wa Gereza la Kibiti, S.S.P Paschal Kabogo Matulanya na Mkuu wa Gereza la Utete, S.S.P. Daudi Paul Ng'wangu, pamoja na uongozi wa Kituo cha Polisi Ikwiriri. Katika ziara hiyo jumla ya wafungwa na mahabusu 164 walisikilizwa, kupatiwa elimu juu ya haki na wajibu wao kisheria, na kupewa ushauri kuhusu changamoto zao za kisheria na timu ya mawakili waliokuwa kwenye ziara hiyo. Ziara hiyo ni muendelezo wa utekelezaji wa Kampeni ya Msaada wa Kisheria ya Mama Samia (Awamu ya Pili) mkoani Pwani, ambayo uzinduzi wake ulifanyika Oktoba 28, 2026 katika viwanja vya Stendi ya Zamani, Kibaha. #WizarayaKatibanaSheria #mamasamialegalaidcampaign by @katibanasheria_
Msaada wa Kisheria kwa Haki, Usawa, Amani na Maendeleo. #WizarayaKatibanaSheria #mamasamialegalaidcampaign by @katibanasheria_
SIKU YA AFYA MOJA DUNIANI Novemba 03, 2026 by @katibanasheria_
WAZIRI ULEGA ARIDHIA MTUHUMIWA MTORO KUREJESHWA UINGEREZA Waziri wa Katiba na Sheria, Mhe. Abdallah Hamis Ulega (Mb), ameridhia ombi la Serikali ya Uingereza la kumrejesha nchini humo raia wake mwenye asili ya Somalia, Abdul Yassin, anayekabiliwa na tuhuma za kujaribu kufanya mauaji, kosa linalodaiwa kutendeka mwaka 2015 nchini Uingereza kabla ya mtuhumiwa huyo kukimbilia Tanzania. Kufuatia ridhaa hiyo, Ofisi ya Taifa ya Mashtaka (NPS) ilisimamia taratibu za kimahakama zilizowezesha mtuhumiwa kuwekwa kizuizini akisubiri kukabidhiwa kwa mamlaka husika za Uingereza. Makabidhiano hayo yalifanyika katika Uwanja wa Ndege wa Kimataifa wa Julius Nyerere, jijini Dar es Salaam ambapo mtuhumiwa huyo alikabidhiwa kwa Serikali ya Uingereza kupitia kitengo cha Polisi kinachoshughulikia urejeshaji wa watuhumiwa watoro, kwa ajili ya kufikishwa mbele ya vyombo vya sheria nchini humo na kujibu tuhuma zinazomkabili. Aidha, Mtuhumiwa Abdul Yassin alikamatwa nchini Tanzania kupitia ushirikiano wa Shirika la Polisi wa Kimataifa (INTERPOL) Tanzania na Mamlaka ya Kudhibiti na Kupambana na Dawa za Kulevya (DCEA) baada ya kukwepa mkono wa sheria kwa kipindi cha miaka 11. Hatua hiyo inaonesha dhamira ya Serikali ya kuhakikisha kuwa Tanzania haitakuwa maficho ya watuhumiwa wanaokimbia haki katika nchi nyingine. Kupitia Ofisi ya Taifa ya Mashtaka, Serikali inaendelea kuimarisha ushirikiano na vyombo vya sheria vya ndani na kimataifa katika kufuatilia, kuwakamata na kuwawezesha watuhumiwa kufikishwa mbele ya vyombo vya haki, bila kujali muda waliotumia kukwepa sheria au mipaka ya nchi walikovuka. by @katibanasheria_
SALAMU ZA PONGEZI by @katibanasheria_
KAMPENI YA MSAADA WA KISHERIA YA MAMA SAMIA YAENDELEA KUWAFIKIA WAFUNGWA NA MAHABUSU PWANI Wafungwa na mahabusu katika Gereza la Kilimo Kigongoni na Kituo cha Polisi Wilaya ya Bagamoyo wameendelea kunufaika na huduma za msaada wa kisheria kupitia Kampeni ya Msaada wa Kisheria ya Mama Samia Awamu ya Pili, ambapo timu ya utekelezaji wa kampeni hiyo imetembelea maeneo hayo kwa lengo la kusikiliza changamoto zao za kisheria, kutoa elimu na kuwawezesha kufahamu haki na wajibu wao kwa mujibu wa sheria. Akizungumza mara baada ya ziara hiyo, Haruna Matata, Wakili wa Serikali kutoka Wizara ya Katiba na Sheria, amesema kampeni hiyo inalenga kuhakikisha kuwa wafungwa na mahabusu wanapata fursa ya kueleza changamoto zao za kisheria na kupata ushauri pamoja na ufafanuzi kuhusu haki zao. Katika ziara hiyo, jumla ya wafungwa 89 katika Gereza la Kilimo Kigongoni walifikiwa, wakiwemo mwanamke mmoja, huku katika Kituo cha Polisi Wilaya ya Bagamoyo jumla ya wafungwa sita wakifikiwa, wakiwemo wanawake wawili. #WizarayaKatibanaSheria by @katibanasheria_

Download All

Save the photos and videos currently loaded on this page.

0Photos
0Videos
Ready to download 0 / 0

Keep this tab open until your download is ready.
back to up