Instagram story viewer> @kumapig88> Posts

為食熊妹🐻👧🏻

@kumapig88

22.2K

followers

1889

following

🇭🇰 𝔉𝔬𝔬𝔡𝔦𝔢
🅞🅟 🅛🅥 ❹︱🌏 🅛🅥 ❽︱🅓🅟 🅛🅥 ❺︱🅧🅗🅢
🔍搜尋各區美食😋
e.g. #kumapig88x旺角
#kumapigx早餐 #kumapigx產品分享

POSTS STORIES REELS

<🐻👧🏻分享>

作為一個旅遊愛好者，一個實用、耐用、方便、安全性高及美觀的行李箱真的很重要，最近留意到電視廣告宣傳日本品牌「Onsun」前揭式行李箱，正值7折優惠期，於是走到地點方便的沙田好運中心門市看看是否有心水款式，趁著機會送舊迎新，為2024年的旅行做準備

Onsun為全港No. 1最多前揭式行李箱品牌，提供多個系列、顏色及尺寸，我最後選擇了Treasure系列Model 4217的Pale Blue款，提供3個尺寸
行李箱採用美國海關TSA密碼鎖特大容量配上擴大容量功能，360度旋轉靜音輪，防潑水內里布，配上拉鏈分層，雙層齒強力防爆防盜拉錬

體積 (± 3 cm) :
20“ : 約 55cm(高) x 33cm(闊) x 23cm(深)
24” : 約 64cm(高) x 42cm(闊) x 28cm(深)
28“ : 約 77cm(高) x 50cm(闊) x 30cm(深)

Onsun行李箱特點：
✨外形設計時尚，前揭式設計令置物及取物更方便，且節省空間
✨行李箱分為入門版、進階版及專業版
✨所有行李箱皆堅固、防水及箱身輕
✨進階及專業版採用避震設計及靜音輪子，拖拉時更順暢及減少噪音
✨採用最頂級材料德國生產的拜耳pc(聚碳酸酯)製造，抵禦較強衝擊及具有化學抗性
✨3年保養
✨定價合理，性價比高

限時7折優惠，要把握機會入手啦！

🔸同區🔸
#kumapig88x產品分享

@onsunjp
ONSUN專門店
📍地址：沙田好運中心商場3096舖
🔗網站：https://onsunjp.com/products

其他零售合作伙伴：
✅HKTV mall
✅搵喼易各分店
✅SKYWING各分店
✅Travelguide各分店

#旅行 #旅遊 #travel #onsun #onsunjp #onsun行李箱 #行李箱 #行李喼 #luggage #suitcase #前揭式行李箱 #前開式行李箱 #日本行李箱 #日本旅行箱 #輕巧行李箱 #旋轉靜音輪 #堅固 #防水 #輕身 #時尚設計 #美觀 #實用 #容量大 #防盜 #行李箱好選擇 #限時優惠 #搵喼易 #好物分享 #好物推介 by @kumapig88

<🐻👧🏻食記>

我間中就會買 KFC 早餐食，見佢哋最新推出「蝦湯扭扭粉系列」就梗係即刻試啦😂！日式風味濃郁蝦湯配埋勁吸湯嘅扭扭粉同豐富配料，同你精神滿滿咁講聲「哦蝦唷」，每朝早11 點前都可以叫，套餐都只係 $35 起，食完暖笠笠好滿足～

🔹蝦湯雞絲扭扭粉餐
扭扭粉加入和風紫菜同香甜粟米，雞絲幼嫩，蝦湯鮮甜唔會膩，扭扭粉每一啖都食到蝦湯鮮味！

🔹蝦湯醬燒雞扒扭扭粉餐
大大塊醬燒雞扒嫩滑又juicy，一朝早就補足蛋白質，食完飽肚又滿足

@kfchk
#KFCHK #蝦湯雞絲扭扭粉 #蝦湯醬燒雞扒扭扭粉 #期間限定 by @kumapig88

<🐻👧🏻食記>

今日放工同朋友嚟到尖沙咀美麗華廣場，開業未夠一年嘅「博多槍烏冬」食晚餐，主打博多風味烏冬，
日本主廚會定期來港監修同優化出品，講求又注重細節，烏冬由日本直送，湯底同食材都好正宗

