Instagram story viewer> @kcmc1971> Posts

KCMC

@kcmc1971

40K

followers

136

following

Kilimanjaro Christian Medical Centre is a zonal referral hospital founded by the Good Samaritan Foundation located at Moshi Municipal - Tanzania

POSTS STORIES REELS

Leo, tarehe 05 Oktoba 2026, Hospitali ya Rufaa ya Kanda ya Kaskazini – KCMC inajivunia kumpongeza Dkt. Happiness Rabiel (MD, MMed, MSc, FCS-ECSA, FACS) Daktari Bingwa Bobezi wa magonjwa ya Ubongo, Mgongo na Mishipa ya Fahamu, baada ya kutunukiwa tuzo ya Daktari Bora wa Mwaka 2026 katika Tanzania Health Summit Awards 2026.

Tuzo hiyo imekabidhiwa kwake na Waziri wa Afya, Mhe. Mohamed Mchengerwa, katika hafla iliyowakutanisha wadau mbalimbali wa sekta ya afya nchini.

Dkt. Happiness Rabiel ni miongoni mwa madaktari bingwa wa upasuaji wa ubongo (Neurosurgeons) wa kike wa kwanza wawili nchini Tanzania, na amejijengea nafasi ya kipekee kupitia uongozi wa kitabibu, ubobezi katika upasuaji wa ubongo na jitihada za kupanua upatikanaji wa huduma za kibingwa za upasuaji katika Afrika Mashariki.

Kwa sasa, Dkt. Rabiel anahudumu kama Mkuu wa Idara ya Upasuaji wa Jumla (General Surgery) na Kitengo cha Neurosurgery KCMC na Chuo Kikuu KCMC.

Katika safari yake ya kutoa huduma za kibingwa, Dkt. Rabiel amekuwa sehemu muhimu ya maendeleo ya huduma za Neurosurgery KCMC, ambapo alifanya upasuaji wa kwanza wa micro-neurosurgery - KCMC, hatua iliyosaidia kuinua kiwango cha huduma za upasuaji wa ubongo kwa wagonjwa wa Kanda ya Kaskazini.

Kupitia nafasi yake, Dkt. Rabiel pia anaongoza huduma za Neurosurgery zinazohudumia wakazi wa Kanda ya Kaskazini ya Tanzania yenye zaidi ya watu milioni 15, akichangia kwa kiasi kikubwa kuhakikisha wagonjwa wanapata huduma za kibingwa karibu na maeneo yao.

Tuzo hii ni utambuzi wa ubora, uongozi na mchango wake katika kuboresha huduma za afya nchini Tanzania.

Hongera sana Dkt. Happiness Rabiel. by @kcmc1971

HONGERA DKT. HAPPINESS RABIEL by @kcmc1971

Akaunti rasmi za KCMC katika kampeni ya uchangiaji wa ujenzi wa Kitengo cha Moyo ni: kupitia mitandao Halopesa (Lipa namba 23758475), M - Pesa (Namba ya Kampuni 33 73 37) na Mixx by Yas (Lipa namba 15175376); pamoja na akaunti za benki KCMC Moyo—Bank of Africa TSH (04563580007) na USD (04563580010), CRDB Bank (0150686858800), NMB Bank (40310194610) na NBC Bank (017172000770). by @kcmc1971

Pichani ni wajumbe wa Bodi ya Utawala ya Shirika la Msamaria Mwema GSF/KCMC wakiwa katika kikao cha bodi kilichofanyika leo, tarehe 4 Novemba 2026.

Kikao hicho kilijadili masuala mbalimbali yanayohusu uendeshaji na maendeleo ya taasisi zilizo chini ya GSF.

Kupitia vikao hivi, bodi inaendelea kutekeleza jukumu lake la kusimamia na kutoa mwongozo wa kimkakati kwa ajili ya kuimarisha utendaji na utoaji wa huduma bora kwa jamii. by @kcmc1971

Dkt. Happiness Rabiel ni Daktari Bora wa Mwaka 2026. Je, alishawahi kuku hudumia?, ilikuwaje? by @kcmc1971

Mwenyekiti wa Bodi ya Utawala ya Shirika la Msamaria Mwema (GSF)/KCMC, Baba Askofu Dkt. Alex Malasusa, amemkabidhi Dkt. Happiness Rabiel cheti cha utambuzi pamoja na zawadi ya kutambua mafanikio yake ya kutwaa tuzo ya Daktari Bora wa Mwaka 2026, katika kikao cha Bodi ya Utawala ya GSF kilichofanyika leo.
Dkt. Happiness Rabiel alitangazwa mshindi wa tuzo hiyo katika Mkutano wa 13 wa Tanzania Health Summit (THS), uliofanyika kuanzia tarehe 5 hadi 7 Oktoba 2026 katika Kituo cha Mikutano cha Mlimani City jijini Dar es Salaam.

