Instagram story viewer> @lovreese_> Posts
lovreese_(@lovreese_)'s profile avatar HD Profile

lovreese_

@lovreese_

163
followers
81
following
POSTS STORIES REELS TAGGED
| Hindi ko alam, pero iyon ang larawang nanatili sa paningin ko mula sa simula. Hindi dahil wala akong suot na salamin, kundi dahil napaiyak na ako agad sa umpisa pa lang. Marahil mula sa simula, may pagkakatulad kami ng magkapatid na sina Laya at Kala. Si Laya, na takot magbalanse ng gamit sa ulo dahil lagi niyang iniisip na babagsak ito. Pero sa huli, natagpuan niya ang tapang na sumayaw nang walang takot at walang pag-aalinlangan. Si Kala naman ang naging inspirasyon ni Laya—siya ang unang nag-ensayo ng pagbalanse ng kandila sa ulo, ang lubos na hinahangaan ni Laya. Ngunit ang pagiging inspirasyon ba ay isang biyaya o isang sumpa? Habang si Laya ay natututong sumayaw, si Kala naman ay unti-unting nagigising—hindi sa liwanag ng kandila, kundi sa katotohanang matagal nang nagtatago sa dilim. Namulat si Kala sa katotohanan ng bansang ito. "After Martial Law: May Nagbago Ba?" ang malaya niyang isinulat. Nang ipinamahagi niya ito upang imulat din ang iba, sinundan siya ng taong hindi niya kilala. Patuloy pa rin pala ang sensura. Sina Nanay Lucia at Tatay Ondeng, ang kanilang mga magulang, ay punong-puno ng pagmamahal sa mga anak at sa teatro. Ang sabi nila, magiging gabay ang ilaw. Pero ano ang silbi nito kung may isang hindi na makauuwi? At sa alaalang iyon, nananatili ang mga ilaw na sinindihan nila—mga ilaw na hindi lamang nagsisilbing gabay, kundi nagiging alaala mismo. Bawat ilaw ay isang alaala. Bawat alaala ay isang hakbang. Bawat hakbang ay isang dasal. Sa dilim, may liwanag. Sa liwanag, may sayaw. At sa sayaw, may pag-asa. Hindi natatapos ang sayaw sa pagpatay ng ilaw—nagpapatuloy ito sa mga pusong nagdadala ng liwanag. ——— #SayawNgMgaIlaw #TanghalangPilipino #UtakPusoBayan #TP40 #NeverForgetNeverAgain by @lovreese_
0
12 days ago
Download
×

Download all media on this page

Photos Videos
back to up