🔹水炊雞肉鍋定食
小鐵鍋上檯仲有個小爐仔保溫，入面有雞腿肉、手打雞肉丸、豆腐、大白菜、鴻喜菇同甘筍；湯底清澈帶雞香，雞肉丸軟嫩，雞件同豆腐都好索湯，烏冬係博多風口感柔滑；魚餅香甜，漬物酸甜解膩，甜品芝士撻細細件啱啱好

🔹牛肉鍋燒烏冬
牛肉鋪滿成個鍋，中間有隻溫泉蛋同大量京蔥，撈埋蛋汁食令牛肉更軟嫩而且有肉香，底下有大量大白菜同金菇等墊底，湯底鮮甜又飲到牛肉肉香，烏冬掛湯力唔錯

🔹清酒高湯煮蜆
蜆肉脹卜卜好飽滿，湯頭用清酒同高湯煮成，加入大量蔥花，清甜且鮮味十足，酒香帶出蜆嘅鮮甜，有驚喜

博多やりうどん @hakatayariudon.hk
📍 地址：彌敦道132號美麗華廣場一期2樓228號鋪（The Mira）

#博多槍烏冬 #HakataYariUdon #尖沙咀美食 #MiraPlace #博多烏冬 by @kumapig88

<🐻👧🏻食記>

同屋企人食飯我都會揀中菜，今日揀咗旺角新世紀廣場開業多年嘅「小皇府」食晚飯，環境衛生舒適；除咗即叫即蒸點心同特色小菜外，仲提供港式雲吞麵、生滾粥、包廂私房菜等，選擇多元豐富

🔹鳳城鮮蝦淨水餃
高湯清甜，水餃外皮細薄，餡料飽滿，鮮蝦爽彈同豬肉比例平衡，加埋爽口木耳、胡蘿蔔絲同大地魚粉調味，好滋味

🔹鮮滾豬膶粥
加入蔥花同薑絲，豬膶爽脆嫩滑，微苦甘香，食到豬膶獨有嘅豐富脂香，粥底夠綿而且底味足

🔹雙蔥爆封門柳
加入京蔥、洋蔥、紅椒同黃椒等炒成，封門柳炒至約 7 成熟，肉嫩細緻充滿肉香同醬油香，京蔥等炒得入味爽嫩

🔹菜遠炒龍躉斑球
揀手菜心翠綠鮮嫩，龍躉球雪白緊緻，鮮味十足，蛋白質同纖維都好豐富

小皇府
📍地址：旺角太子道西193號MOKO新世紀廣場2樓205號舖

#小皇府 #香港中菜 #香港粵菜 #旺角美食 #香港美食 by @kumapig88

<🐻👧🏻分享>

媽咪知我鍾意食堅果，幾年前喺「皇甘栗鮮炒乾果專門店」買咗包夏威夷果仁俾我試，試過之後就返唔到轉頭，粒頭夠大之餘，口感夠酥脆，味道充滿天然奶油香，係我食過最好味嘅夏威夷果仁；呢間喺大埔起家嘅小店招牌產品其實係栗子同手工雪糕，今日經過旺角店又順便買啲嘢返屋企食