Katika hafla ya ufunguzi wa mkutano huo, Waziri wa Afya, Mhe. Mohamed Mchengerwa, akimwakilisha Rais wa Jamhuri ya Muungano wa Tanzania, Dkt. Samia Suluhu Hassan, alimkabidhi Dkt. Rabiel cheti cha utambuzi pamoja na zawadi ya fedha taslimu Shilingi milioni moja baada ya kutangazwa mshindi.

Ushindi huo ulipatikana katika ushindani uliohusisha madaktari kutoka Hospitali ya Taifa Muhimbili na Taasisi ya Moyo ya Jakaya Kikwete (JKCI), kupitia upigaji kura uliofanyika kwenye tovuti ya tuzo za Tanzania Health Summit. Juhudi za uongozi wa KCMC kuhamasisha watumishi na wananchi kumpigia kura kupitia mitandao ya kijamii zilichangia mafanikio hayo.

Dkt. Rabiel ni daktari bingwa bobezi wa upasuaji wa ubongo, uti wa mgongo na mishipa ya fahamu katika Hospitali ya Rufaa ya Kanda ya Kaskazini – KCMC. Pia, ni miongoni mwa madaktari bingwa bobezi wawili wa kwanza wa kike wa upasuaji wa ubongo nchini Tanzania.

Kwa sasa, anahudumu kama Mkuu wa Idara ya Upasuaji wa Jumla na Kitengo cha Upasuaji wa Ubongo, Uti wa Mgongo na Mishipa ya Fahamu katika KCMC na Chuo Kikuu cha KCMC, akichangia maendeleo ya huduma za kibingwa na kibingwa bobezi zinazohudumia wakazi wa Kanda ya Kaskazini mwa Tanzania, yenye wakazi zaidi ya milioni 15.

Kutambuliwa kwa Dkt. Rabiel ni fahari kwa KCMC, Chuo Kikuu KCMC na Good Samaritan Foundation, na kunaonesha mchango wa wataalamu wa taasisi hizo katika kuimarisha ubora wa huduma za afya nchini. by @kcmc1971

Leo, tarehe 4 Novemba 2026, Idara ya Magonjwa ya Masikio, Pua na Koo (ENT) kwa kushirikiana na Idara ya Idara ya Usingizi na Ganzi Tiba katika Hospitali ya Rufaa ya Kanda ya Kaskazini - KCMC, zimekutana na kutoa mafunzo kwa watumishi wanaofanya kazi katika Idara ya ENT, Idara ya Usingizi na Ganzi Tiba na Chumba cha Wagonjwa Mahututi (ICU).

Mafunzo hayo yamelenga kuwajengea watumishi uwezo wa kutambua mapema, kukabiliana na kutatua changamoto mbalimbali zinazohusiana na mfumo wa hewa, hatua muhimu katika kuboresha utoaji wa huduma kwa wagonjwa wenye matatizo ya upumuaji.

Aidha, kupitia mafunzo hayo, washiriki wamepata fursa ya kujifunza na kubadilishana uzoefu kuhusu mbinu bora na za kisasa za kutoa huduma za dharura na kuokoa maisha ya wagonjwa wenye changamoto zinazohusisha mfumo wa hewa.

Mafunzo haya ni sehemu ya juhudi za KCMC katika kuimarisha ujuzi na uwezo wa watumishi wake ili kuhakikisha wagonjwa wanapata huduma bora, salama na zenye kuzingatia viwango vya kitaalamu. by @kcmc1971

Mkurugenzi Mtendaji wa Hospitali ya Rufaa ya Kanda ya Kaskazini – KCMC, Prof. Gileard Masenga, amewasilisha taarifa kuhusu mafanikio ya Dkt. Happiness Rabiel, aliyeshinda tuzo ya Daktari Bora wa Mwaka 2026 katika Mkutano wa 13 wa Tanzania Health Summit (THS), wakati wa kikao cha Bodi ya Utawala - GSF kilichofanyika leo, Novemba 4, 2026.

Akiwasilisha taarifa hiyo kwa wajumbe wa Bodi, Prof. Masenga ameeleza kuwa tuzo hiyo ni utambuzi muhimu wa ubora wa kitaaluma, weledi, kujituma na mchango mkubwa wa Dkt. Rabiel katika sekta ya afya nchini.

Dkt. Happiness Rabiel ni daktari bingwa bobezi wa upasuaji wa ubongo, uti wa mgongo na mishipa ya fahamu katika KCMC. Alitangazwa mshindi wa tuzo hiyo katika mkutano wa Tanzania Health Summit uliofanyika kuanzia tarehe 5 hadi 7 Oktoba 2026, katika Kituo cha Mikutano cha Mlimani City jijini Dar es Salaam.

Katika hafla ya ufunguzi wa mkutano huo, tarehe 5 Oktoba 2026, Waziri wa Afya, Mhe. Mohamed Mchengerwa, akimwakilisha Rais wa Jamhuri ya Muungano wa Tanzania, Dkt. Samia Suluhu Hassan, alimkabidhi Dkt. Rabiel cheti cha utambuzi pamoja na zawadi ya fedha taslimu Shilingi milioni moja baada ya kutangazwa mshindi.