🔹甘草老陳皮
陳皮經過烘焙所以食落脆脆哋好特別，食到醇厚嘅陳香同甘甜，有回甘又冇明顯苦澀

🔹琥珀合桃
入口外脆內酥唔黏口，味道輕甜同時結合合桃嘅油脂香同芝麻香，會食到唔停口

🔹開心果雪糕
全自家製手工雪糕，果仁經過烘焙再真空，到客人買雪糕時先「中碎」再加入雪糕裡面，確保果仁香脆度；雪糕幼滑細膩，啖啖都食到濃郁開心果香，天然原味道

🔹榛子雪糕
榛子嘅處理方式同開心果一樣；雪糕同樣幼滑，海量嘅榛子清脆酥香，天然無添加，好似食緊高階版嘅金莎一樣

🔹炒栗子
嚴選優質中國板栗之鄉嘅遷西栗子，壞果率只有 5%，以機加入黑沙炒成令栗子受熱更均勻，炒出嚟更乾淨又容易開，特意設計開栗子刀仔方便客人開殼；栗子甘香清甜，粒粒粉糯綿密

皇甘栗鮮炒乾果專門店 @chestnut_king_ltd
📍地址：旺角山東街53號地舖

#皇甘栗鮮炒乾果專門店 #皇甘栗 # #旺角美食 #香港美食 by @kumapig88

<🐻👧🏻食記>

放假同朋友嚟到「棋子燒鵝」最新位於油麻地嘅分店，開喺人來人往、交通便利嘅彌敦道，地鐵站出咗行一分鐘就到，夠哂方便

🔹2 人套餐
▶棋子燒鵝例牌 1 碟
揀選重五斤四両嘅黑棕母鵝，鵝皮潤澤富油光，口感輕脆，甘香嘅鵝油慢慢喺口腔內滲出；鵝肉滑嫩紮實且肉香濃郁，肉汁豐富，同時食到荔枝柴煙燻香

▶單拼燒味例牌 1 碟
揀咗燒腩仔，份量毫不吝嗇，外皮即使放涼都仍然保持脆口帶鹽香，肥瘦相間嘅腩仔肉質緊緻而不失肉香，點埋黃芥末就最夾

▶郊外油菜 1 碟
翠綠嘅菜心新鮮嫩甜

▶白飯 / 瀨粉 / 米粉 2 碗

▶老火靚湯 / 冷熱飲品 2 份
是日靚湯為花生眉豆雞腳湯，湯料好足，飲落清甜冇味精

棋子燒鵝 @kisonroastedgoose
📍地址：油麻地彌敦道546號旺角大樓地下B-C號舖

#燒鵝 #棋子燒鵝 #油麻地美食 #油麻地 #香港美食 by @kumapig88

<🐻👧🏻分享>

每日放工經過金鐘站嘅「Friendship Market」都會俾佢琳琅滿目嘅產品所吸引，呢間「Fresh Fresh Bakery」副線會提供更多限定版款式嘅烘焙品，今次買咗招牌蛋卷同曲奇嚟過口癮

🔹經典原味帝王蛋卷
蛋卷蛋香濃郁又平衡到牛油香，口感輕盈酥鬆，甜度適中，係經典懷舊味道

🔹唧花牛油曲奇
曲奇輕脆鬆化仲食到啖啖牛油香，甜度唔高，食到停唔到口

🔹冰極蜂蜜檸檬水
清甜蜂蜜加埋清新檸檬，甜度啱啱好，解膩一流

FRIENDSHIP MARKET @friendshipmarket_am
📍地址：金鐘港鐵金鐘站ADM 26-27號舖

#FreshFreshBakery #簡品堂 #FriendshipMarket #金鐘站 by @kumapig88

<🐻👧🏻分享>

每逢大時大節或者要送禮俾親朋好友，我都會諗起香港品牌「品曲奇」，只因佢哋出品講究高質，而且包裝精美，送禮絕對大體高貴，最好係佢幾乎每款產品都有得試食，可以試到啱口味先買

品牌產品堅持香港製造，冇添加色素同防腐劑；材料方面，嚴選蛋香濃郁嘅日本同意大利雞蛋，牛油就選用嚟自法國嘅頂級品牌，一直用心研製同反覆試驗產品，最新推出芝麻糊同雙茶薈萃曲奇禮盒，集經典傳統、本土、高雅等元素

🔹雙茶薈萃曲奇禮盒
選用日本西村優質抹茶同鐵觀音茶葉，茶味清雅濃醇，抹茶回澀且餘韻深長，口感鬆脆，入口即化，啖啖滿足

🔹芝麻糊曲奇禮盒
入秋要食更多黑色食物嚟養腎防寒，食芝麻糊就最適合不過；呢款曲奇選用日本黑芝麻磨粉，芝麻味道非常濃郁溫潤，甜度適中，真係好有食緊芝麻糊嘅感覺

🔹菠蘿醬荔枝曲奇禮盒
已多次回購嘅誠意之作，製作過程比一般曲奇繁複又難掌握；曲奇平衡蛋同牛油香，配搭埋酸酸甜甜嘅菠蘿荔枝果醬，特色又滋味

品曲奇 @pin.cookies.hk
📍中環國際金融中心商場3樓3022A號舖
📍銅鑼灣恩平道28號利園二期2樓221號
📍尖沙咀加拿分道16號金輝大廈地下E號舖
📍旺角西洋菜南街4號昌記大樓地下D號舖

#品曲奇 #曲奇 #pincookies #香港手信 #香港必買 by @kumapig88

<🐻👧🏻食記>

泰國菜向來都好啱我口味，今日放工約朋友去旺角朗豪坊嘅泰菜餐廳「Bamboo Thai」食晚餐；店內裝潢雅緻，環境舒適衛生，一直播放著悠閒泰文歌

🔹大蝦柚子芒果沙律 $98
+$20 轉軟殼蟹
加入椰子片、芫茜、青瓜絲同木瓜絲等；柚子鮮爽嫩甜，芒果香甜多汁，軟殼蟹香脆鮮甜，整體味道層次豐富，開胃之選

🔹薑黃烤鱸魚 $228
佐以檬粉、柚子、生菜、香菜同醬汁；鱸魚面灑上蔥花，魚肉緊緻紮實，外皮輕脆，帶啖啖薑黃味道，點埋酸辣醬汁更滋味

🔹火山排骨 $158
用幾塊甚具份量嘅豬肋骨砌成，形成一座小火山，排骨肉質緊實帶肉香，脂肪比例低，味道集鹹酸辣於一身，同時食到芫茜同蒜香

🔹冬蔭功 $82
加入大頭蝦、秀珍菇、芫荽、香茅等；湯品熱度足，酸辣甜做得好平衡，而且飲到蝦嘅鮮甜

🔹馬拉盞炒泰國椰菜苗 $88
翠綠嘅椰菜苗鮮嫩爽脆而不失扎實感，馬拉盞鮮香濃郁富海味

🔹洛神花黑糖薑茶 $52
酸中帶微甜同薑嘅微辣，解膩又暖笠笠

Bamboo Thai @bamboothai_hk
📍地址：旺角亞皆老街8號朗豪坊8樓02-03號舖

#BambooThai #香港泰國菜 #旺角美食 #旺角 #香港美食 by @kumapig88

<🐻👧🏻食記>

喺新蒲崗開業多年，經常大排長龍嘅人氣店「手拉麵小廚」最近喺美食集中地大角咀開分店，我梗係唔執輸過嚟試一試佢啦

🔹醉雞 $78
+$3 配菜蜜，清甜順口帶草本香，甜度適中；醉雞加咗杞子做點綴，雞皮爽滑帶少少啫喱，雞肉緊緻嫩滑散發住溫潤酒香，完全唔刺鼻

🔹招牌小籠包 (5隻) $59
嚟到手拉麵小廚冇可能唔點小籠包，5 隻小籠包隻隻飽滿包得完好唔易穿皮，外皮柔軟細緻帶輕韌感，咬開係海量鮮甜嘅肉汁同鮮嫩紮實嘅豬肉，配搭埋嫩薑絲同烏醋有畫龍點睛嘅作用