Dkt. Rabiel alipata ushindi huo katika ushindani uliohusisha pia madaktari kutoka Hospitali ya Taifa Muhimbili na Taasisi ya Moyo ya Jakaya Kikwete (JKCI). Upigaji kura ulifanyika kupitia tovuti ya tuzo za Tanzania Health Summit, huku juhudi za uongozi wa KCMC kuhamasisha watumishi na wananchi kumpigia kura kupitia mitandao ya kijamii zikichangia mafanikio hayo.

Katika taarifa yake, Prof. Masenga amesisitiza umuhimu wa mafanikio hayo kwa KCMC, Chuo Kikuu KCMC na Good Samaritan Foundation (GSF), akieleza kuwa tuzo hiyo inaonesha mchango wa wataalamu wa taasisi hizo katika utoaji wa huduma za afya za kibingwa na kibingwa bobezi, kuboresha ubora wa huduma na kuimarisha imani ya umma kwa taasisi hizo.

Dkt. Happiness Rabiel ni miongoni mwa madaktari bingwa bobezi wawili wa kwanza wa kike wa upasuaji wa ubongo nchini Tanzania. Kwa sasa, anahudumu kama Mkuu wa Idara ya Upasuaji wa Jumla na Kitengo cha Upasuaji wa Ubongo, Uti wa Mgongo na Mishipa ya Fahamu katika KCMC na Chuo Kikuu KCMC. by @kcmc1971

Are you ready???????????
14th November 2026…….. Mark the dates.
We are about to turn a dream into a reality. by @kcmc1971

USIPANGE KUKOSA! Ni TIDI LUNG HEALTH HALF MARATHON, Jumapili hii ya Tarehe 08 @tidigotz by @kcmc1971

Katika mazingira ambayo wengi wanaweza kuona changamoto kama kikwazo, mtoto mmoja anayepatiwa matibabu ya saratani katika Hospitali ya KCMC ameonesha kuwa uwezo wa kubuni, kujifunza na kufanya mambo yenye thamani haupimwi kwa idadi ya viungo vya mwili alivyokuwa navyo.

Mtoto huyo, ambaye ana mkono mmoja, amekuwa miongoni mwa washiriki wa shughuli maalumu za ubunifu zilizoandaliwa kwa ajili ya watoto na wazazi wao, ambapo amefanikiwa kutengeneza shanga za mapambo ya shingoni na mikononi kwa kutumia mkono wake mmoja.

Tukio hilo limekuwa sehemu ya programu ya kujifunza ufundi wa kufuma na kutengeneza vitu mbalimbali, iliyoandaliwa na marafiki wa KCMC kutoka nchini Uholanzi kwa kushirikiana na watumishi wa KCMC, Dkt. Marieke Dekker pamoja na Bi. Faith Douglas.

Kupitia programu hiyo, wazazi wenye watoto wanaopatiwa matibabu ya saratani wamepata fursa ya kujifunza ujuzi mbalimbali wa ufumaji wakiwa wodini, huku wakiendelea kuwa karibu na watoto wao katika kipindi cha matibabu.

Shughuli hizi zimekusudiwa kuwasaidia wazazi kupunguza msongo wa mawazo na wasiwasi unaoweza kujitokeza wakati wa kuwahudumia watoto wao, pamoja na kuwapatia ujuzi ambao utawawezesha kujipatia kipato cha ziada watakaporejea nyumbani.

Kwa namna ya pekee, mtoto huyu ametukumbusha kuwa changamoto ya kimwili haipaswi kuwa mwisho wa ndoto, uwezo wala ubunifu wa mtoto. Ni ushahidi kuwa kila mtoto ana uwezo wa kufanya makubwa anapopewa nafasi. by @kcmc1971

Afya ya akili inahusisha zaidi ya dalili. Inaathiriwa pia na mazingira ya maisha, afya ya ubongo na mishipa ya fahamu, changamoto zinazowakabili wanawake na wasichana na namna jamii inavyowapokea watu wanaohitaji msaada.

Tulifanya mazungumzo haya na wataalamu kutoka taaluma mbalimbali na wakajibu maswali muhimu kuhusu kutambua changamoto mapema, kutoa huduma kwa heshima na faragha, kuwahi matibabu na kuwa msaada badala ya kuongeza unyanyapaa:

Dkt. Frank Kiwango — Daktari Bingwa wa Magonjwa ya Akili
Dkt. Happiness Rabiel — Daktari Bingwa Bobezi wa Upasuaji wa Ubongo, Mgongo na Mishipa ya Fahamu
Dkt. Rafiki Mjema — Daktari Bingwa wa Magonjwa ya Wanawake na Uzazi
Bw. Joshua Mmbando — Muuguzi, Idara ya Magonjwa na Afya ya Akili
Bi. Ummy Rwambo— Afisa Ustawi, Idara ya Magonjwa na Afya ya Akili

👉Swipe kusoma maswali na majibu yao. by @kcmc1971