🔹豬扒担担湯拉麵 $69
每次到店必點嘅招牌菜，呢個拉麵份量十足，細食人士真係要搵人 share
炸豬扒鹹中帶甜香，外脆微焦而內嫩，仲完全唔油膩；擔擔麵加咗鮮香肉碎，湯底集麻辣香鮮，食到濃郁花生同芝麻香，味道有層次又平衡，拉麵係由靚仔師傅人工製作，所以粗幼不一，食落滑順彈牙有咬口，係我食過最好食嘅擔擔麵

🔹京式賽螃蟹 $98
材料有蛋白、蟹柳、雞絲，再將蛋黃鋪面，同樣份量極豐，毫不吝嗇；蛋白幼嫩充滿蛋香，同時食到蟹肉鮮味，配搭埋幼嫩蟹肉絲同緊緻雞絲，層次豐富又好味

🔹蝦米津白 $52
食咁多肉一定要嗌返個菜平衡下，估唔到連個菜都絕唔馬虎，上湯濃郁鮮甜有啖啖蝦米香，津白完全吸收到上湯味道，非常出色

📍手拉麵小廚 (埃華街) (大角咀)
地址：大角咀埃華街92號地舖

#手拉麵小廚 #擔擔麵 #大角咀 #大角咀美食 #香港美食 by @kumapig88

<🐻👧🏻食記>

終於轉到新工唔駛再捱更抵夜，梗係要慶祝一下啦，嚟到太子始創中心呢間喺網上口碑唔錯嘅西餐廳「Amica」，環境寬敞且衛生舒適，係一個適合細嚼閒談嘅用餐環境，星期三晚仲有 Live Band 演出

🔹法式燒羊扒配番茄蒜香珍珠洋薏米 $168
▶️每日鮮制餐湯 (半價享用 $16) - 意大利雜菜湯：以大量蔬菜同番茄煮成，茄香濃郁，鹹甜酸好平衡；配嘅法式蒜蓉包外脆內軟，食到牛油同蒜蓉香

主菜燒羊扒外焦內嫩見到明顯嘅炭烤網紋，切開係粉嫩色澤，肉汁豐富，肉質緊緻細嫩帶少少筋，食到羊嘅味道又唔帶羶，點埋醬汁有提味作用；少有用珍珠洋薏米作為主食，軟糯有𡁻頭仲食到好重茄香，配菜意瓜亦好嫩甜

🔹香煎三文魚配孜然椰菜花 $178
▶️法式龍蝦湯 (半價享用 $24)：質感幼滑細緻，飲到奶油同龍蝦膏味道，鮮美甘甜

主菜香煎三文魚外皮灑上芝麻同蒜粒，煎至外皮香脆，肉厚嫩滑又多汁，油香四溢；椰菜花保持爽脆口感，食到烘烤嘅孜然味，配搭埋酸中帶奶油香嘅醬汁好滋味

Amica @amica_hk
📍地址：太子彌敦道750號始創中心3樓315-317號舖

#Amica #太子 #太子美食 #香港美食 #香港西餐 by @kumapig88

<🐻👧🏻食記>

收藏咗好耐嘅小店，星期日嚟屯門順便去朝聖，點咗香茅豬肉法包＄42，加雞蛋＄5，配咖啡＄10，另外點咗份春卷，3 條＄40

點餐後俾埋錢等大約 15 分鐘有得拎，法包同春卷都熱焫焫，咖啡啡香偏重，奶比例唔高又唔太甜，唔錯！

法包好有份量，包體外脆內軟口感上佳，香茅豬肉脂肪比例高，味道唔差不過香茅味唔算好重，加埋芫荽、胡蘿蔔絲、酸蘿蔔、青瓜同肝醬等，層次豐富，味道幾好但未算超驚喜！

春卷炸得好脆又唔算好油，餡料夠多又爽口，配搭埋青瓜、生菜同酸蘿蔔有解膩作用，整體嚟講係性價比高嘅一間小店！

Tuen Mun Baguettes
📍地址：屯門達仁坊24號好運洋樓地下15號舖

#TuenMunBaguettes #屯門美食 #香港美食 #越南法包 #BanhMi by @kumapig88